ѓумбир – Kurir.mk

Чај од ѓумбир: Одличен против настинки, регулација на шеќерот, регенерација на црниот дроб

Ивона Петрова — Thu, 26 Oct 2023 15:06:44 +0000

Ѓумбирот е една од најдобрите состојки кои можеме да ги користиме во исхраната поради многуте бенефити за нашиот организам и здравје. Тој е одличен за намалување на проблемите со варењето, главоболките и мачнините, но и за губење на килограмите. Сепак, во текот на есента и зимата највеќе го препорачуваме поради тоа што го чува имунитетот и штити од грип и настинки. Воедно, помога за регулација на шеќерот во крвта, го намалува холестеролот и го регенерира црниот дроб. Потребни состојки: Корен од ѓумбир (излупен и исецкан на парчиња) 250 мл вода Мед (за подобар вкус) Начин на подготовка: Загрејте ја водата до температура на вриење, но не дозволувајте да преврие. Додадете го ѓумбирот и оставете да отстои околу 5 минути. Додадете мед по желба. Пијте го овој чај топол.

Топи масти за 10 часа: Пред да заспиете, испијте го овој напиток

Ивана Ефремовски — Mon, 10 Apr 2023 18:30:13 +0000

За да изгубите вишок на килограми и за да го исчистите својот организам, треба да јадете здрава храна. Освен тоа, потребно е и да имате физичка активност. Но и покрај тоа можете да конзумирате напиток со кој ќе го исчистите и ќе го опоравите вашиот организам. Овој напиток се пие еден час пред спиење. Состојки: Еден цеден лимон малку магдонос 1 мала лажичка цимет 1 мала лажичка ѓумбир Подготовка: Измешајте ги овие состојки во вода и испијте го веднаш. Ѓумбирот и циметот можете да го користите како додаток во храната, на пример циметот можете да го додадете и во слатки работи. Ѓумбирот можете да го додадете во салатата. Исто така, можете да направите и чаj од ѓумбир кој ќе го пиете два пати во денот. Ѓумбирот треба да стои во готвена вода 5 минути, а потоа да го извадите.

Тоник од ѓумбир за здрава коса

Ивона Петрова — Mon, 20 Mar 2023 07:54:17 +0000

Тоник за коса од ѓумбир е многу силен производ, кој се нанесува директно на коренот на косата. Можете да го втриете пред миење или да го оставите да се исуши без да го исплакнете. Сигурно ќе има подобар ефект доколку е подолго на косата. Измијте неколку корени од ѓумбир и изблендирајте ги што е можно поситно. Добиената паста процедете ја низ крпа и ќе добиете чист сок од ѓумбир. Ако имате соковник, тој што сам го цеди сокот, ставете ги корените во него. Така ќе добиете најмногу сок. Овој тоник не се чува долго време, најмногу 7 дена на студено место. Откако ќе го искористите, повторно направете доколку ви одговара. Не се додава ништо, само втријте го во скалпот. Можно е да почувствувате пецкање, но тоа е во ред. Тоникот делува на циркулацијата на крвта. Резултатите за раст ќе бидат одлични.

Чајот од ЃУМБИР е спас за трудниците! Ги решава најчестите ПРОБЛЕМИ СО МАЧНИНИ, а лесно се спрема!

Ристе Здравков — Wed, 21 Dec 2022 15:16:58 +0000

Чајот од ѓумбир е одличен за трудници. Бидејќи 80 проценти од жените доживуваат утрински мачнини во првиот триместар, а овој чај може да биде вистински спасител за тие болести. Се смета дека два типа на соединенија содржани во ѓумбирот делуваат на рецепторите во дигестивниот систем и го забрзуваат празнењето на желудникот, што пак може да помогне во намалувањето на гадењето и повраќањето во бременоста. Препорачана доза и можни несакани ефекти Чајот од ѓумбир генерално се смета за безбеден за бремени жени, но во разумни количини. Истражувањата покажаа дека 1 грам ѓумбир дневно или 4 шолји (950 ml) чај од ѓумбир е сосема безбеден. Истражувањата не открија поврзаност помеѓу консумирањето ѓумбир за време на бременоста и зголемениот ризик од предвремено породување, раѓање на мртво дете, мала тежина при раѓање или други компликации. Сепак, некои докази сугерираат дека чајот од ѓумбир не треба да се пие ако сте блиску до породување бидејќи може да го зголеми ризикот од крварење. Бремените жени со историја на спонтан абортус, вагинално крварење или проблеми со згрутчувањето на крвта исто така треба да избегнуваат производи од ѓумбир. Честото консумирање чај од ѓумбир може да доведе до непријатни несакани ефекти кај некои жени, вклучувајќи киселини, гасови и подригнување. Ако ги почувствувате овие симптоми, намалете ја количината на чај што го пиете. Рецепт за чај од ѓумбир Можете да користите сув или свеж ѓумбир. Употребете сиров ѓумбир со ситно сечкање или рендање, а потоа натопете една кафена лажичка (5 g) во топла вода. Ако ви се чини дека чајот е доста јак, едноставно разредете го со вода. Можете да прелиете врела вода врз кесичка чај од сушен ѓумбир и оставете ја да отстои неколку минути пред да ја испиете. Чајот од ѓумбир испијте го полека за да не го внесете премногу брзо во телото, што може да предизвика гадење.

Ѓумбир за здравје и круша за душа: Направете детоксикација со ОВОЈ природен сок

Ивана Ефремовски — Tue, 20 Dec 2022 15:05:31 +0000

Ѓумбирот е исклучително здрав за луѓе од сите возрасти, а е ефикасен и кога станува збор за детоксикација на организмот. Детоксикација на тело секогаш ни е потребна заради нездравата храна која секојдневно ја внесуваме во себе. Ѓумбирот е исклучителна намирница која може да ни помогне во тоа. Ѓумбирот е здрав корен кој го зајакнува имунитетот и ја потиснува кашлицата. Покрај ѓумбирот, во овој сок оди и круша, сочно и вкусно овошје со голема хранлива вредност, многу диетални влакна кои ќе го задржат чувството на ситост и ќе ве спречи помеѓу оброците да посегнете по нездрави грицки, како и краставица, природно средство за чистење на телото полно со калиум. Овој одличен природен сок ќе го исчисти организмот, добро ќе го нахрани и ќе ве направи сити. Пробајте го овој едноставен и вкусен рецепт. Потребно е: 3 круши 2 прстени ѓумбир четвртина краставица Подготовка: Сите состојки ставете ги во блендер. Овој освежувачки сок можете да го пиете како меѓуоброк.

Нашите баби биле поздрави од нас, а не користеле лекови: Ова се нивните тајни за здравје

Ивана Ефремовски — Thu, 24 Nov 2022 09:01:33 +0000

Нашите баби имале многу помалку лекови од нас, а и посетите на доктор биле поретки. И покрај тоа, тие биле здрави. Некои лекови кои ги користеле и денеска се поефикасни од лековите од аптека. Солена вода ги намалува болките во грлото Против бактериските воспаленија на грлото овој домашен лек не помага. Меѓутоа, доколку само не боли грлото тогаш гаргарата со солена вода може да направи чуда. Растопете една лажиса сол во 200 милилитри млака вода. Правете гаргара колку долго можете, но никако не голтајте. Ѓумбир против мачнини На сите им е познато чудотворното дејство на ѓумбирот. Во кујната на баба, најчесто се користел против мачнини. Една шолја чај од ѓумбир го смирува желудникот и помага при утринските мачнини за време на бременоста како и за мачнините при патување. Суви сливи против запек Сувите сливи се полни со материи за баланс, што го подобрува работењето на цревата и помага при непријатниот запек. Важни правила за дозирање: Одмрзнете околу 5-10 суви сливи и оставете да преноќат. Наутро јадете ги меки. Водата во која стоеле преку ноќ исто така можете да ја испиете. Лавандата против несоница Кога ќе помислите на собата на баба, се уште може да го почувствувате мирисот на лаванда. Имено, исушените цветови лаванда во кесички се моќно средство против проблемите со несоница. Во меѓувреме тоа е потврдено и од науката. Мирисот на лаванда го намалува крвниот притисок, смирува и ги намалува отчукувањата на срцето.

Сите знаеме дека ѓумбирот е здрав, но во ОВИЕ состојби НЕ СМЕЕТЕ да го користите

Ивана Ефремовски — Mon, 05 Sep 2022 13:48:31 +0000

Ѓумбирот е многу здрав, а веројатно тоа веќе го знаете од текстовите на интернет порталите кои постојано го споменуваат како намирница која се користи во кулинарството, но и во козметичките производи. Сепак, во некои случаи не смеете да ја консумирате оваа билка. Ѓумбирот е корен кој ги зајакнува мускулите и го поттикнува варењето, а доколку сте бремени, ваквите стимулации можат да доведат до предвремени контракции. Во раната бременост, ѓумбирот може да ги елиминира мачнините, но немојте да го користите во последните три месеци од бременоста. Ѓумбирот ја зголемува циркулацијата и протокот на крвта што е одлично за оние кои страдаат од дијабетес или имаат проблем со дебелината. Но, за лицата кои имаат проблеми со коагулација на крвта, тој може да биде многу штетен и може да доведе до обилно крварење дури и кај малите повреди, така што може да го неутрализира дејството на некои лекови. Доколку земате лекови за висок крвен притисок, ѓумбирот може да има негативно влијание. Оваа билка го намалува ефектот на силните лекови како што се бета-блокаторите, антикоагулансите и инсулинските дози. Лицата кои пробуваат да ја зголемат телесната тежина не треба да консумираат ѓумбир бидејќи е полн со влакна кои го намалуваат апетитот. Исто така, преголемата консумација на ѓумбир може да доведе до губење на килограмите, опаѓање на косата и нередовен циклус.

Моќен пијалак: Пијте го на празен стомак и масните наслаги ќе се топат

Ивана Ефремовски — Tue, 05 Jul 2022 18:38:18 +0000

Комбинацијата на овие состојки го прави пијалакот толку моќен што ќе ги стопи сите масни наслаги што ги имате. Се пие секое утро на празен стомак, а доколку е потребно, ако се чувствувате гладни, можете да го пиете меѓу оброците. За да се подготви ќе ви требаат: -Неколку прстени ананас -Неколку лисја свежо нане -1 лимон -Парче свеж ѓумбир -Лажичка мед Начин на подготовка: Ставете ананас и ѓумбир во блендер, измешајте се и на крај исцедете го лимонот, додајте исечкано нане и засладете со лажичка мед. Овој пијалок ќе започне со процесот на детоксикација, ја исфрла водата и согорува масни наслаги многу брзо. Ѓумбирот ја крева температурата и со тоа согорува маснотии. Медот има еднаков ефект врз загревањето. Лимонот и нането ја подобруваат брзината на варење и согоруваат повеќе калории. Ананасот е клучна состојка во овој пијалок затоа што содржи ензимски бромелаин, кој има корисен ефект врз слабеењето и има антиинфламаторно дејство, со што се елиминира надуеноста. Фруктозата што ја содржи ќе ја потисне желбата за слатки и со тоа ќе го намали внесот на калории.

Престанете да купувате ѓумбир, насадете го сами дома

Магдалена Андонова — Sat, 11 Jun 2022 17:23:33 +0000

Ѓумбирот, како еден од најпознатите вкусни и здрави зачини, имаат карактеристична арома и вкус кој обезбедува бројни здравствени придобивки. Често се препорачува како лек против гадење и стомачни проблеми. Има моќни антиинфламаторни својства кои ја ублажуваат болката во зглобовите и мускулите, а овие карактеристики ја олеснуваат вкочанетоста како резултат на остеоартритис. Освен стомачните проблеми, ѓумбирот може да ја олесни и менструалната болка и да го олесни варењето. Значи, дефинитивно треба да го вклучите овој неверојатен зачин во дневното мени. Можете да направите чај од ѓумбир чај, или да го додадете коренот од ѓумбир изрендан во десерти или други оброци. Што е уште поинтересно, ѓумбирот можете да го одгледате во вашиот дом и на тој начин да имате бесконечни резерви во секое време кога ќе ви затреба. Toa што треба да направите е следново: Не купувајте корени ѓумбир од продавниците за храна, бидејќи е можно да се прскаат со хемикалии и да имаат во себе инхибитори. Наместо тоа земете плиток и широк сад и пополнете го со богата почва. Потоа, ставете го коренот ѓумбир во вода преку ноќта. Следното утро, ставете го коренот во почвата со пупките кои се насочени нагоре. Осигурајте се дека корените се покриени со 2 сантиметри земја. Потоа, добро го натапкајте и ставете го садот на топло и пријатно место, но затскриени од сонцето. За да ја задржите влагата прскајте го и само по неколку недели ќе ги забележите првите резултати. Ѓумбирот расте ниско, што значи дека можете да го раснете во удобноста на вашата куќа. Веднаш штом ќе отсечете дел од негоа, остатокот ќе продолжи да расте. Ќе видите колку е лесно да се развива сопствена бесконечна набавка на ѓумбир, која е без опасни индустриски хемикалии!

Сакате да ослабете пред да одите на летен одмор? Ви треба само ОВАА состојка!

Ивана Ефремовски — Wed, 01 Jun 2022 17:39:24 +0000

Ако сакате да ослабете пред почетокот на летните одмори, но и да го забрзате својот метаболизам на здрав начин, ви треба една состојка. Оваа состојка ќе ги стопи вашите маснотии на многу здрав начин, за разлика од другите состојки. Се работи за ѓумбирот. Во големо тенџере ставете 1,5 л вода, а потоа во неа додадете 15-20 парчиња исечкан ѓумбир. Потрудете се парченцата да се ситни, со должина од 4-5 см. Оставете да проврие. Оваа смеса потоа ставете ја во термос и пијте ја во текот на целиот ден. Најдобри резултати дава доколку се пие топла. Извор е на минералите калиум, фосфор и витамин Ц. Значајно влијае на подобрување на метаболизмот и варењето. Водата од ѓумбир освен што ги топи маснотиите, го чисти и организмот од токсини, но и инфекции.