глас за македонија – Kurir.mk

СКАНДАЛ: Директорот на ЈСП со закани до советникот Јаневски – сакал физички да се пресмета, а еве каков одговор доби!

Ивана Ефремовски — Thu, 29 Sep 2022 20:54:28 +0000

По завршувањето на денешната седница, в.д. директорот на ЈСП Скопје, Александар Стојковски, лично ми се закани дека физички ќе се пресмета со мене, обелодени советникот Филип Јаневски од партијата „Глас за Македонија“. „Критиките кои ги упатив за неговото неработење, непочитување на одлуките на Советот на Град Скопје како и самоволието на директорот, беа причина тој да ми упати закани во неколку наврати! Како млад политичар со интегритет, кој секогаш ги брани интересите на граѓаните, никогаш нема да потклекнам на притисоци и закани од било кој поединец или група и ќе продолжам да работам во интерес на граѓаните на Град Скопје“ - реагира Јаневски!

Глас за Македонија повикува на народниот протест: Сплотено против срамот и распродажбата на нашиот идентитет!

Тале Кристо — Thu, 26 Nov 2020 14:47:26 +0000

Глас за Македонија ве повикува на народниот протест вечер пред Влада! Сплотено против срамот и распродажбата на нашиот идентитет!, напиша на својот Фејсбук профил Солза Грчева, лидер на Глас за Македонија.

Глас за Македонија нема да учествува на предвремените локални корона избори во Штип

Ивана Ефремовски — Wed, 04 Nov 2020 15:18:36 +0000

Како општествено одговорна партија, иако сме јавно предизвикувани да учествуваме на изборите, нашиот единствен одговор е: НЕ! Сметаме дека на уште едни “корона“ избори не треба да се настапува, иако имаме одличен кандидат. Тие нема да бидат ниту фер, ниту демократски, а најмалку безбедни, порачаа од партијата Глас за Македонија. -И еден изгубен човечки живот поради оваа сложена операција, ќе биде доволна причина да не влегуваме во опасна авантура. Ако во Јули 2020 се велеше дека мора да се одржат предвремените парламентарни избори поради доаѓањето на вториот жесток бран на пандемијата, какво е оправдувањето токму среде тој бран да се одржуваат било какви избори?! Однесувањето на премиерот Заев, кој “мораше“ токму актуелен градоначалник да назначи за министер, го сметаме не само за неодговорно, туку и за директно загрозување на јавната безбедност, велат од партијата. Тие оценуваат дека Македонија многу лошо се справува со епидемијата. -Бројките на заразени, а посебно смртноста се меѓу највисоките во Европа. Болничките капацитети се полни, здравствените работници се на работ на издржливост. Влегуваме во нова, можеби најопасна фаза на пандемијата кога во целиот свет се воведува целосно или делумно затворање на цели региони, кога секој доктор и медицинска сестра се ставаат во функција на здравството. А кај нас се најавени избори, кои не мораа и не смеат да се случат. Затоа ги повикуваме Министерот за здравство, господинот Филипче и Комисијата за заразни болести да не потклекнуваат по втор пат пред политиката и да не дадат виза за оваа масовна операција. Во спротивно и нив ќе ги сметаме за соучесници во ширењето на заразата. Заради сето погоре кажано, Глас за Македонија никако нема да учествува на ниту едни избори кои се среде ваква опасна пандемија. Предвремени или редовни. Здравјето на граѓаните пред се и над се, порачаа тие.

„Глас за Македонија“: Заев да си понесе итна и неотповиклива оставка, крахот нека не го претставува како успех

Ивана Ефремовски — Sun, 30 Sep 2018 21:33:32 +0000

Партијата „Глас за Македонија“ бара итна и неотповиклива оставка од Зоран Заев. -Денес, македонскиот народ и останатите граѓани на Република Македонија, јасно покажаа дека неговата политика на бесконечни кршења на законите, доживеа вистински бродолом. Народот одлучно кажа дека е против преименување на Македонците и на Македонија. Обидот да создаде вештачка творба наречена Северна Македонија е неприфатлив за огромното мнозинство, порачуваат од партијата на Солза Грчева. Од „Глас за Македонија“ му порачуваат да престане да манипулира и крахот да го претставува како успех. - Уште од првиот Законик на Хамураби, законите постојат да се почитуваат и следува казна за нивно кршење. Со својот однос, Заев се обидува да не врати во камено доба. Нема да му дозволиме да продолжи со својата политика на се или ништо. Впрочем, тој денес стигна до “ништо“. Оставка, порачуваат од партијата.

Глас за Македонија: Бараме итна оставка од оваа Влада и распишување на предвремени избори

Ивана Ефремовски — Sun, 15 Jul 2018 10:35:10 +0000

Бараме итна оставка од оваа Влада и распишување на предвремени избори. Секој ден поминат на власт, ги чини граѓаните и Република Македонија многу. Штетите кои ги прави со своето поданичко однесување, штетите кои ги прави и во секој систем внатре во државата, ќе треба да се санираат со години. Ова го истакнуваат од политичката партија Глас за Македонија. -Синоќешниот дебакл на владините, прескапо платени пропагандни настани е јасен показател за расположението на мнозинството на македонскиот народ и на сите граѓани, од нивните политики. Не успеаја да го излажат народот дека треба да слави себе укинување за да добие препораки за препораки. Како во црн тоталитарен режим, народот требаше да воспева во еден глас евентуално приклучување кон воена алијанса. Ова е цивилизациско дно. Но, ова е и еден вид консултативен референдум. Фалбите на Заев дека 75% од граѓаните се за прифаќање на срамната спогодба, се сведоа на едвај вкупно 750 луѓе, главно партиска војска. Не успеаја дури ни своето партиско членство во поголем број да го доведат на музичките настани. Сега им е веројатно јасно дека бројките за поддршка на евентуалниот референдум со кои манипулираат, ќе бидат поразувачки за нив. Бараме да ја преземат одговорноста за погубното владеење, порачуваат од партијата.