Се гласа од 7 до 19 часот

Ивона Петрова — Sun, 31 Oct 2021 05:30:06 +0000

Гласањето на локалните избори започнува во 7:00 часот и трае непрекинато до 19:00 часот. Ако гласањето биде прекинато подолго од еден час, тоа ќе продолжи за онолку време колку што траел прекинот, но не подолго од три часа. Во 19:00 часот гласачките места се затвораат. На избирачите затекнати во објектот каде што се гласа им се овозможува да гласаат. Гласачкото место на кое гласале сите граѓани запишани во изводот од Избирачкиот список може да се затвори и пред 19:00 часот, по претходна согласност од надлежната ОИК, но не отпочнува со броење на гласовите пред 19:00 часот. Записниците и другиот изборен материјал, избирачкиот одбор ги доставува до Општинската изборна комисија, односно Изборната комисија на градот Скопје, во рок од пет часа по завршувањето на гласањето. Изборниот материјал до ОИК го доставува претседателот на ИО во придружба на заинтересирани членови на ИО или претставници на подносителите на листите и претставници од полицијата, ако за тоа има потреба.

Почна гласањето во Охрид, Струга, Дебрца, изборниот процес се одвива непречено

Ивона Петрова — Wed, 15 Jul 2020 07:26:04 +0000

Сите 89 избирачки места во Општина Охрид се отворени навремено и гласањето на 10-тите парламентарни избори се одвива непречено. На предвремените избори право на глас имаат 52.510 граѓани на Охрид вклучувајќи ги и нашите иселеници, со тоа што тие ќе можат да гласаат само доколку лично се појават на гласачкото место каде се впишани. Што се однесува на специфичните условите под кои се спроведуваат овие избори поради епидемијата на коронавирусот, заради поголема безбедност на гласачите 20 избирачки места се префрлени на други локации бидејќи претходните не ги исполнуваа предвидените услови. На старите места се поставени известувања за новите локации каде ќе можат гласачите да го дадат својот глас. Изборниот процес почна да се реализира и на територијата на Општина Дебрца, каде се евидентирани 4.422 гласачи кои ќе гласаат на 28 избирачки места. Таму нема промени на локациите на гласачките места. Гласачките места беа навреме отворени и на територијата на Општина Струга, каде на 101 избирачкo местo ќе можат да гласаат вкупно евидентирани 60.810 лица со право на глас. Промени на локација во Струга има само на две избирачки места. Инаку, поради новонастанатата ситуација со епидемијата на КОВИД-19, за прв пат гласачкиот процес наместо 12 ќе трае 14 часа, гласањето ќе се одвива од 7 часот наутро до 21 часот вечерва.

гласачка кутија – Kurir.mk

Се гласа од 7 до 19 часот

Почна гласањето во Охрид, Струга, Дебрца, изборниот процес се одвива непречено