гласачки ливчиња – Kurir.mk

Во БиХ почна печатењето на 14 милиони гласачки ливчиња за изборите во октомври

Дарко Андоновски — Mon, 22 Aug 2022 10:21:42 +0000

Во Босна и Херцеговина започна печатењето на гласачките ливчиња за општите избори што ќе се одржат на 2 август, соопшти Централната изборна комисија на Босна и Херцеговина. ЦИК на официјалниот Твитер профил објави видео од печатењето на 14 милиони гласачки ливчиња. На изборите на 2 октомври граѓаните ќе избираат кандидати на повеќе нивоа на власт – за Претседателството на Босна и Херцеговина, Парламентот на Босна и Херцеговина, ентитетските парламенти и кантоналните собранија. За Претседателството на Босна и Херцеговина, кандидати за член од редовите на бошњачкиот народ се Денис Беќировиќ, Мирсад Хаџикадиќ и Бакир Изетбеговиќ. Од хрватскиот народ граѓаните ќе избираат меѓу Жељко Комшиќ и Борјана Кришто. А кандидати за српски член на Претседателството на БиХ се Жељка Цвијановиќ, Ненад Нешиќ, Мирко Шаровиќ, Борислав Бијелиќ и Војин Мијатовиќ. Право на глас имаат и државјаните на БиХ во странство.

Утврден редоследот на гласачките ливчиња за избор на градоначалници на Центар Жупа и Маврово-Ростуше и за членови на Советот на Тетово

Тале Кристо — Mon, 25 Jul 2022 11:38:58 +0000

Државната изборна комисија (ДИК) на денешната седница го утврди распоредот на кандидатите на гласачко ливче за изборот на градоначалници на општините Центар Жупа и Маврово-Ростуше, како и за членови на Советот на Општина Тетово, преку влечење на жрепка од страна на овластените претставници на партиите и групите избирачи. Под број еден на гласачките ливчиња ќе бидат кандидатите за градоначници на Центар Жупа и на Маврово-Ростуше на коалицијата „Најдоброто за мојата општина“ предводена од СДСМ, под број два на Коалицијата на ВМРО-ДПМНЕ, а под број три на Демократска партија на Турците во Македонија (ДПТМ). На гласачкото ливче за избор на членови на тетовскиот општински Совет под бројот еден ќе биде листата на коалицијата предводена од СДСМ, а под бројот два на ВМРО-ДПМНЕ. Под бројот три е ДПА, под четири е Политичката партија ИНТЕГРА, а под бројот пет Група избирачи Агрон Заими. Под бројот шест е Алтернатива, под седум е листата на Алијансата за Албанците, а под бројот осум е Движењето БЕСА. Листата на ДПТМ ќе биде под бројот девет, а Групата избирачи Елмедина Абдулаи ќе биде под бројот 10. Листата на ДУИ ќе се најде на кандидатското ливче под бројот 11, на Партијата за целосна еманципација на Ромите под број 12, а на Левица ќе биде 13-та. Исто така, на денешната седница преку влечње на жрепка беа утврдени и локации на рекламни паноа и билборди за политичко рекламирање за избори за градоначалник на општините Центар Жупа, Маврово и Ростуше.

ДИК: Недостасуваат 2013 гласачки ливчиња

Ивана Ефремовски — Fri, 17 Jul 2020 18:42:40 +0000

Државната изборна комисија врз основа на податоците во доставените податоци од записниците од општинските избори комисии, избирачките одбори и целокупниот останат изборен материјал, утврди дека: -Вкупен број на избирачи запишани во Избирачкиот список изнесува 1.814.236 -Вкупен број на избирачи кои гласале – 942.334 -Вкупен број на неупотребени гласачки ливчиња – 869.889 -Вкупен број на важечки гласачки ливчиња – 910.868 -Вкупен број на неважечки гласачки ливчиња – 31.466. Но, кога од 1.814.236 гласачи со право на глас, ќе се одземат 942.334 лица кои гласале, се добива бројката од 871.902 лица кои не се гласале, што значи дека толку треба да биде бројот и на неупотребени гласачки ливчиња. Но, според овој Заклучок на ДИК, бројот на неупотребени гласачки ливчиња изнесува 869.889 што значи недостигаат 2.013 ливчиња.

Неважечки 31.107 гласачки ливчиња на изборите

Тале Кристо — Thu, 16 Jul 2020 06:48:59 +0000

Државната изборна комисија регистрира 31.107 неважечки ливчиња на вчерашните предвремени парламентарни избори, според обработени 3.421 од 3.480 избирачки места. Бројот на важечки ливчиња изнесува 869.533. Гласале 927 640 граѓани или 51 отсто од вкупно запишаните 1 814 263 во Избирачкиот список. Десеттите парламентарни избори поради актуелните услови на пандемија на коронавирусот траеја три дена, а се гласаше со маски и други превентивни мерки според протоколот што го утврдија здравствените институции.

Шокантно: Над 300 лица починаа поради премор од рачно броење гласачки ливчиња

Ивана Ефремовски — Mon, 29 Apr 2019 08:17:16 +0000

Единаесет денови откако во Индонезија се одржаа најголемите еднодневни избори во светот, над 300 луѓе од изборната администрација починаа повеќето од болести причинети од премор по долги часови рачно пребројување изборни ливчиња. Тоа го соопшти денеска претставник на властите. На 17 април во таа држава со 260-милионско население, за првпат се одржаа во ист ден претседателски избори, избори за националниот дводомен парламент и за регионални законодавни органи. -До овој момент, 287 членови на избирачки комисии и 18 полицајци одговорни за редот за време на изборите починаа, повеќето поради премор, додека 2.096 луѓе се болни, изјави Ариеф Пријо Сусанто, портпарол на изборната комисија. Министерството за здравство испратило на 23 април писмо во кое бара од болниците да обезбедат најдобра медицинска помош за болните службеници, а Министерството за финансии ќе компензира семејства на починатите. Изборната комисија беше остро критикувана поради големиот број смртни случаи поради премор. Пребројувањетона гласовите завршува на 22 мај кога ќе бидат објавени конечните резултати.

Гласачките ливчиња ќе бидат без „Северна“: Ќе стои знамето, имињата и редните броеви на кандидатите со симболите на партиите

Ивана Ефремовски — Thu, 18 Apr 2019 11:43:51 +0000

Претставниците на Државната изборна комисија, под силно полициско обезбедување, денеска од битолската печатница го подигнаа доверливиот гласачки материјал. Истите потоа се упатија до осумдесетте општински изборни комисии. На гласачките ливчиња ја нема придавката „Северна“. -Гласачкото ливче го содржи знамето на нашата држава, редните броеви на кандидатите, имињата и презимињата на кандидатите и симболите на политичките партии кои дадоа согласност да стојат тие симболи. Никакви други ознаки на гласачкото ливче нема и да не се доведува во заблуда јавноста дека има какви било други додатоци, рече Дерковски. Овие ливчиња имаат 21 заштита. -Не е возможно да се фалсификува ниту едно ливче, а оригиналните записници се направени на заштитна хартија со неможност да се копираат, нема можност да се преправаат и на специјална хартија има генерирарни податоци за секое гласачко место, рече директорот на печатницата “Киро Дандаро“ Драги Милошевски. За претседателските избори, на избирачкиот список се запишани 1.808 131 гласач

Почна дистрибуцијата на гласачките ливчиња до ОИК за референдумот

Ивона Петрова — Thu, 27 Sep 2018 18:59:13 +0000

Од печатницата „Киро Дандаро“ од Битола утрово почна дистрибуцијата на гласачкиот материјал за референдумот за името закажан за в недела. Претседателот на Државната изборна комисија (ДИК) Оливер Деркоски изјави дека дистрибуцијата на гласачките ливчиња за референдумот почна по проверката што членови на Комисијата ја направија во печатницата „Киро Дандаро“. Оцени дека подготовката на референдумскиот материјал завршила одлично. - Во текот на денот со помош на возила на Македонски пошти и наши екипи материјалот ќе биде дистрибуиран до ОИК, рече Деркоски. Право на глас на плебисцитарното изјаснување имаат 1.806.336 гласачи, запишани во Избирачки список. Гласачкиот материјал за референдумот се доставува директно до општинските изборни комисии, кои пак според роковникот на ДИК се должни еден ден пред денот на одржување на референдумот да го предадат на избирачкиот одбор. Референдумот ќе се спроведува на 3.480 избирачки места во 80 општини во земјата. Болните, изнемоштемите, лицата во домашен притвор, затворениците и државјаните на Република Македонија во странство гласаат еден ден пред референдумот, односно на 29 септември. Референдумското прашање гласи: Дали сте за влез во ЕУ и НАТО со прифаќање на Договорот меѓу Република Македонија и Република Грција?“, а гласачите што ќе излезат на референдумот со заокружување со сино хемиско пенкало треба да се изјаснат дали се „за“ или „против“. Гласањето на 30 септември почнува во 7 часот наутро и завршува во 19 часот. ДИК првичните резултати од референдумот добиени по електронски пат ги објавува сукцесивно, а резултатите врз основа на податоците од записниците и целокупниот гласачки материјал од ОИК, во рок од 24 часа по приемот на записниците и целокупниот гласачки материјал од сите ОИК. Резултатот од гласањето, ДИК го објавува во „Службен весник“ во рок од 15 дена од денот на одржување на референдумот. МИА