гласачки места – Kurir.mk

МВР: Досега нема регистрирано нарушување на јавниот ред и мир на гласачките места

Ивона Петрова — Wed, 15 Jul 2020 08:18:22 +0000

Досега нема регистрирано нарушување на јавниот ред и мир на гласачките места, информира за МИА портпаролот на МВР, Тони Ангеловски. – Според информациите што ги имаме добиено заклучно со 9 часот нема нарушувње на јавниот ред и мир и изборите се одвиват мирно и во најдобар ред, изјави портпаролот на МВР, Ангеловски.

Во Штип се отворени гласачките места

Тале Кристо — Wed, 15 Jul 2020 07:26:53 +0000

Во Штип отворени се сите избирачки места во 7 часот, информираат од Општинската изборна комисија. Право на глас во Општина Штип имаат 39 564 граѓани, а се гласа на 77 избирачки места. Сенка Андреева претседател на ОИК Штип вели дека се гласа според здравствените протоколи на сите избирачки места. Членовите на избирачките одбори имаат маски, ракавици и дезинфециони средства, кои мора да ги менуваат според здарвствените протоколи. Вчера гласаа болните и неможни лица, а завчера болните од Ковид-19 и оние кои се во изолација. Во штипскиот затвор од 193 гласачи своето право на глас го искористиле над 80 % од осудениците. На гласачките места во централното градско подрачје е раздвижено, а излезност на некои од нив веќе достигнува и над 12 % до 8.30 часот.

Отворени гласачките места во општините Ресен и Демир Хисар

Ивона Петрова — Wed, 15 Jul 2020 06:28:59 +0000

Во општините Ресен и Демир Хисар утрово се отворени гласачките места и изборите се во тек. Претседателот на ОИК Ресен Кирил Танески изјави дека во седум часот се отворени сите 50 избирачки места, на кои денеска може да гласаат 16.580 избирачи со право на глас. -Во Општина Ресен вчера гласаа 109 гласачи, додека на првиот ден од изборниот процес гласаа 59 лица заразени од Ковид-19, рече Танески. Непречено почна изборниот процес и во Демир Хисар, потврди претседателот на тамошната ОИК Митко Јанкуловски. -Во Општина Демир Хисар право на гласа имаат 7.041 полнолетни гласачи и тие денес може да гласаат на 36 избирачки места, истакна Јанкуловски.

Во Берово започна дезинфекција на гласачките места

Тале Кристо — Tue, 14 Jul 2020 14:50:37 +0000

Во насока на директен придонес кон безбедно гласање на граѓаните и заштита на нивното здравје, во Берово започна дезинфекција на сите гласачки места во општината. Како што информираат надлежните вечер од 19 часот ќе бидат дезинфецирани и улиците околу гласачките места. – Со тоа сметаме дека ќе се обезбедат сите предуслови за безбедни гласачки места каде граѓаните ќе го остварат своето право на глас. Со тоа гласањето ќе биде целосно безбедно поради што граѓаните треба да излезат масовно да го дадат својот глас за својата политичка опција и со тоа да го покажат патот по кој ќе се движи државата во следните четири години, информираа надлежните. Од општинската изборна комисија информираат дека во Берово утре ќе се гласа на 16 избирачки места, а со право на глас се 10.797 граѓани.

Косовски избори: Се пребројуваат гласовите во 303 гласачки места

Ивона Петрова — Thu, 10 Oct 2019 08:42:28 +0000

Централната изборна комисија (ЦИК) на Косово одлучи денеска да започне пребројувањето на гласовите во 303, од вкупно 2.547 гласачки места на колку што се гласаше на вонредни парламентарни избори во неделата, поради технички грешки во формуларите за внос на освоените гласови на политичките субјекти, јави дописникот на МИА од Приштина. Како што информира претставникот на Центарот за обработка на резултатите при ЦИК Бурим Ахметај, во тие гласачки места во формуларите за внос на резултатите графата започнувала со бројката 112, наместо со 111, која беше почетната редна бројка на учесниците на изборите. Претседателката на КИЦ Ваљдете Дака на вчерашната седница, на која беше донесена одлуката за пребројување на гласовите во тие 303 гласачки места, изјави дека станува збор за техничка грешка, а не за манипулација. Барања за пребројување на гласовите до Изборниот панел за поплаки и претставки поднесоа Демократскиот сојуз на Косово (ЛДК), Демократската партија на Косово (ПДК) и колаицијата Социјалдемократска иницијатива (Нисма) – Алијанса Ново Косово (АКР), која, со 4,96 отсто освоени гласови, не успеа да го премине прагот од 5 отсто за добивање места во косовското Собрание. Победник на неделните избори е Движењето Самоопределување (ВВ) со 25,49 отсто, втор е ЛДК со 24,82 отсто, а трета ПДК со 21,24 отсто освоени гласови.

Затворени гласачките места

Дарко Андоновски — Sun, 05 May 2019 17:05:13 +0000

Во 19 часот затворени се избирачките места на кои граѓаните на Република Македонија можеа да гласаат на вториот круг од шестите претседателски избори. По затворањето на избирачките места можат да гласаат само лицата кои во тој момент се затекнале во објектот каде што се гласа. На 3.480 избирачки места во Републикава и на 32 во странство на шестите претседателски избори можеа да гласаат 1.808.131 граѓанин запишани во избирачкиот список. Гласачките места беа отворени во 7:00 часот. -Излезноста на вториот круг од претседателските избори до 17:00 часот изнесува 38,23 проценти. Гласањето се одвива тековно и нема пријавено нерегуларности на гласачките места, информира на денешната прес-конференција директорот на Државната изборна комисија, Оливер Дерковски. Потенцираше дека очигледно е дека ќе биде надмината потребниот цензус за успешност на вториот круг на претседателските избори, со оглед на тоа дека ова се податоци до 17 часот, јасно е дека се потребни уште неколку проценти за да се надмине цензусот. Дерковски истакна дека изборниот ден поминал без посериозни нарушувања. Вчера, ден пред изборите, гласаа иселениците, лицата во казнено-поправните домови, внатрешно раселените, лица што се наоѓаат на издржување мерка куќен притвор и немоќните и болните лица кои го побарале тоа од општинските изборни комисии. Записниците и другиот изборен материјал избирачките одбори ги доставуваат до ОИК во рок од пет часа по завршувањето на гласањето. Надлежната ОИК потоа ги сумира резултатите од гласањето, составува записници и ги предава на ДИК. Државната изборна комисија првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. ДИК конечните резултати од изборите ги објавува во рок од 24 часа од денот на нивната конечност.

МОСТ: Сите гласачки места се отворени навремено и нема проблеми

Ивана Ефремовски — Sun, 21 Apr 2019 07:41:09 +0000

Граѓанската асоцијација МОСТ денешното гласање за избор на нов претседател на државата го следи со над 1.500 набљудувачи. Претседателот на МОСТ, Дарко Алексов, посочи дека се формирани статични и мобилни тимови кои ќе го следат изборниот процес. Наведе дека, според информациите на МОСТ, сите гласачки места се отворени навремено и без проблеми. -Нашиот систем е составен од неколку нивоа на проверка, во текот на целиот ден ќе излагаме со проверени и потврдени информации, нагласи претседателот на МОСТ.