гласачко ливче – Kurir.mk

Петков: Нема да предложам влада доколку се врати хартиеното гласачко ливче

Дарко Андоновски — Thu, 01 Dec 2022 15:11:56 +0000

Копретседателот на „Промените продолжуваат“ (ПП), Кирил Петков, денеска во бугарското Народно собрание коментираше дека тие како втора по големина пратеничка група нема да предложат малцинска влада со нивниот втор мандат, откако јасно кажале дека не сакаат да го вратат во употреба гласачкото ливче во хартиена форма, јави дописникот на МИА од Софија. Пратениците во бугарскиот Парламент денеска расправаат и гласаат во второ читање за измените во Изборниот законик, меѓу кои е и враќањето на мешовитото гласање. Според Петков, доколку денеска помине гласањето за хартиеното гласачко ливче, тоа значи дека 48. Народно собрание на Бугарија ја става во преден план теснопартиската задача на ГЕРБ, Движењето за права и слободи и БСП да го украдат чесниот глас на бугарските граѓани и земјата да ја вратат на неважечките ливчиња, што во 2015 година беа 15 отсто. Според него, доколку тоа се случи, тоа за нив како „Промените продолжуваат“ ќе значи дека нема желба да се формира нова бугарска Влада. -Затоа што нема шанси таков парламент, што го поддржува хартиеното ливче, тогаш да поддржи малцинска Влада која е антикорупциска, објасни Петков. Тој кажа и дека за вториот мандат јасно кажале дека за да предложат влада бараат девет гаранции, од кои една е отфрлање на хартиеното гласачко ливче и дека доколку се испочитуваат овие девет гаранции, тие и „Демократска Бугарија“ ќе ја преземат тешката одговорност да се снаоѓаат во текот на зимските месеци. Петков посочи дека досега ГЕРБ не прави ништо за формирање влада со првиот мандат и наместо да води коалициски преговори, Националното собрание продолжува да се занимава со хартиеното гласачко ливче. -Веќе минаа два месеца од предвремените парламентарни избори во Бугарија, а нема никаков успех, поради што вчера кажаа дека се „политички импотентни“ – нула напредок два месеци, објасни поранешниот бугарски премиер. н

Во Софија жена го изела гласачкото ливче

Катерина Бојаџиева — Sun, 14 Nov 2021 18:17:08 +0000

Жена го изџвакала и го голтнала гласачкото ливче, наместо да го стави во гласачката кутија, соопшти Изборната комисија во Француската гимназија во Софија. Како што јави дописникот на МИА од Софија, за Комисијата е необјасниво однесувањето на жената. –Средовечната жена претходно не покажа никаков афект или несогласување со нешто, изјави претседателката на Комисијата, Снежина Колева. Во изборниот протокол, Комисијата напишала дека жената го изела гласачкото ливче.

Даштевски: ДИК е подготвена за изборите, сите материјали се предадени

Ивона Петрова — Fri, 15 Oct 2021 10:57:55 +0000

Државната изборна комисија е подготвена за спроведување на локалните избори што ќе се одржат во недела, вели за Курир претседателот на ДИК, Александар Даштевски. Доверливиот материјал кој содржи гласачки ливчиња и изводи од избирачкиот список вчера се дистрибуираше во сите општини. -Сите избирачки материјали се предадени вчера без никакви проблеми. Никаде ништо не недостасува. Денеска го комбиња се доставуваат и уредите за биометриска идентификација на гласачите и овој процес е при крај, вели Даштевски за Курир. Посочува дека во недела, Државната изборна комисија редовно ќе информира за излезноста во предвидените пресеци. Инаку, гласачките ливчиња се заштитени со над 20 заштити. Не е можно нивно фалсификување, ниту пренесување на ливчиња од едно на друго избирачко место затоа што сите ливчиња се обележани и заштитени.

ДИК го утврди редоследот на кандидати на гласачкото ливче на локалните избори 2021

Магдалена Андонова — Tue, 21 Sep 2021 13:26:20 +0000

Државната изборна комисија денеска на седница со жрепка го утврди распоредот на кандидатите на гласачкото ливче за избори за градоначалници и членови на советите на општините и на Град Скопје. 1.Алијанса за Албанците (5) 2.Алијанса за Албанците и Алтернатива (6) 3.Алтернатива (10) 4. ВМРО-ДПМНЕ и Коалицијата „Обнова за Македонија“ (7) 5. ВМРО Народна партија (14) 6. Граѓанска опција за Македонија (ГРОМ) (1) 7.Движење БЕСА (16) 8. Движење „Одлучно за промени“ (ЛДП и ДОМ) (2) 9. Демократска партија на Албанците (ДПА) (11) 10. Демократска унија за интеграција (ДУИ) (3) 11. Демократска партија на Турците на Македонија (8) 12. Коалиција „Најдобро за мојата општина“ предводена од СДСМ (12) 13. Коалиција „Сите заедно“ – ДУИ, Алијанса за Албанците и Алтернатива (4) 14. Левица (15) 15. Партија за движење на Турците во Македонија (ПДТ) (13) 16. СДСМ (9) Поради ситуацијата поврзана со пандемијата со Ковид-19, седницата на која се одржа жрепката се одржа без присуство на овластените претставници на политичките партии, коалициите и групите избирачи. Во рамки на седницата се одржа и жрепка за доделувањето локации на рекламни паноа и билборди за политичко рекламирање. Членовите на ДИК ги разгледаа и усвоија: записниците од 22. и 23. седница, политиката за воспоставување систем на заштита на личните податоци, правилник за избор и формирање посебни избирачки одбори. Радица Ристеска,член на ДИК во врска со правилникот за избор и формирање посебни избирачки одбори рече дека тие се од од посебно значење за лицата кои ќе бидат пријавени за гласање претходниот ден пред денот определен за избори, значи 16 октомври за лицата кои се во домашен карантин заради позитивен тест на Ковид-19 или на кои им е одредена мерка за самоизолација со решение на ДСЗИ во зависност од нивниот број ДИК формира еден или повеќе избирачки одбори. -Посебните избирачки одбори се составени од тројца здравствени работници, претседател и членови кои го спроведуваат гласањето на овие лица при што политичките партии имаат право да именуваат член во посебниот одбор согласно одредби од Изборниот законик…, рече Ристеска. ДИК ги разгледа и усвои и упатството за пријавување и гласање на лицата кои се во домашен карантин заради позитивен тест на Ковид-19 и лицата на кои им е одредена самоизолација. Потпретседателката на ДИК, Дитмире Шеху во врска со тоа упатство рече дека граѓаните кои се со позитивен тест или се во самоизолација треба да достават известување до општинските изборни комисии преку полномошник или електронски до општинската изборна комисија најдоцна пет дена пред денот определен за гласање. – Полномошното лице кое поднесува известување за гласањето на овие лица треба да гласи само на член од потесното семејство, а тие кои немаат член од потесното семејство имаат право да даваат полномошно на друго лице кое може да поднесе известување за гласање најмногу за две лица. Тој кој еднаш се пријавил како полномошник не може уште еднаш да поднесе полномошно од друго лице. При електронското поднесување меил адреса може да се поднесе за најмногу две лица. Во самото пријавување до општинската изборна комисија се поднесува само известување, а комисијата по служвена должност прибавува податоци од ДСЗИ за лицата клои се пријавиле за гласање. ДСЗИ во рок од 24 часа треба до општинските изборни комисии да достави известување дали навистина тие лица се со позитивен тест или се во самоизолација…истакна Шеху. ДИК на денешната седница ги усвои: правилникот за техничките и организациските мерки за обезбедување тајност и заштита на обработката на личните податоци, правилникот за определување на обврските и одговорностите на администраторот на информацискиот систем и овластените лица во ДИК, правилникот за начинот на правење сигурносна копија, архивирање и чување и повторно враќање на зачувани лични податоци во ДИК, правилник за начинот на уништување на документите и начинот на уништување, бришење и чистење на медиумот во ДИК, правилник за пријавување, реакција и санирање на инциденти во ДИК, упатството на општинските изборни комисии и изборната комисија на Град Скопје за обезбедување, чување, ракување и дистрибуција на изборниот материјал, образец број 18в, 18г, 18д, 31б, 31в, 31г, 31д, 19г, 19д, 20п, 20ф и 22, упатството за начинот и постапката на утврдување на просечно постигната цена и најниска цена за платено политичко рекламирање.

Во трката за пратеници 1.578 кандидати на 15 коалиции и партии

Ивона Петрова — Sun, 12 Jul 2020 07:20:12 +0000

Граѓаните на Македонија на предвремените парламентарни избори ќе можат да гласаат за кандидатските листи на 15 коалиции и партии со вкупно 1.578 кандидати, од кои 903 се мажи, а 675 жени. Според статистичките податоци на ДИК, по возраст најмногу или 795 се меѓу 30 и 49 години. Изборот се прави со заокружување на редниот број пред кандидатските листи на гласачкото ливче, чиј редослед беше утврден со ждрепка. Партиите на гласачкото ливче ќе ги носат следните редни броеви: 1 – Демократска партија на Албанците – ДПА 2 – Политичка партија Демократи 3 – СДСМ и Коалицијата Можеме 4 – Левица 5 – Алијанса за Албанците и Алтернатива 6 – Глас за Македонија 7 – Граѓанско демократска унија – ГДУ 8 – Интегра 9 – Демократската унија за интеграција – ДУИ 10 – Социјалдемократска унија – СДУ 11 – Никогаш Северна, само Македонија – Единствена Македонија 12 – МОРО работничка партија 13 – Народна партија на Ромите 14 – ВМРО-ДПМНЕ и Коалиција за Обнова на Македонија 15 – Твоја партија Со свои кандидатски листи во сите шест изборни единици ќе учествуваат ДУИ, коалицијата „Можеме“ предводена од СДСМ и Беса, коалицијата предводена од ВМРО-ДПМНЕ „Обнова на Македонија“, политичката партија Интегра, „Никогаш северна, секогаш Македонија“, Демократи, Алијанса за Албанците и Алтернатива, Левица и Работничката партија. СДУ, ГДУ и Глас за Македонија нема да учествуваат во „шестката“, односно поднесоа листи само за изборните единици 1, 2, 3, 4 и 5. „Твоја партија“ доставила кандидатски листи за изборите единици 1, 2 и 5, а Народна партија на Ромите само во втората изборна единица. ДПА има кандидатски листи во пет изборни единици. Носители на листите на Коалицијата предводена од ВМРО-ДПМНЕ во изборната единица еден е професорката Гордана Силјановска, во двојката Владо Мисајловски, во тројката Игор Јанушев, во четвртата изборна единица Александар Николоски, во петата изборна единица оперскиот пејач Игор Дурловски и во шестата Дафина Стојановска. Носител на листата на СДСМ и коалицијата во првата изборна единица е актуелниот министер за надворешни работи Никола Димитров, техничкиот премиер Оливер Спасовски е во втората, партискиот генерален секретар Љупчо Николовски во третата, во изборната единица четири носител ќе биде лидерот на СДСМ Зоран Заев, петката ќе ја предводи вицепремиерката и министерка за одбрана Радмила Шеќеринска, а носител во шестата изборна единица ќе биде лидерот на Беса Билал Касами. Претседателот на ДУИ Али Ахмети е носител на кандидатската листа на партијата во шестата изборна единица, Талат Џафери во петтата изборна единица, во тројката носител ќе биде поранешниот министер за економија Беким Незири, во втората изборна единица министерот за образование Арбр Адеми и во првата изборна единица носител е партискиот потпретседател Изет Меџити. Лидерот на Алијансата за Албанците Зијадин Села е носител на кандидатската листа на коалицијата со Алтернатива во шестата изборна единица, додека Африм Гаши од Алтернатива во втората изборна единица. Во првата изборна единица носител е Скендар Реџепи, во третата Беким Татеши, во чевртата Валбона Река, а во петата Сурија Рашити. Носител на листата со кандидати за пратеници на ДПА во шестата изборна единица е лидерот на партијата Мендух Тачи. Во првата изборна единица носител е Ниметула Демири, а во втората Орхан Ибрахими. Прв од кандидатите во третата изборна единица е Сами Рушити, додека во четвртата изборна единица ДПА нема да има кандидати. Во петтата изборна единица носител на кандидатската листа е Васви Доко. Носители на листата на Политичка партија Демократи се во ИЕ 1 – Катерина Тодоровска, ИЕ 2 – Христина Гаши, ИЕ – 3 Жарко Кучишки, ИЕ 4 – Никола Бујуклиев, ИЕ 5 – Јорго Огненовски и ИЕ 6 – Изет Зејделовиќ. На Левица носители во ИЕ 1 е Димитар Апасиев, во втората изборна единица е Реџеп Исмаил, во третата изборна единица Борислав Крмов, во четворката Бранко Ристов, во петката – Јована Мојсовска и во Шестата изборна единица Сенада Ибраимова. Носител на кандидатската листа на Глас за Македонија во првата изборна единица е Солза Грчева, во втората Адријана Богдановска Тоскиќ, во третата е Лидија Горачинова Илиева, во четвртата Гоце Златев и во петата Наташа Котлар Трајкова. Носители на листи на Граѓанско-демократска унија се во Првата изборна единица е Ана Глигорова, во двојката Есед Јусуфовски, во третата, Петар Колев, во четворката Добре Митрев и во петата Даниел Јордановски. На партијата Интегра – Македонска конзервативна партија носители се: во ИЕ 1 – Љупчо Ристовски, во ИЕ 2 – Александар Главинов, ИЕ 3 – Сузана Чесмаџиска, ИЕ 4 – Воислав Зафировски, ИЕ 5 – Николче Талевски и ИЕ 6 – Виолета Србиновска. Носител на СДУ во Првата изборна единица е Петар Богојески, во втората Снежана Костадиноска Милошеска, во третата Војо Беловски, во четвртата Жарко Бошкоски и во петата Стево Насковски. На Единствена Македонија – носители се во ИЕ 1 – Биљана Чинго, ИЕ 2 – Јове Кекеновски, ИЕ 3 – Вангел Симев, ИЕ – 4 Јанко Бачев, ИЕ – 5 Ацо Николовски и ИЕ 6 – Љупчо Столевски. Носители на листи на МОРО – работничка партија во изборна единица 1 – Атанас Трајковски, во втората Горан Зафировски, во третата Светлана Здравковска, во четвртата – Киро Јовчевски, во петата Жарко Гроздановски и во шестата Иван Јанкуловски. Народна партија на Ромите има листа во втората изборна единица, а носител е Ѓеѓе Демировски. Носител на на кандидатската листа во Првата изборна единица на Твоја партија е Мирјана Најческа, во втората Ѓорѓе Марјановиќ и во петата Илија Тодоровски.

УПАТСТВО: Еве како да се пријават и гласаат лицата кои се позитивни на коронавирус и кои се во самоизолација

Ивона Петрова — Tue, 07 Jul 2020 09:40:17 +0000

Лицата кои се наоѓаат во домашен карантин заради позитивен тетс на Ковид-19 или им е одредена изолација со издадено решение, право на глас на претстојните предвремени парламентарни избори ќе имаат на 13 јули. Известувањето дека ова лице сака да гласа се доставува до општинската изборна комисија во местото каде лицето позитивно на Ковид-19 или во самоизолација постојано живее. Ваквото известување се доставува преку полномошник или по електронски пат. Во прилог на ова известување лицето ЗАДОЛЖИТЕЛНО треба да достави копија од решението за карантин или самоизолација издадено од Државниот санитарен и здравствен инспекторат најдоцна до 8 јули 2020 година до 24 часот. Известувањата кои нема да ги исполнуваат условите кои се наведени нема да бидат прифатени од Општинската изборна комисија. Избирачките одбори кои ќе го спроведуваат овој дел од гласањето на избори ќе бидат составени од тројца здравствени работници, пти што политичките партии имаат право да именуваат члн во посебниот избирачки одбор. Лицата позитивни на Ковид-19 во каранти и лицата во самоизолација гласањето го вршат во својот дом според местото на живеење. Што се однесува до посебниот избирачки одбор, тој при ваквите гласања треба да користи посебна гласачка кутија, а со себе да носи: -Гласачки ливчиња колку што има пријавени гласачи од избирачките места -Изводи од ИС во зависност од колку избирачките места има пријавени гласачи -Шаблон - Браева азбука -граничник за потпис или отпечаток -УВ спреј и УВ ламба -плик за секој гласачко ливче -список на пријавени лциа сортирани по избирачко место -перниче со мастило -заштитна опрема Детално целото УПАТСТВО може да го прочитате ТУКА

Медиумите на албански објавуваат фотографирани гласачки ливчиња- презема ли некој мерки во избирачките места? (ФОТО)

Дарко Андоновски — Sun, 05 May 2019 13:45:46 +0000

Албанскиот портал Медиал.мк објави фотографирано гласачко ливче на кое двајцата кандидати се пречкртани, а додаден е и заокружен непостоечкиот кандидат Албин Курти. Ова доведува до поставување на прашањето дали некој презема мерки во избирачките места каде мнозинството се Албанци?