глазгов ренџерс – Kurir.mk

Ренџерс му врачи отказ на Ван Бронхорст

Тале Кристо — Mon, 21 Nov 2022 17:24:45 +0000

Шкотскиот фудбалски вицешампион Глазгов Ренџерс му врати денеска отказ на тренерот Џовани ван Бронхорст по серијата слаби резултати пред првенствената пауза поради одржувањето на Светското првенство во Катар. Ван Бронхорст седна на клупата на Ренџерс пред една година на место на Стивен Џерард и покрај второто место во првенството минатата сезона го предводеше клубот до титулата во Шкотскиот куп и финалето во Лига Европа. Сезонава Ренџерс успеа да се квалификува во групната фаза од Лигата на шампиони, за прв пат по пауза од 12 години, но настапот го заврши со шест убедливи порази и гол-разлика од 2-22. Во домашното првенство Ренџерс е второпласиран на табелата со девет бодови заостанување зад лидерот Селтик.

Ренџерс подобар од Селтик во големото шкотско дерби

Бошко Тасиќ — Sun, 29 Aug 2021 14:34:24 +0000

Синиот дел на Глазгов слави – Глазгов Ренџерс извојува победа над големиот ривал Селтик, во првото овосезонско вечно дерби на шкотскиот фудбал. Во рамки од четвртото коло на Премиершип, шампионот ја продолжи победничката серија на легендарното „Олд Фирм“ дерби и со 1-0 го совлада градскиот ривал. Човек на одлука беше Хеландер, откако во 66. минута на асистенција на Баришиќ го постигна единствениот гол на дербито.

Со оваа победа Ренџерс се искачи на третото место на табелата со девет бода, додека Селтик падна на шестата позиција со две победи и два порази.

Стивен Џерард на чудесен начин им се придружи на фановите во прославата на титулата (ВИДЕО)

Бошко Тасиќ — Sat, 06 Mar 2021 20:56:12 +0000

Некогашната фудбалска икона на Ливерпул Стивен Џерард е на чекор до освојување на титулата во Шкотска со „ Глазгов Ренџерс“. Иако титулата сè уште не е официјална, Ренџерс веќе слави, а навивачите денес приредија вистински спектакл пред Ајброкс стадионот. Фановите на Ренџерс го скандираа името на Стивен Џерард, пееја навивачки песни, а Џерард најде начин да ја прослави победата и со навивачите. https://twitter.com/i/status/1368276319964962826 https://twitter.com/i/status/1368255191909285893

ФОТО: Навивач на Ренџерс исчезна во Скопје, цела Шкотска на нозе

Ивона Петрова — Wed, 18 Jul 2018 16:10:05 +0000

Навивач на Глазгов Ренџерс кој дошол да го бодри клубот на синоќешниот меч од УЕФА Европа лигата со чаирски Шкупи исчезнал и не се вратил дома, јавува Спорт1. Веднаш е стартувана акција за наоѓање на Џејмс Меклахан, кој го пропуштил летот за назад. „Дејли Рекорд“ пишува дека на Џејмс му се изгубил контакт зашто батеријата на телефонот му била празна. Во меѓувреме и неговиот брат напиша пост на социјалните мрежи кој стана вирален во Шкотска. Повеќе прочитајте на Спорт1.мк

Во Шкупи оптимисти пред реваншот со Глазгов Ренџерс

Матеја Петровски — Mon, 16 Jul 2018 13:41:23 +0000

Фудбалскиот клуб Шкупи, предреванш натпреварот против Глазгов Ренџерс од првото квалификациско коло за Лига Европа, денеска одржа прес-конференцијата. По првиот натпревар во Шкотска, тимот на Стивен Џерард доаѓа во Скопје со предност од 2:0, а од македонскиот клуб изјавија дека се оптимисти и најавуваат максимална борба во реванш натпреварот. - Немавме доволно време да анализираме што и како се случуваше во Глазгов, затоа што реваншот е само по пет дена, а ние имавме само два-три дена да тренираме. Противникот има предност тука нема дилеми, но ние ќе се бориме до максимум. Ако дадеме гол во првото полувреме се е можно. Тактички одигравме одлично со Глазгов и од таа гледна точка можам да кажам дека посакувам и да се подобриме, наведе тренерот на Шкупи, Зекирија Рамадани. Капитенот Суат Зендели, како и тренерот, повтори дека секој спортист е оптимист и се надева дека Шкупи може да се избори за пресврт. - Сега знаеме со кого играме, претходно ги знаевме само по анализи и по име. Како спортист секој посакува успех, па така и ние на овој меч веруваме во себе. Ние доаѓаме од мала земја, но покажавме дека имаме квалитет и со гордост настапуваме за овој клуб. Ниту јас, ниту било кој друг настапува како индивидуа, туку како колектив, и така и се однесуваме на теренот. Само како тим можеме да успееме, истакна Зендели. Реванш натпреварот меѓу Шкупи и Ренџерс ќе се одигра утре на „Телеком арената“ со почеток од 17:55 часот. (Миа)

Џерард по мечот со Шкупи: Требаше да победиме поубедливо

Матеја Петровски — Fri, 13 Jul 2018 07:58:59 +0000

Менаџерот на Ренџерс, Стивен Џерард беше задоволен од победата на Шкотите со 2:0 дома против македонскиот тим Шкупи во квалификациите за Лига Европа. Головите на Џејми Марфи и капитенот Џејмс Таверниер им помогнаа на „сините“ да земат солидна предност пред судирот во Скопје.

-Задоволен сум од резултатот. Презентацијата ни беше на задоволително ниво, но не и подобро од тоа. Има многу позитивни нешта од овој дуел, но мораше да победиме поубедливо и да решиме сѐ во овој дуел. Имаме уште многу работа и требаше да победиме доста поубедливо, бидејќи направивме сè што е потребно за тоа, прокоментира Џерард по дуелот, кој е деби за него на чело на тимот од Глазгов.

Реваншот помеѓу двата тима е следната недела.

Познатиот фудбалер доживеа срцев удар- се бори за живот!

Курир — Sun, 07 Jan 2018 16:32:59 +0000

Навивачите на Глазгов Ренџерс се шокирани со информациите кои доаѓаат од Берлин, каде деновиве се игра турнир на легендите, каде учествуваат и нивни поранешни миленици од клубот. Меѓу нив е и ветеранот Начо Ново, кој доживеал срцев удар на 38 години на самиот турнир за мал фудбал. Тој попладнево завршил во болница, а се уште нема потврда дали работата е сериозна со овој фудбалски ветеран. За време на кариерата овој играч одигра 255 мечеви за Ренџерс, постигна 73 голови и помогна во освојувањето на три титули во Шкотска, Куп на Шкотска и два Лига купа.