гледаност – Kurir.mk

Рекордно мала гледаност на доделувањето на Оскарите

Ивона Петрова — Tue, 27 Apr 2021 06:53:40 +0000

Бројот на телевизиски гледачи кои го следеле годишеното доделување на филмските награди Оскар, паднал на 9,85 милиони што е повеќе од двојно помалку од претходниот минимум. Според преелиминарните проценки на компанијата Нилсен бројот на гледачи на 93. церемонија на доделување на Оскарите бил 58 проценти помалку од инатогодишните 23,6 проценти. Продуцентите се обиделе да внесат некои промени, организирале настан без водител, со малку публика од актери и уметници номинирани за наградата кои не носеле маска. И преносите на Златен Глобус и музичките награди Греми, одржани претходно, имаа рекордно ниска гледаност.

Налеј, Налеј, љубовна приказна која ги руши сите рекорди

Тале Кристо — Tue, 14 Jul 2020 15:13:23 +0000

Спототзаводечкатанумера на серијатаМакедонија “Налеј, налеј“ кој ја доживеа својата промоција пред само 24 часа ги запали социјалните мрежи и во буквална смисла ги руши рекордите по гледаност! Резултатите од мерењето на аналитичката платформа MEDIA TOOLKIT објавени денес во 14 часот, покажуваат дека вкупно 544.201 македонски гледачи го виделе НАЛЕЈ НАЛЕЈ! И сето тоа само на социјалните мрежи, што го направи НАЛЕЈ НАЛЕЈ најгледаното видео на сите времиња во МАКЕДОНИЈА во еден ден! Бидејќи видеото НАЛЕЈ НАЛЕЈ се појави истовремено на бројни канали како Facebook, Twitter, You Tube и WhatsApp, податоците рапидно растат од час на час .. така што се очекува во текот на утрешниот ден НАЛЕЈ НАЛЕЈда има повеќе од 1.000.000 прегледи на социјалните мрежи!Податоците што штотуку пристигнуваат покажуваат огромен интерес на македонската дијаспора во Австралија, Канада и САД за МАКЕДНИЈА, која е љубовна приказна. Емотивната изведба на македонската песна ги разбуди позитивните емоции кај граѓаните на Македонија и тие ја споделуваат песната со емотивни пораки во неа. Зборовите „Љубов моја, целиот живот мислам само на тебе… Те сакав жив... А те мразам мртов ..Зар таа те сакаше повеќе од мене? Зар нејзината прегратка е потопла од мојата? А Зошто ме остави за неа, за секогаш? Зошто? Која е Македонија?Што е Македонија?“ како да допираат до најчувствителните делови на душата. Македонија е навистина љубовна приказна, Македонија е земја во која сите се заљубуваат, земја која е во срцето и душата.

Оскарите со најниска гледаност во историјата

Ивона Петрова — Tue, 11 Feb 2020 11:32:45 +0000

Гледаноста на 92. доделување на Оскарите е најниска во историјата. Свеченоста ја гледале 23,6 милиони луѓе, што е за 20 отсто помалку од лани, посочуваат податоците на Нилзен академијата. На тоа, како што велат познавачите, влијаело тоа што церемонијата годинава се одржа порано од вообичаено. – Освен тоа, доделувањето беше премногу предвидливо, премногу „бледо“ и премногу здодевно, смета Том О’Нил, основач на порталот „Голдерби“, што се занимава со свеченостите за доделување награди. По вторпат во историјата, емисијата мина без домаќин-водител, а критичарите оценуваат дека тоа е уште еден хендикеп, за разлика од претходно, кога тоа се најавуваше како новитет, свежина и предност. – Водителот му дава облик и глас на шоуто кога тоа не нуди ништо друго. Овогодишното доделување мораше подобро да го пополни тој вакуум, оценува Џејмс Понивозик од „Њујорк тајмс“. И критичарот на „Вашингтон пост“, Хенк Ставер смета дека шоуто било прилично предвидливо, нарекувајќи го „Оскар автопилот” поради немањето водител. Во првото десетлетие од овој милениум, гледаноста на Оскарите беше меѓу 35 и 45 милиони гледачи и најчесто беше една од двете најгледани емисии во годината.

МЗТ Скопје седми по гледаност во АБА лигата

Дарко Андоновски — Tue, 17 Apr 2018 12:21:10 +0000

Македонскиот кошаркарски шампион МЗТ Скопје Аеродром на последното 12.место ги заврши настапите во АБА лигата, но „сино-белите“ се наоѓаат на солидното 7.место по број на гледачи на домашен терен. На 11 натпревари во „Јане Сандански“ присуствувале вкупно 21.700 гледачи, или 1972 во просек по натпревар. Кога МЗТ гостувал привлекувал во просек 1.827 гледачи. Најверни симпатизери има Партизан – во просек на домашен терен по околу 3.800 на натпревар, а на гости најмногу интерес привлекувала Црвена ѕвезда со 3.800 навивачи по натпревар. Целата сезона натпреварите од регионалната кошаркарска АБА лига ги следеле околу 400.000 гледачи или во просек над 2.500 по натпревар.