глоби – Kurir.mk

Глоби за финансиско друштво за брзи кредити и за Друштво за угостителство и туризам за задржување лични карти

Катерина Бојаџиева — Wed, 26 Jul 2023 13:01:13 +0000

Агенцијата за заштита на личните податоци (АЗЛП) денеска соопшти дека се изречени три глоби во вкупен износ од 653.160 денари на финансиско друштво за брзи кредити и три глоби во износ од 55.347 денари за одговорното лице кај финансиско друштво бидејќи издале онлајн кредити без да го утврдат идентитетот на три лица. Изречена е и глоба во износ од 380.109 денари за прекршок на Друштво за угостителство, туризам и трговија и глоба во износ од 21.522 денари за одговорното лице за задржување лични карти. Во врска со глобите изречени за финансиското друштво за брзи кредити, АЗЛП соопшти дека тие се изречени врз основа на членот 111 став (1) точка 2 и членот 111 став (2), а во врска со членот 111 став (1) точка 2 од Законот за заштита на личните податоци. Како што појаснуваат во соопштението до медиумите, Агенцијата повела три вонредни супервизии по поднесени барања од три физички лица, согласно членот 97 од Законот за заштита на личните податоци. -Во трите случаи физичките лица тврдеа дека финансиското друштво (контролор) одобрило онлајн кредит во износ од 90.000 денари, на други физички лица кои ги употребиле нивните лични податоци со користење на телефонски броеви кои не се нивни и без притоа да им се утврди идентитетот при поднесување на барањата за кредит. Финансиското друштво (контролор) спротивно на членот 10 став (1) алинеја 1 од Законот за заштита на личните податоци без претходно обезбедена согласност за обработка на личните податоци при аплицирање за кредит обработувал лични податоци за три физички лица (субјекти на личните податоци) при што не демонстрира (докажа) дека субјектите на личните податоци дале согласност за обработка на нивните лични податоци, се наведува во соопштението. АЗЛП соопшти дека се изречени глоби во износ од 380.109 денари за сторен прекршок на Друштво за угостителство, туризам и трговија и глоба во износ од 21.522 денари за одговорното лице за прекршоци согласно Законот за заштита на личните податоци. Агенцијата повела вонредни супервизија по поднесени барања од физички лица согласно членот 97 од Законот за заштита на личните податоци. Во барањето, физичкото лице навело дека друштвото за угостителство, туризам и трговија му ја задржало личната карта и единствен услов за да му ја врати било да ја плати вкупната сума за престојот. - На истиот Контролор друштво за угостителство, туризам и трговија му е изречена глоба во износ од 190.055 денари за сторен прекршок и глоба во износ од 18.447,5 денари за одговорното лице кај Контролорот за сторен прекршок согласно членот 110 став (1) точка 20 и членот 110 став (2), а во врска со членот 110 став (1) точка 20 од Законот за заштита на личните податоци. Контролорот не овозможи непречено вршење на вонредна супервизија во системот за видео надзор според одредбите од членот 106 од Законот за заштита на личните податоци.На друштвото за угостителство, туризам и трговија му е изречена глоба во износ од 190.055 денари за сторен прекршок и глоба во износ од 18.447,5 денари за одговорното лице, стои во соопштението.

Изречени глоби за загадувачи при вонреден инспекциски надзор

Тале Кристо — Mon, 26 Dec 2022 19:02:13 +0000

Во изминатите денови извршени се над 20 вонредни инспекциски контроли на градилишта, Б инсталации и инсталации елаборати кои се во надлежност на град Скопје, кај кои во две е утврдено надминување во дозволените емисии и изречена глоба по 12.000 евра кај секој од субјектите. Контролирани се Топлана Север и топланата на Клинички центар, утврдено е дека работат на гас, не се утврдени надминувања во мерењата на емисии. Се продолжува со мерења од стационарни места оџаци кај правни субјекти кои се во градска надлежност. На повеќе локации се поставуваат апарати за мерење на ПМ10 честици за мониторинг од 24 часа, со цел утврдување на изворите на загадување.

Цуцуловски: Според кој закон граѓаните се должни во својот дом да примаат попишувач, а ако не го примаат ќе бидат казнети со 300 евра?

Тале Кристо — Thu, 25 Mar 2021 13:40:52 +0000

Според кој закон, како и според кој член од тој закон, граѓаните се должни во својот приватен/личен дом да п р и м а т/п у ш т а т лице, макар било и попишувач, и дека ако не го примат ќе бидат глобени до 300 евра?, прашува универзитетскиот професор Љубомир Цуцуловски. Во продолжение интегрално ви ја пренесуваме целата објава на професорот Цуцуловски: СПОРЕД КОЈ ЗАКОН? Време е властите конечно да одговорат на следните прашања: 1.Според кој закон, како и според кој член од тој закон, граѓаните се должни во својот приватен/личен дом да п р и м а т/п у ш т а т лице, макар било и попишувач, и дека ако не го примат ќе бидат глобени до 300 евра? Значи, прашањето не ги опфаќа лицата, партиите, здруженијата или организациите кои повикуваат на бојкот, туку единствено лицата, кои (сеедно од кои причини) не сакаат попишувачите да ги пуштаат во својот личен/приватен дом/посед! Односно, граѓанинот не дека не сака да даде податоци на попишувачот, туку едноставно не прифаќа во домот да му влезе попишувачот или кој било друг без судски налог. Притоа, не барам од властите да толкуваат одреден закон или член, туку директно да укажат на него, без какви било толкувања/замаглувања, бидејќи од таквото однесување на сите им е дојдено преку глава. 2. Која е смислата да се одржуваа попис, ако подолго време клучни лидери, од одредени политички партии, отворено (без никаков срам) се закануваат дека резултатите од Пописот нема да ги прифатат, ако не се постигне – што ќе рече, н а ш т е л у в а! – точно определен процент од одредена етничка заедница? Односно, кому е потребен попис во кој однапред би биле познати/определени резултатите? Или сѐ се сведува на политичка трговија, за чие остварување граѓаните на Република Македонија без каква било мера се заплашуваат? Притоа, со ваквите уценувања граѓаните, самите луѓе, се сведуваат на голи броеви. Сепак, луѓето не се бројки/броеви. П.С. Одржувањето попис во услови на сеопшта пандемија е посебно прашање за кое посебно треба да се одговори и да се о д г о в а р а. П.П.С. Повикувањето на член 51 од Законот за попис на населението, домаќинствата и становите во Република (с) Македонија од 2021 година, не може да биде бараното објаснување, бидејќи со тој член се санкционираат лицата кои одбиваат да ги дадат податоци што се бараат од нив, а не и оние кои не дозволуваат попишувачот да влезе (повторувам: да влезе!) во нивниот дом/посед, пишува професорот во својата објава.

Стојаноски: Треба да се намалуваат глобите но да не отидат спротивно на безбедноста на граѓаните на Македонија

Тале Кристо — Tue, 26 Jan 2021 12:48:10 +0000

Една конкретна забелешка дека глобите треба да се намалуваат, но сепак треба да се внимава на една работа да истите тие глоби кои што се намалуваат да не ја загрозат националната и државна безбедност. А, што се подразбира под тоа овие измени се со цел на усогласување на законот за трошоци каде што навистина глобите се намалуваат. Конкретно еве во членот 26 ставовите 2 и 3 глобите се намалуваат од 2.000 евра до 3.000 евра на 15 до 250 евра кои што може да бидат лесно злоупотребени, истакна денес Бојан Стојаноски, пратеник од редовите на пратеничката група на ВМРО-ДПМНЕ и Коалицијата „За обнова на Македонија“. Стојаноски додаде дека конкретно од Комисијата преку која кандидатите сакаа да добијат лиценца за приватни детективи треба да полагаат. Тоа значи дотолку Комисијата одлучи еден кандидат да му дозволи да користи одредено помагало кое што би му помогнало полесно да го положи испитот за лиценца, наместо од две до три илјади евра би платиле од 15 до 250 евра. Што на некој начин поттикнува вака девијантно однесување. -Исто така во измените во членот 26 во ставот 4 вели може да се санкционира од 15 до 250 евра доколку не пријави кривично дело за кое што се гони по службена должност и доколку склучи договор со домашни или странски или државни органи, дури или пак политички партии. Ова значи дека овие сериозни нарушувања кои што можеби се регулираат и по други закони, доколку сега се случат самите тие лица ќе може да се повикаат на овој закон, рече Стојаноски. Стојаноски посочи дека треба да се намалуваат глобите но да не отидат спротивно на безбедноста на граѓаните на Република Македонија. Треба да се внимава кај кои закони може да се примени ова намалување на глоби, а кај кои закони не може да помине ова намалување.