глобочица – Kurir.mk

Од утре ќе се санираат свлечиштата кај селата Глобочица и Луково

Ристе Здравков — Mon, 04 Apr 2022 05:44:02 +0000

Од утре започнуваат градежни активности за санација на свлечишта кај селата Глобочица и Луково на регионалниот пат Р1201 делница Струга – Дебар. Ќе има комплетно затворање на овој дел од патот, секој ден од 10 до 14 часот во следните шест месеци, соопштуваат од АМСМ според информација од Друштво за градежништво Пелагонија АД Гостивар. – Сообраќајот утрово на државните патишта се одвива непречено по наместа влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата, се наведува во соопштението. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Од АМСМ информираат сека на патниот правец А2 Свети Николе – Миладиновци на 10 км пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри. На самото место е поставена соодветна сообраќајна сигнализација. На учесниците во сообраќајот им препорачуваме внимателно возење.

Со нов асфалтен пат се поврзаа Македонците од Борје и Глобочица

Матеја Петровски — Thu, 11 Oct 2018 07:23:21 +0000

Нов асфалтен пат изграден е од двете страни на граничниот премин Борје-Глобочица на албанско-косовската граница, во областа Гора. - Граничниот премин е од локален карактер и го користат Македонците од двете страни на областа Гора. Должината на патот од Борје до граничниот премин е 2,5 километри а неговата изградба ја финансираше албанската влада преку Фондот за развој, во рамки на програмата “За рехабилитација на приоритетните патишта во земјата”. Од село Глобочица до преминот, од косовска страна, должната на патот е околу 1,4 клометри, пренесува електронското издание на весникот „Илинден“. Покрај проширувањето и асфалтирањето, на патот се поставени и безбедносни браници, како и потребната хоризонтална и вертикална сигнализација - Инвестирањето во областа Борје е од витално значење за жителите на ова село, поради географската положба на селото во однос на другите села во областа Гора. Селото Борје се наоѓа на околу 32 километри од севернИот албански град Кукс и е планинско село, кое располага со многу природни убавни и нуди идеални услови за развој на селскиот и зимски туризам, констатира весникот. Во областа Гора, во североисточниот дел на Албанија се распослани девет, додека на крајниот југозападен дел на Косово 18 села, населени со Македонци со муслиманска вероисповед, познати под името горани. (Миа)