Верстапен победи во Монца

Бошко Тасиќ — Sun, 11 Sep 2022 18:58:08 +0000

Макс Верстапен ја расипа забавата на Ферари во Монца и со старт од седмото место стигна до победа, Шарл Леклер мораше да се задоволи со второто место. Шарл Леклер, кој стартуваше од пол, не можеше да го следи темпото на својот ривал, па ја изгуби позицијата преку боксовите. Во финишот излезе и безбедносното возило, „тифозите“ се понадеваа дека во завршницата Шарл Леклер ќе може да стори нешто, но болидот на Даниел Рикиардо не беше тргнат на време за да се означи ре-старт на трката, па безбедносното возоли остана на патеката до крајот на разочарување на публиката. Последното место на пиедесталот му припадна на Џорџ Расел а во бодови уште завршија Карлос Саинц, Луис Хамилтон, Серхио Перез, Ландо Норис, Пјер Гасли, Ник де Врис и Жу Гуанју.

Хамилтон од последното место ќе стартува на трката во Монца

Бошко Тасиќ — Thu, 08 Sep 2022 18:45:53 +0000

Возачот на Мерцедес, Луис Хамилтон, трката од Формула 1 во Монца ќе ја почне од последната, 20 позиција, поради замена на моторите, јавија денеска британските медиуми. Британецот Хамилтон за време на трката за Големата награда на Белгија предизвика инцидент на патеката со Фернандо Алонсо и притоа го оштети моторот на својот болид. Поради оштетувањето на моторот при сударот, Мерцедес беше принуден по четврти пат оваа сезона да вгради нов агрегат во болидот на Хамилтон. Седумкратниот светски првак во Формула 1 во моментов се наоѓа на честото место во генералниот пласман сезонава. Трката за Големата награда на Италија ќе се вози в недела со почеток во 15 часот.

ГН Монца – Kurir.mk

Верстапен победи во Монца

Хамилтон од последното место ќе стартува на трката во Монца