гоб 8ми септември – Kurir.mk

18-годишно момче со церебрална парализа е најмладиот пациент што се бори за живот од ковид во ГОБ „8 Септември“

Дарко Андоновски — Mon, 30 Aug 2021 13:51:56 +0000

Осумнаесетгодишно момче со церебрална парализа е најмладиот пациент што се бори за живот во ковид центарот во ГОБ „8 Септември“. Сега е интензивна нега, но во стабилна состојба. За разлика од претходно, во четвртиот бран помлади завршуваат во болница вели за Канал 5 Директорот на ГОБ „Осми септември“ Христијан Костов кој додава дека болеста сега уште побрзо прогресира, па може да се влоши за час. Во „Осми септември“ за три недели имало 20 хоспитализации и на вакцинирани, но сите имале лесна или средна клиничка слика, а нема ниту еден што ја загубил битката. Тука во моментов има 75 пациенти, а деновиве ќе се отвори нов оддел со уште дваесет легла.

И тие заслужуваат исти третман: Административците од ГОБ „8 септември“ излегоа на протест, бараат награда од 30 илјади денари

Дарко Андоновски — Thu, 04 Feb 2021 14:31:18 +0000

Тие велат дека 195 вработени не добиле помош, а работеле со ковид пациенти. Админстративците велат дека сите што биле ковид пациенти доаѓале на шалтер и имале контакт со нив, објавува Канал 5. Докторите и сестрите добија еднократна парична помош од 30 илјади денари на крајот од 2020 година. Од министерството за здравство објаснија дека парите се наменети од Светска Банка и се само за вработените кои биле директно во процесот на лекување на болните од Ковид 19. Парична награда добија околу 7.600 вработени, а министерот побара од директорите на ковид центрите да ги разгледаат списоците на оние кои треба да добијат награда. Директорот д-р. Христијан Костов за Канал 5 вели дека сите вработени заслужуваат да добијат награда, зошто во изминатава година сиот персонал и медицински и немедицински покажал несебична и целосна одговорност во справување со епидемијата на корона вирусот. Според него треба да добијат награда може половична, бидејќи медицинскиот кадар кој беше директно вклучен не може да биде со истата награда. Во оваа болница 880 вработени добија награда. Докторите и медицинските сестри реагираат исто така бидејќи работата на медицинскиот персонал и администрацијта не ни приближно иста. Во моментов во оваа болница се лекуваат околу 80 пациенти болни од корона вирусот.

Лазаров: Повторно протестира медицински персонал во ГОБ 8ми Септември, поддршка колеги!

Тале Кристо — Tue, 26 Jan 2021 11:02:58 +0000

Повторно протестира медицински персонал во ГОБ 8ми Септември Скопје, мало медиумско внимание. Поддршка колеги!, пишува на својот Фејсбук профил Д-р. Нанад Лазаров.