гоб „св наум охридски“ – Kurir.mk

Две лица со повреди од остар предмет примени во ГОБ „Св. Наум Охридски“ по тепачката во Кисела Вода

Ивона Петрова — Fri, 23 Sep 2022 05:15:01 +0000

Во Градската општа болница „Св. Наум Охридски“ во Скопје вчеравечер во 20 часот биле примени две лица со повреди од остар предмет во пределот на шаката. Едно лице е препратено на Скопските клиники, а едно е пуштено на домашно лекување, информираа за МИА од болницата. Дел од медиумите претходно објавија дека во автобус на ЈСП број 51 во Скопје се случила тепачка меѓу малолетници, но од Министерството за внатрешни работи се уште нема информација за инцидентот.

Во Градска: Дете и жена во тешка состојба по трагедијата во Романовце, бремената жена е со 28% изгореници

Ивона Петрова — Mon, 24 Feb 2020 10:52:09 +0000

Две жени, од кои една бремена, и 10 годишно дете се хоспитализирани во ЈЗУ Универзитетска клиника за хирушки болести „Св.Наум Охридски” по вчерашната експлозија на плинска боца во семејна куќа во Романовце. Директорот на болницата Арсенков за медиумите денес информираше дека жената на возраст од 31 година и детето се во тешка состојба со висок процент на изгореници, приклучени на апарати за вештачко дишење. -Жена (31) има изгореници од 80 проценти и е во крајно тешка состојба. Приклучена е апарати за вештачко дишење и има изгореници на дишните патишта. Втора пациентка има 28 години, таа е со 25 проценти изгореници по телото од втор степен, а потешка околност е тоа што е бремена во седми месец. Десет годишно детенце има 70 проценти изгореници и за жал е во тешка состојба на апарати за дишење, истакна Арсенков.

80-годишна баба хоспитализирана во Градска, пијана заработила скршеници по телото

Ивона Петрова — Sun, 11 Nov 2018 09:16:35 +0000

Осумдесет годишна жена со скршеници на телото изминатите денови била хоспитализирана во скопската Универзитетска клиника по хируршки болести „Св. Наум Охридски“. Според информациите на Скопје Инфо бабата била донесена со повреди и скршеници кои биле предизвикани од движење во алкохолозирана состојба. Од болницата коментираат дека вистинска реткост е пациент во таа возраст да биде хоспитализиран поради повреди настанати од конзумирање алкохол. По првичните испитувања таа била задржана на понатамошно лекување. Случајот бил пријавен во Министерството за внатрешни работи.