Гоце Бумбароски – Kurir.mk

Бумбароски: Власта создаде хаос во образованието, следната влада предводена од ВМРО-ДПМНЕ ќе направи ревизија на целосната концепција на образованието

Катерина Бојаџиева — Wed, 11 Oct 2023 13:01:59 +0000

На денешната дебата насловена „Образовни процеси – Мост од историјата кон иднината“ во општина Кичево во рамки на кампањата „Важно е! Од тебе зависат промените“ свое обраќање имаше членот на комисија за образование и наука на ВМРО-ДПМНЕ, Гоце Бумбароски кој истакна дека владата на СДСМ и ДУИ создаде хаос во образованието а фамозната концепција на Мила Царовска веќе го достигнува врвот на своето уништување во образованието и посочи дека следната влада предводена од ВМРО-ДПМНЕ ќе направи ревизија на целосната концепција на образованието и ќе се избори да си остане предметот историја како засебен предмет. „Образованието е еден процес кој што почнува од мали нозе и траеа цел живот. Образованието е една од клучните науки. Ако можеме да кажеме дека нешто успешно оваа влада на ДУИ и СДСМ направија е тоа дека успешно го уништија образованието. Ова морам да го констатирам владата на ДУИ и СДСМ во секоја сфера од образованието успеа да уништи се што е здраво и функционира. Јас како наставник по одделенска настава можам да кажам дека од 1 одделение до 9-то одделени нема одделение каде што нема нанесено штета. Учебници нема, еве и оваа година се уште нема учебници а оние кои што стигнаа се полни со грешки“, нагласи Бумбароски. Бумбароски посочи дека фамозната концепција на Мила Царовска веќе го достигнува врвот на своето уништување во образованието. „Фамозната концепција на Мила Царовска веќе го достигнува врвот на своето уништување во образованието. Спојување на предмети, бришење на историјата и се она што нанесува штета е посебно во делот на споените предмети. Предметот историја и општество има три модели тие три модели се оценуваат посебно и ги предаваат тројца различни наставници. Еден од наставниците кој што го предава моделот граѓанско образование со учениците ќе биде само 10 часа. Тој за 10 часа нема да успее ниту да ги запознае учениците а на крај на учебната година тој заедно со останатите двајца става завршна оцена“, истакна Бумбароски. Бумбароски рече дека можеби целта на властите е создавање на хаос во образованието. „Можеби тоа и е целта создавање на хаос каде што секој ќе тргне од себе и од својата умешност како да се справи со ситуацијата. Верувам дека е така затоа што ние како наставници добиваме насоки а имаме закони по кој што функционираме и законите се косат со тие насоки. Ние сме ставени во недоумица, и тешко се менаџира сето ова бидејќи доаѓаат различни насоки. Ние не знаеме каде да се обратиме доколку нешто не ни е јасно“, посочи Бумбароски. Бумбароски посочи и дека наредната влада предводена од ВМРО-ДПМНЕ ќе направи целосна ревизија на концепција на образованието и ќе се избори предметот историја да остане како засебен предмет. „Коренот на спојувањето на предметите историја и географија е прашањето на историјата како предмет. Она што наредната влада предводена од ВМРО-ДПМНЕ ќе го направи е ревизија на целосната концепција и да си остане предметот историја засебен предмет. Ќе се избориме историјата да биде засебен предмет. Бидејќи во сите земји во светот така се изучува“, кажа тој.

Бумбароски до Царовска: Не ги извртувајте моите изјави, јас сум за класични учебници дополнети со електронски материјал

Тале Кристо — Tue, 27 Apr 2021 17:24:38 +0000

Најпрвин сакам да не ги извртувате моите изјави, јас не се согласувам со ваквиот начин на дигитализација. Јас сум за класични учебници надополнети со дигитални учебници, посочи Гоце Бумбароски, наставник од Прилеп на министерката Мила Царовска во „24 анализа“. Бумбароски додаде дека не се согласува со ваков начин на дигитализација бидејќи Мила Царовска посочила дека по четврто одделение ќе има само дигитални односно електронски учебници. -Примат давам на оние учебници кои што се класични и нормално да се надополнат електронски содржини и сето она што може да го користиме ние како материјал во електронска форма, рече Бумбароски. Бумбароски укажа дека голем број на деца по цел ден се на своите паметни уреди и треба да се заштитат и да се заштити нивното здравје.

Бумбароски: Изјавата на Цароска дека децата не можеле да поврзуваат факти е навредлива за чинителите на воспитно-образовниот процес

Ивона Петрова — Thu, 17 Dec 2020 08:15:07 +0000

Голем број наставници и професори реагираат откако вчера во јавноста излезе информацијата дека предметот историја во основното образование се укинува како посебен и ќе биде дел од предмет „Општествени науки“ кои ќе го изучуваат учениците. Реакција предизивика и изјавата на министерската за образование и наука, Мила Царовска која, меѓу другото, истакна дека учениците не можеле да поврзуваат факти. -Денешната изјава на министерката дека децата не можеле да поврзуваат факти е страшно навредлива за сите чинители на воспитно-образовниот процес. Исто така министерката во говорот спомна дека концептот е по примерот на Финска, и со тоа мисли дека е оправдан. Е па вака: Министерке, ние уште многу имаме да јадеме леб за да стигнеме до тој модел. Во Финска наставникот е подигнат на ниво на божество. Таму наставникот е најважната алка во општеството и се слуша неговиот глас, а не на некои минливи политичари..., реагира на Фејбсук, Гоце Бумбароски, наставник во основно училиште во Прилеп.

Колумна на Гоце Бумбароски: Еве како неспособните носат неподобни закони и ги онеспособуваат СПОСОБНИТЕ во Македонија!

Љупчо Цветаноски — Wed, 01 Jul 2020 10:17:56 +0000

Бидејќи почитувам факти… Без разлика колку и да е горчлива вистината… Секогаш, ја претпочитам неа - вистината. Така што ќе започнам со следниот факт... Заврши наставната година (рако)водена по новите закони за основно образование и наставници и стручни соработници. Закони, кои што минатата година беа предложени од страна на актуелниот министер, а потоа беа изгласани и од мнозинството во собранието на Република Македонија. ... без анализа на состојбите. … без стручна и научна расправа. Сегашната власт случајно или (не)намерно, донесе закони кои се ПРЕПОЛНИ со аномалии. - Донесоа закони кои што предизвикаа доста реакции од страна на професорите од Институтот за специјална едукација и рехабилитација (дефектологија) при Филозофскиот факултет – Скопје. Важно е да се знае дека тие се најстручни во областа на инклузија на децата со посебни образовни потреби, а притоа воопшо не беа вклучени во подготвувањето на истиот. - Донесоа закони, а притоа воопшто не се консултираа со професорите од Институтот за педагогија, кои се најстручен кадар во областа на образованието. - Донесоа закони без да употребат дел од забелешките и предлозите од Народниот правобранител кои се однесуваат на инклузивниот тим, личните и образовни асистенти. И за крај… - Донесоа закони без да се консултираат со голем број наставници и стручни соработници. Закони кои што во ниту еден свој член не ги штитат од дискриминација сопствените вработени. Тоа е НАВИСТИНА многу ниско и навредливо од страна на еден министер и неговото ресорно министерство. Еве само еден мал дел од многуте пропусти во донесениот закон за работното време на носителите на дејноста во основното образование - т.е. наставниците. Во Член 17 од законот за наставници и стручни соработници стои следново: (1) Работното време на наставникот изнесува 40 работни часови неделно, од коишто 20 до 23 наставни часови. (2) Во неделниот фонд на наставни часови од ставот (1) на овој член, не влегуваат часовите за дополнителна и додатна настава. (3) Во 40 работни часови неделно, наставникот е обврзан да има 5 работни часа неделно директна, непосредна работа со ученици во додатна, дополнителна настава и воннаставни активности. (4) За наставниците во основното образование, во 40 работни часови неделно влегува и времето за организирано прифаќање на учениците пред и по наставата. Па оттаму ќе направиме една обична математика, за да видиме дали соодветствува со реалноста. Ќе ja земам за пример наставата во Четврто одделение, па според горенаведениот член од законот ќе сумираме. Започнуваме со ставот 1 каде што е наведено дека работното време на наставникот изнесува 40 работни часови неделно од коишто 20 до 23 наставни часови, но во реалност тоа не е така затоа што одделенскиот наставник одржува 25 часови неделно (+3 часа Англиски јазик одржува друг наставник). Следи став 2 каде што е наведено дека во неделниот фонд на наставни часови не влегуваат часовите за дополнителна и додатна настава. Тоа се вкупно два часа, па дојдовме до 27 работни часови. Во ставот 3 кој што гласи: Во 40 работни часови неделно, наставникот е обврзан да има 5 работни часа неделно директна, непосредна работа со (надарени) ученици во додатна, дополнителна настава и воннаставни активности. И кога ќе ги додадеме на претходните добиваме 32 часови. Став 4 од истиот член посочува дека за наставниците во основното образование, во 40 работни часови неделно влегува и времето за организирано прифаќање на учениците пред и по наставата. И во овој дел имаме 10 часа, плус 32 од претходните ставови доаѓаме до 42 работни часови Продолжуваме... Покрај тоа што веќе го надминавме законски определеното време од 40 работни часа неделно, тука не е внесено/пресметано времето за следниве активности наведени во член 14 од истиот закон: - планирање и подготовка на воспитно-образовната и другите видови професионална работа, - учество во надворешните мерења на постигањата на учениците (меѓународни и државни тестирања), - водење на педагошка документација и евиденција, - соработка со родители, - соработка со директорот, стручните соработници и другите органи на училиштето, - работа во стручните активи и другите тела и комисии, - вршење на задачи на одделенски/класен раководител, - собирање и обработка на податоци во врска со воспитно-образовната и друга работа, - менторство на ученици, - учествува во реализација на испитите од државната матура, училишна матура, завршен испит, државни и меѓународни тестирања, - планирање и реализација на професионален развој, - подготвување и водење ескурзии, излети, натпревари, настава во природа, летување, логорување што ги организира училиштето, - учество на истражувачки проекти и други активности за унапредување на воспитно - образовната работа, - водење на портфолио (дел од професионалното досие) и - вршење на други работи определени со годишната програма за работа на училиштето. Убаво звучи на хартија, но... Времето потребно за овие активности изнесува од 10 до 12 часа неделно. Заедно со горенаведеното доаѓаме до околу 50 до 55 часови неделно. Парадоксално нели!? Па да резимираме… Дали министерот навистина и самиот учевствувал во „стокмувањето“ на овие, со факти неподобни и неостварливи закони? Или сепак, како и во еден куп други случи, додека министерот спокојно уживаше во удобноста на фотелјата од телешка кожа, некои некадарни и неспособни „законотворци“ ги пишуваа овие закони? ТОТАЛНО занемарувајќи и прескокнувајќи ги професорите, институтите, наставниците - т.е. оние што ќе треба да ги спроведат овие контрадикторни закони? Патем, не зборувам само од моја гледна точка... Најголемите проблеми што ќе бидат предизвикани токму поради овие закони ќе се одразат врз децата - т.е. учениците. Врз младите генерации кои наместо да ги оспособиме, дополнително ќе ги онеспособиме да (не) напредуваат. Почитувани… Со овој начин на носење на закони, без апсолутно никаква консултација со просветните работници, НИКОГАШ нема да успееме да ја изградиме нашата младина т.е. нашите ученици во високи професионалци, кадри и професии што ќе и служат и надоградуваат нашата мила Македонија. … со ваквата работа на министерствата само назадуваме. Особено кога неспособни, од своите удобни кожени фотелји, носат неподобни и контрадикторни закони, онеспособнувајќи ги СПОСОБНИТЕ во Македонија! … принудувајќи ги да бегаат од Македонија! Со почит, за подобри закони, за иднината на нашите нови генерации, Ваш колега наставник (и родител) м-р Гоце Бумбароски