гоце чакаровски – Kurir.mk

По серијата неуспеси со корона кризата, си даде оставка националниот координатор за здравство

Ивана Ефремовски — Fri, 29 May 2020 05:51:09 +0000

Гоце Чакаровски си поднел оставка од функцијата национален координатор за здравство во Владата. Во решението што било донесено на владината седница одржана на 22-ри мај се вели дека поранешниот заменик-министер за здравство сам побарал да биде разрешен. Функцијата на Чакаровски завршува на 31 мај, а решението веќе е објавено во Службен весник, пренесе ФАКТОР. Тој беше заменик министер за здравство до јуни 2018, а потоа битолчанецот стана Национален координатор за здравство како дел од владината реконструкција. Чакаровски е специјалист по гинекологија и акушерство. Тој е кадар на СДСМ уште од 2009 година.

Дали огласот за државен советник во МЗ е наместен за шефицата на кабинет на Чакаровски?

Курир — Mon, 25 Dec 2017 11:17:15 +0000

Министерството за здравство во период кога е без министер, објавува оглас за државен советник за здравствен менаџмент и здравствена политика, за кој се бара еден извршител. Прво, се поставува прашањето дали овој оглас е објавен за да се унапреди шефицата на кабинет на актуелниот заменик министер, Гоце Чакаровски? Во кулоарите наголемо се зборува дека токму за неа е “скроен“ овој оглас. Второ прашање кое се поставува е дали е неопходно оглас за толку важна позиција како што е државен советник, да се распишува во време кога Министерството е оставено без министер, и дали некој смислено го користи овој преоден период за протнување кадровски политики?

Почина 23-годишниот Борче Проданов: Умре во хаосот на здравството со коалиционите преговори- Ќе има ли одговорност на Заев, Ден Дончев и заменик министерот на СДСМ?

Ивана Ефремовски — Fri, 22 Dec 2017 13:16:03 +0000

Младиот Борче Проданов од Валандово, за чие лекување изминатиов период се собираа донации од хумани граѓани и се одржаа голем број на добротворни настани, ја изгуби битката со болеста. Веста за неговата смрт ја објавија негови пријатели и роднини на социјалните мрежи, јавува Фокус. Негови блиски изминатиов период во повеќе наврати апелираа до јавноста да донира, бидејќи им биле потребни 25.000 евра за лекување во странство. Државата остана глува. Неговата дијагноза беше dystrophy musculorum progressive, односно болест која ѓи напаѓа клетките на мускулите, со што престанува нивната функција. Младиот живот згасна во хаосот на македонското здравство додека секторот е без министер поради долгите коалициони преговори со премиерот Зоран Заев. По оваа трагедија се поставува прашањето: Кој ќе сноси одговорност? Дали одговорност ќе превземат премиерот Заев, директорот на ФЗОМ, Ден Дончев и заменик министерот Гоце Чакаровски од СДСМ?

Здравството во агонија, а Заев тера политика и коалиции: Пациентите умираат, нема лекови и инсулин, хаос на секаде, а кадрите на СДСМ се свртеа кон корупција и тендери

Додека македонското здравство е во агонија, Зоран Заев си прави калкулации и тера политика со коалиционите партнери. Иако на неколку наврати беше ветувано дека ќе има нов министер за здравство, ветувањето не беше исполнето и претседателот на Владата на Република Македонија Зоран Заев го остава здравството и пациентите во агонија. Најпрво Зоран Заев вети дека нов министер ќе се постави после изборите, потоа се премисли и нов министер за здравство требаше да добиеме после први декември. Оваа одлука подоцна ја презакажа за по вракањето од Приштина. Заев и Села вчера дебатираа на оваа тема, но решение не беше постигнато. Села бара на местото на Таравари да дојде друг човек од неговата партија, а Заев инсистира тоа да биде Филипче. Додека Заев преговара, луѓе умираат.