Гоце Димовски – Kurir.mk

Димовски: Од одлуката на 17-ти октомври, зависи дали ќе продоложи иселувањето од Гостивар или конечно младите генерации ќе ја гледаат иднината тука

Магдалена Андонова — Sat, 02 Oct 2021 19:21:38 +0000

Главна водилка за мене, како носител на советничката листа на ВМРО-ДПМНЕ и коалицијата “Oбнова за Македонија”, ќе биде реализација, на квалитетна локална политика и програма. Како носител на советничката листа, максимално ќе се заложам, во програмата за реализација на буџетот на општина Гостивар, соодветно место да заземат проектите, утврдени како приоритетни во програмските цели на ВМРО-ДПМНЕ, рече Гоце Димовски, носител на советничка листа на ВМРО-ДПМНЕ во Гостивар. Како тим, вели Димовски, нудиме одлична програма, во која е утврдена визијата во каков град сакаме да живееме, и која ги опфаќа сите проблеми на гостиварчани, нудејќи соодветни решенија. - Програмата е усогласена, со програмата на кандидатот за градоначалник Арбен Таравари, подржан од ВМРО-ДПМНЕ и коалицијата “Обнова за Македонија”. Сите ние дишеме ист воздух, пиеме иста вода, јадеме иста храна, споделуваме исти проблеми, па затоа, заеднички ќе изнајдеме и решенија за сите проблеми. Иднината е сега, и на овие избори, секој од нас има можност да одлучи за неа, рече Димовски. Тој посочи дека целта е Гостивар, да биде град за сите луѓе, уреден и опремен за достоинствен живот, во духот на традиционалните вредности, прекрасно место за живеење, каде што сите ќе си ја планираме нашата иднина и иднината за нашите поколенија. - Град, во кој ќе се креираат можности за просперитет, во духот на меѓуетничкиот соживот, меѓусебната почит и толеранција. Град, во кој ќе се споделуваат заедничките вредности, без разлика на верската и националната припадност. Овие локални избори, нема да бидат само обични избори. Ова се избори, во кои ќе треба да се одлучи помеѓу перспективата и уназадувањето, помеѓу работниците и неработниците, помеѓу идејата и безидејноста, кажа Димовски. Димовски порача дека од одлуката на 17-ти октомври, зависи дали ќе продоложи иселувањето или конечно младите генерации ќе ја гледаат иднината тука. - На 17-ти октомври не избирате господари, туку слуги, слуги кои ќе работат исклучиво во ваш интерес, заклучи Димовски.

Димовски: Македонија со Заев една година е во рецесија, од ветениот раст од 5% нема ништо

Ивона Петрова — Sat, 10 Jul 2021 14:38:07 +0000

Македонија веќе една година е во рецесија, економијата тоне, луѓе остануваат без работа а се повеќе компании се затвораат, со еден збор економската политика на оваа Влада на СДСМ е катастрофа, вели во коментар на денот Гоце Димовски од ВМРО-ДПМНЕ. Власта ветуваше економски раст од 5% за секоја година, меѓутоа не само што нема раст од 5% туку во последната година економијата е во минус. Можеше да се има разбирање за Владата доколку падот на економијата беше општ тренд насекаде во регионот меѓутоа тоа не е така. Ако се направи споредба со земјите од регионот во однос на бруто домашниот производ за првите три месеци од 2021 година можеме да констатираме дека само во Македонија бруто домашниот производ е во минус односно тој изнесува -1.9 проценти. Имено, соседна Албанија за првите три месеци од 2021 година има бруто домашен производ од 5.5%, соседна Србија за првите три месеци од 2021 година има бруто домашен производ од 1.7% додека соседно Косово има бруто домашен производ кој изнесува 5.7%. Доколку продолжи ова ниво на раст и развој на земјите од регионот, за десетина година нивните граѓани ќе бидат со дупло поголеми плати, пензии и животен стандард во однос на граѓаните на Република Македонија. Лошите економски политики на оваа Влада фрлаат цели генерации во сиромаштија и стагнација. Народот е се посиромашен, постојано растат цените на храната и останатите артикли, поради што и животниот стандард од месец за месец е се полош. Компаниите се на раб на ликвидност, а соодветни и навремени решенија нема на повидок. Целиот економски пристап на оваа Влада практично се сведува на многу зборови и ветувања, но малку дела.

Димовски: Со СДСМ на власт, Македонија во првите три месеци од 2021 има 37 пати помалку странски инвестиции во споредба со Србија

Катерина Бојаџиева — Tue, 06 Jul 2021 16:22:40 +0000

Фијаското во делот на инвестициите, поточно во делот на странските директни инвестиции во Македонија продолжува и во 2021 година. Странските директни инвестиции во Македонија за првите три месеци од 2021 година изнесуваат скромни 25.6 милиони евра. Приливите по основ на странските директни инвестиции се ниски и најчесто доаѓаат од компаниите кои веќе работат во Република Македонија. Доколку направиме споредба во однос на другите земји во регионот можеме да констатираме дека Македонија е закована на дното во однос на приливот на странските директни инвестиции, вели Гоце Димовски од ВМРО-ДПМНЕ. -Имено, приливот на странските директни инвестиции за првите три месеци од 2021 година во соседно Косово е за 5 пати поголем во споредба со Македонија, приливот на странските директни инвестиции за првите три месеци од 2021 година во соседна Албанија е за 9 пати поголем во споредба со Македонија додека пак приливот на странските директни инвестиции за првите три месеци од 2021 година во соседна Србија е за 37 пати поголем во споредба со Македонија. Нови инвестиции воопшто и да нема. Бројките и фактите се немилосрдни. А тие велат уште еден пораз, неисполнето ветување на Владата на СДСМ, и немање на идеја и стратегија за креирање на развојна економија. И тоа во време кога регионот бележи успеси на ова поле, додека Македонија е целосно заобиколена. Доколку ВМРО-ДПМНЕ беше на власт приливот на странските директни инвестиции ќе беше неколкукратно поголем а економски услови за водење бизнис многу подобри, додава Димовски.