Гоце Ојлевски – Kurir.mk

Ојлески: Очекувам да ја заокружиме оваа полусезона со победа

Бошко Тасиќ — Tue, 13 Dec 2022 06:30:54 +0000

Со четири од можните десет бода на контото, македонскиот претставник во Европската лига, Еурофарм Пелистер го подготвува дуелот против Бидасоа Ирун од 20:45 часот. Убедливиот пораз од дванаесет разлика во Баскија минатиот вторник ги приземји пелистерци, но и покрај поразот сите веруваат во поинаков натпревар и исход. Гоце Ојлески ја пренесе атмосферата во соблекувалната и ги откри опасностите од противникот. „Се подготвуваме, го анализираме претходниот натпревар кој го игравме во Шпанија, каде навистина одигравме лошо. Се надевам дека со нови сили, цел тим ќе даде максимум и ќе се израдуваме на победа на домашен терен. Очекувам да ја заокружиме оваа полусезона со победа.Бидасоа Ирун има искусни ракометари, како што е Агинагалде, играат шпански систем на ракомет, кој можеби не е толку атрактивен за гледање, но секој си ја знае работата, добро се воиграни и носи резултати. Верувам дека имаме свои шанси и се надевам на победа“, вели левото крило на битолчани.

Ојлевски: Оваа Македонија може против секого

Бошко Тасиќ — Wed, 22 Dec 2021 16:43:33 +0000

Гоце Ојлевски по подолго време повторно е дел од ракометната селекција на Македонија. Искусното крило на Еурофарм Пелистер се најде во списокот на Кирил Лазаров, со кои македонскиот селектор ќе ги започне подготовките за Европското првенство. „Во разговор со селекторот Кирил Лазаров поради моето искуство одлучивме да се приклучам на овој собир, но тоа не значи дека ќе учествувам на ЕП. Имаме подготовки и контролни натпревари кои може да донесат секакви несакани ситуации и затоа јас сум тука и колку што можам ќе им помогнам на помладите. Во првата фаза од припремите ќе целиме кон подигнување на физичката подготвеност, па затоа и контролните натпревари ќе ни бидат добредојдени. Тие натпревари ќе ни дадат една слика за Европското првенство. Нема да бидеме аутсајдари на шампионатот, имаме многу искусни играчи. Со овој состав можеме да се натпреваруваме со сите селекции“, рече крилото на Еурофарм Пелистер.

Ојлевски: Нашата форма оди во нагорна линија, одлично се подготвуваме

Бошко Тасиќ — Mon, 22 Nov 2021 20:33:31 +0000

Пред пелистерци е нов меѓународен предизвик и дуел со екипата на Татабања, а противник кој е добро познат на битолската публика. Поранешниот капитен на Еурофарм Пелистер, Гоце Ојлевски вели дека тимот одлично се подготвува за овој дуел и е спремен за нова победа. „Добро се познаваме со Татабања, минатата сезона одигравме неколку натпревари. Со доаѓањето на тренерот Ѓукиќ во тимот владее позитивна енергија, играат подобро од претходно и тоа е голем плус за нив. Убаво е кога се победува, особено на гостински терен.„Добро се познаваме со Татабања, минатата сезона одигравме неколку натпревари. Со доаѓањето на тренерот Ѓукиќ во тимот владее позитивна енергија, играат подобро од претходно и тоа е голем плус за нив. Убаво е кога се победува, особено на гостински терен. Нашата форма оди во нагорна линија, одлично се подготвуваме, играме добро и нема зошто да не веруваме дека ќе победиме. Свесни сме дека нè очекува тврд и тежок натпревар, против цврста екипа со добри голмани, но пак ќе речам - сите веруваме во победа“, рече искусниот Ојлески., играме добро и нема зошто да не веруваме дека ќе победиме. Свесни сме дека нè очекува тврд и тежок натпревар, против цврста екипа со добри голмани, но пак ќе речам - сите веруваме во победа“, рече искусниот Ојлески.