гоце седлоски – Kurir.mk

Седлоски нов тренер на албанска Влазнија

Тале Кристо — Tue, 04 Apr 2023 15:13:49 +0000

Македонскиот фудбалски стратег Гоце Седлоски е назначен за нов тренер на албанскиот прволигаш Влазнија, соопшти денеска тимот од Скадар. Седлоски се сели во албанскиот прволигаш откако минатиот месец доби отказ на клупата на Шкупи со која лани ја освои македонската титула. Влазнија соопшти дека со 48-годишниот Седлоски е договорена соработка до крајот на сезоната 2023/24. Седлоски, кој е првиот фудбалер во македонската историја со 100 настапи во националниот дрес, тренерската кариера ја почна во австриски Матерсбург, предводејќи ги Турново, Вардар, Рига и Широки Брег, на клупски план, а краток период во 2012 година беше и вршител на должноста македонски селектор.

Гоце Седлоски е нов тренер на албанската Влазнија

Ристе Здравков — Tue, 04 Apr 2023 07:45:26 +0000

Албанскиот суперлигаш Влазнија објави дека нивен нов тренер е македонскиот стручњак Гоце Седлоски, со кого потпишале договор со важност до крајот на наредната сезона 2023/2024. Седлоски до неодамна беше тренер на Шкупи, а претходно беше прв тренер и на Динамо Загреб 2, Широки Бријег, Рига, Вардар и Турново. Тој има освоено три титули во македонската Прва лига, а Албанците го најавуваат како тренер на кој омилена формација му е 4-2-3-1. Влазнија во моментов е четврта на табелата со девет бода помалку од лидерот Партизани и Тирана, која е втора.

Седлоски повеќе не е тренер на Шкупи

Ристе Здравков — Tue, 21 Mar 2023 17:39:25 +0000

Актуелниот македонски шампион Шкупи ќе добие нов тренер во наредниов период и тоа откако реши да се раздели со досегашниот стартег Гоце Седлоски. Седлоски ја врати титулата во Чаир по две децениии, но оваа сезона беше многу турбулентна за него и клубот, еднаш заработи отказ, па по некое време се врати на функцијата за да сега скопскиот состав соопшти дека е донесена одлука за заминување на поранешниот македонски репрезентативец. Шкупи се уште е во игра за да го одбрани пехарот во ПМФЛ, има четири бода помалку од лидерот Струга Трим Лум, па останува да видиме кој ќе седне на жешкото столче.

Шкупи по втор пат го отпушти Седлоски

Ивона Петрова — Tue, 21 Mar 2023 13:26:26 +0000

Раководството на македонскиот фудбалски шампион Шкупи денес одлучи да ја прекине соработката со тренерот Гоце Седлоски. Ова е втор отказ за поранешниот македонски репрезентативец кој на тимот од Чаир минатата година му ја донесе титулата, прва по „ерата“ на Слога Југомагнат. Седлоски еднаш беше отпуштен во есенскиот дел од сезоната во Првата македонска фудбалска лига, но набргу потоа беше вратен на тренерската позиција. Информацијата за разделбата со Седлоски, Шкупи се очекува официјално да ја потврди попладнево. Засега не е објавено кој ќе го наследи Седлоски на местото шеф на стручниот штаб на Шкупи.

Седлоски повторно на клупата на Шкупи

Катерина Бојаџиева — Fri, 09 Sep 2022 10:37:22 +0000

Само десет денови откако му беше прифатена оставката на тренерското место на Гоце Седлоски, 48-годишниот стратег се врати на клупата на Шкупи, потврди денеска актуелниот македонски фудбалски шампион. Седлоски подбесе оставка по неуспешните настапи на европската сцена и бледиот старт на Шкупи во Првата македонска фудбалска лига, но серијата слаби резултати на клубот од Чаир продолжи и по неговото заминување со два врзани порази. Клупското раководство одлучи да го врати Седлоски на тренерската должност, а за негопв заменик го назначи поранешниот фудбалер на Шкупи, Арбен Нухиу. –Драги фанови, сакаме да ве информираме дека прв тренер на Шкупи ќе биде Седлоски, додека за прв асистент е поставена клупската легенда Арбен Нухиу. Заедно со нив, на позицијата претседател се враќа Суат Алија“, се наведува во клупското соопштение. По шест одиграни натпревари Шкупи е шестопласиран со седум бодови, а следен противник на актуелниот шампион е Работнички, в недела.

ОФИЦИЈАЛНО: Гоце Седлоски си поднесе оставка во Шкупи

Ивана Ефремовски — Wed, 31 Aug 2022 18:42:00 +0000

По денешното реми со прилепска Победа во 5. коло од Првата македонска фудбалска лига, Гоце Седлоски заминува од клупата на македонскиот шампион Шкупи. Веќе извесен период во домашните фудбалски кулоари се потенцира заминувањето на Седлоски од тренерската позиција во Шкупи, кое се очекуваше да се случи веднаш по елиминацијата од Балкани во плеј-офот од Конференциската лига. Нескриени се информациите дека, сега веќе, досегашниот тренер на чаирчани веќе има и договорено нова фудбалска средина каде ќе ја продолжи својата тренерска кариера, пренесува ЕКИПА. Шкупи имаше и повеќе од разочарувачко европско лето со само една победа, едно реми и шест порази низ повеќе од скромни изданија во квалификациите од Лигата на шампионите, Лигата на Европа и Конференциската лига. Чаирчани во Европа успеаја да победат само против шампион на еден Гибралтар, а двапати загубија од косовски Балкани што е повеќе од разочарувачки резултат за македонскиот клупски фудбал.

Седлоски: Шкупи има квалитет да се пласира во групната фаза во Лигата на Конференции

Тале Кристо — Wed, 17 Aug 2022 11:02:29 +0000

Тренерот на Шкупи, Гоце Седлоски е оптимист пред пресметките со Балкани од Косово во плејофот од Конференциската лига на УЕФА. Со евентуален успех, македонскиот шампион ќе стане втората екипа од нажата држава која изборила учество во групна фаза во еврокуповите. Првиот тим е Вардар кој во ерата на Сергеј Самсоненко играше во групите во Лига Европа. Седлоски смета дека неговите играчи со настапите на евро-сцената сезонава покажале дека со право можат да се надеваат на победа над Балкани. – Ќе дадеме максимални напори да се радуваме на крајот на пресметките со Балкани. Противникот ни е познат од пријателскиот натпревар во подготвителниот период. Тие покажаа дека се квалитетен тим. Кај нас е позитивно тоа што сме комплетни без повредени играчи. Очекувам добро наше издание и со трпелива игра да дојдеме до посакувана цел, изјави Седлоски. Слично како тренерот Седлоски, размислува и Бесир Демири кој вети максимално залагање на сите играч кои ќе добијат шанса да настапат. Натпреварот Шкупи – Балкани ќе се игра утревечер од 21 часот на Национална арена „Тодор Проески“ во Скопје.

Седлоски: Шамрок ја заслужи победата

Ивона Петрова — Wed, 10 Aug 2022 07:07:15 +0000

Тренерот на Шкупи, Гоце Седлоски, го призна поразот од ирски Шамрок во пресметката за влез во плејофот за Лига Европа. Македонскиот шампион синоќа во Скопје загуби со 1:2 и со вкупни 2:5 е елиминиран во третото квалификациски коло. – Сакам да му честитам на Шамрок за победата. Се сретнавме со многу добар, цврст, агресивен тим. Заслужено не победија во овие 180 минути фудбал. Направивме три измени на паузата кои внесоа свежина, но по првиот примен гол почна нервозата. Изгубивме многу топки таму каде што не требаше и противник како Шамрок не го простува тоа. Сега продолжуваме со следниот натпревар, не очекува тежок противник како што е Македонија Ѓ.П. Имаме уште една шанса за Конференциската лига, изјави по натпреварот Седлоски. Противникот на Шкупи во плејофот за Конференциската лига на УЕФА ќе се знае утре.

Седлоски: Одиме на победа со два разлика

Ивона Петрова — Mon, 08 Aug 2022 11:23:02 +0000

Македонскиот фудбалски првак Шкупи утре ќе го игра реваншот од третото квалификациско коло за Лигата на Европа. Противникот на чаирчани, Шамрок од Ирска на првиот меч пред четири дена победи со 3:1. Тренерот на Шкупи, Гоце Седлоски верува дека неговите избраници можат да ја анулираат предноста на Шамрок. – Одиме на победа со два гола разлика. Немаме друг избор. Мора да дадеме максимум во текот на целиот натпревар. Уште од самиот почеток треба да тргнеме агресивно. Грешките да ги сведеме на минимум. Видовме и во Ирска, и на претходните средби како се казнуваат грешките во евро-куповите. Верувам во мојот тим, но се надевам дека со помош на нашите навивачи можеме да ја анулираме негативата од два гола од првиот меч, изјави Седлоски. Натпреварот Шкупи – Шамрок е закажан за утревечер од 21 часот на Национална арена „Тодор Проески“ во Скопје.

Седлоски: Важна победа, ги заслуживме трите бода

Ивана Ефремовски — Mon, 27 Sep 2021 07:13:06 +0000

Тренерот на Шкупи, Гоце Седлоски, е среќен поради триумфот (3:1) над Академија Пандев вчеравечер на дербито во Струмица. Морам да им честитам на играчите за победата која е многу важна. Мислам дека заслуживме три бода. По голот што го примивме, направив неколку замени за поголема енергија на теренот и почнавме да напаѓаме цело време. Не сакам да зборувам за досудените пенали, но можам да кажам дека создадовме многу шанси и одигравме многу добар натпревар. Сега треба да се фокусираме на следниот натпревар против Работнички, бидејќи тоа е исто така важен натпревар и ги повикувам нашите навивачи да создадат добра атмосфера на трибините, изјави Седлоски. По осум кола во Првата македонска фудбалска лига, Шкупи е со 17 бодови. Следниот натпревар чаирчани ќе го имаат н а2 октомври против Работнички. (МИА)