годишна програма – Kurir.mk

Актерот Едмонт Сотир до Министерството за култура: Годишната програма, лански расол- не сакате ли да се провира македонската култура?

Дарко Андоновски — Mon, 17 Feb 2020 13:39:17 +0000

Актерот вработен во Театар Комедија и директорот на македонското културно лето во Албанија Едмонд Сотир на својот Фејсбук профил сподели статус во врска со годишната програма за култура кој го нарече лански расол. ГОДИНАШНАТА ПРОГРАМА ЗА КУЛТУРА, ЛАНСКИ РАСОЛ ПРЕКУЛТУРЕН ПРИГОВОР До: -Комисијата за меѓународна соработка, -министерство за култура на Македонија Почитувани членови на комисијата, (не знам кои сте и не треба да знам) почитувани надлежни, искрено и срдечно ве поздравувам! Повикувајќи се на Вашата висока професионалност, одговорност и непристрасност, Ве молам за одговор: - Како предложениот проект МАКЕДОНСКО КУЛТУРНО ЛЕТО 2020 од национален интерес во културата со програма детално објаснета и образложена по сите ваши правила и прописи добива помалку од 7,5% од бараните, потребни средства за реализација? - Како предложениот проект комплетиран со сите потребни, основни и дополнителни услови и документи и со потпишани договори за гостување со 12 национални театри, да се реализира со средства доволни за само еден театар? (Може да споредите со средствата што вие ги одобрувате за гостување на еден, било кој театар во сосетството). - Ако проектот е несоодветен, нереален, некомлетен или не е од национален интерес, - зошто воопшто го поддржувате? - Ако пак е соодветен, комлетен, од национален интерес и сериозен,- зошто не го поддржувате соодветно и сериозно како што заслужува? Ако нема доволно средства, зошто е отворен повикот? - Зошто, (според непишана ваша пракса, за жал наше искуство) одобрените средства се исти или приближни до ланските и така години наназад? И природно му доаѓа прашањето - Зошто постои комисијата ако само ги препишува ланските суми и одлуки? Зошто?... Можеме само да претпоставуваме. Можеби не сакате фестивал како МАКЕДОНСКО КУЛТУРНО ЛЕТО!? Можеби не сакате да се промовира македонската култура?! Можеби не сакате затоа што се одржува кај вашите сонародници во Пустец, Албанија?! Можеби не сакате културна соработка со Албанија?! Можеби не го сакате раководителот на фестивалот?! Можеби не сакате култура?! Можеби ...?! Ова не е прв приговор, но од дното на душата се молам да е последен. Искрено, се уште имам надеж во министерот кај кого и јавно барам прием. Доктор е, а само доктор може да ја извлечи и излечи култура од смртна постела! На крај, на сите што си ја вршат работата професионално и одговорно: Простете. Од плевелот во полето на културата, не ги гледам цвеќињата. Простете! Македонско културно лето 2020 Едмонд Сотир, стои во неговиот пост на Фејсбук.

Манева: Културата познава само квалитет, а не етничка, географска припадност

Ивона Петрова — Wed, 14 Feb 2018 10:31:36 +0000

Незадоволството од министерот за култура не прекинува. Посебно деновиве откако се оболодени колку средства за која област има. Јана Манева Чупоска истакната професорка, ликовен уметник, ќерка на Коле Манев, познат македонски сликар и филмски работник од областа на документаристиката, никогаш не заземала страна, но сега очигледно е револтирана од состојбите во културата. -Ах ..култура..пoмалку конкурси..памалку финансии .. .да собереме по некоја трошка....!!!! Да имаме за лепче и солца...., коментира Манева на својот Фејсбук профил. Таа укажува дека годишната програма на Министерството за култура за финасирање на проекти за 2018 година на годинашниот конкурс пристигнале 2066 проекти - 500 проекти повеќе, или над 25% повеќе апликации отколку во претходните две години (за споредба, во 2016 година беа пристигнати 1556 проекти, во 2017 година 1593 проекти). Според Манева тоа покажува зголемена доверба во институцијата и нејзин успех во популаризацијата на конкурсот во јавноста. -Мое мислење за ова....Ако статистичката логика на Министерството за култура дека имаме повеќе од 25% повеќе апликации одминатите години (дајте повеќе не спомнувајте што било претходно разбравме дека биле за никаде...сега треба да е подобро..нели..одговорноста е сега само ваша ??.) дали е во ред повторно да се пласира тезата дека со 30.000 денари може да се реализира една самостојна изложба.....СЕКАКО ДЕКА НЕМОЖЕ...НИКАКО.....!!!!! Тоа што имало повеќе апликации требало нешто друго да ви каже дека сме жива сиромаштија во која ликовната фела очајно бара спас ... а не дека сме заљубени во министерството...Ликовните автори се фрлени на маргините....се фрлаат трошки за нас...и тоа само за ликовната дејност нашата фела е за жалење...но тука и самите ние уметниците сме заспани молчиме...е па...тоа е ...неначекаа...., укажува Манева. Според неа комисијата не може да распределува средства според родова еднаквост, етничка и географска карактеристика. -Ве молам каква е таа уметност за родова застапеност.....или географска???? Етничка????? Па нели го знаеме основното правило во уметноста, а тоа е дека има само добра и лоша уметност..каква е таа уметност со која комисијата ја имала во предвид да се финансира според родова еднаквост????? Да не е тоа можеби работа на Министерството за труд и социјала????, прашува професор Манева. На крај таа заклучува „колку што се сеќавам сееее... требаше да биде поразлично....ама изгледа грешка сум....“

Белопета: Алаѓозовски не води Министерство за култура, туку Министерство за популизам, маскенбали и туристички патувања

Ивона Петрова — Wed, 14 Feb 2018 10:07:08 +0000

Со реакција за годишната програма на Mинистерството за култура излезе и првиот човек на Скопскиот џез фестивал, Оливер Белопета познат и докажан приврзаник на социјалдемократите. Според него Министерството предводено од СДСМ, не е министерство за култура туку дека треба да се преименува во Министерство за култура, популизам, естрада, забава, фестивалчиња, маскенбали и туристички патувања на Република Македонија. -После мојот пост на Фејсбук страната на Скопскиот џез фестивал, објавен пред и по повод саботната прес-конференција на Министерството за култура за Годишната програма со резултатите од Годишниот конкурс за проекти од национален интерес во културата за 2018 и дводневното нејзино читање, да одговорам на сопствените дилеми и прашања од тој текст. Тоа што неработен ден е избран за прес-конференцијата и не е нешто посебно. Но, подобро ќе беше пресот да се одржи во саботата длабоко по полноќ (ако болеста за себе промоција стигнала до неизлечивост Министерството ќе донесеше свои камери). А Брлогот наречен Годишна програма воопшто да не се објавуваше на веб-страна или било каде. Заедно со Жабарникот со побарани и доделени суми за аплицираните проекти, во кој се прпелкаат бројни збунети очиња, коментира на својот Фејсбук профил Белопета. Според него како што вели „објавувањето на Брлогот и Жабарникот не го сметам за транспарентност, ниту само за бесрамност, туку за невидена дрскост со обид демонстрација на сила и моќ, во кои лагата е најсилното (дали кај нас се уште не совладиво оружје?)“. -Најнапред, Брлогот (Годишната програма на Алаѓозовски) во некои делови веројатно излегува од овластувањата на Министерството според Законот за Влада, а за сигурно се судира со Законот за култура и дејностите во него. Еден европски Прибе експерт за култура лесно би го потврдил тоа, заедно со разидувањето со европските пракси, а би скренал внимание и предупредил и на одредби од други наши закони, за несовесното во работењето и злоупотреба на службената должност. Малку би го интересирало тој Прибе дилентатизмот и сознанието дека Брлогот и Жабарникот пристигнале од Детска градинка, констатира Белопета. Според него „нема дилема дека Годишната програма и порано сакала да се додворува на што повеќе корисници, со крај на цел прибирање повеќе изборни гласови (потврдено како бумеранг)“. Последицата е надвладување на квантитетот, а неквалитетот. Тоа е уравниловка која раѓа незадоволство кај мнозинството. -Со Брлогот и Жабарникот на Алаѓозовски, со рекордниот број прифатени таквите споменати проекти, се разбира, без вредносен филтер и основни конкурсни критериуми, сегашнoтоминистерствозакултура гидоведе популизмот и уравниловката до совршенство. Не забележувам дека министерството закултуражали за изневерените очекувања. Наједноставно кажано, шокантноделуваенормната бројкана проекти кои со ништо непридонесуваат за културата во државата и кои во старт требале да бидат фрлени, а не „разгледувани“ и прифатени, голем дел од нив и вон дејностите пропишани во Законот за култура на РМ. Некултура за секого? Како да излеземе од Брлогот и Жабарникот? Никако. Единствено останува да им дадеме легимитет – со преименување на Министерството за култура, во Министерство за култура, популизам, естрада, забава, фестивалчиња, маскенбали и туристички патувања на Република Македонија, заклучува Белопета.