годишнина – Kurir.mk

Идентификувани две жртви 22 години по 11 септември

Ристе Здравков — Mon, 11 Sep 2023 06:19:14 +0000

САД одбележуваат уште една годишнина од нападите од 11 септември 2001 година – 22 години по најсмртоносниот терористички напад на територијата на земјата. Во терористичкиот напад загинаа повеќе од 3.000 луѓе. Две жртви кои загинаа во Светскиот трговски центар се идентификувани повеќе од две децении по терористичките напади на 11 септември 2001 година, изјави во петокот главниот лекарски преглед во Њујорк. Имињата на жртвите, маж и жена, не беа објавени на барање на нивните семејства, соопштија официјални лица. Тие се 1.648. и 1.649. жртви чии останки се идентификувани од 2001 година. Посмртните останки на 1.104 жртви, или 40 отсто од загинатите во нападите, сè уште не се пронајдени речиси 22 години откако терористите на Ал Каеда киднапираа комерцијални авиони и ги урнаа во кулите близначки во долниот дел на Менхетен. Бомбашките напади: Нападите почнаа рано утрото кога 19 терористи ја презедоа контролата над 4 патнички авиони кои тргнаа од источниот брег на САД во правец на Калифорнија. Авионите на долги релации се специјално избрани, бидејќи се натоварени до врвот со гориво. Пет го пренасочуваат летот 11 на Американ Ерлајнс (Бостон до Лос Анџелес) и го насочуваат Боинг 767-723 во Северната кула на Светскиот трговски центар. Авионот удрил во северната страна на зградата во 8:46:33 часот по локално време. Во 9:02:59 часот по локално време, уште петмина го принудија Боингот 767-222 на Јунајтед ерлајнс да се урне во Јужната кула. Судирот беше виден во живо ширум светот како по првиот судир ТВ каналите директно емитуваа од Светскиот трговски центар. Редовната рута на летот требаше да биде од Бостон до Лос Анџелес. Нешто помалку од 90 минути подоцна се урнаа кулите близначки на Светскиот трговски центар, каде работат речиси 50 илјади луѓе. Друга група од пет терористи го киднапираа Боинг 757-223 на Американ Ерлајнс (вршеше редовен лет од Вашингтон до Лос Анџелес) и го насочија кон Пентагон. Авионот се урна и предизвикува уништување на зградата. Четвртиот авион, Боинг 757-222, кој летал на Јунајтед ерлајнс од Њуарк до Токио, бил киднапиран од четворица терористи. Целта на летот била Капитол или Белата куќа, но патниците се спротивставиле на киднаперите и ја спречиле нивната намера. Авионот се урнал во поле во југозападна Пенсилванија, на околу 240 километри северозападно од Вашингтон, во 10:03:11 часот по локално време. Бројот на жртвите на терористичките напади достигна 2.997 (не вклучувајќи ги бомбашите), откако пред неколку дена беа идентификувани уште двајца од загинатите. Сите 256 лица во четирите авиони киднапирани од терористите загинаа – нема преживеани. Со исклучок на 55 воени лица убиени во Пентагон, сите други жртви се цивили. Меѓу загинатите има претставници на повеќе од 90 земји. 411 одговорни лица за итни случаи загинаа додека се обидуваа да спасат луѓе и да ги локализираат пожарите.

Италија слави 76 години од републиката, во Рим одржана воена парада

Тале Кристо — Thu, 02 Jun 2022 12:44:46 +0000

По двегодишна пауза поради пандемијата на коронавирус, Италија денеска со воена поворка во главниот град повторно ја прослави годишнината од основањето на републиката. Утрово, претседателот Серџо Матарела положи венец на Олтарот на татковината на плоштадот „Пјаца Венеција“ во Рим, а авиони прелетаа со боите на италијанското знаме: зелена, бела и црвена. Националниот празник го одбележува референдумот во 1946 година на кој италијанскиот народ гласаше за формирање република. Воената поворка минуваше по „Виа деи Фори Империјали“, авенијата првично изградена под Бенито Мусолини, која води од Колосеумот до Римскиот форум до „Пјаца Венеција“. Оваа година за првпат на парадата учествуваат жени и мажи од здравствениот сектор како признание за нивниот придонес во борбата против пандемијата. Покрај различните воени и полициски единици, пред трибината на која присуствуваа Матарела, премиерот Марио Драги и други членови на Владата, продефилираа и оклопни возила. Претседателот (80), кој е четири години постар од републиката, се осврна на војната во Украина преку порака до вооружените сили. „Италија се определи за мир. Нашето сопствено искуство ни покажа како може да се изгради стабилен и траен соживот дури и по крвавите конфликти. Ова го потврдуваме денес додека стоиме на страната на Украина, која е нападната“, напиша Матарела во пораката. Во пресрет на националниот празник, Матарела прими владини претставници и странски претставници во својата резиденција. Амбасадорите на Русија и Белорусија не беа поканети. „Денес, горчливата лекција од конфликтот во 20 век се чини дека е заборавена. Агресијата на Руската Федерација против Украина ги доведува во прашање темелите на нашето меѓународно општество, почнувајќи од мирниот соживот“, рече Матарела. паг/ 2022-06-02 14:35:16, од Пандорка Арсовска-Гацова

ЦБИ прослави пет години од своето постоење (ВИДЕО)

Тале Кристо — Mon, 23 May 2022 13:30:50 +0000

Центарот за безбедносни истражувања (ЦБИ) во саботата на 21 мај 2022 година одбележа пет години од своето постоење. -По повод пет години од основањето на Центарот за безбедносни истражувања, минатиот викенд го одбележавме овој значаен јубилеј со организација на Годишна конвенција. На конвенцијата беа присутни претставници од државните органи, претставници од странските дипломатски претставништва, градоначалници, пратеници, претставници на невладини организации и експерти, информираат од ЦБИ. Курир во живо го пренесуваше одбележувањето на годишнината на ЦБИ, а истата можете и во продолжение да ја погледнете:

ЦБИ одбележува 5 години од своето постоење

Тале Кристо — Wed, 27 Apr 2022 13:24:14 +0000

Центарот за безбедносни истражувања (ЦБИ) на 21-ви мај одбележува пет години од своето постоење. Со особено задоволство ја споделуваме со Вас најавата за нашата Годишна Конвенција, која ќе се одржи на 21ви Мај, по повод пет годишнината од основањето на нашата организација Центар за безбедносни истражувања (ЦБИ). ВАЖНО: Заради ограничениот дел на места, доколку сакате да присуствувате на Конвенцијата, потребно е да го регистрирате Вашето учество на електронската адреса која ја има во најавата, информираат од организацијата. Mисијата на ЦБИ е да им помогне на обичните граѓани, но и на донесувачите на одлуки да го направат најдобриот избор при донесувањето одлука, притоа потпирајќи се на најдобрите информации. Решенијата кои ги нуди ЦБИ се направени врз основа на најдобрите информации, најкредибилните методи и најдобрите експерти во одредената област. Ние сме посветени на објективни и квалитетни истражувања кои ги даваат најдобрите резултати и го нудат најдобриот пристап за справување со безбедносните предизвици.

Спомен-куќата на Тоше во Крушево одбележува 11 години

Тале Кристо — Thu, 21 Apr 2022 12:47:42 +0000

Со музичко-сценски настан, со изложба и во духот на хуманоста денеска во Спомен-куќата „Тодор Проески“ на Гумење во Крушево е одбележана 11-годишнината од отворањето на овој еден од најпосетуваните музеи во земјава и на Балканот, спомен-домот посветен на Тоше Проески, кој е најголемо обележје на животот и делото на големата музичка ѕвезда. На одбележувањето беа доделени хуманитарни ваучери на пет социјално ранливи семејства. Се одржа литературно читање на тема „Твојот и мојот непребол“ со творби од поетеси кои ги читаа учениците од Основното крушевско училиште „Никола Карев“, а со истиот наслов беше отворена и изложбата на дела на Снежана Лазарова. Пред присутните со преработки на песните на Тоше настапи саксофонистот Горан Папаз. На вработените им беа доделени и јубилејни награди за 10 години работење во Спомен-куќата „Тодор Проески“. Директорката на спомен-куќата Лефкија Гажоска вели дека за 11 години бројот на посетители се приближува до еден милион. – Единаесет години во спомен-домот се чуваат спомените за Тоше Проески, се чува секоја негова насмевка, се чуваат неговите лични предмети, оние што ги добивал од фановите, се слуша неговата музика и постојано имаме посетители. Ја одбележуваме 11-годишнината од Спомен-домот онака како што му прилега на Тоше, со музика, со сеќавања, изложба, со творби и со хуманост. Тоа е скромен настан со кој, на некој начин по пандемиското време, ги отвораме вратите на Спомен-куќата за поголема посетеност. Во спомен-куќата се 360 експонати, а за овие 11 години ја посететиле близу еден милион гости и тоа од речиси цел свет. Сме имале посетители од Кина, Тајван, од европските земји и секако од балканските земји, изјави Гажоска. Уметникот Снежана Лазарова во техника со ориз изложи 33 дела. – Идејата беше да прикажам дека во светот на темнината и светлината, преовладува светлоста, вели Лазарова. Исклучителното архитектонско здание, Спомен-куќата „Тодор Проески“ на Гумење во Крушево има и меѓународни признанија.

18 години од смртта на претседателот Трајковски

Дарко Андоновски — Sat, 26 Feb 2022 08:07:21 +0000

Во Скопје и во Ротимље денеска ќе биде одбележана 18-годишнината од смртта на поранешниот претседател Борис Трајковски кој заедно со членови од неговиот Кабинет загина во авионска несреќа во близина на Мостар. На гробот на Трајковски и на вечните почивалишта на загинатите членови на делегацијата на градските гробишта во Бутел, како што е најавено, цвеќе ќе положи претседателот на државата Стево Пендаровски, а делегации од Кабинетот на Претседателот ќе положат цвеќе и пред спомен-обележјето на местото на несреќата во Ротимље, Босна и Херцеговина и на гробот на еден од членовите на делегацијата, во Велес. Во авионската несреќа, што се случи на 26 февруари 2004 година, загинаа претседателот Борис Трајковски и осумчлена делегација која патуваше на Меѓународна конференција во Мостар. Покрај претседателот Борис Трајковски, животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на Министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.

20 години од воведувањето на еврото

Тале Кристо — Mon, 14 Feb 2022 14:40:24 +0000

Денеска европратениците ќе ја одбележат 20-годишнината од еврото и ќе разговараат со претседателката на Европската централна банка Кристин Лагард за работата на ЕЦБ во минатата година.Сесијата ќе започне со церемонија за одбележување на 20 години од Еврото. Говор ќе имаат претседателката на Европскиот парламент Роберта Мецола, претседателката на ЕЦБ Кристин Лагард, комесарот за економија Паоло Џентилони и Ирене Тинагли, претседателка на Комитетот за економски и монетарни прашања. По церемонијата, европратениците ќе дебатираат со претседателката на ЕЦБ Лагард за работата на Европската централна банка во 2021 година и за состојбата на економијата на ЕУ. Дебатата доаѓа во особено важен момент со пораст на инфлацијата и, во исто време, постпандемиско економско закрепнување кое сè уште е во првите денови.

Одбележана годишнината од смртта на загинатите градители на ХЕС Маврово

Тале Кристо — Fri, 11 Feb 2022 15:18:25 +0000

Симболично, со положување на цвеќе пред споменикот на градителите, делегација на АД ЕСМ, предводена од раководството на ХЕС „Маврово“, им оддаде почит на загинатите градители, кои ги загубиле животите во снежна лавина во 1956 година, градејќи го хидроенергетскиот систем Маврово. -Како вработени во хидроелектраната сакавме да останеме верни на традицијата и скромно, со почитување на сите протоколи во услови на пандемија, со идеја да не се заборави делото на загинатите градители ја одбележуваме 66 годишнината од нивната трагична смрт. Денеска, со положување на цвеќе пред спомен-обележјето ги чествуваме луѓето кои се вградиле дури и со своите животи во своите работни задачи, за да изградат капацитети од витално значење за државата, рече директорот на подружницата ХЕС „Маврово“ Ѓорѓи Божиноски. Зимата во Мавровскиот регион ноќта меѓу 10 и 11 февруари 1956 година се случила најголемата природна катастрофа. Од планината Кораб се струполиле снежни лавини врз бараките на градителите на Мавровскиот хидроенергетски систем. Снежните лавини затрупале над 100 лица, а половината од нив успеале да се извлечат од белата смрт и да се спасат. Најголемиот дел од загинатите биле градители на мавровските хидроелектрани.

ПРОСЛАВА ВО ДОМОТ НА ЦЕЦА! Овој ден е посебно важен за пејачката и Богдан: „Со него сум најсреќна“

Магдалена Андонова — Thu, 16 Dec 2021 12:49:59 +0000

На почетоткот на оваа година, Цеца во јавноста се појави со својот избраник Богдан Срејовиќ а од тогаш не се одвојуваат еден од друг. Цеца сега откри радосна вест која претставува одлична причина за прослава, а тоа е годишнина од нивната врска на 18 декември. - На 18 декември ни е годишнина. Нас секој ден ни е како годишнина. Многу ми е убаво во мојата врска, среќна сум и задоволна. Он исто така, а тоа е всушност најважно. Нас тој ден не ни значи ништо повеќе од деновите кои се зад нас, рекла Цеца за Телеграф.рс SLAVLJE U DOMU CECE RAŽNATOVIĆ! Ovo je poseban dan za Bogdana i nju: Sa njim sam srećna, najbitnije nam je...

ФОТО: Вилијам и Кејт Мидлтон прославуваат 10 години брак

Ивона Петрова — Thu, 29 Apr 2021 08:03:40 +0000

Војвотката и војводата од Кембриџ, Кетрин Мидлтон и принцот Вилијам на Инстаграм објавија неколку слики со нив двајца, по повод 10-годишнината од својот брак. Една од нив ја прикажува оваа британска кралска двојка пред едно десетлетие во однос денес. Војвотката и војводата од Кембриџ минатиот месец го посетија нивното место на венчавката – опатијата „Вестминстер“, која привремено се користи како место за вакцинирање против Ковид-19. Вакцините се даваат во познатото „Катче на поетите“, каде што се изложени личности од британската книжевност – Вилијам Шекспир, Џејн Остин и Чарлс Дикенс. Најновите фотографии се направени оваа недела, во палатата Кенсингтон од фотографот Крис Флојд.