годишно собрание – Kurir.mk

Годишно собрание на МАНУ

Ивона Петрова — Wed, 23 Feb 2022 06:36:26 +0000

Македонската академија на науките и уметностите (МАНУ) денеска ќе одржи Редовно годишно собрание кое ќе биде отворено со експозе на претседателот на МАНУ, академик Љупчо Коцарев за Академијата во 2021 и предизвиците во оваа година. На дневен ред се Предлог-извештај за работата на МАНУ во 2021 година и Предлог-програма за работата во 2022 година поднесени од Претседателството на Академијата. Редовното годишно собрание ќе продолжи со излагање на секретарот на МАНУ, дописен член Изет Зеќири, за финансиските планови на МАНУ за 2022 година. Собранието ќе се одржи со почеток во 12 часот во Свечената сала на МАНУ, во согласност со препораките и мерките за спречување на коронавирусот.

Одложено Редовното годишно Собрание на ФФМ

Ивона Петрова — Mon, 16 Mar 2020 11:15:25 +0000

Фудбалската федерација на Македонија следејќи ги заклучоците, мерките, препораките и забраните на Владата на Република Северна Македонија поврзани со заштита и превенција од коронавирусот SARS-CoV-2, како и прогласувањето на пандемија од страна на Светската здравствена организација, донесе одлука за одложување на Редовното годишно Собрание на Фудбалската федерација на Македонија кое беше закажано за 21 март 2020 година, соопшти ФФМ преку својата веб-страница. Јавноста и фудбалското семејство навремено ќе бидат известени за терминот за одржување на Редовното годишно Собрание кој дополнително ќе се утврди. – Имајќи го в предвид пред се здравјете на фудбалерите, гледачите и сите други фудбалски актери, Фудбалската федерација на Македонија постојано ја следи ситуацијата со коронавирусот SARS-CoV-2и постапува согласно препораките на јавно – здравствените институции, информираат од ФФМ.

Редовно годишно собрание на МАНУ

Ивона Петрова — Tue, 20 Mar 2018 07:07:25 +0000

Македонската академија на науките и уметностите денеска ќе одржи Редовно годишно собрание. Претседателот на МАНУ, академик Таки Фити, ќе поднесе експозе на тема „Македонската академија на науките и уметностите во 2017 и 2018 година“. Потоа ќе се усвојуваат Извештајот за работата на МАНУ во 2017 година и Програмата за работа на МАНУ во 2018 година. Како што е најавено, секретарот на МАНУ, академик Леонид Грчев, ќе има излагање за финансиските планови на МАНУ во 2018 година.