Голден Арт КЛ7 – Kurir.mk

Колоски нов ракометар на Голден Арт КЛ7

Тале Кристо — Sun, 08 Aug 2021 09:47:44 +0000

Левиот бек Стефан Колоски во претстојната сезона ќе настапува за Голден Арт КЛ7. Дваесет и четиригодишниот стружанец доаѓа во Голден Арт КЛ7 од екипата на ГРК Тиквеш. -Драго ми е што сум дел од ваков проект насочен кон вложување во македонски ракометари. Можноста да тренирам во висок ритам, да добијам шанса и минутажа беа клучни за мојата одлука да пристапам на Голден Арт КЛ7. Стабилноста на функционирање на клубот ми е добро позната и можам да кажам дека сум одлично примен, изјави Колоски. Претходно во својата кариера, тој има настапувано и за Струга, Работнички и Јуниор КВ. Голден Арт КЛ7 во новата сезона ќе игра во Првата лига со амбиција да обезбеди враќање во Суперлигата.

Матлиески нов тренер на Голден Арт КЛ7

Ивона Петрова — Fri, 25 Jun 2021 08:02:34 +0000

Тренерот Никола Матлиески ќе го предводи Голден Арт КЛ7 во следните две години. Тој беше прв асистент на селекторот на сениорскиот национален тим на последните две големи натпреварувања, Данило Брестовац. Стружанецот од 2007 година ја стартува својата кариера како тренер во јуниорските екипи на Пролет и Металург, па преку сениорскиот тим на Металург 2 повторно се враќа во клубот во кој ја стартуваше истата, ракометниот клуб Тинекс Пролет. По четири години застанува на чело Голден Арт КЛ7. – Доаѓам во средина во која се негува работата со млади македонски ракометари, клуб кој инвестира во создавање на услови во кои нашите млади играчи ќе можат правилно да се развиваат и нуди можност истото тоа да го покажат на терен. По природа сум голем работник, максимално посветен на ракометот и можам да ветам многу работа, тренинг, посветеност во следните години. Нашата цел не е само првиот тим, каде што клубот има голем играчки потенцијал, туку и созд1ѝавање на респектабилна база на млади играчи и тренери во младите категории. Благодарност до раководството на Голден Арт КЛ7, кое има визија да работи за доброто на македонскиот ракомет, за довербата која со максимална посветеност во периодот кој следи ќе се трудам да ја оправдам, изјави Матлиески. Во периодот кој претстои Голден Арт КЛ7 заедно со новиот тренер ќе го формира стручниот штаб кој ќе работи со тимот и во зависност од потребите ќе ја зголеми конкуренцијата во играчкиот кадар. Клубот планира и во следните години да се потпира на исклучиво македонски ракометари.

Голден Арт КЛ7 почнува со подготвителни натпревари во Охрид

Тале Кристо — Thu, 20 Aug 2020 06:46:02 +0000

Екипата на Голден Арт КЛ7 ги продолжуваат подготовките за својата дебитантската сезона во најквалитетното ракометно натпреварување во државата. Првиот дел од подготовките според планот изработен од стручниот штаб предводен од Андон Бошковски, младите ракометари го одработија во Скопје, а вториот дел од неделата го продолжија во Охрид. – До крајот на втората фаза и подготовките во Охрид нашите момци ќе имаат згуснат распоред на тренинзи но и одлична можност за проверка на формата, одигрувајќи неколку подготвителни натпревари против вториот тим на Еурофарм Пелистер, натпревар кој ќе одиграа во петок (21.08), а потоа следат две контролни средби со екипата на РК Аеродром и РК Прилеп во недела (23.08). Последната фаза од подготовките Голден Арт КЛ7 ќе ја реализираат во Скопје каде ќе одиграат уште неколку подготвителни натпревари со екипи од суперлигата, очекувајќи го стартот на сезоната, информира прес-службата на клубот. Во новата сезона која ќе стартува на 12/13 септември Голден Арт КЛ7 ќе се натпреварува во групата А заедно со Тинекс Пролет, Охрид, Радовиш, Струга, Астраион и Јуниор Кисела Вода.