Голден стејт вориорс – Kurir.mk

Дрејмнод Грин се повреди

Бошко Тасиќ — Mon, 02 Oct 2023 04:17:51 +0000

Кошаркарот на Голден Стејт Вориорс, Дрејмонд Грин заработи повреда на левото стапало на подготовките за новата сезона, објавија американските медиуми. Поради истата искусниот кошаркар кој ги покрива високите позиции нема да биде дел од тимот на почетокот на сезоната. „На прегледтие беше потврдено дека избегнав најлошо можно сценарио. Уште сега моето тело добро реагира на траумата која ја претрпев, но отокот е преголем и ќе биде потребно некое време пред да започнам со рехабилитација“, изјави Грин.

Руди Геј потпиша за Голден Стејт

Бошко Тасиќ — Thu, 28 Sep 2023 05:50:12 +0000

Искусниот кошаркар Руди Геј е пред нова авантура во кариерата. Геј се договори со Голден Стејт Вориорс, во чиј табор ќе настапува следната сезона. Ветеранот парафира едногодишна соработка со „воините“, а оваа ќе биде негова 18. сезона во најсилната лига на светот. Тој остана слободен агент ова лето по заминувањето од Јута Џез, чиј член беше во последните две сезони. Претходно низ акриерата беше дел од Сан Антонио Спарс, Сакраменто Кингс, Торонто Рапторс и Мемфис Гризлис. Во НБА, Геј има повеќе од 1.000 натпревари на своето конто и завиден просек од 15,8 поени по меч.

Гаруба потпиша за Голден Стејт Ворирос

Бошко Тасиќ — Wed, 27 Sep 2023 04:09:19 +0000

Шпанскиот кошаркарски репрезентативец Усман Гаруба потпиша договор со тимот на Голден стејт Вориорс. Иако се шпекулираше дека може да се врати во Европа По долго размислување, тој одлучи да се приклучи на тимот на Стив Кер. Минатата сезона Гаруба ја мина во Хјустон, кои потоа го проследија во развојната Џи-лига. Гаруба беше драфтуван во 2021 година како 23. пик од Хјустон. Шпанецот на последниот Мундобаскет имаше просек од 8,2 поени по натпревар.

Двајт Хауард се враќа во НБА лигата

Бошко Тасиќ — Sat, 16 Sep 2023 05:10:52 +0000

Искусниот центар Двајт Хауард следната недела би требало да се сретне со претставници на Голден Стејт каде би можел од наредната сезона да биде дел од оваа екипа. Хауард претходната сезона ја помина во Тајван Леопардс. Според сознанијата на новинарот на „Алетик“ Шамс Чаранија, Хауард се појавил како кандидат за местото резервен центар, но повеќе детали ќе бидат познати по средбата на двете страни следната недела. Во 2020 година Хауард беше дел од шампионскиот тим на Лос Анџелес лејкерс.

Дарио Шариќ се договори со Голден Стејт Вориорс

Бошко Тасиќ — Sat, 08 Jul 2023 20:18:23 +0000

Хрватскиот кошаркар Дарио Шариќ кариерата ќе ја продолжи во Голден Стејт Вориорс потврди Адријан Војнаровски. Шариќ со новиот тим договорил едногодишен договор, а засега не се знае колку ќе заработи, иако се претпоставува дека ќе добие ветерански минимум. Тој беше еден од најбараните слободни играчи на пазарот, а интересно е што ќе биде највисокиот играч во новиот тим со 208 сантиметри. Дарио Шариќ ја започна минатата сезона во Феникс пред да биде трејдуван во Оклахома. Минатата е и негова најслаба сезона во најсилната лига на светот, на која и се приклучи во 2016 година. За само 14 минути на теренот имаше просек од 6,4 поени и 3,6 скока.

Дрејмонд Грин доби 100 милиони долари за да остане во Голден Стејт

Бошко Тасиќ — Sat, 01 Jul 2023 07:07:06 +0000

Кошаркарот на Голден Стејт Вориос Дрејмонд Грин официјално доби нов договор вреден 100 милиони долари за четири години, понуда која ја прифати и останува во Сан Франциско. Со ова останува на исто место големата тројка на „воините“ која заедно со тренерот Стив Кер ќе се обиде да зададе уште некој удар во престојниве сезони. Американскиот репрезентативец целата своја НБА кариера е дел од Голден Стејт, тим кој во 2012 година го избра како 35 пик на драфтот.

Л.А.Лејкерс го исфрлија шампионот и се пласираа во финалето на Западот

Бошко Тасиќ — Sat, 13 May 2023 06:21:37 +0000

Лос Анџелес Лејкерс го елиминира актуелниот шампион Голден Стејт Вориорс откако во шестиот меч го совлада со 122:101 и со тоа стигна со севкупна победа од 4:2 во полуфиналната серија. Со тоа Лејкерс станаа првиот тим кој го елиминирал Голден Стејт пред НБА финалето уште од 2014 година. Голден Стејт играше на шест од осум НБА финалиња, а два пати го пропушти плеј-офот. Кај Лејкерс најдобар беше Леброн Џејмс кој го заврши мечот со 30 поени, девет скокови и девет асистенции. По него следуваат Ривс со 23 поени, Расел со 19, Дејвис со 17 поени. Кај Вориорс Стеф Кари постигна 32 поени, имаше и шест скокови и пет асистенции. Па така во конференциското финале (на Западот) Леброн и Лејкерс ќе играат против Денвер Нагетс предводени од Никола Јокиќ. Првиот меч се игра на 17 мај.

НБА: Лејкерси го декласираа Голден Стејт за ново водство од 2-1 во серијата

Бошко Тасиќ — Sun, 07 May 2023 06:19:28 +0000

Кошаркарите на Лос Анџелес Лејкерс, одново победија на домашен терен во дуелот со Голден Стејт, и повторно водат во серијата со 2-1 во полуфиналето на Западната Конференција. Лејкерси убедливо со 30 разлика 127-97 го совладаа противникот, благодаренире на одличната игра во втората и во четвтрата четвртина кога го „декласираа“ противникот. Иако ја загубија првата четвртина со 23-30, во втората целосно се вратија и ја добија со дури 18 разлика, за предност на полувремето. Третата четвртина ја зголемија предноста добивајќи ја со 27-20, а целосниот „потоп“ на Голден Стејт се случи во последниот период кога тимот од Лос Анџелес уфрли 41 поен, наспроти противничките 29. Дејвис со 25 поени го предводеше домашниот тим во победата, додека Леброн со 21 беше вториот најефикасен кај победничката екипа. Кај гостите Кари беше најдобар со 23 поени.

НБА: Кари постигна рекордни 50 поени, Голден Стејт по „мајсторка“ слави полуфинале на Западот (ВИДЕО)

Бошко Тасиќ — Mon, 01 May 2023 04:32:49 +0000

Кошаркарите на Голден Стејт Вориорс триумфираа во „мајсторката“ против Сакраменто Кингс и се пласираа во полуфиналето на Западната Конференција каде ќе се сретнат со Леброн Џејмс и ЛА Лејкерс. Тимот на Стив Кер славеше со убедливи 100-120, а нов рекорд во НБА лигата постави неверојатниот Стеф Кари кој постигна 50 поени. Никој во историјата на лигата досега не постигнал 50 поени во седми натпревар од плеј-офот, а плејмејкерот на Голден Стејт буквално „експлодираше“ во второто полувреме и сам го дотолчи Сакраменто. Стеф Кари беше феноменален и почна од сите страни да го полни кошот на домаќините, а од голема помош му беше и извонредниот Кевон Луни кој запиша 11 поени и дури 21 скок, од кои девет офанзивни. Кај Сакраменто прво име беше Домантас Сабонис со 22 поена и осум скокови. https://www.youtube.com/watch?v=Brc1VRnhuhk&embeds_euri=https%3A%2F%2Fwww.gol.mk%2F&source_ve_path=MjM4NTE&feature=emb_title

Грин суспендиран еден натпревар поради инцидентот со Сабонис

Ивана Ефремовски — Wed, 19 Apr 2023 08:14:56 +0000

Кошаркарот на Голден Стејт вориорс, Дрејмонд Грин доби суспензија од еден натпревар. НБА го казни Грин затоа што го стапна играчот на Сакраменто, Домантас Сабонис за време на нивни натпревар. Еден од клучните играчи на Вориорс ќе го пропушти третиот домашен натпревар од серијата од првото коло против Кралевите (0-2), кој ќе се одигра на 20 април. Инцидентот се случи во последната четвртина од вториот натпревар од плејоф пресметката. Грин со едната нога нагази на лежечкиот Сабонис, за што доби неспортски фаул од втор степен и беше исклучен. Сабонис доби техничка за фаќање за ногата на Грин. По мечот Грин изјави дека не сакал да го згази Сабонис, туку тоа го направил случајно, бидејќи му требало нешто да се потпре откако се фатил за ногата. (МИА)