голем број – Kurir.mk

Повторно голем број починати и новозаразени од корона вирус во Грција

Тале Кристо — Tue, 01 Dec 2020 18:03:30 +0000

Во Грција повторно е зголемен бројот на нови и смртни случаи, од Ковид-19, регистрирани се 2.199 новозаразени, а починаа 111 лица , јави дописничката на МИА од Атина. Од новите случаи, половина се во Солун (538), во Атика (413) и во Лариса (112). На Одделите за интензивна нега, приклучени на апарати се лекуваат 596 пациенти. Од почетокот на епидемијата, во Грција има 107.470 заразени и 2.517 почонати од Ковид-19.

Италија ја укинува помошта за Тунис поради големиот број на мигранти

Магдалена Андонова — Sat, 01 Aug 2020 07:20:54 +0000

Шефот на италијанската дипломатија Луиџи ди Мајо одлучи да ја укине помошта за Тунис во висина од 6,5 милиони евра, која е во рамките на програмата Соработка за развој. Тоа е една од мерките што ги презема италијанската Влада за да го стопира доаѓањето мигранти од Тунис, кои во првите шест месеци од годинава се помеѓу најбројните што пристигнуваат во Италија. Тунис се соочува со економска криза, па се е поголем бројот на лица кои се обидуваат да пристигнат во Италија и во Европа. Тунис спаѓа во безбедни земји, без војна и внатрешни конфликти, па затоа сите Тунижани кои нелегално ќе пристигнат во Италија ќе бидат вратени. Но, проблемот е во тоа што процесот на депортација е долг и скап. За разлика од претходната италијанска влада на Матео Салвини, чија политика беше затворање на италијанските пристаништа за мигрантите, Владата на премиерот Џузепе Конте, се обидува да го спречи поаѓањето на мигранти од туниски пристаништа. (МИА)

Повторно голема бројката на новозаразени и починати од Ковид-19 во Македонија

Магдалена Андонова — Fri, 31 Jul 2020 13:53:14 +0000

Министерството за здравство информира дека во последните 24 часа се направени 1377 тестирања, а регистрирани се 139 нови случаи на ковид-19 во: Скопје-36, Куманово-11, Дебар-2, Штип-11, Прилеп-1, Тетово-14, Струга-8, Велес-4, Битола-2, Кавадарци-5, Гостивар-16, Струмица-1, Крушево-1, Кочани-1, Пробиштип-2, Македонски Брод-1, Виница-6, Свети Николе-1, Кичево-15, Ресен-1. Денеска Институтот за јавно здравје регистрира 534 оздравени пациенти од: Скопје-353, Куманово-61, Дебар-17, Штип-27, Прилеп-5, Тетово-17, Струга-4, Велес-4, Охрид-3, Гостивар-14, Струмица-4, Крушево-1, Кочани-2, Пробиштип-8, Свети Николе-5, Кичево-7, Ресен-2. Во денешните регистрирани оздравени лица најголем број од оздравените се лица од изминатиот период пријавени збирно од локалните центри за јавно здравје кон ИЈЗ. Починати се 6 лица, пет пациенти од Скопје (66, 67, 34, 67 и 86 години) и пациент од Кочани (76 г.). Пет пациенти се починати во болнички услови, а еден вонболнички. Вкупната бројка на ковид дијагностицирани во нашата земја од почетокот на епидемијата изнесува 10754, бројката на оздравени пациенти е 6554, на починати е 486, а во моментов бројот на активни случаи во земјата изнесува 3714. Од вчерашните 2 теста се контролни и се евидентираат денес. Во моментов дистрибуцијата по градови е следна: • Скопје 4811, активни 1488 • Куманово 1049, активни 246 • Дебар 195, активни 108 • Штип 820, активни 425 • Прилеп 331, активни 53 • Тетово 1042, активни 226 • Струга 449, активни 195 • Велес 220, активни 18 • Битола 137, активни 72 • Охрид 272, активни 84 • Кавадарци 60, активни 43 • Гостивар 440, активни 260 • Гевгелија 22, активни 11 (*7 лица од ПЕ Гевгелија се жители на Дојран, 3 на Богданци) • Струмица 36, активни 20 • Крива Паланка 24, активни 10 • Радовиш 29, активни 23 • Крушево 16, активни 9 • Кочани 99, активни 23 • Пробиштип 52, активни 20 • Демир Хисар 31, активни 27 • Македонски Брод 20, активни 16 • Пехчево 6, активни 0 • Берово 5, активни 2 • Валандово 6, активни 0 • Виница 14, активни 10 • Делчево 5, активни 4 (*4 лица од ПЕ Делчево се од Македонска Каменица) • Кратово 13, активни 7 • Свети Николе 222, активни 175 • Кичево 157, активни 102 • Ресен 146, активни 32 • Неготино 25, активни 5 (*10 лица од ПЕ Неготино се жители на Демир Капија) Направените 1377 теста се преку: ИЈЗ-516, ЦЈЗ Скопје-23, Авицена-156, Биотек-116, МАНУ -78, Жан Митрев (Филип Втори)-185, Систина со PCR метода -192, Судска медицина -8, ЦЈЗ Битола-68, Инфективна клиника-27, ГАК-8. Досега во земјата се направени вкупно 102317 тестирања на ковид -19. Денеска нема тестирања во рамките на скринингот. На Инфективната клиника во изминативе 24 часа примени се 10 пациенти. Вкупно се хоспитализирани 84 пациенти. На кислородна поддршка се 46 пациенти, нема пациенти на респираторна машина. Во болницата во Козле се хоспитализирани 9 возрасни пациенти позитивни на ковид-19 и 1 дете позитивно на вирусот, како и 8 пациенти суспектни на вирусот. Во ГОБ „8 Септември“ примени се 15 нови, вкупно хоспитализирани се 100 пациенти. На респираторна машина се 3 пациенти. Во болницата во Битола се хоспитализирани 31, а во болницата во Штип се хоспитализирани 41 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 113 пациенти - позитивни и сомнителни на ковид-19. Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје) • Чаир – 171 • Аеродром - 171 • Бутел - 97 • Гази Баба - 145 • Центар – 130 • Карпош – 136 • Сарај – 78 • Кисела Вода – 157 • Ѓорче Петров – 107 • Студеничани – 64 • Шуто Оризари – 117 • Арачиново – 26 • Илинден – 23 • Петровец – 18 • Чучер Сандево – 9 • Сопиште – 23 • Зелениково- 7 • Странец – 4 • Нераспределен- 5

Голем број на доктори заразени со новиот коронавирус

Тале Кристо — Sun, 05 Apr 2020 07:34:12 +0000

Според Институтот „Роберт Кох“, во Германија со коронавирусот се заразени 2.300 лекари и негуватели, а тој број би можел да биде и поголем. – Се претпоставува дека не се регистрирани сите случаи, соопшти Институтот како одговор на прашање на „Зидојче цајтунг“, телевизиите НДР и ВДР. Овие податоци ги опфаќаат само вработените во болниците, а не и во лекарските ординации, лабораториите, домовите за стари лица и амбулантите. И покрај бројните барања за пристап до информации од јавен интерес, новинарите во овие три медиуми не успеале да го утврдат точниот број на заразени медицински работници, затоа што локалните власти не водат таква евиденција.

Одложен погребот на Сулејмани поради големиот број жртви во метежот на поворката

Тале Кристо — Tue, 07 Jan 2020 13:03:57 +0000

Погребот на иранскиот генерал Касим Сулејмани, убиен во американски воздушен напад во Ирак, е одложен откако во метеж на погребната поворка во неговиот роден град Керман загинаа најмалку 40 луѓе, пренесе иранската агенција Исна. Во извештајот не е наведено за кога е одложен погребот. Претходно беше соопштено дека во метежот настрадале 35 лица, а 48 се повредени, но во најновиот извештај бројот на загинати е зголемен на 40, повредени се 190 луѓе.

Бројот на бегалци во прифатните центри во Грција останува исклучително висок

Ивана Ефремовски — Sat, 13 Oct 2018 10:09:01 +0000

Бројот на бегалци, кои се сместени во центрите на грчките вооружени сили на островите Кос, Лезбос, Самос и Хиос и во градот Серес, останува исклучително висок. Генералштабот на грчката армија соопшти дека бројот на бегалци сместени во нивните 30 прифатни центри, минатата недела е намален за 125 лица, но се уште е висок. Во 30 центри, со капацитет од 26.700 лица, се сместени 30.733 луѓе.(МИА)