голема албанија – Kurir.mk

Расчистен случајот со веењето знаме на т.н. „Голема Албанија“ во Тетово, кривична пријава за сторителот

Ристе Здравков — Wed, 06 Sep 2023 11:31:47 +0000

Одделот за криминалистичка полиција- Сектор за општ и насилен криминал во содејство со СВР Тетово го расчисти кривично- правниот настан кој се случи на 11.08.2023 на плоштадот во Тетово, при посетата на косовскиот премиер Албин Курти, кога беше развиорено знаме на т.н. „Голема Албанија“, со што е сторено кривично дело по чл.319 од КЗ. По преземени оперативно тактички мерки, утврден е идентитетот на лицето кое го сторило кривичното дело- А.М.(21), кој е германски државјанин. Во координација со ОЈО Тетово, против лицето ќе биде поднесена кривична пријава по член 319 од КЗ до надлежното обвинителство за натамошно постапување.

Спасовски: За неколку дена ќе го имаме идентитетот на лицето кое го вееше знамето на „Голема Албанија“

Ивана Ефремовски — Fri, 01 Sep 2023 13:34:54 +0000

Министерот за внатрешни работи Оливер Спасовски денеска изјави дека полицијата има прибрано добри оперативни сознанија во врска со лицето кое го вееше знамето на „Голема Албанија“ во Тетово за време на пречекот на косовскиот премиер, Алнин Курти. Како што посочи, одредени лица веќе се таргетирани и за неколку дена ќе го имаат идентитетот на лицето. Спасовски потенцираше дека се вршат детални испитувања и кога ќе дојде моментот медиумите ќе ги добијат информациите. -Имаме прибрано добри оперативни сознанија. Имаме неколку лица кои се таргетирани. Се вршат детални испитувања во овој момент и јас мислам дека за неколку дена веќе ќе го имаме идентитетот на лицето. Кога ќе дојде моментот, ќе ги добиете сите информации. Истрагите не се водат преку медиумите. Тие се водат преку институциите, изјави денеска Спасовски по означувањето на почеток на превентивната кампања на МВР „Кажи НЕ на дрогата,ДА на животот" во СУГС Гимназија „Јосип Броз Тито", во одговор на новинарско прашање. (МИА)

Знаме со карта на „Голема Албанија“ повторно се вееше во Тетово, Касами вели тоа било одговор од граѓаните до власта

Ивана Ефремовски — Fri, 25 Aug 2023 13:26:22 +0000

За завршеното асфалтирање на улица „108“ денеска Општина Тетово ги повика медиумите за да изврши промоција, а таму повторно се најде албанско знаме и карта на „голема Албанија“. Иако општината ги повика новинарите на настанот, градоначалникот Биљал Касами вели дека граѓаните го поставиле како одговор, како што рече, на провокации на власта. - Општина Тетово се занимава со тоа што е обврска на општината, а тоа е да инвестира во патната инфраструктура и подобрување на животот на граѓаните. Другиот дел е акција и реакција. Акцијата на Владата и политичките партии на власт кои ги диригираат правните институции и пуштија пријави за мене и за општината во делот за тоа што најмалку би требало да се упуштат. Реакцијата на целиот државен врв и сите политички партии во Владата беше во правец на тоа дека јас треба да одговарам и за жал многу брзо правните институции, полицијата, Обвинителство и судовите преземаа мерки. Доколку оваа правна државна беа така агилни и во други ситуации каде изгоре луѓе, каде изгинаа луѓе, каде се луѓе по затвори во монтирани случаи, како што се неколку во државата секако дека не би имале време да се занимаваат со вакви ситуации. Јас сум цврсто убеден дека тоа е случај-политичка порака до мене и до сите кои мислат дека спротивно на оваа Влада дека ако работат спротивни на нивните партиски интереси и нивните личните интереси, ќе можат да ја имаат мојата судбина. Но веќе не само јас туку, сите граѓани не се плашат од ваквите уцени, луѓето веќе се убедени дека мора да има промени на централна власт за да имаат можност да им се подобрат условите како што ние работиме во Тетово, изјави Касами. На новинарско прашање дали ќе влијае врз соживотот во Тетово, поставување на знаме со карта на „голема Албанија, Касами повторно со одговор дека тоа е реакција на граѓаните во односот што власта го има кон нив. - Ова нема врска со општината со нашата организација, а тоа што има врска со нас тоа е промовирање на овој пат како што немаше врска воопшто и поканата за мене и општината во делот на организацијата на настанот во Тетово. Сите знаеме, дека протоколите кои беа во рамките на зградата на општината и градот, беа извадени знамињата согласно законите – и државното и на Република Косово и на националното и на општина Тетово. Порака до власта да не се занимаваат со луѓето со граѓаните да не ги провоцираат зошто ќе имаат соодветен одговор, одговори Биљал Касами. Освен асфалтирање на улицата „108“ беше обновена коловозната лента и од оваа улица која излегува на кружниот тек на булеварите „Илинденска“ и „Видео Смилевски-Бато“. На 11 август во Тетово беше пречекан косовскиот премиер Албин Курти. На концерт во негова чест човек од публиката вееше знаме со карта на Голема Албанија. Полицијата поднесе прекршочна пријава за Општината затоа што не беше интонирана химната и државното знаме, додека за лицето со знаме на „голема“ Албанија сè уште се води потрага. (МИА)

МВР го откри лицето што го вееше знамето со т.н. „голема Албанија“, граѓаните да известат ако го забележат

Катерина Бојаџиева — Fri, 18 Aug 2023 12:53:14 +0000

Во врска со кривично - правниот настан од 11 август на Градскиот плоштад во Тетово, за кој во изминатите денови беа пласирани дезинформации и шпекулации, МВР ја информира јавноста дека на фотографијата обезбедена од полициските служби е лицето што го вееше знамето со т.н. „голема Албанија“. - Ова е и начин да ги демантираме пласираните лажните вести дека сторителот на ова дело е припадник на МВР, соопштија денеска од МВР. МВР ги повикува граѓаните доколку го забележат ова лице или имаат било какви сознанија за негокои може да помогнат во истрагата што ја води СВР Тетово во координација со јавен обвинител, веднаш да ја известат најблиската полициска станица или да пријават на телефонските броеви 192 или 112.

ПО ЦЕЛОДНЕВНИОТ МОЛК, СЕ ОГЛАСИ СВР ТЕТОВО КОГА ПАДНА МРАК: Најави дека ќе бара кој го вееше знамето со картата на „Голема Албанија“

Дарко Андоновски — Sat, 12 Aug 2023 18:08:52 +0000

Тетовската полиција најави дека ќе бара кој го вееше знамето со картата на тн. Голема Албанија вчера на концертот во Тетово организиран за пречек на косовскиот премиер Албин Курти. Оваа фотографија е поставена на официјалниот профил на градоначалникот на Тетово, Биљал Касами на социјалната мрежа Фејсбук. На настанот беа и Иџет Меџити и Африм Гаши. Пред концертот на публиката и се обратија и Албин Курти ио Биљал Касами. - Северна Македонија треба да биде што поблиску до Косово, Албанија и Бугарија, а подалеку од Србија која не се дистанцира ни од Милошевиќ, ни од Путин. Вака Северна Македонија ќе биде што поблиску до зачленувањето во ЕУ, а нашиот регион на Балканот ќе биде побезбеден. Поради ова ние треба да и помагаме и ќе ја поддржиме Северна Македонија, истакна од говорницата Албин Курти. Претходно, во текот на вчерашниот ден Курти беше во посета на Општина Тетово, а потоа со градоначалникот Билал Касами заедно потоа го посетија планинското село Вејце. Двајцата се заложија за побрза изградба на патниот правец Тетово - Призрен кој би минувал низ Шар Планина.

Дали Владата на ДУИ ќе реагира? Курти додели слики со „Голема Албанија“ сосе пола Македонија во неа

Дарко Андоновски — Fri, 16 Dec 2022 11:58:31 +0000

Премиерот на Косово, Албин Курти продолжува со провокациите. Тој на една свеченост во Приштина додели слики и признанијана кои е означена картата на „Голема Албанија“ со западна Македонија. Исти такви признанија додели и претседателката Вјоса Османи. Останува да видиме дали ќе има официјална реација од владата во Скопје?

Шилегов ќе именува улици во Скопје каде ќе ја слави промената на името во Нивици и цела призренска лига која ја основа идејата за Голема Албанија

Тале Кристо — Wed, 17 Feb 2021 10:09:29 +0000

Нови имиња на улици: 344 нивици 401 Призрени Имер (1820-1887), делегат на Призренската Лига 559. Шкупи Јашар Беј, (1860-1919), претседател на скопската филијала на Призренската лига и управител на Скопје во 1880/1981 година. 561. Шуку Халим, делегат во втората Призренска лига. Градоначалник на Урошевац. 5. Ага Маткалиу Ибрахим, член на Скопскиот огранок на Призренската Лига 401. Призрени Имер (1820-1887), делегат на Призренската Лига ГОЛЕМА АЛБАНИЈА – идеја и програма за обединување на сите Албанци во голема албанска држава на Балканот со насилно присоединување на делови од Македонија, Србија, Црна Гора и Грција. Оваа идеја, застапувана од Призренската лига (1878), барала во албанската држава да влезат и неалбански етничко-историски територии.

Знамето на Голема Албанија развеано над Саат кулата во Гостивар (ФОТО)

Ивана Ефремовски — Thu, 23 Jul 2020 14:43:05 +0000

На социјалните мрежи се спроделуваат фотографии од Гостивар, на кои покрај албанското знаме поставено на Саат кулата, со дрон се вее и знамето на Голема Албанија. „Знамево мистериозно се појави на Саат Кулата во Гостивар. Гостивар е мултиетнички град, а не град само на еден одреден етникум. Македонскиот народ е гневен од ваквиот чин. Господата од Цивил најостро ќе искритукувате овој чин или ќе молчите? Акција за гневна реакција гниди!!!-порачуваат граѓаните на социјалните мрежи.

Знамево мистериозно се појави на Саат Кулата во Гостивар. Гостивар е мултиетнички град а не град само на еден одреден етникум. Македонскиот народ е гневен од ваквиот чин. Господата од Цивил најостро ќе искритукувате овој чин или ќе молчите? Акција за гневна реакција гниди!!! pic.twitter.com/n0HYTWCKyn
— Biljana Antoska Stojanov (@billii71) July 22, 2020

Дуа Липа повторно се огласи, овој пат мотивирана како никогаш досега- еве што имаше да порача зa картата од „Голема Албанија“

Дарко Андоновски — Wed, 22 Jul 2020 09:17:39 +0000

Пејачката со албанско потекло Дуа Липа повторно се огласи на социјалните мрежи откако претходно објави слика со карта од „голема Албанија“ и предизвика лавина реакции на социјалните мрежи. Таа вели дека нејзината објава е „погрешно протолкувана“. – Со мојот претходен пост, не сакав да иницирам какво било омраза. Ме прави тажна и лута што мојата објава беше погрешно протолкувана од некои групи поединци кои промовираат етнички сепаратизам, нешто што целосно го отфрлам, напиша Дуи Липа. Според неа, секогаш кога објавувала за Косово луѓето реагирале бурно. – Сите ние заслужуваме да бидеме горди од каде потекнуваме. Едноставно сакам мојата земја да биде претставена на картата и да може да зборува гордо и среќно за моите албански корени и за мојата родна земја. Ги охрабрувам сите да го прифатат своето наследство и да слушаат и учат едни од други. Мир, љубов и почит кон сите – напиша Липа во нејзината објава.

View this post on Instagram

❤️

A post shared by DUA LIPA (@dualipa) on Jul 21, 2020 at 11:18am PDT

„Економист“: Дали можноста за размена поттикнува идеја за голема Албанија

Предраг Кукиќ — Tue, 18 Sep 2018 09:02:49 +0000

Британскиот весник Економист оценува дека само придвижувањето на идејата „за размена на територии меѓу Косово и Србија“ која, како што наведува, не е лесно изводлива, отвора нови „перспективи“ за регионот. Весникот пренесува изјава на неименуван висок функционер во Косово кој за Економист вели дека „секогаш има други опции“. Под тоа тој смета дека Косово, доколку Белград не признае независност и оневозможи членство во ОН, може да се определи за обединување со Албанија. - Некои националистички настроени во Србија кои разбираат дека Косово е загубено би можеле тоа да го поздрават. Ако биде формирана „голема Албанија“ тогаш тие би можеле да бараат „голема Србија“ со право врз српскиот дел од Босна за што војуваше Милошевиќ, наведува британскиот весник. Според него, Белград и Приштина тешко можат да се договорат за размена на територии. Идејата за размена буди надежи и стравови на Балканот и предизвикува политички превирања во Косово, наведува весникот. - Ако Косово и Србија направат промени на своите граници по етнички линии, тоа би значело голема и можеби десабилизирачка промена за регионот, се наведува во текстот. Тоа би значело на пример дека претседателот на Република Српска може да ги засили барањата за независност тврдејќи дека старите внатрешни граници на Југославија сега се повредени и тоа може да се случи и со границите во Босна, нагласува венсикот. Според медиумот „тоа би предизвикало опасност од нова војна“. Лондонскиот весник потсетува и дека Вучиќ „сака гаранции дека Србија ќе стекне членство во ЕУ ако се случи договор меѓу Белград и Приштина“ и оценува дека ЕУ такво ветување не може да даде“. (МИА)