Голф – Kurir.mk

Урнебесно видео: Голфот и морето – „Молете се да стигнеме“

Ивона Петрова — Mon, 14 Aug 2023 19:27:37 +0000

Турист од Србија ги насмеа патниците и корисниците на социјалните мрежи откако залепил натписот „Молете се да стигнеме до морето“ на стар голф. Заминал во Црна Гора со семејството, очигледно добро подготвен за плажа - гуми за пливање, детски гумени базени и останати реквизити. Како што пренесуваат дел од медиумите, успеале да стигнат до морето со голф, но таму автомобилот се расипал, па набрзо им помогнала влечна служба. Видеото брзо стана хит на социјалните мрежи.

View this post on Instagram

A post shared by SjeboMeKarburator (@sjebomekarburator)

Тешко повреден мотоциклист откако „голф“ удрил во него, возачот побегнал, но брзо е пронајден

Тале Кристо — Sun, 23 Apr 2023 12:51:05 +0000

Мотоциклист е тешко повреден во сообраќајна несреќа што се случила вчера во Кавадарци. -Сообраќајната несреќа се случила помеѓу моторцикл “бмв“ со кавадаречки регистарски ознаки, управуван од В.К.(57) од Кавадарци и патничко моторно возило “голф“ со кавадаречки регистарски ознаки управувано од М.М.(25) од Кавадарци, кое го напуштило местото на настанот, но по преземени мерки било пронајдено од страна на полициски службеници, наведуваат од МВР. Мотоциклистот по несреќата со тешки телесни повреди е пренесен во Општата болница Кавадарци. Извршен бил увид од увидна екипа од Полициската станица Кавадарци.

Бејл ја започна својата професионална кариера во голф

Тале Кристо — Tue, 24 Jan 2023 08:24:59 +0000

Поранешниот фудбалски репрезентативец на Велс, Герет Бејл, ја објави својата професионална кариера во голф. Триесет и тригодишниот Велшанец се огласи на социјалните мрежи за учествуво на турнејата „PGA“ во Калифорнија. Бејл на 9 јануари објави дека се повлекува од фудбалот. Последен клуб на Бејл беше Лос Анџелес, а претходно играше за Саутемптон, Тотенхем и Реал Мадрид.

ТРАОРНО ВИДЕО ОД ИЗВЛЕКУВАЊЕТО НА ТЕЛОТО – по пет дена потрага, еве каде беше пронајдено младото момче кое во Вардар падна со „Голф“ (ВИДЕО)

Дарко Андоновски — Sun, 02 Oct 2022 16:11:27 +0000

Во водите на реката Вардар е пронајдено безживотното тело на кумановецот Ердон Рамадани, кој на 27 септември имаше несреќа кај селото Желина. Извори од местото на настанот велат дека неговото тело било пронајдено во близина на касарната, поточно на 1 километар од местото каде што имал незгода. Телевизијата Алсат-М објави и видео од местото каде е пронајдено младото момче и истото можете да го погледнете ТУКА.

И денеска се трага по возачот на Голфот: На терен 50 припадници на АРМ, повикани нуркачи од Охрид и „Тигрите“

Ивона Петрова — Fri, 30 Sep 2022 09:23:34 +0000

Четврт ден трае потргата по по возачот од возило кое излета во реката Вардар. Од Центарот за управување со кризи информираат дека од 9 часот на терен се 50 припадници од АРМ Тетово кои и денеска ќе вршат копнено пребарување. -Од полициска станица Желино на терен се 8 лица, од Полициска станица Јегуновце исто така на терен се 8 лица, Полициска станица Тетово се со 4 лица. Се очекува да пристигнат и нуркачи од Охрид, но дополнително и Специјалната единица CAE-Тигри ќе пристигнат со нуркачи. Осум лица од ДЗС Тетово и 8 лица од ДЗС Куманово ќе вршат копнено пребарување, исто така 4 лица од ДЗС ќе вршат копнено пребарување во Езерото Зелениково и 2 нуркачи од ДЗС ќе вршат пребарување во вода, информира ЦУК. Истакнуваат дека екипа од шест пожарникари ќе вршат копнено пребарување покрај реката. Екипа од ЕЛС Желино ќе помагаат во потрагата со 20 припадници.

„Голф“ изгоре во Чаир

Ивана Ефремовски — Wed, 02 Feb 2022 15:49:53 +0000

На 01.02.2022 во СВР Скопје било пријавено дека на ул.„Ферид Мурат“ на подрачјето на Чаир настанал пожар во патничко возило „фолксваген голф“, со скопски регистарски ознаки, сопственост на В.М.(60) од с.Копаница, скопско. Повредни лица нема. Увид на местото извршила екипа од СВР Скопје.

Ќе чини над 50 илјади евра: „Фолксваген“ го претстави новиот „Голф Р“

Дарко Андоновски — Wed, 07 Jul 2021 10:57:52 +0000

Најмоќниот „Голф“ повторно се нуди во попрактична верзија на каросеријата, а притоа, под лимот се крие сѐ што е во основата од која е создаден овој автомобил. Надолжни покривни носачи, голем волумен на багажниот простор (од 611 до 1.642 литри), автоматско отворање на петтата врата и повеќе простор за нозете, за патниците на задните седишта – се дел од предностите. Она што се крие зад буквата Р е истото како и во случајот со стандардната најмоќна осма генерација на „Голф“, така што семејниот „Голф Р“ се напојува со познатиот дволитарски четирицилиндричен турбо-бензински мотор којшто во своето последно издание нуди 320 коњски сили, вртежи од 420 њутн-метри и седумбрзински автоматски менувач со две квачила (ДСГ). Максималната брзина е 250 км/ч. Сепак, со опционалниот пакет „Р перформанс“, има и 19-инчни тркала, дополнителна оптимизирана програма, како и спортски 270 км/ч. Новиот автомобил, како што е најавено, ќе биде пуштен в продажбата во август, а основната цена во Германија се очекува да биде нешто повеќе од 50.000 евра.

Трамп се појави накратко на Г-20 самитот а потоа отиде да игра голф

Тале Кристо — Sun, 22 Nov 2020 08:11:07 +0000

Американскиот претседател Доналд Трамп учествуваше на отворањето на годинешниот виртуелен Г-20 самит, што викендов се одржува во Ријад, Саудиска Арабија, а потоа добар дел од денот го помина на голф и праќање твитови, јави синоќа Си Ен Ен. -Ова беше соодветен крај за неговата кариера во глобален мултилатерализам, наведува иронично телевизијата. Самитот започна вчера пред 8 часот наутро источноамериканско време. Трамп беше еден од десетиците лидери кои се појавија на видео-конференцијата од Самитот, пренесуван онлајн поради коронавирусот. Тој беше во својот кабинет во Белата куќа. Но, по петнаесеттина минути, претседателот започна да твита по повод непризнавањето на изборите, а два часа подоцна замина да игра голф во својот голф клуб лоциран најблизу до Белата куќа, во Стерлинг северен дел на Вирџинија. Трамп играше голф додека на самитот во Ријад започна важна сесија насловена „Подготвеноста за пандемија“, на која учествуваа повеќе светски лидери како францускиот претседател Емануал Макрон, канцеларката Ангела Меркел и јужнокорејскиот претседател Мун Џае-ин. Според дневниот распоред претседателот на САД објавен од Белата куќа, Трамп треба да учествува на сесија на Г-20 самитот денеска (недела наутро источноамериканско време). Но тоа најверјатно ќе биде последен пат кога тој ќе биде на средба со светските лидери, со оглед на тоа што се ближи крајот на неговото претседателство, наведува Си Ен Ен. Претседаталеот на САД претходно имаше краток брифинг, еден од ретките по гласањето на изборите на 3 ноември, на кој кажа дека „патем, јас ја добив кампањата“, но одби да одговори на салвата прашања од новинарите поврзани со непризнавањето на резултатот.

Трамп игра голф, за прв пат од прогласувањето на вонредната состојба

Ристе Здравков — Sun, 24 May 2020 08:28:06 +0000

Претседателот на САД, Доналд Трамп, вчера играше голф за прв пат откако во март беше прогласена вонредна состојба поради коронавирусот, сакајќи да испрати порака дека државата се враќа во нормала. Претседателот Трамп го посети неговиот Национален голф клуб Трамп во предградието Вашингтон. Трамп последен пат играл голф на 8 март, во неговиот клуб во Вест Палм Бич,на Флорида. Трамп ја промовира идејата дека Соединетите држави се враќаат во нормала, иако бројот на починати од коронавирус се очекува да надмине сто илјади во наредните денови. Американците го одбележуваат Денот на сеќавање за паднатите американски војници во понеделник, на 25 мај, поради што ќе имаат продолжен викенд. „Бидете надвор, играјте голф, играјте тенис со обележани топки, одете на плажа, но бидете на два метри оддалечени“, им порача на граѓаните Дебора Биркс, координатор на Кризниот штаб за коронавирус на Белата куќа на прес-конференцијата во петокот.

Гостиварец украл „Голф“ па го уапсила полицијата

Дарко Андоновски — Thu, 23 Jan 2020 15:33:12 +0000

На 22.01.2020 околу 12.10 часот на ул.„Мајор Чеде Филиповски“ во Гостивар, полициски службеници на СВР Тетово - Одделение за внатрешни работи Гостивар го лишиле од слобода И.Б.(48) од гостиварски Равен, кој претходно извршил тешка кражба во патничко возило „голф“, со гостиварски регистарски таблици, сопственост на А.А.(31) од с.Аџиевци. Тој бил задржан во Полициската станица Гостивар и по целосно документирање на случајот, против И.Б. ќе биде поднесен соодветен поднесок, информираат од МВР.