голман – Kurir.mk

Позната состојбата на голманот кој го оживуваа на терен во Холандија (ВИДЕО)

Ристе Здравков — Sun, 01 Oct 2023 07:26:39 +0000

Натпреварот од седмото коло во првенството на Холандија меѓу Валвик и Ајакс беше прекинат во 85. минута откако голманот Етиен Васен доби удар во главата од Брајан Броби при обид да стигне до топката пред него. Фудбалерот на Ајакс ненамерно го удри голманот кој загуби свест, а потоа докторите втрчаа на теренот да интервенираат и да го оживеат Васен. По натпреварот пристигнаа добри вести од болница затоа што голманот извршил тестови и се наоѓа во стабилна состојба.

#Waalwijk-#Ajax #Vaessen was injured pic.twitter.com/XEnZz4LXU4
— Burak TÜRE (@Grfld) September 30, 2023

Кепа оди на позајмица во Реал

Дарко Андоновски — Mon, 14 Aug 2023 11:38:34 +0000

Реал на својата официјална веб-страница објави дека голманот на Челзи, Кепа Аризабалага доаѓа во Мадрид како позајмен играч. Голманот потпиша едногодишен договор со „кралскиот клуб“. Беше објавено дека Реал Мадрид го смета играчот како замена за Белгиецот Тибо Куртоа, кој се здоби со повреда на вкрстените лигаменти на коленото. Во сезоната 2022/23, Кепа настапи на 39 натпревари за Челзи, прими 45 гола и ја задржа 12 пати мрежата „чиста“. Трансферот на 28-годишниот фудбалер е 18 милиони евра.

Голманот обвинет за силување на малолетничка е ослободен со кауција!

Ивана Ефремовски — Thu, 13 Apr 2023 16:38:35 +0000

По исказот даден пред истражен судија, поранешниот голман на грчкиот фудбалски клуб Волос и на израелската репрезентација Борис Клејман, кој во вторникот беше уапсен под обвинение дека во ноќен клуб во Атина силувал малолетничка е ослободен со кауција од 20.000 евра, јави дописничката на МИА од Атина. Според грчките медиуми, Клејман рекол дека конкретната вечер во клубот „немало ниту насилство, ниту силување“, а со 17-годишната ученичка од Белгија само танцувале и ништо повеќе. Додал дека неговиот став ќе го оправдаат и резултатите од вештачењата и споредбата со примерокот од генетскиот материјал. Голманот во вторникот наутро бил уапсен во Атина и се товари за силување на малолетничка и поседување дрога откако кај него биле пронајдени и одземени 1,5 грама хероин. Веднаш по апсењето од ФК Волос, каде што 33-годишниот беше голман, соопштија дека со одлука на претседателот на клубот, Борис Клејман и неговиот соиграч Родриго Есковал се изоставени од тимот, започнат е процесот за раскинување на нивните договори и веќе биле информирани нивните менаџери. (МИА)

ПОЛИЦАЈЦИТЕ МУ ГО ВЛЕЧЕА ДРЕСОТ, ПА МОРАШЕ ДА РЕАГИРА: Перуанскиот голман уапсен по тепачка со шпанската полиција (ВИДЕО)

Дарко Андоновски — Tue, 28 Mar 2023 14:08:59 +0000

По физичката пресметка меѓу полицијата и перуанската фудбалска репрезентација што се случи во понеделникот вечер во Мадрид уапсен е голманот Педро Гаљесе, јавија денеска светските медиуми повикувајќи се на официјални извори. Перуанските фудбалери денеска во Мадрид треба да одиграат пријателски натпревар против Мароко, а инцидентот се случи пред хотелот во кој е сместена репрезентацијата на Перу. Според шпанската полиција, пред хотелот биле собрани околу 300 перуански навивачи. „Навивачите се обидоа да им пријдат на играчите и полицијата интервенираше меѓу играчите и навивачите за да се избегне стампедо. Еден играч удри полицаец во пределот на главата по што беше уапсен и однесен во полициската станица во Чамартин“, соопшти полицијата во Мадрид.

Así comenzó la pelea entre la Policía y los jugadores de la selección de Perú. 🎥 @solopasaenperu pic.twitter.com/QmB0j40hl4
— Relevo (@relevo) March 27, 2023

Перуанското Министерство за надворешни работи соопшти од своја страна дека идентитет на приведениот фудбалер е голманот на репрезентацијата Педро Гаљесе. „Педро Гаљесе ја напушти полициската станица во која беше испрашан, а против него не е поведено обвинение и тој се врати во хотелот“, објави перуанското МНР на Твитер, додавајќи дека е побарано од домашните власти целосно расветлување на настаните.

Затворска казна за хулиганот кој го нападна голманот на Севиља

Дарко Андоновски — Wed, 08 Mar 2023 17:14:17 +0000

Навивачот на холандскиот прволигаш ПСВ Ајндховен, 20 – годишниот Дилано К., кој за време на баражот за осминафиналето во фудбалската Лига Европа физички го нападна голманот на Севиља и српски репрезентативец Марко Дмитровиќ, е осуден денеска на казна затвор во траење од два месеци. Холандскиот навивач за време на натпреварот одигран на 23 февруари втрча на теренот и го удри Дмитровиќ, кој брзо го совлада и го собори на земја додека не дотрчаа фудбалерите на двете екипи и обезбедувањето на стадионот. Во пресудата што му беше изречена за нападот врз Дмитровиќ, холандскиот хулиган е прогласен за виновен и за кршење на забрана која претходно му била изречена за влез на стадионот. Холандските обвинители неодамна наведоа дека Дилано К. веќе имал две пресуди за прекршоци поврзани со фудбал и бил под дејство на алкохол кога втрчал на теренот и го удрил српскиот голман.

ОД СОЛЗИТЕ НЕ МОЖЕШЕ ДА ДОЈДЕ ДО ЗБОР – се огласи сопругата на загинатиот голман кој се уште е поклопен под урнатините: Овде нема дигалки се е срамнето со земја! (ВИДЕО)

Дарко Андоновски — Thu, 09 Feb 2023 09:33:49 +0000

Голманот на Малатија, Ахмет Ејуп Туркаслан се уште е под урнатините и спасувачките екипи не можат да остварат контакт со него ниту да го најдат во урнатините. Цела Турција е загрижена за животот на голманот кој остана заробен под урнатините откако се урна зградата во која живееше. Апел за помош преку социјалните мрежи испрати неговата сопруга Кубра Туркаслан, која упати крик за помош до цела Турција. – Ова место е многу лошо. Помогни му на Ејуп. Помош, 30 часа не знаеме што се случува под урнатините. Без дигалки, багери, ништо. Hикој не може да го извлече од под урнатините. Ве молам, помогнете, овде се е израмнето со земјата, во солзи изјави сопругата на голманот. Иако на дел од медиумите и социјалните мрежи се појави информација дека е пронајдено телото на голманот Малатија, од клубот демантираа и се уште ништо не е официјално.

Yeni Malatyaspor kalecisi Ahmet Eyüp Türkaslan'ın eşi Kübra Türkaslan'ın paylaştığı video.
MALATYA YARDIM BEKLİYOR HATAY YARDIM BEKLİYOR ADIYAMAN YARDIM BEKLİYORpic.twitter.com/NKMnvnZZx5 — Ajanshaber1903 🇹🇷 (@AjansHaber_1903) February 7, 2023

ПОМОШ, ОВДЕ СИТЕ УМИРААТ – потресно видео во кое легендарниот турски голман се гуши во солзи, од глетката ќе ви се распара срцето (ВИДЕО)

Дарко Андоновски — Mon, 06 Feb 2023 14:08:21 +0000

Легендарниот голман на Фенербахче и репрезентацијата на Турција, кој сега е тренер на Хатајспор, моли за помош и преку видео порака објаснува дека ситуацијата по земјотресот е многу лоша. Волкан Демирел се наоѓа во градот Хатај кај границата со Сирија, односно во близина на епицентарот. -Сите се очајни тука, сите умираат. Ве молам, ситуацијата е многу лоша. Не можеме да стигнеме до луѓето. На нив им треба помош, Бог нека помага, стои во неговото видео со апел со сите.

😢🇹🇷 Ex-Fenerbahçe goalkeeper and current Hatayspor manager Volkan Demirel was in tears on Instagram live.
Türkiye has been hit with a very severe earthquake: 7.8 magnitude, with hundreds sadly confirmed dead. pic.twitter.com/Sr9QqyFI6v — EuroFoot (@eurofootcom) February 6, 2023

Онана повеќе нема да брани за Камерун

Ристе Здравков — Fri, 23 Dec 2022 10:28:37 +0000

Голманот на Интер, Андре Онана (26), објави дека повеќе нема да настапува за репрезентацијата на Камерун. Непосредно пред дуелот против Србија, селекторот Ригоберт Сонг реши да го отстрани од тимот првиот голман Андреа Онана поради недисциплина, но деталите се уште не се познати. Веднаш по тој напревар, Онана, си замина од Катар и не ебеш дел од тимот кој го победи Бразил во последното коло, во Г-групата. Одличниот голман најави дека повеќе нема да биде дел од националниот тим. „Се започна од Нгола Нкок, мало село во Камерун, кога бев многу млад и моите родители ми ги пренесоа вредностите на камерунскиот народ. Сфатив дека љубовта кон татковината е вечна. Се сеќавам дека ги гледав натпреварите во Камерун со моето семејство, само нашите луѓе можат да разберат што значи за нас да се биде дел од „Лавовите“. За жал, секоја приказна, дури и да е добра, има крај. На мојата во репрезентацијата на Камерун и додеј крајот. Играчите доаѓаат и си одат, но Камерун е нешто многу повеќе. Моето срце останува камерунско и каде и да одам ќе го држам подигнато нашето знаме. Ќе продолжам да бидам навивач како што прават повеќе од 27 милиони Камерунци на секој натпревар. Им благодарам на сите што веруваа во мене, напиша Онана. Во 2016 година, Онана дебитираше кај селекторот Хуго Брос. Голот на Камерун го бранеше во 36 натпревари.

Голманот на Велс, само трет чувар на мрежата исклучен во историјата на СП

Ристе Здравков — Fri, 25 Nov 2022 14:13:24 +0000

Во првиот натпревар од второто коло од групната фаза на Мундијалот во Катар, Иран го победи Велс со 2:0 со голови доцна во судиското надополнување. Чешми во 98. минута и Разеиан во 101. минута донесоа важен триумф за Иранците. Велшаните играа со десетмина од 84. минута откако голманот Вејн Хенеси беше исклучен поради брутален старт надвор од шеснаесетникот. Хенеси стана само третиот голман во историјата на светските првенства кој добил црвен картон. Пред него исклучени беа само Италијанецот Џанлука Паљука против Норвешка во САД во 1994 година и Итумеленг Куне во Јужна Африка во 2010 година против домаќинот Уругвај. Голманот на Нотингем Форест е и првиот играч кој доби црвен картон во Катар.

Нацијата беше во шок кога Ван Гал го повика да ги брани за Холандија – сопругата го молела да се откаже од фудбалот и да се занимава со оваа професија!

Дарко Андоновски — Tue, 22 Nov 2022 10:04:46 +0000

Највисокиот фудбалер на Светското првенство во Катар е холандскиот репрезентативец Андрес Ноперт кој е висок 203 сантиметри. Дебитантот на СП е роден пред 28 години во Херенвен, а кариерата ја започнал во истоимениот клуб. Сепак, тој мораше да го напушти клубот во 2014 година без ниту еден настап за првиот тим.

View this post on Instagram

A post shared by OnsOranje (@onsoranje)

Тој се пресели во НАЦ Бреда, но неговата кариера не ветувала многу, бидејќи за четири години забележал само седум настапи. Се обидел во италијанската Серија Б, но испаднал од лигата со Фоџа. Таму одиграл само осум натпревари. Подоцна тој се обидел во Додрехт, но по само два меча добил отказ.

View this post on Instagram

A post shared by Andries Noppert Official (@andriesnoppert)

Неговата сопруга и другите членови на семејството го молеле да се откаже од фудбалот и да се вработи во полиција. Сепак, тој не сакал да се откаже од својот сон. Не ги послушал, иако цела сезона не можешел да најде клуб. Во јануари минатата година тој конечно ја добил својата шанса во Го Ахед Иглс. Тој ја искористил шансата и набрзо добил покана од Херенвен, клубот во кој ја започнал својата кариера. Јавноста остана шокирана кога искусниот Луј Ван Гал го повика да ги брани боите на Холандија на Светското првенство во Катар.

View this post on Instagram

A post shared by Andries Noppert Official (@andriesnoppert)

Пред две години немаше клуб и кариерата му пропаѓаше, а во понеделникот дебитираше за репрезентацијата на најголемото фудбалско шоу во светот. Тој импресионираше на првиот натпревар за репрезентацијата, а според рејтингот на „SofaScore“, тој беше најдобар играч на натпреварот и ја доби оценката 8. Направи четири одбрани, од кои две по удари од сопствениот шеснаесетник.

View this post on Instagram

A post shared by Andries Noppert Official (@andriesnoppert)