гонзало игуаин – Kurir.mk

Игуаин ја заврши фудбалската кариера

Тале Кристо — Wed, 19 Oct 2022 07:10:34 +0000

Интер Мајами загуби (0-3) од Њујорк во разигрувањето за титулата во американската МЛС лига во последниот натпревар во кариерата на прославениот аргентински фудбалер Гонзало Игуаин (34). Откако судијата означи крај на натпреварот, Игуан со насолзени очи остана неколку минути на теренот во апсолутна тишина. -Мојот сон заврши. Се чувствував како да заврши тоа што најмногу го сакав. Тоа траеше половина од мојот живот, мојата кариера, 17 и пол години. Низ мислите ми проаѓаа сликите од целата моја кариера, сè што работев и проживеав. Заминувам среќен, бидејќи давав максимум до денес. Сонот заврши и почнува друг живот, им изјави Игуаин на новинарите. Игуаин претходно овој месец ја најави својата одлука за пензионирањето, а не успеа да дојде до последниот трофеј во кариерата бидејќи неговиот Интер загуби на „Сити Филд“. Аргентинскиот фудбалер освои три шпански титули со Реал Мадрид и исто толку во Серија А со Јувентус, но рече дека неговото најголемо достигнување е што бил познат како „добра личност“ во текот на целата своја кариера.

Игуаин не размислува за пензија

Ивона Петрова — Wed, 06 Apr 2022 09:23:04 +0000

Фудбалерот на Интер Мајами, Гонзало Игуаин изјави дека нема да ја заврши кариерата во скоро време. – Нема да го напуштам фудбалот на крајот на сезоната. Татко ми погрешно разбра, го информирал Игуаин, новинарот Николо Шира. Претходно таткото на 34-годишниот Аргентинец, Хорхе Игуаин објави дека неговиот син ќе се пензионира на крајот на годината. Игуаин постигна два гола и една асистенција на пет натпревари за Интер Мајами оваа сезона во американската МЛС-лига.

Игуаин потпиша за Интер Мајами

Дарко Андоновски — Fri, 18 Sep 2020 14:09:17 +0000

Напаѓачот Гонзало Игуаин официјално стана играч на тимот на Интер Мајами. Клубот од МЛС потпиша договор со 32-годишниот Аргентинец, се наведува на веб-страницата на тимот. Игуаин претходно играше за Јувентус од 2016 година, со прекини на позајмица во Милан и Челси. Со Јувентус, тој го освои италијанскиот шампион трипати и Купот на земјата двапати. Вкупно Игуаин одигра 149 натпревари за тимот од Торино, постигна 66 гола и 16 асистенции.

Официјално: Игуаин заврши со Јувентус

Ивана Ефремовски — Thu, 17 Sep 2020 19:25:34 +0000

Јувентус и Гонзало Игуаин официјално се разделија по раскинувањето на договорот на напаѓачот со заедничка согласност. 32-годишниот напаѓач кариерата ќе ја продолжи во Интер (Мајами) на Дејвид Бекам. Италијанскиот шампион објави дека разделбата со Игуаин му носи загуба на клубот од 18,3 милиони евра за периодот 2019/20. Аргентинецот беше привлечен летото 2016 година од Наполи за дури 90 милиони евра. Во Торино, Пипита никогаш не успеа да импресионира и двапати беше позајмен – во Милано и Челси. Веднаш штом пристигна, новиот тренер Андреа Пирло му рече на Игуаин дека нема да се потпира на него. (МИА)

Јувентус ќе му понуди на Игуаин 2,5 милиони евра за предвремено раскинување на договорот

Дарко Андоновски — Thu, 10 Sep 2020 07:07:32 +0000

Напаѓачот на Јувентус, Гонзало Игуаин е близу до напуштање на клубот, објави новинарот Николо Скира. Според изворот, торинскиот клуб е подготвен да му понуди на 32-годишниот Аргентинец 2,5 милиони евра обесштетување за предвремено раскинување на договорот. Беше објавено дека за играчот е заинтересиран Интер Мајами. Во изминатата сезона во Серија А, Игуаин одигра 32 натпревари, на кои постигна осум гола и забележа четири асистенции.

Пирло: Игуаин ќе го напушти Јувентус

Дарко Андоновски — Tue, 25 Aug 2020 16:22:20 +0000

Новиот тренер на Јувентус, Андреа Пирло изјави дека напаѓачот Гонзало Игуаин ќе го напушти клубот, пренесува „Football Italia“. – Имав разговор со Гонзало. Да бидам искрен, овој фудбалер заслужува почит за годините што ги поминал во Торино. Заедно решивме дека понатаму ќе имаме различни патеки. Што има со Кедира? Додека тој е повреден, ние ќе продолжиме да го посматраме, рече Пирло. Минатата сезона, 32-годишниот Игуаин одигра 32 натпревари во Серија А, во кои постигна осум голови и направи четири асистенции.

Игуаин објасни зошто никогаш нема да стане тренер

Магдалена Андонова — Tue, 18 Aug 2020 12:08:58 +0000

Напаѓачот на Јувентус, Гонзало Игуаин призна дека нема да започне со тренерска кариера. -Нема да станам тренер заради менталниот и психолошкиот стрес кој е неизбежен во оваа професија. Сите тренери доаѓаат во тимот со своја боја на коса и по три години тие стануваат седи, изјави Игуаин. Минатата сезона, 32-годишниот напаѓач одигра 32 натпревари во Серија А, во кои постигна осум гола и направи четири асистенции. (МИА)

Ребиќ: Не ги сакам играчите како Игуаин, изгледаат силни, но всушност лежат на тревникот три минути

Тале Кристо — Sat, 18 Jul 2020 19:33:09 +0000

Напаѓачот на Милан, Анте Ребиќ ги обвини играчот од средниот ред на Јувентус, Федерико Бернардески и напаѓачот на „Бајаконерите“, Гонзало Игуаин за симулација. – Постојат двајца Анте Ребиќ: во обичниот живот сум многу мирен, срамежлив и не сакам да се зборува за мене. На теренот се појавува уште еден Анте, кој станува проблем за сите. На натпреварот против Јуве, му кажав нешто на Игуаин. Не ги сакам играчите како него, кои се чини дека се големи и силни, но за време на натпреварот се тркалаат на тревникот три минути кога едвај се допираат. Истото важи и за Бернардески. Кај нас Ибрахимовиќ постојано прима многу удри, но веднаш станува и не лелека. Останатите постојано плачат, истакна Ребиќ.

Матуиди, Кедира и Игуаин може да го напуштат Јувентус

Магдалена Андонова — Fri, 17 Jul 2020 15:43:15 +0000

Актуелниот лидер и бранител на трофејот во италијанскиот фудбал, Јувентус, е подготвен да се раздели со голем број играчи заради ажурирање на тимот ова лето, пренесува „Тутоспорт“. Според изворот, „Торинците“ се подготвени да ги ослободат Гонзало Игуаин, Федерико Бернардески, Сами Кедира, Блез Матуиди и Даниеле Ругани. Управата на клубот е подготвена да најде играчи кои одговараат на визијата на Маурицио Сари, како и да ја намалат просечната старост на тимот. Другите изнајмени играчи на Јувентус, како Лука Пелегрини и Кристијан Ромеро, ќе бидат продадени или искористени како дел од договорот. Претходно беше објавено за размена на Миралем Пјаниќ во Барселона за Артур Мело. (МИА)

Игуаин и Сари склучиле пакт

Ивона Петрова — Fri, 05 Jun 2020 07:18:59 +0000

Јувентус бил на пат да се раздели со напаѓачот Гонзало Игуаин, но Аргентинецот направил договор со тренерот Маурисио Сари за да остане во тимот. Според „Гаџета дело спорт“, италијанскиот менаџер му помогнал на Игуаин повторно да ја пронајде својата форма, откако го заштити од гласините за заминување и дека е со него во тежок период. Во објавата се додава дека двајцата потпишале пакт за остатокот од сезоната, според кој ќе се фокусираат само на комплетирање на кампањата и освојување трофеи, оставајќи ја настрана иднината на напаѓачот засега. Јувентус сака да го продаде Игуаин, бидејќи „старата дама“ сака да се ослободи од договорот на Аргентинецот, за кој се одвојуваат 7,5 милиони евра годишно. Играчот е поврзан со трансфер во екипите Л.А. Галакси и ДЦ Јунајтед, но не се исклучува и враќањето во Ривер Плата. Игуаин ја покажа својата најсилна форма под Маурисио Сари во Наполи, постигнувајќи 92 голови на 147 натпревари од неговиот трансфер од Реал Мадрид во 2013 година. Минатата сезона двајцата повторно се обединија во тимот на Челси. Актуелниот тренер на Јувентус реши да му даде нова шанса на Игуаин на стадионот „Алијанц“, а Аргентинецот му се заблагодари со 5 голови и 4 асистенции на 23 одиграни натпревари во Серија „А“ оваа сезона.