Горан Ангелов – Kurir.mk

Горан Ангелов го демантира Јакимовски: Каде беше досега да не спомнеш, сите имаме исти услови

Ивона Петрова — Thu, 09 Jun 2022 05:50:43 +0000

Горан Ангелов кој е осуден на 12 години затворска казна за случувањата во Собранието на 27 април преку објава на Фејсбук го демантира претседателот на ГРОМ, Стевче Јакимовски. -Не е вистина твоето тврдење! Сите осуденици имаме исти услови, исто сме третирани во зависност од однесувањето према куќниот ред! Кај беше досега да не спомнеш ако ти беше толку грижа! Мицковски имал и ќе има поддршка од мене ,јас сум ВМРО и не менувам партии, пишува Ангелов на Фејсбук.

Горан Ангелов: Ти благодариме Дурловски! Затоа Игор, затоа ВМРО-ДПМНЕ

Катерина Бојаџиева — Wed, 11 Mar 2020 21:59:03 +0000

Горан Ангелов, еден од обвинетите за случувањата од 27 април на својот Фејсбук профил напиша статус посветен на Игор Дурловски, кој е ностител во 5-та изборна единица на ВМРО-ДПМНЕ и Коалицијата.

Ќосето од ќелија: И во зандани пише аго „Слобода или смрт“

Предраг Кукиќ — Wed, 10 Apr 2019 15:07:05 +0000

Осудениот за настаните од 27 април, Горанче Ангеловски Ќосето на својот фејсбук профил постави фотографија со натписот „Слобода или смрт“. Тој беше осуден на 12 години затворска казна, поради инцидентите во Собранието во 2017 година.

Горан Ангелов со порака: Браќа да се обединиме против трговците со човечки судбини

Предраг Кукиќ — Tue, 19 Mar 2019 21:52:22 +0000

Кико брат! Јас знам дека секој народ има свои изроди кои повеќе се грижат за својот џеб отколку што се грижат за народот и неговата судбина. Но изгледа дека македонскиот ги има повеќе од било кој друг народ. Истите тие предавници, наместо да се опаметат и ги признаат своите грешки, тие за тоа бараат награда ( Нобелова ). Кpaжбата на една нација никогаш не застарува, и еден ден за тоа народот ќе си ја побара сметката да ја нaплaти. Ни еден судија не е точен како времето кое доаѓа за нaплaтa и времето кое бара да се соочиме со тоа што ни стои во совеста. Тоа време иде. Сега тие ја глодаат среќата која им припаѓа на други, на тие што се нaпaтеeи и што останале во оваа земја да се борат за подобро утре. Тие што се сега на власт се срамат од тоа какваа им е татковината, и за тоа ја менуваат, ја обeзличyваат, затоа тие и не припаѓаат кај неа. Ниеден чесен син и ќерка не се срами од својата мајка, тие се срамат. Мерката за патриотизам е да си спремен да yмpeш во секој момент за својата земја, тие тоа го немаат, тие ги имаат мерките за предавcтвa, кои ние никогаш одблиску нема да ги знаеме кои се и како изгледаат. Затоа брат, упати поракава до сите …. Време е за ОБЕДИНУВАЊЕ. Доста е кавги и несреќи, време е сите да застанеме заедно и да и го тргнеме овој товар на татковината. Товар наречен Власт. Обединете се сите под ВМРО-ДПМНЕ, и заедно испорачајте им ја сметката на Предавниците. Заедно против Тиpaнот, браќа и сестри! Да Живее Македонија!! Пишува, Горан Ангелов до својот пријател и брат Кристијан Јандриовски на Фејсбук.

Писмо од Ангелов до сопругата: Не тагувај Наташа, и покрај се, задоволство ми е да и го посветам мојот живот на Македонија

Предраг Кукиќ — Sat, 16 Mar 2019 18:48:06 +0000

Моето веќе се виде Наташа, јас не верувам дека повеќе ќе можам да разгорам огниште, нема да има кога. Чувај ми ги децата и мајка ми, пишува Горан Ангелов во писмото до својата сопруга Наташа. Горан Ангелов вчера беше осуден на 12 години затвор поради „тероризам на 27 април“ пред Собранието на Република Македонија. – Нате, мојов живот повеќе не ми припаѓа мене. Тој и е завештаен на една друга армасица, понесреќна и посвета од сите нас. Нејзе и припаѓам со цело мое битие, до последна капка крв, до последен здив. Тоа е Македонија. Ќе ми фалите секој момент од денот, секоја секунда, и ти и децата, а и старата. Сакам сите да знаат, дека не постои таков пишан збор кој може да ја опише мојата почит кон тебе и кон све што правиш за нашето семејство. Чувај се, чувај ми ги децата. Пази ми ја и мајка, тешко и е. Не тагувај, да знаеш дека и покрај све, мене ми е задоволство да и го посветам мојот живот на Македонија. Чувај ми се, Наташа, пишува Ангелов во писмото до сопругата и семејството што беше објавено на Фејсбук.

Адвокатот на Горан Ангелов: Не очекувам фер судење, историјата се повторува за нас Македонците

Катерина Бојаџиева — Sat, 25 Aug 2018 17:48:37 +0000

Адвокатот на Горан Ангелов кој е еден од обвинетите за случувањата од 27 април, Тони Менкиновски во своето гостување во вестите на телевизија Алфа истакна дека не очекува фер судење на обвинетите во случајот. -Не очекува фер судење по начин на кој се води целата постапка, јас реагирав и на условите во судницита, мислам дека нема да имаме фер судење, вели тој. Во текот на вчерашниот ден на судењето за случајот 27 април, на адвокатот Менкиновски не му беше уважено барањето за подготовка за одбрана за обвинетиот Горанчо Ангеловски со што судијката Добрила Кацарска направи нов преседан во македонското судство. -За жал морам да кажам бидејќи не се запазени принципите на фер постапка, јас морав да го откажам полномошното на мојот клиент свесен за последиците врз мене и свесен дека во иднина ќе бидам казнет поради таа причина. Но јас не можам да бидам соучесник да го бранам мојот клиент да дадам делотворна одбрана немајќи докази, немајќи ништо освен едно полномошно. Јас бев ангажиран еден ден пред судењето за Горанчо Ангеловски од страна на неговата сопруга, наредниот ден почна судењето и наредниот ден јас добив полномошно на записник од страна на Горанчо во судот. Исто така јас тој ден побарав од судијката да ми даде доволно време согласно законот за Кривична постапка и согласно сите европски и меѓународни правила за спремање на ефикасна, ефективна, делотворна одбрана за мојот клиент. Таа тоа не ми го дозволи, напротив го одби моето барање и продолжи со процесот, истакна Менкиновски. Менкиновски забележува дека ова не е прво вакво судење за македонскиот народ и вели дека низ историјата сме виделе низа вакви судења во кои Македонци биле судени од друга држава, но сега Македонците ги суди сопствената држава. -Многу ми е жал што ваквиот процес за нас Македонците не е прв. Ние имаме четири вакви процеси кои започнуваат од 1892 година во Софија, бидејќи јас истражував претходно, тоа е првиот македонски процес тоа е во Софија против Александар Караѓулев. Вториот доаѓа во 1927 година против македонските студенти, па понатака имате 1942 година, значи тоа е процес против македонскиот литературен кружок каде со смртна пресуда е осуден Никола Јанко Вапцаров. И предметот против Котевски. Значи овие се предмети кои се брзи. Тие наши Македонци како и овие сегашни Македонци биле обвинети за насилно уривање на уставниот поредок на тогашните држави, сега имаме на нашата држава. Историјата се повторува за жал на нас Македонците. И како сега јас да бидам соучесник во нешто што е надвор од сите цивилизациски придобивки од сите стандарди, потенцира тој. Адвокатот Менкиновски спомена дека сегашниот процес многу наликува на пресудите за Македонците во 1947 година. -Обвинението го слушнав од страна на обвинителката кога имаше воведен говор и знаете што е многу интересно таа, правеше техничка измена на обвинението ги тргаше зборовите веќе, веќе. Многу ме потсети на пресуди кои ги имам читано за Македонците во 1947 година каде е употребувано идно несвршено време ќе. И тука сакам да ви кажам дека сметам дека овој процес навистина излегува од рамките на фер постапка, забележа Менкиновски. Имено адвокатот Тони Менкиновски бесплатно ги застапува и брани правата на Македонците од Бугарија и Грција, Виножито и ОМО Илинден, а меѓу другото е наведен како еден од најдобрите бранители на човекови права од страна на самиот комесар за човекови права на ОН.