Горан Чогеља – Kurir.mk

Чогеља: Загубени половина милион евра поради ненавремено производство на струја на ХЕЦ Глобочица и ХЕЦ Шпиље

Ивона Петрова — Thu, 19 Apr 2018 11:42:27 +0000

СДСМ ја претвори ЕЛЕМ во ЕЛЕМентарна непогода. Раководството на АД ЕЛЕМ е неспособно да менаџира со природните ресурси. Десетици кубни метри вода во секунда се прелеваат преку браните на ХЕЦ Глобочица и ХЕЦ Шпиље, таа вода е непреработена во електрична енергија, истакна на денешната прес-конференција Горан Чогеља од ВМРО-ДПМНЕ. Тој посочи дека три недели по ред во континуитет прелева ХЕЦ Глобочица, со што загубата од непроизведената електрична енергија досегна речиси половина милион евра, директната загуба континуирано и се зголемува секој ден. -Ситуацијата станува алармантна и во ХЕЦ Шпиље, која од пред два дена исто така почна да прелева. Ваквата состојба се очекува да продолжи и во наредниот период. До ваквата состојба немаше да дојде доколку раководството на АД ЕЛЕМ пристапеше кон навремено производство на електрична енергија во зимскиот период и да изврши пред празнење во акумулациите. Поради неодговорноста на власта и неспособноста на раководењето на АД ЕЛЕМ, претпријатието наместо добивка, прави чиста загуба пуштајќи чисти пари по вода. Очигледно топењето на снеговите во пролет, ги изненади АД ЕЛЕМ, како што снегот среде зима ги изненадува Македонија пат, нагласува Чогеља. Од партијата истакнуваат дека два месеци предупредуваат за нивото на водите во сврзаниот систем Охридско езеро, езерото Глобочица и езерото Шпиље. -Неспособноста на АД ЕЛЕМ и ненавременото производство на електрична енергија резултираше со поплави во Охридското езеро и огромни материјални штети долж целото крајбрежје. Нивото на водата во Охридското езеро е сеуште 23 сантиметри над дозволената кота. Штетите од поплавите од пред месец дена на Охридското крајбрежје сеуште не се ниту проценети, а камо ли санирани. Ова раководство на АД ЕЛЕМ е ЕЛЕМентарна непогода во енергетиката и треба под итно да си поднесе оставка. Оваа влада е неспособна и не знае да управува со државата и државните ресурси. Граѓаните заслужуваат подобро, истакна Чогеља на денешната прес-конференција.

Чогеља: Охридско и Глобочица се излеаја, ЕЛЕМ да понесе одговорност и да гарантира целосно обесштетување на граѓаните

Ивана Ефремовски — Fri, 30 Mar 2018 12:36:09 +0000

Охридското езеро подолго време е над дозволената кота. А, од пред некој ден повторно се излеa по крајбрежјето. Тоа и во континуитет се случува и овие денови, но сега и без помош на ветерот. Водостојот на Охридското секојдневно се зголемува и ги загрозува сите крајбрежните објекти. Ова го истакна денес Горан Чогеља на денешната прес-конференција во ВМРО-ДПМНЕ. -Она што е интересно од пред некој ден, се излеа и езерото Глобочица. Имаме сериозен прелив. Оваа непреработена вода во генераторите на ХЕ „Глобочица“ е директна загуба која на дневна основа изнесува неколку илјади евра. Раководството на ЕЛЕМ може за еден ден да „пушти по вода“, онолку колку што Владата се фали дека наводно заштедила за месец дена на кафиња и ручеци. Недозволиво е еден врзан систем на акумулации, да Охридско езеро и Глобочица прелеваат, а во исто време да да имате огоромен празен простор во акумлацијата на Шпиље. Ова укажува на неправилен ангажман на хидроцентралите, рече тој. Чогеља како поткрепа на ова, презентираше и графици со производство на електрична енергија по денови на ХЕ „Глобочица“ и ХЕ „Шпиље“ од Нова година до 26.03.2018 година. -Од графиците се гледа дека ниту Глобочица ниту Шпиље работат со полн капацитет речиси во целиот месец јануари. ХЕ „Шпиље“ има речиси двоен капацитет, дупла е поголема од ХЕ „Глобочица“, али во одреден период произведува дури и помалку од ХЕ „Глобочица“. Истата почнува да работи на максимум дури во втората половина од месец февруари, кога веќе е доцна да се избегне она што ни се случува сега. Празниот простор во Шпиље, е речиси 6 метри во моментов, а заедно со флексибилноста на ХЕ „Шпиље“ за дополнително намалување на котата на езерото, е повеќе од доволно да го прифатат целокупниот вишок на вода во Охридското езеро. Претходното излевање, но и овие кои се случуваат деновиве, ќе се избегнеа доколку раководството на ЕЛЕМ знаеше да управува со водниот потенцијал. Повторуваме дека просторот во акумулацијата во Дебарското езеро е повеќе од доволен да го прифати целиот вишок на вода од Охридското езеро. Бараме раководството на ЕЛЕМ да гарантира за целосно обештетување на граѓаните, со понесување на одговорност за настанатата ситуација, порача тој.

Чогеља: Одговорност за раководството на ЕЛЕМ мора да има- Владата и компанијата се должни да ги обештетат сопствениците на поплавените објекти

Катерина Бојаџиева — Tue, 20 Mar 2018 13:27:36 +0000

Република Македонија и нејзините граѓани имаат директни штети и загуби поради неодговорноста на власта. СДСМ не знае да менаџира со државата и државните ресурси. Oд сето тоа материјална штета трпат граѓаните и државата. Поради неспособноста на раководството на ЕЛЕМ, компанијата пред сезоната на дождови и топењето на снегот, дозволи сериозен пораст на котите во акумулациите, а особено тоа е изразено на Охридското езеро, истакна Горан Чогеља на денешната прес-конференција на ВМРО-ДПМНЕ. -На графиците кои ги гледате, представени се движењето на котите на трите езера по сливот на Црн Дрим, значи Охридско езеро, езерото Глобочица и Дебарско езеро кај ХЕ Шпиље во периодот од 26-ти декември 2017 година до 18-ти март 2018 година.

Прво, она што веднаш паѓа во очи е дека речиси до почетокот на февруари ниту Охрид ниту Шпиље немаат промени на својата кота на акумилацијата. Значи не е извршено никакво дополнително предпразнење на акумулациите како подготовка за прием на големото количество на вода.
Второ, она што е уште полошо во моментот кога Охридското езеро значително почнува да му се зголемува котата, езерото кај ХЕ Шпиље значи Дебарското езеро почнува во одреден момент дури да се намалува со кота. Значи не само што водата од Охридското езеро не се префрла према Дебарското езеро туку дури и се намалува просторот кај ХЕ Шпиље.
Трето, резервата која што Дебарското езеро кај ХЕ Шпиље може да ја прими речиси во целиот период е преку 9 метри, а во моментот кога Охридското езеро значително се заканува да прелие, значи да ја надмине максималната кота имаме рекордни над 12 метри празен простор во акумулацијата на Шпиље. Тоа е повеќе од 50% од вкупниот расположив акумулационен капитал Шпиљското езеро.

Она што може да кажеме дека просторот во акумулацијата во Дебарското езеро е повеќе од доволен да го прифати целиот вишок на вода од Охридското езеро, истакна тој и додаде: „Висината на водата во Охридското езеро, покрај катастрофалните директни штети кои ги предизвика, а на кои бевме сведоци изминативе денови во Охрид, интезивно влијае и на зголемување на нивото на подземни води, како и на енормна влажност на почвата што негативно влијае на целото земјоделие во регионот. Колкава штета е причинета на земјоделците од охридско, струшко и дебарско допрва ќе се утврдува. Одговорност за раководството на ЕЛЕМ мора да има. Поради неажурноста на раководството на компанијата и ненавременото и недоволното испуштање на водата од Охридското езеро, дојде до поплавување на охридското крајбрежје со бранови и над еден метар. Поплавите во градот Охрид причинија огромна материјална штета кај објектите долж на целото крабрежје. Владата и ЕЛЕМ се должни да ги обештетат сопствениците на поплавените објекти, како и сопствениците на земјоделските посеви во околината на Охрид и Струга, и целото течение на Црни Дрим. Поради неодговорноста на власта и ненавремената реакција на институциите причинета е огромна материјална штета, за која уште не знаеме колку изнесува“.