Горан Драгиќ – Kurir.mk

Словенија без една од главните ѕвезди на кошаркарскиот Мундобаскет

Бошко Тасиќ — Thu, 08 Jun 2023 05:20:35 +0000

Словенечката кошаркарска репрезентација ќе биде значително ослабена за претстојното Светско првенство, затоа што од тимот отпадна НБА-ѕвездата Горан Драгиќ. „Ќе бидам дома, ќе одморам и ќе ги гледам настапите на моите колеги. Им ја посакувам целата среќа на светот, но за мене мислам дека дојде крајот. Моето тело нема да го поднесе дополнителниот напор, а јас не би сакал да бидам товар никому, ниту пак, да добивам минутажа само поради моето минато. Навистина сум среќен за успесите што ги имавме порано, но моето време полека изминува. Ќе навивам за Словенија со цело срце и душа“, изјави кратко словенечкиот плејмејкер. Горан Драгиќ е еден од најдобрите кошаркари од Словенија во последните неколку генерации. Тој беше еден од главните играчи на Евробаскетот во 2017 година, а во својата богата кариера настапуваше за многу НБА-екипи како Феникс Санс, Хјустон Рокетс, Мајами Хит, Торонто Репторс, Бруклин Нетс, Чикаго Булс, а оваа сезона ја заврши како член на Милвоки Бакс.

Горан Драгиќ се договори со Милвоки Бакс

Бошко Тасиќ — Sat, 04 Mar 2023 05:03:23 +0000

Чикаго Булс пред три дена му врачи отказ на Горан Драгиќ. Ветеранот експресно најде нов клуб. Американските медиуми пренесуваат дека Драгиќ се договорил со Милвоки Бакс. Драгиќ ќе потпише договор до крајот на сезоната. Милвоки беше заинтересиран за Драгиќ и пред една година, но тогаш тој ја прифати понудата од Бруклин Нетс. Милвоки ќе бидат седми клуб во НБА во кариерата на Драгиќ. Словенецот досега има настапувано за Феникс, Хјустон, Мајами, Торонто, Бруклин и Чикаго. Во дресот на Булс, Драгиќ одигра 51 натпревар, со просек од 6,4 поени и 2,7 асистенции по натпревар. Драгиќ има одиграно 939 натпревари во текот на 15 сезони во најсилната кошаркарска лига во светот.

Горан Драгиќ доби отказ од Чикаго булс

Бошко Тасиќ — Wed, 01 Mar 2023 05:31:18 +0000

Словенечкиот кошаркар Горан Драгиќ ќе може како слободен играч да ја избере следната дестинација во кариерата откако неочекувано доби отказ од тимот на Чикаго Булс. Иако од таборот на „биковите“ во изминатите седмици стигнуваа информации дека сериозно се смета на Драгиќ, денеска следеше шок за 36-годишниот плејмејкер. Словенецот сезонава настапуваше по 15 минути по натпревар, во просеk имаше 6,4 поени на секоја средба, но „биковите“ се решија на ваков чекор откако на плејмејкерската позиција го доведоа и Патрик Беверли.

Драгиќ: Би сакал со брат ми да ја освојам титулата на Европскиот шампионат

Бошко Тасиќ — Sat, 03 Sep 2022 05:28:43 +0000

Плејмејкерот на словенечката репрезентација Горан Драгиќ истакна дека медалот на ова Европско првенство ќе биде уште позначаен за него бидејќи овојпат ќе има можност да го прослави со својот брат кој не беше дел од селекцијата. на ЕП 2017 поради повреда. Пет години откако ја предводеше Словенија до првиот златен медал на ЕП и беше прогласен за МВП, Драгиќ се врати на шампионатот со победа над Литванија.

„Кога го освоивме златото во 2017 година, брат ми беше повреден и не можеше да биде таму. Ова ЕП е едно од најтешките, но дојдовме со големи очекувања. Би сакал да ја освојам титулата со него“, изјави Драгиќ.

Драгиќ нов играч на Чикаго Булс

Бошко Тасиќ — Thu, 04 Aug 2022 07:02:23 +0000

Словенечкиот кошаркарски репрезентативец Горан Драгиќ ја продолжува кариерата во НБА лигата како нов челен на екипата на Чикаго Булс. Драгиќ го најави минувањето во Булс на почетокот на јули, но сега е објавено дека кошаркарот ќе потпише едногодишен договор во вредност од 2,9 милиони долари. Во редовите на Чикаго, Словенецот доаѓа од тимот на Бруклин Нетс, а претходно во НВА играше и за Феникс Санс, Хјустон Рокетс, Мајами Хит и Торонто Репторс, За 36-годишниот Драгич ова е 15-та сезона во најсилната кошаркарска лига на светот. Во тој период просечно постигнуваше по 13,7 поени по натпревар. Минатата сезона во Нетс имаше просек од 7,5 поени и 4,1 асистенции по меч.

Драгиќ нов кошаркар на Чикаго

Магдалена Андонова — Wed, 03 Aug 2022 13:09:48 +0000

НБА лигашот Чикаго објави денеска дека словенечкиот кошаркарски репрезентативец Горан Драгиќ е нивен нов член. Драгиќ го најави трансферот кон средината на мај, а сега е објавено дека Словенецот ќе потпише едногодишен договор со Чикаго во вредност од 2.9 милиони долари. Словенечкиот 36-годишен репрезентативец се сели во Чикаго од редовите на Бруклин, а претходно во НБА лигата настапуваше за Феникс, Хјустон, Мајами и Торонто. Чикаго на својот Твитер објави дека Драгиќ ќе го носи дресот со бројот седум, во кој своевремено настапуваше Хрватот Тони Кукоч. (МИА)

Драгиќ потпиша за Чикаго

Бошко Тасиќ — Mon, 04 Jul 2022 18:45:19 +0000

Словенечкиот кошаркарски репрезентативец Горан Драгиќ потпиша едногодишен договор со Чикаго. Тој ќе има годишна плата од 2,9 милиони долари, а како што пишуваат американските медиуми, клучна улога за негов трансфер одиграл црногорскиот центар Никола Вучевиќ. Драгиќ (36) вториот дел од минатата сезона го мина во Бруклин, а претходно играше за Торонто, Мајами, Феникс, Басконија, Хјустон, Феникс, Олимпија, Мурсија и Слован. Со репрезентацијата на Словенија го освои златниот медал на ЕП 2017 во Турција.

Драгиќ се договори со Бруклин Нетс

Бошко Тасиќ — Tue, 22 Feb 2022 08:34:09 +0000

Горан Драгиќ кариерата ќе ја продолжи во Бруклин Нетс. Словенецот до крајот на сезоната ќе го носи дресот на оваа екипа. Бруклин му врачија отказ на Џејвон Картер, со што направија простор за Драгиќ. Бруклин ќе биде петтиот тим во 14 годишната кариера на Драгиќ. Претходно настапуваше во Хјустон, Финикс, Мајами и Торонто. Во кариерата има просек од 13,9 поени, 4,8 асистенции и три скока по натпревар

Шест екипи заинтересирани за Горан Драгиќ

Бошко Тасиќ — Sun, 13 Feb 2022 20:21:45 +0000

Кошаркарот Горан Драгиќ заврши во Сан Антонио Спарс на рокот за трејдови во НБА лигата, но плејмејкерот по се изгледа нема да остане во Тексас и набрзо ќе го гледаме во друга средина. Американските медуми пренесуваат дека се очекува Драгиќ и Спарс да седнат на маса и ја завршат соработката по што Словенецот ќе може слободно да го избере новиот клуб. Според „ЕСПН“ дури шест екипи се во трка за ветеранот и тоа ЛА Лејкерс, Голден Стејт Вориорс, ЛА Клиперс, Милвоки Бакс, Бруклин Нетс и Чикаго Булс.

Горан Драгиќ потпишува за Далас

Бошко Тасиќ — Sat, 04 Sep 2021 07:14:45 +0000

На чекор од потпис со тимот од Тексас Далас Маверикс е кошаркарот Горан Драгиќ. Словенечкиот плејмејкер ќе ја дели соблекувалната со својот сонародник Лука Дончиќ. 35-годишникот ќе соработува и со Игор Кокошков, со кого во 2018 година ја освои европската титула за Словенија. Бобан Марјановиќ е последниот балкански претставник во редовите на Далас.