Горан Ѓорѓиевски – Kurir.mk

Ѓорѓиевски: Фрапантен е фактот дека 80% од храната ја увезуваме, земјоделците немаат профитабилност-треба да им се помогне

Ивана Ефремовски — Fri, 15 Sep 2023 20:38:18 +0000

Даночните стапки не треба да се зголемуваат на прехрамбените производи. Тоа што се тргна да биде 5%, според нас не треба да биде само на основните производи туку да има поширока база на производи јаде што таа даночна стапка не би се менувала. Со промената на таа даночна стапка на 10% или така натаму како што се планира, нормално дека тоа веднаш ќе имплицира цените да пораснат во некоја димензија. Ова го истакна Горан Ѓорѓиевски, претседател на Агро бизнис комората при ССК, гостувајќи на телевизија 24 Вести. Посочи дека тие се поборници на намалување на даночните стапки, да бидат пониски, исто така царинските давачки да бидат што е можно пониски. Оценува дека треба да се следат европските практики. -Имаме еден фрапантен факт, чинам дека 80% од храната во Македонија се увезува, а само 20% си ја произведуваме ние. Тоа за нас е катастрофален факт. Тоа значи дека дадените производители кои треба да произведуваат во нашата држава, земјоделците, практично немаат профитабилност. Затоа не се произведува. Нема друга причина или објаснување, суштината е дека на земјоделците треба да им се помогне. Треба да им се дадат субвенции по килограм принос, а не по метар квадратен површина, истакна тој. Целото негово гостување погледнете го во продолжение

Ѓорѓиевски со силни аргументи: Солидарниот данок не е соодветен во нашата држава

Ивана Ефремовски — Thu, 27 Jul 2023 17:22:08 +0000

Курир направи интервју со потпретседателот на Сојузот на стопански комори на Македонија, Горан Ѓорѓиевски. ССК не се согласува со воведувањето на солидарен данок во Македонија, а тој објасни и зошто. -Данокот на екстра приход односно солидарниот данок не е соодветен во нашата држава. Сојузот на стопански комори смета дека иновативните компании, компаниите кои инвестирале во нови технологии, кои имаат раст кој се темели на внатрешни процеси и кои се успешни, не би требало да се оданочуваат со ваков данок. Понатаму имаме уште еден силен и важен аргумент. Законот е така поставен да има еден праг од 20 % кој тековно во минатите години раст оневозможува компании кои генерираат огромни профити, не влегуваат во тие кои ќе се одночат. Тоа е една нон сенс ситуација. Тие што се најпрофитабилни и најголеми, така е дизајниран самиот закон за да не ги опфати овие, што за нас е сериозно симптоматично. Вие не можете да оданочувате во ситуација кога на бизнисот му треба даночна предвидливост и му треба даночен календар. Од есенцијално значење е бизнисот да функционира врз основа на дефинирани тајминзи и даноци. Тоа е сложена тема која овозможува бизнисот да си ги предвидува сите трошоци, инвестиции, рече тој. Ѓорѓиевски вели дека на овие силни аргументи никој од соодветните органи не одговорил. Целото интервју со него погледнете го во продолжение:

Ѓорѓиевски во интервју за Курир: ССК станува институција која што ќе влијае на тековните економски процеси што ќе предизвикаат решавање на многу значајни прашања

Дарко Андоновски — Thu, 27 Jul 2023 10:47:41 +0000

Курир направи интервју со потпретседателот на Сојузот на стопански комори на Македонија, Горан Ѓорѓиевски, а во истото тој говореше особено за новиот тим на ентјузиасти, односно на сериозни бизнисмени кои што сакаат да ја претворат во една институција која што ќе влијае на тековните економски процеси која што ќе може да предизвика поместување на многу значајни прашања, односно нивно претставување на јавноста во вистинска димензија со цел да се предизвика тие прашања квалитетно се решаваат. -Ние веќе станавме деловна бизнис мрежа која што има сериозен импакт врз широките медиуми, односно која што во последната година артикулираше ставови што се исклучително важни и ние сметаме дека тие ставови мора да се гледаат и да се претстават на соодветен начин кои што ќе овозможи со вистински решенија да се дојде до напредок, раст на бизнисот и решавање на некој клучни теми во нашата држава, вели Ѓорѓиевски. На прашањето со какви предизвици се соочува Сојузот на стопански комори, тој вели дека во последниве четири години се многу сериозни предизвиците кои што влијаат на работењето на самите компании. -Како што знаете имавме целосно затворање на компаниите за време на корона кризата, следуваше растот на цените на суровините, енергетската криза, а во меѓувреме се случуваше и раст на инфлацијата која е многу голема во последните декати и практично е најголема во овој момент, вели тој. Ѓорѓиевски вели дека е оптимист и дека во иднина очекува соодветни високи економски бројки на раст... Целиот разговор со потпретседателот на ССК погледнете го во продолжение:

Ѓорѓиевски: Доколку следната влада ја формира опозицијата важно е да се слушне гласот на бизнис секторот

Дарко Андоновски — Wed, 19 Jul 2023 12:29:28 +0000

Сојузот на стопански комори е секогаш отворена куќа за добри и конструктивни предлози, односно за предлози кои би придонеле во понатамошно подобрување во понатамошната состојба на компаниите, ова денеска преку изјава за медиумите го истакна Горан Ѓорѓиевски, претстедател на ССК. -Во моментов знаете дека компаниите се наоѓаат во специфично тешка ситуација и имаме проблеми со ликвидноста. Двата клучни проблеми се следните: Првиот е недостатокот на човечки ресурси, додека вториот е проблемот со финансиите, односно ликвидноста како елемент кои што многу влијае на функционирањето и работењето на компаниите, вели Ѓорѓиевски. Тој додава дека доколку следната влада ја формира опозицијата е важно да се слушне гласот на бизнисот.

Ѓорѓиевски: Цената на струјата, понудата и побарувачката ќе одредат дали ќе има поскапување на производите

Ристе Здравков — Fri, 02 Jun 2023 19:42:48 +0000

Дали по одмрзнување на цените ќе следи покачување на цената прехранбените производи, особено кај лебот? Горан Ѓорѓиевски од Агро-бизнис комората при Сојузот на стопански комори во разговор за ТВ 24 вели дека понудата и побарувачката ќе ја одредат цената на финалниот производ. Потенцира дека во моментов ќе има стагнација на цената но и делумна можност за намалување на цените. Покачувањето на цените на струјата може да да ја зголеми цената на крајниот продукт. Од Агро-бизнис комората потенцираат дека треба да се има во предвид и фактот дека ако државата помогне на бизнисот секогаш ќе постои тенденцијата цените да бидат колку што е можно со пониска вредност за крајните потрошувачи.

Ѓорѓиевски: Владата избрза со одлуката за цената на лебот, компаниите ќе анализираат дали можат да го издржат тој удар

Ивана Ефремовски — Sat, 25 Feb 2023 15:45:22 +0000

Во вторник ќе се замрзне цената на лебот и нема да биде над 33 денари и за белиот и полубелиот леб. Ова е само прв чекор од производите наведени во одлуката на Владата. Ќе следат и нови одлуки за замрзнување на цените. Се прават анализи за тестенините и тие средства ќе се користат за укинување на некои давачки, изјави на денешната прес-конференција Министерот за економија Крешник Бектеши. Цените, како што појасни Бектеши, нема да се зголемат по завршување на мерката, освен ако се зголемат цените на суровините и тогаш може да има нагло покачување на цената. Од Агробизнис комората не се согласуваат со одлуката за замрзнување на цените. За Сител велат, неизвесно е како фурните ќе се справат со трошоците, па можно е или да стават клуч на врата или рафтовите во маркетите да ги остават празни. -Секоја од компаниите ќе си направи внатрешни анализи, ќе си утврди дали може да го издржи тој удар, како би се однесувало за трошоците кои ги има за самото производство и согласно тоа, сама ќе си заклучи секоја од компаниите што би правела во иднина. Можни се сите опции, не би можел сега да искоментирам што би се случувало конкретно во блиска иднина, Меѓутоа, сметам дека требаше посериозно да се разговара, да не се брза со вакви одлуки, рече сопственикот на „Специјал“, Горан Ѓорѓиевски кој е претседател на Агро-бизнис комората при Сојузот на стопански комори на Македонија. Целиот прилог на Сител, погледнете го во продолжение:

Горан Ѓорѓиевски нов претседател на Агро-бизнис комора

Ивона Петрова — Mon, 07 Feb 2022 13:52:28 +0000

Горан Ѓорѓиевски е нов претседател на Агро-бизнис комората при Сојузот на стопански комори на Македонија, кој беше избран на седница на Собрание. Ѓорѓиевски кој по професија е машински инженер е сопственик на познатиот бренд „Специјал“, кој на пазарот има 24 годишна традиција и ангажира повеќе од 200 вработени. Ѓорѓиевски истакна дека меѓу приоритетите на кои ќе работи и за кои ќе се залага е да се обезбеди сигурност на пласман на земјоделски производи по реални цени, да се направи окрупнување на земјишни парцели, зголемување на приносите, партнерска соработка и зголемување на конкурентноста на земјоделските производи. - Земјоделството е една од најважните стопански гранки во нашата држава која има голем потенцијал да придонесе за раст и развој на целокупната економија во пост-пандемискиот период. За да се постигне тоа неопходно е да се променат унапредат условите во кои се работи сега преку иновации, дигитализација, следење на современите трендови. За земјоделците е потребно да се обезбеди и помош и стручни совети за купување земјоделска механизација и друга техничка опрема. За да се постигне максимален процент на искористеност потребна е поедноставување на постапките за ИПАРД апликациите. Неопходно е и даночни олеснувања за нафта, семенски материјал и за земјоделска механизација, како и субвенции по килограм произведен производ, истакна Ѓорѓиевски. На досегашниот претседател Огнен Оровчанец му беше врачена Благодарница за исклучителниот ангажман во Комората и личниот придонесот кој го дал со цел креирање на подобро деловно окружување за развој на агро-бизнис секторот. На седницата беа избрани и нови членови на органите на управување на Агро-бизнис комората, а за Потпретседатели на Комората избрани се Ласко Јованов од компанијата Слога Интернационал, Илија Јанчев, винарија Венец и Марко Кутревски од компанијата Пекабеско.