горан исков – Kurir.mk

Исков: Каде по пат го изгубивте трансформаторот потребен за функционирање на третиот блок во РЕК Битола?

Дарко Андоновски — Wed, 30 Nov 2022 16:15:02 +0000

Денес РЕК Битола по којзнае кој пат работи со само еден блок. Три блока докажавте дека не можете да ставите во функција. Ама…, увозот ќе се зголеми, ова преку изјава за медиумите го истакна Горан Исков од ВМРО-ДПМНЕ.

-Директорот на РЕК Битола наместо да се заканува може барем да се обиде, иако многу тешко му оди до сега, да обезбеди стабилно производство на електрична енергија. Основната негова обврска - стабилно производство не електрична енергија за жал сите овие години на владеење на СДС е само мислена именка. Дегутантно е веќе тоа што го правите, реалноста покажува дека ја навредувате интелигенцијата и на најмалите. По којзнае кој пат ви препорачуваме - Концентрирајте се на работата, а не на политикантството во РЕК Битола и, обезбедете континуирана работа на барем два блока со максимален капацитет. Сега, да се вратиме кај провизиите. Останува отворено прашањето : Дали на повидок е нов огромен одлив на државни пари со задолжителни провизии за енергетските кланови во државата?, вели Исков.

Тој вели дека прашањето го базираме на одредени сознанија но и јавната тајна дека со секој увоз на струја, за одредена привилегирана група блиска до криминалната власт следи и задолжителна провизија. (и) Колку увозот е поголем - поголема е и провизијата. Но, само на увезената струја, а не и на домашно произведената. И, што помалку струја произведуваат, логично повеќе увезуваат.

-Крајната сметка како и секогаш, ја плаќаме сите ние, ГРАЃАНИТЕ. На крајот, Ве прашуваме уште, каде по пат го изгубивте трансформаторот потребен за функционирање на третиот блок? Неспособни сте, со трајни последици по Државата и сите нејзини граѓани. Одете си, вели Исков.

Исков: ЕСМ овој месец не го исполнува производствениот план и увезува електрична енергија по екстремно високи цени

Дарко Андоновски — Tue, 29 Nov 2022 15:05:12 +0000

Страшно е кога неспособни криминалци и импровизатори се одговорни за сериозни одлуки и процеси, ова денеска преку прес-конференција го истакна Горан Исков од ВМРО-ДПМНЕ. „Така е во сите области со експертско - криминалната власт на СДС. А, врв на безобразието е упатувањето јавни закани од оние кои треба да си одат и да одговараат. Замислете, во 2021 година е забележан историски пад на производството на електрична енергија, а во РЕК Битола околу 50% од производството споредбено со 2011 година, годината во која било и најголемо за извештајни периоди од дванаесет години. Значи во сите овие години на нивно менаџирање РЕК работи со едвај една третина од својот капацитет. Чија одговорност е ова, на Пеце Матевски, на Васко Ковачевски, на Димитар Ковачевски или на сите заедно. РЕК Битола е во очајна состојба, токму благодарение на оваа одбрана тројка. ЕСМ овој месец не го исполнува производствениот план и увезува електрична енергија по екстремно високи цени. Тоа го овозможува оваа фантастична тројка, на огромна финансиска добивка за фирми од нивната партиска криминална дружина“, вели Исков. Тој додава дека подолг период експертите укажуваат, дека ЕСМ е во колапс, а Владата ја доведе состојбата да има само две решенија: драстично да се покачи цената на електричната енергија за домаќинства после Нова Година или ЕСМ да оди во колапс со катастрофални последици за стопанството и населението. -Загрижени за натамошната иднина и згрозени од нестручноста, безобразието и лошото раководење, бараме веднаш оставка од комплетното раководство на ЕСМ - односно наместо закани оставка од Васко Ковачевски и Пеце Матевски, а Димитар Ковачевски - најпознат како Таче, да им каже веднаш како се прави тоа со својот личен пример, вели Исков.

Исков: Власта да образложи на граѓаните колку ќе ги чини неработењето на блокот во РЕК Битола

Ристе Здравков — Sat, 19 Nov 2022 16:22:35 +0000

Пак стари вести и стари оправдувања за неспособноста и нестручноста. Цитирам: - „Блокот 1 во РЕК Битола во краткотраен планиран прекин, за брзо ќе го вратиме во мрежа“, рече на денешната прес-конференција Горан Исков од ВМРО-ДПМНЕ. -Како ништо да не се случило, како се да е во ред. Ништо не е во ред, гледате сами, слушате, и чувствувате на сопствениот грб. Вистинската вест би требало можеби да изгледа вака: „Ние од СДС како власт не сме способни да обезбедиме постојано производство на електрична енергија. И она што го произведуваме е едвај со разни прекини предизвикани од нашата нестручност и неспособност. Признаваме дека ниту еден ден немаме 100% производство на електрична енергија од инсталираниот капацитет. Народски кажано „не не бива“.” Доколку сакаат уште да бидат искрени треба дефинитивно гласно да признаат дека се способни само за криминал, корупција и крадење. А, простата логика вели ако РЕК не произведува доволно струја тогаш остатокот треба да го купуваме од некаде. И таа се купува по астрономски цени. Најчесто тоа се прави од фирми блиски на кланот Заеви, Анѓушеви. А, сите ние почитувани граѓани, сите ја плаќаме сметката за поскапа струја. Но, ајде да се вратиме на веста: Ние власта предводена од СДС имавме ваков планиран испад на блокот и пред да не посети премиерот по повод 40 годишнината од почетокот со работа на комбинатот. Но за да не се налути го почестивме со сендвич со мортадела и сокче од боровинки. И овде е крајот на веста. После ова, почитувани од власта во демантот очекуваме на граѓаните да им го образложите следново: 1. Колку чини испад на еден блок; 2. Колку ќе не чини неработењето на блокот; 3.Колку не чини увезената струја за неработењето на блоковите, истакна Исков. Така треба да изгледа вест од одговорна власт. Вие тоа не сте и треба веднаш да си заминете, додаде тој.

Исков: Власта дојде да прославува 40 години РЕК Битола, а се обврзува да го затвори и за само за четири го донесе во колапс Елетростопанство на Македонија

Магдалена Андонова — Sat, 05 Nov 2022 13:12:04 +0000

Прославувате 40 години, а само за четири успеавте да го донесете во колапс Елетростопанство на Македонија и РЕК Битола, и тоа поради криминал, корупција и огромното незнаење и нестручност што ги поседувате. Успеавте, воопшто да не направите ниту еден рационален потег и да ја превенирате оваа страшна енергетска криза со која се соочуваме. Успеавте, мајсторски и криминално само да го товарите народот со двојно повисоки сметки за струја, а голем дел од стопанските субјекти да ги донесете до работ на капитулација, изјави денеска за медиумите Горан Исков од ВМРО-ДПМНЕ. Тој посочи дека власта прославува четириесет години, а се обврзува дека по четири години ќе го затвори РЕК Битола. - Ова, навистина само вие го можете - несреќно избрана „партиско - музикантска неквалификувана“ дружино. А, честитките за четириесетгодишниот јубилеј исклучиво треба да бидат испратени на ваша адреса за „храброста” и „лудоста” да си играте власт и да се нарекувате менаџерски тимови на ЕСМ И РЕК Битола. Нема бегање од вистината според која секој човек, би требало сам најдобро да се познава. Оттаму, не е ни чудно што криете од граѓаните какво погонско гориво користите за работа на блоковите, кој е соодносот на јаглен и мазут, кој го контролира и со каков квалитет е мазутот? Кажете им на битолчани колку го зголемивте загадувањето со замената на јагленот со мазут. Екоцид - тоа е вашето бандитско „знаење и умеење”. И еве јубилејно наместо честитка до Вас, самонаречен менаџерски тим, јавно обзнануваме дека ќе поднесеме кривична пријава за безмилосно загадување на животната средина и крајно неодговорното однесување кон човечките животи, додаде тој.