Тажна вест: Почивај во мир Горан, „Комитите“ останаа без еден од основачите

Ивана Ефремовски — Wed, 28 Oct 2020 12:02:42 +0000

Навивачката група „Комити“ денеска со жалење ја примија веста за смртта на еден од нивните основачи, Горан Костадиновски – Гокси. 51 годишниот Костадиновски по долго боледување починал, а навивачката група веднаш тоа го сподели со јавноста со емотивен текст за загубатана својот член: Со неверување ја примаме и соопштуваме веста дека згасна животот на една легенда од Западната трибина и воопшто Македонската спортска и навивачка сцена. Учествуваше во основањето, во огромна мера развојот на навивачката група и изградбата на имиџот и препознатливоста на името Комити. Ќе паметиме многу негови дела, идеи, рачно изработувани знамиња, стихови, песни, кореографии, пароли, текстови...најмногу ќе ја паметиме неговата голема љубов и СТРАСТ за нашиот Вардар. Ќе го паметиме и по Градски Парк... Ќе го паметиме како голем другар, како лик кој поврза многу генерации, како инстутуција на Западната трибина од која учевме и многу научивме. Ќе паметиме дека своевремено беше дел и од структурите на Фудбалскиот Клуб Вардар. Комитски небесен Копу, прими ја оваа легенда со највисоки почести. Нека биде таму до вас и нека чува место за сите ние кои некогаш ќе се приклучиме за и од небесата ги исполнуваме заедничките завети. Сочуство до семејството и најблиските, бидете горди дека израснавте еден голем човек, голем Комита кој Западот нема никогаш да го заборави ! Горан Костадиновски - Гого (23.08.1969 - 28.10.2020) Од Гокси се простија и од „Работнички“. Со голема жалост и тага ја примивме жалната вест за смртта на нашиот верен навивач Горан Костадиновски Гокси. Работнички загуби голем човек кој низ годините поминати во Градски парк ги помести стандардите во навивањето и покажа како се сака и бодри и Работнички. За сите победи заеднички!

Горан Костадиновски – Kurir.mk

Тажна вест: Почивај во мир Горан, „Комитите“ останаа без еден од основачите