Горан Манојловски – Kurir.mk

Д-р Манојловски: Пола раководството на СДСМ е инфицирано со корона вирус, а Заев зборува за избори и тера кампања

Ивона Петрова — Fri, 05 Jun 2020 08:40:50 +0000

Додека во земјите од регионот се говори за опоравување од корона кризата, или за економија, отворање на границите, на Македонија и се случува катастрофа, истакнува доктор Горан Манојловски. Тој вели дека со бројките на новозаболени Македонија оди кон нов пик за кој се говореше дека ќе се случува есенва. -Несомнено големиот број на новоинфицирани со корона вирус и бројката на починати се последица на несоодветното постапување на надлежните и власта. Владеачката СДСМ во оваа ситуација треба малку и да се рафинира. Партијата станува носител на корона вирусот во државата. Пола раководството на владеачката СДСМ е инфицирано со корона вирус, а партискиот лидер Заев зборува за избори и тера кампања. Во целата оваа катастрофална ситуација, ситуација на втор пик во Македонија, Заев објавува фотографии од кампањата на неговите луѓе, објавува фотографии од Лукаревска, Зекири, Манчевски и слично, истакна Манојловски на прес-конференцијата. Според него, со идејата на Заев да се оди на избори само дополнително ќе се загрози здравјето на граѓаните. Тој вели дека организирањето на избори во ваква ситуација со толку многу заболени со корона вирус претставува масовно самоубиство. -Заев и власта предводена од СДСМ мора да разберат дека политиката треба да е на страна, и дека треба да се погрижат за здравјето на граѓаните. ВМРО-ДПМНЕ останува на своето - здравјето на граѓаните е врвен приоритет. Политиката да ја ставиме на страна. Воедно да им порачам на сите македонски граѓани бидејќи државата не се справи соодветно со пандемијава, чувајте си го вашето здравје, одржувајте соодветна дистанца, носете заштитни маски и ракавици, секаде каде што е препорачано, редовно мијте ги и дезинфицирајте ги вашите раце, одржувајте лична хигиена бидејќи корона вирусот не прпеознава нација, партија и етничка припадност, нагласува Манојловски.

Манојлоски: Власта да им одговори на здравствените работници и на сите жители на Македонија до кај сте со реализација програмата „План за живот„?

Ивана Ефремовски — Sun, 22 Dec 2019 13:51:54 +0000

На денешната собраниска седница за финансирање на буџет пратеникот од ВМРО-ДПМНЕ, Горан Манојловски ја запраша пратеничката од СДСМ, Јагода Шахпаска и побара да одговори што е со вакцините со поминат рок, до кај е истрагата за тоа и дека јавноста се уште не е запознаена. -За инсулините кажавте дека е зголемен буџетот, но на јавноста не и одговоривте што стана со тој инсулин што е уништен кој што се уште имаше важност, инсулин за кој што знаеме дека максималната важност на употребливост на еден инсулин е 30 месеци. Овој што е уништен беше со рок до 7 месец до 2020, што значи дека е набавен во ваше време. Зошто за ова нема епилог и зошто јавноста не е известена соодветно на ова?, праша пратеникот Манојловски. Имено тој во своето обраќање потсети и на тоа дека е кажано дека оваа влада има определено средства за реконструкција на болницата во Струмица и доопремување на болницата во Кичево. - Да работевте на болница од Струмица одамна ќе беше завршена, додека болницата во Кичево треба само да се набави медицинскиот мебел којшто е потребен за да профункционира? Но, како и за се друго така и за ова велите „ќе“. Така и ова свесно го чекавте да дојде предизборна година за да се зголеми буџетот и платите, од аспект на платите за здравствените работници треба да ве потсетам да си го прочитате одново „Планот за живот“ од 133 до 140 страна што се ветивте од аспект за здравството и точка по точка да им одговорите на здравствените работници и на сите жители на Македонија до кај сте со реализација на таа програма, потенцираше Манојлоски. Прареникот во своето обраќање рече дека коректно е СДСМ да кажат дека мерката со која пензионерите кои земаат помалку од 14.000 денари пензија се ослободени од партиципација е мерка која е ставена на сила уште во 2015 година. -Во вашата програма ветувате бесплатно болничко лекување за сите, до кај сте со исполнување на тоа ветување?, додаде Манојлоски.

Манојловски: Владата не ја пушта во употреба мерната станица во Тетово за да не знаат тетовчани колкава е загаденоста

Катерина Бојаџиева — Wed, 25 Sep 2019 13:32:43 +0000

Горан Манојловски, пратеник од ВМРО-ДПМНЕ на денешната собраниска седница рече дека Тетово беше најзагаден град во Европа и во моментот не може да се знае колку е загадувањето таму затоа што не работи мерната станица. -Свесно или несвесно дали се случува тоа, треба надлежните да одговорат затоашто и министерот и заменикот министерот протестираа за чист воздух за сите и тетовчани го заслужуваат тој одговор, истакна пратеникот. Тој во своето обраќање посочи дека сака да ја информира јавноста, бидејќи владата немаше пари за подобрување на воздухот, на квалитетот на воздухот во Тетово, германската амбасада се одважи и набави едно еко дрво во Тетово заедно со градот Скопје. -Во интерес на јавноста сакам да кажам дека истото јавно дрво не е исправно односно грижа за екологијата на општина Тетово допринесе да тоа еко дрво не е исправнио и денеска има пишано по печатените медиуми. Како оваа влада се бори со загадувањето и критичарите на оваа влада можам да го напоменам и случајот со еко-герила којшто излегоа на трибина во Тетово кога беше влада дојдена и кои посочија дека одредени функционери или им се заканувале или им нуделе нешто за да ги замолчат. Немаше реакција од соодветното обвинителство по допрен глас и до ден денеска граѓаните на тетово не знаат што се случи со овој случај, истакна Манојловски. Имено тој додаде и за затварањето на „Југохром“ кој беше затворен од коалицијата СДСМ-ДУИ и свесно или несвесно не ја пуштаат во употреба мерната станица за да не знаат граѓаните на Тетово колку е загадувањето сега односно ќе се увиди дека загадувањето не одело само од „Југохром“ дека загадувањето е од самиот град.

Манојловски: Дали сега со овој закон имаме прилагодување за да може на мала врата да се впротне заштита на лица коишто не се државјани на наша држава?

Предраг Кукиќ — Thu, 18 Jul 2019 18:35:50 +0000

Горан Манојловски, пратеник од ВМРО-ДПМНЕ на денешната собраниска комисија за здравство рече дека законското решение и легислативата околу одредени закони и конвенции што се усогласени од страна на Собранието е чисто усогласување дека немало негативни примери и затоа сега се преточуваат како законско решение. -Една работа овде не ми е јасна, нели нашиот закон за здраствена заштита е солидарен и било кој да биде пристутен на нашата територија на Република Македонија ќе му биде пружена било каква законска нега, медицинска нега, здраствена заштита и се што е потребно согласно нашите прописи. Во член 4 има набројано доста работи кајшто се утврдуваат стриктно правата на пациентите каде едно ми остави впечаток без разлика дали се работи за припадник на маргинализирана група, јазик, сексуална ориентација, родов идентитет и државјанство, посочи Манојловски. Според ова тој го упати следното прашање: Дали овој закон нешто припрема за нешто што се спрема во Mакедонија односно долгонајавуваната изградба на кампови за мигранти и согласно на тоа дали сега со овој закон имаме прилагодување на Законот за правата на пациентите за да може на мала врата да се впротне заштита на лица коишто не се државјани на наша држава? Манојловски во своето обраќање го потсети министерот за здравство, Венко Филипче дека дежурствата не се плати, дека е дополнителен труд и дека ветувањето на Владата е основна плата од 100.000 денари на секој лекар-специјалист.

Манојловски: Планот за живот на власта не важи за Тетово

Дарко Андоновски — Thu, 28 Mar 2019 18:52:10 +0000

На денешната собраниска седница, пратеникот од ВМРО-ДПМНЕ, Горан Манојловски, постави пратенички прашања до претставници на Владата на СДСМ, потсетувајќи ги дека ветувањата за живот во Тетово не им се исполнети. Ветениот крак од железничката станица за Тетово за индустриската зона во Тетово, реконструкција на патниот правец Тетово-Гостивар, ветувањата за почист воздух во Тетово и тетовско исто така не им се исполнети, а не е исполнето ниту ветувањето за изградба на спортски објекти во Тетово. Манојловски постави 3 конкретни прашања до министерот за здравство Венко Филипче, заменик министерот за образование Петар Атанасов и до министерот за внатрешни работи Оливер Спасовски. Тој го запраша министерот Филипче зошто голема група на деца во Тетово не се вакцинирани и која е причината што не се вакцинираат, дали е поради недостатокот на вакцини или Тетово како регион е одбран да нема баш такви вакцини? Манојловски го праша заменик министерот Петар Атанасов кога конечно ќе се реши проблемот со доизградбата на гимназијата „Филип Пејчиновиќ“ во Тетово. Пратеникот Манојловски рече дека до него стигнал глас дека вработени во СВР Тетово, коишто без да им биде ништо најавено биле повикани и однесени на судска медицина во Скопје, притоа им биле одземени службените оружја, значките и биле, наводно, тестирани за присуство на наркотични дроги. Тој го праша министерот Спасовски дали и по кој критериум се избирани припадниците на МВР на коишто е правено ова испитување, бидејќи имало индиции дека повеќето биле полицајци коишто не биле блиски до актуелната власт без разлика дали се Македонци или Албанци или од друга националност.

Манојловски: Наводите дека е намален криминалот не одат на прилог на тоа што го говори Спасовски

Ивана Ефремовски — Mon, 11 Mar 2019 15:54:23 +0000

На денешната интерпелација за министерот за внатрешни работи, Оливер Спасовски, пратеникот од ВМРО-ДПМНЕ, Горан Манојловски го демантираше Спасовски за изјавата која му била дадена 2018-та дека во Тетово немало повеќе криминал. - Стапката на криминалот зависи од многу чинители меѓу коишто е и работата на министерството за внатрешни работи, односно дали тие случаи се регистрирани јавно кажани или не, истакна Манојловски. Тој потенцираше дека министерот Спасовски во една изјава кажал дека сите случаи јавно се кажуваат и се објавуваа во билтенот и затоа перцепцијата е дека дека криминалот порасна. Пратеникот Манојловски посочи три случии за криминал во Тетово. Имено станува за збор за случајот од 30 декември 2018 година пришто за упад во просториите на тетовската гимназија, но се уште нема никаков извештај за овој случај. Вториот случај за кој зборуваше Манојловски е случајот каде ученик е избоден во училишен двор во Тетово. Тој додаде дека за овој случај министерот Спасовски го демантирал случајот. Последниот случај е пукањето во центарот во Тетово. -Наводите дека е намален криминалот не одат на прилог на тоа што го говори Спасовски, порача Манојловски.

Манојловски: Законот за амнестија не е целосен, доколку сакаме да има национално помирување треба да има опфатено што повеќе луѓе

Предраг Кукиќ — Tue, 25 Dec 2018 21:06:01 +0000

Законот за амнестија не е целосен, за да се има национално помирување како што се залага треба законот да опфати многу повеќе луѓе, ова беше дел од заклучоците на пратеникот Манојловски при своето гостување на МРТ1. Горан Манојловски, пратеник од редовите на ВМРО-ДПМНЕ и Коалицијата нагласи дека тие како пратеничка група ислегоа со предлог закон за амнестија кој што требаше да ги опфати сите чинители од настаните за 27-ми април. Закон кој што не беше изгласан од владејачкото мнозинство. За да после извесен период имаше формирано наводно група во Собранието на Република Македонија во кое што учествуваа и дел од поранешните пратеници на ВМРО –ДПМНЕ. И изготвија предлог закон за амнестија кој што веќе е актуелен и изгласан во Собранието, појасни Манојловски. На тој предлог од законот за амнестија поднесовме дури и еден амандман кој што не беше прифатен, и законот помина како што помина. Како што гледате деновиве има многу луѓе кои што се опфатени со процесот од настаните од 27-ми април кои што веќе поднеле барање за амнестија но има и луѓе што и јавно кажуваат дека нема да поднесат барање за амнестија. Сметам дека овој закон не е целосен, доколку сакаме да има национално помирување треба да има опфатено што повеќе луѓе, посочи Манојловски.

Манојлоски до Тевдовски: Кога не прифаќате амандман, мора да знаете зошто не го прифаќате

Предраг Кукиќ — Wed, 12 Dec 2018 17:43:13 +0000

-Со амандманот се предлага да се обезбедат средства во висина од 9 милиони 840 илјади денари за реконструкција и изградба на локални патишта, односно прв дел од улицата Браќа Јаниќ од должина од 600 метра во населено место Брвеница и дел од улица Браќа Стефановиќ од должина од 400 метри во населено место Брвеница, како и изградба на улица во новата населба во село Радиовце во должина о 1 километар, изјави пратеникот на ВМРО-ДПМНЕ Горан Манојлоски на денешната собраниска комисија за финансирање и буџет. Манојлоски му порача на министерот за финансии Драган Тевдовски дека кога не го прифаќа амандманот мора да знае зошто не го прифаќа, односно да даде образложение, поточно како што рече тој Тевдовски мора да знае дека село Брвеница е едно од најголемите села во Македонија, додавајќи дека претходната власт на ВМРО-ДПМНЕ немала можност и шанса реализира и инвестира проекти на локалните патишта, бидејќи СДСМ и ДУИ долго време биле на власт и како што рече се надевал дека тие како власт ќе имаат слух да ги решат овие проблеми.

Манојловски: Со Договорот од Преспа се наметнува волјата на посилниот врз послабиот

Ивона Петрова — Sun, 02 Dec 2018 13:32:28 +0000

Во едно демократско општетство секој има право на свое мислење и не значи дека ако размислува различно од вас има некаков комплекс, му реплицираше пратеникот од ВМРО-ДПМНЕ Горан Манојловски на денешната собраниска седница на министерот за надворешни работи, Никола Димитров. -Со 34 амандман предвидувате во Преамбулата на Уставот на Република Македонија зборовите и одлуките на АСНОМ да се сменат со зборовите „Прогласот од првото заседание на АСНОМ на македонскиот народ за одржаното заседание на АСНОМ“. Во многу наврати претходно кажувавте дека единствените преговори кое се водат со Грција е за само да се промени името на Република Македонија, а со самото тоа целта на овие преговори е имплементација на Договорот со Грција и пристапување на Македонија во ЕУ и НАТО. Дали ние како народ сме толерантни, дали сме биле подготвени како држава да поднесеме многу компромиси до сега? ДА., истакна Манојловски. Тој посочи дека како народот сме направиле многу крупни отстапки кон нашите соседи, кон Грција, а се со цел да не бидеме блокирани во ЕУ и НАТО интеграциите. -Во договорот во многу сегменти има точки каде се очекува Република Македонија да испорача кон Грција, но не и обратно. Сменивме име, прифативме привремено име. Сменивме знаме и повторно се соочивме со блокади. Зошто е целта да се заменат одлуките на АСНОМ? Дали со ова се навлегува подлабоко во преговорите за името? Очекував кога веќе го постигнавте договорот, ќе се говори само за името. Но, читајќи ги документите се гледа дека длабоко се навлегува во одредени сегменти, се интервенира во одредени законски и одзаконски акти од нашата држава и Уставот. Дали со ова што се трга државотворната суштина на првото заседание на АСНОМ се бришат и одлуките кои се суштествени за постоењето на денешната модерна Република Македонија? Дали се брише и актот каде Македонија се втемелува како држава? АСНОМ е еден од клучните документи а битисувањето на денешната современа Република Македонија, вели пратеникот. Тој смета дека со овој Договор се наметнува волјата на посилниот врз послабиот. -Чувството на индиспонираност кај нашиот народ е многу голема, нагласи Манојловски.

Манојлоски до власта: Сакате да ја демонстрирате волјата на малцинството граѓани излезени да гласаат врз волјата на мнозинството кое што од свои причини не излегле

Ивона Петрова — Thu, 11 Oct 2018 16:53:54 +0000

Многу битна работа која јавноста не треба да ја заборави е тоа дека ВМРО-ДПМНЕ е прва партија во Република Македонија која што иницираше да се донесе национална определба за евроатланска интеграции, додека во тој момент, очите на поголемиот дел на СДСМ сеуште беа вперени кон Белград, рече пратеникот на ВМРО-ДПМНЕ, Горан Манојлоски, во дебатната емисија на телевизијата Клан Македонија. Дискутирајќи и за пораките кои меѓународната заедница ги испраќа до македонската јавност за прифаќање на договорот со Грција, а во последно време исклучиво до пратениците, Манојлоски истакна дека, пораките секогаш се добродојдени но одлуката на народот е таа и никој не може да оди против волјата на народот. - Пораките секогаш се добродојдени но одлуката на народот е таа. Законски референдумот нема цензус, никој не може да оди против волјата на народот. Нема законски цензус за исполнување на бројката 903 илјади гласачи. Доколку имаше цензус немаше да има дилема дали ќе се гласа. Нема цензус, немаме мандат да го подджиме тоа, рече Манојлоски. Во однос на ова, тој, на соговорниците претставнивници од владејачкото мнозинство јасно им посочи дека не успеле да ги убедат сите граѓани во Македонија дека договорот што го постигнаа е корисен, дека договорот е добар и дека сите треба да излезат на референдумот и да дадат поддршка на договорот. Манојлоски се надоврза и на повиците што власта ги упатува до опозицијата за поддршка на уставните измени а при тоа владејачкото мнозинство за цело ова време ја користеше секоја можност и прилика да демонстрира дека не и е потребна опозицијата корисрејќи го секој простор и со просто мнозинство, кршејќи Устав и закон, секогаш ги спроведуваа наумените чекори. - Од аспект на тоа што како опозиција не повикуваат да ги подджиме овие уставни измени, секогаш каде што имавте простор и со просто мнозинство да го направите тоа со кршење на закон, на Устав, го правевте. Вие демонстриравте дека не ви е постребна опозицијата. Гледајќи дека имате неуспех на референдумот наеднаш ја повикувате и опозицијата. Околу волјата на граѓаните, точно е 600 илјади гласаа но милион и 200 илјадине излегоа. Вие сакате да ја демонстрирате волјата на малцинството изезени граѓани да гласаат врз волјата на мнозинството кое што од некои свои причини не излегле. Тој факт е неоспорен и не треба да се заборави. Дури и нашиот претседател кажа, доколку има цензус ние ќе гласаме, но немавте цензус. Не успеавте да ги мотивирате граѓаните да излезат да го поддржат овој договор, истакна Манојлоски. Тој децидно рече дека нема да поддржи промена на Устав со цел промена на уставно име бидејќи немал мандат за тоа.