горан момироски – Kurir.mk

МАН со реакција по заканите врз животот за новинарот Горан Момироски

Тале Кристо — Wed, 09 Aug 2023 20:56:47 +0000

Македонската асоцијација на новинари МАН остро ja осудува последната желба зРеакцијата се однесува на пораката на Јовановска „Уште тебе да те снема“, за сатиричниот пост на новинарот на емисијата „Заспиј ако можеш“, на новинарот на телевизија Алфа, Горан Момироски.а ликвидација од новинарката која посака смрт за колегата Горан Момироски. Реакцијата се однесува на пораката на Јовановска „Уште тебе да те снема“, за сатиричниот пост на новинарот на емисијата „Заспиј ако можеш“, на новинарот на телевизија Алфа, Горан Момироски. „Независно од психолошките мотиви на провладината новинарка на сајтот „Независен“ Слободанка Јовановска, таа со оваа своја објава на социјалните мрежи, директно преку компјутерски систем повикува на ликвидација на независниот новинар, што само по себе е закана по животот и безбедноста на Горан Момироски. Точно е дека Јовановска има блиски релации со врвни функционери во власта, а нејзината порака да го снемаМомироски може да го поттикне било кого од нејзините следбеници и поддржувачи на СДСМ да преземат насилничекори против Момироски“, се наведува во соопштението. Затоа, МАН смета дека оваа порака од Јовановска, е порака од владејачката СДСМ да се пресмета со сите независни новинари кои известуваат за криминалот и корупцијата во власта, што е пракса преку правосудниот системи цензорите на социјалните мрежи во изминатите 7 години. „Да потсетиме, под кривичен прогон од разни основи се над 80 независни, професионални медиумски работници коиобјавуваат афери за криминалот и корупцијата на власта. Провладините цензори на социјалните мрежи досега немаат ниту една пријава, блокада на владините, провладинитеактивисти и апологети на власта за било која закана која ја имаат упатено до независните и професионални медиумииновинари. МАН ќе биде пријатно изненадена ако јавното обвинителство и МВР по службена должност преземат мерки противЈовановска, бидејќи врз основа на повеќегодишната пракса, тоа досега не е случај и со многу други претходнидиректни и јавни закани упатени до независните новинари од видни функционери на СДСМ, членови и симпатизеринавласта. – Очигледно е дека организациите во чие основање и работење учествувал колегата Момироски, без неговиот ангажман даваат резултат кој во последните 7 години е целосно поразителен за новинарството како професија. Ја поздравуваме смирената и разумна реакција на почитуваниот колега Момироски, кој иако не е член на МАН, има отворена покана да се придружи на МАН и вистински заеднички да работиме за заштита на новинарите и медиумските реформи. МАН ќе продолжи со своите напори за законски реформи кои ќе овозможат поголема заштита на новинарите од секој вид на закани, бидејќи тоа е единствениот цивилизиран, етички, законски и Уставен начин на делување“, реагира МАН.

Момировски: Јасно е дека има корелација меѓу Данела и СДСМ за да се намали влијанието на ВМРО-ДПМНЕ, а тоа се гледа и од нивната платена кампања

Катерина Бојаџиева — Wed, 21 Sep 2022 17:25:36 +0000

Јасно е дека меѓу градоначалничката на Град Скопје, Данела Арсовска и влаејачкиот Социјалдемократски сојуз (СДСМ) има корелација и тоа може да се види по последната платено политичка кампања каде што трошат пари за да ја поддржат Арсовска, вели новинарот и аналитичар, Горан Момировски во емисијата „Само вистина“ на Канал 5 телевизија, во однос на последните случувања помеѓу градоначалничката Арсовска и ВМРО-ДПМНЕ. Тој посочи дека корелацијата, односно соработката, меѓу владеачката партија и Арсоска може да се види и од последната вчерашна нејзина прес конференција, каде што позади нејзе стоеја луѓе од СДСМ. „Гледаме денеска почнаа една кампања Социјалдемократскиот сојуз која што го користи овој судир помеѓу Арсовска и ВМРО-ДПМНЕ, што мене ми укажува дека постои можност, да речам, дека ова сето е координирано помеѓу најголемата владеачка партија и Данела Арсовска, со цел да се намали влијанието, односно предноста на анкетите од страна на ВМРО-ДПМНЕ. Мислам дека времето ќе покаже брзо кој бил во право, која е позадината, дали се работи за интересите на СДСМ, дали се работи за интересите на Данела Арсовска и групата која што стои веројатно, претпоставувам дека стои некоја група зад неа, иако вчера видовме дека членови на СДСМ стојат заедно со неа на прес конференција“, реече Момировски. Момироски истакна дека ваквата корелација и соработка меѓу СДСМ и Арсовска, која е се поочигледна, се прави со цел да се намали влијанието и рејтингот на ВМРО-ДПМНЕ од кој се исплашени од владејачката партија. „Јас она што конкретно сега го гледам е една кампања на СДСМ која е на страната на Арсовска. И тука не може да се каже дека нема корелација помеѓу Арсовска и СДСМ. Јасно е дека има корелација. Вчера имаше луѓе од СДСМ што стоеја зад неа на прес конференција, спотовите што ги прави СДСМ ги плаќа, пазете платена политичка програма за да се поддржи Арсовска. Мене лично тоа доволно ми зборува дека таму има некаков систем, некаков сет ап план за да се намали, да речам, влијанието на ВМРО-ДПМНЕ“, истакна Момироски. Додаде дека, суштината е дали функционира градот, дека за него, тоа е главната тема, дали функционира градот, дали ќе се соочота соодветно со предизвиците. Кои посебно ќе бидат изразени оваа зима.

Големиот поддржувач на СДСМ Иванов со јавни закани до новинарите на „Заспиј ако можеш“: „Баш ја чекам вашата бесилка“ (ФОТО)

Магдалена Андонова — Mon, 25 Jul 2022 14:37:54 +0000

Новинарот Зоран Иванов кој заедно со Бранко Тричковски, Ненад Јовановиќ и Катерина Колозова важи за главен апологет и поддржувач на контроверзните одлуки на владата на СДСМ со јавна закана за новинарите на емисијата Заспиј ако можеш. Иванов во дебата на Фејсбук во пост на Драган Милосављевиќ на новинарот Горан Момироски му пишува дека едвај чека да ја види нивната бесилка и тоа јавно. Вакви закани кон новинарите на Заспиј ако можеш Момироски и Милосављевиќ не се нови но за прв пат се случуваат од страна на човек кој бил портпарол на влада на СДСМ, директор на државна агенција во време на СДСМ и претседател на надзорен одбор на државната МИА. Иванов знае дека против Милосављевиќ и Момироски има поднесено две кривични пријави од Агенцијата за разузнавање а самиот Момироски има уште 5 кривични пријави од власта на СДСМ. Кој ќе ги беси јавно Милосављевиќ и Момироски, Иванов не кажува. Апологетот на СДСМ сигурно не мисли на јавно бесење врз основа на досегашните или било кои кривични пријави и најверојатно зборува за некаков друг план кој би се извршил надвор од законот затоа што во Македонија нема законска казна со бесење. Кој ќе ги беси новинарите на Заспиј ако можеш, Иванов ќе мора да каже и пред соодветните органи на државата кои ги контролира партијата СДСМ која тој ја брани. За заканите за бесење засега молчат и ЗНМ и МАН и другите организации на новинари и човекови права.

Момироски: Сопругите на Фатмир Битиќи и Ерол Муслиу преку невладиниот систем земале над 600 илјади евра, можно е влијание на владата

Ивона Петрова — Thu, 09 Jun 2022 05:57:07 +0000

Новинарот Горан Момироски во вчерашното издание на емисијата „Заспиј ако можеш“ на телевизија Алфа објави истражувачки труд, според кој се отвора голем сомнеж за најтежок вид на корупција во врвот на власта, а тоа е трговија со влијание. -Случајот кој јас го истражувам со мала помош од луѓе од внатре и од странство индицира дека сопруги на двајца високи државни функционери преку невладиниот систем, но со поддршка и помош дошле до еден проект во кој учествувале во него а претпоставувам и земале пари во висина од над 620-630 илјади евра“, рече Момироски. Момироски додаде дека се работи за можеби најтешкиот вид на корупција кои се нарекува трговија со влијание. Доколку сопруги на државни високи функционери земале такви пари а Владата имала некаква улога, тогаш дали тука има простор за сомнеж за корупција?, одговорот секако е потврден. Момироски посочи дека двајцата високи државни функционери се вицепремиерот за економски прашања Фатмир Битиќи и Ерол Муслиу. -Во едната организација главна е сопругата на директорот на агенцијата за разузнавање Ерол Муслиу, Афродита Муслиу. Додека пак во втората организација е Милинда Рушити Битиќи сопруга на вицепремиерот за економски прашања Фатмир Битиќи. Со тој проект тие добиваат фантастичен проект од над 600 илјади евра, заклучи Момироски.

ЗНМ: OJO да ја отфрли кривичната пријава кон Момировски и Милосављевиќ

Ивона Петрова — Fri, 10 Dec 2021 08:54:05 +0000

Здружението на новинари на Македонија (ЗНМ) бара од Основното јавно обвинителство (ОЈО) во Скопје да ја отфрли кривичната пријава од Агенцијата за разузнавање за новинарот Горан Момировски и Драган Милосављевиќ. Пред извесно време Момировски и Милосављевиќ беа поканети за давање исказ во ОЈО а повод за ова е емисијата која се емитува на ТВ Алфа со наслов „Заспиј ако можеш“ од 11ти јануари 2021 година. -Укажуваме дека кривичен прогон кон новинари за дела за кои се предвидуваат повеќе години затвор, посебно од страна на безбедносни структури може дополнително да ја загрозат и така кревката слобода на изразување во нашата земја. Вакви постапки може да се толкуваат како притисок кон јавна критика посебно земајќи во предвид дека оваа емисија е објавена во јануари 2021 година, а засегнатите се повикани на давање на исказ во ОЈО кон крајот на ноември или речиси девет месеци подоцна. Цениме дека новинарите имаат и право и обврска да се занимаваат и со теми кои се поврзани со националната безбедност, почитувајќи ги во целост етичките и професионалните стандарди во работењето и следејќи го јавниот интерес. Доколку Агенцијата за разузнавање или било која друга институција има незадоволство од начинот на кој новинарите или медиумите известуваат за нивната работа ги охрабруваме да ги користат само/регулативните механизми, се вели во соопштението на ЗНМ. Поднесување на претставки до Советот за етика или Советот за чест е најдобар начин да се утврди дали известувањето е во согласност со Етичките принципи и стандарди на новинарската професија. Кривичните тужби кон новинари беа честа пракса во минатото и поради нив Македонија драстично падна на сите кредибилни индекси за слободата на изразување и беше перципирана како држава во која слободата на изразување и правото на информирање е ограничено.

Момироски: Во Македонија се гонат новинари кои откриле незаконско однесување на функционери, а не се гонат тие кои ги правеле незаконските дејанија

Ивана Ефремовски — Thu, 25 Nov 2021 20:28:23 +0000

Во Македонија се гонат новинари, се гонат луѓе кои откриле незаконско и неетичко однесување на функционери во државни институции, а не се гонат луѓето кои ги правеле тие незаконски дејанија, вели во интервју за „Инфомакс“ новинарот Горан Момироски во врска со случајот за кој беше повикан да даде исказ и доби кривична пријава. Момироски појасни дека повикан бил поради изнесени информации во емисијата „Заспиј ако можеш“ на која тој е автор во која се изнесени според него работи од јавен интерес, а него го гонат дека изнел државна тајна. -Повикан бев да дадам исказ за објавени информации во емисијата н ТВ Алфа „Заспиј ако можеш“ во еден документаристички формат на 11 јануари оваа година, што е посебно прашање зошто се чекало 9 месеци. Повикан беше и колегата Драган Милосављевиќ, но тој е изземен од оваа ситуација, затоа што јас сум автор и за мене се води постапката. Суштината е дека сме објавиле некои работи кои биле незаконски да се објават. Тука има повеќе фактори, државна тајна највисок степен на класификација, службена тајна некои други елементи, имате јавен интерес, имате факти, имате корупција имате злоупотреба на службена должност. За мене е оддавање на државна тајна, а за другите лица инволвирани во емисијата се товарат за други работи, рече Момироски. Тој истакна дека дури 9 месеци се чекало за ова и прашање е зошто баш после локалните избори е поднесена кривичната пријава која е и веднаш процесуирана. -9 месеци се молчеше за да биде поднесена сега кривична пријава од страна на Агенцијата за разузнавање, каде е директор Ерол Муслиу кој е споменуван во емисијата. Агенцијата за разузнавање е под претседателот Пендаровски, и тука не е важен Муслиу, туку Пендаровски. Ние зборуваме за јавен интерес со години, и доаѓаме до ситуација да се гони со сериозни казни, човек кој открил незаконско и неетичко однесување на функционери во државни институции, а не се гонат луѓето кои ги правеле тие незаконски дејанија, рече Момироски. Тој потенцираше дека во емисијата целиот приод беше во врска со заробената држава за која зборуваше и Прибе.

Авторите на емисијата „Заспиј ако можеш“ утре се на распит во Обвинителството

Ивана Ефремовски — Tue, 23 Nov 2021 18:41:38 +0000

Горан Момироски и Драган Милосављевиќ, новинари и автори на емисијата „Заспиј ако можеш“ која се емитува на ТВ Алфа, утре се поканети на распит во скопското Јавно обвинителство. Како што дознава МКД.МК, обвинителството смета дека новинарите треба да дадат некакво појаснување за она што го објавиле уште на 11 јануари годинава, а се однесувало на безбедносните и разузнавачки структури на Македонија. Момироски и Милосављевиќ во Обвинителството ќе престојуваат во различни термини за да дадат исказ за предметот за кој се поканети. Момироски е поканет на пладне, а Милосављевиќ во 13 часот. За МКД.мк Момироски само ни ја потврди информацијата дека утре ќе биде во обвинителството, но не сакаше да даде детали од поканата од Обвинителството пред да види за што се точно се работи.

Момироски: Скандалите објавени од опозицијата се реални, и кога не реагираат институциите ние новинарите ќе ги гониме вмешаните во случаите

Дарко Андоновски — Thu, 15 Apr 2021 17:31:19 +0000

Твоја теза е дека институциите треба да решаваат. Еве за сличајот со ден Дончев, тој избега, и кога нема разврски ние новинарите ќе ги гониме ваквите афери и лицата вклучени во нив, рече новинарот Горан Момирски на гостувањето во емисијата Само вистина што се емитува на телевизија Канал 5 дебатирајќи со аналитичарот Ненад Јовановиќ. Според него скандалите се реални и потсети на случајот со вработениот во влада одговорен за серверот во влада, а во суштина е само хонорарец кој има толку важна работа. „Факт е дека институциите не реагираат и затоа ние како новинари ќе делуваме. Еве и за лицето од влада, хонорарец а од негова форма се купуваат два џипа од кои едниот го вози сопругата на Рашковски“, рече Момироски. Момироски се осврна и на скандалот Пасоши за кој рече дека е многу јасно дека се се случувало за време на лица од СДСМ. „Цела емисија ве слушам како лажете, ваков случај заврши со пресуда за лице блиско до СДСМ“, му рече Момироски на Јовановиќ.

Момироски: Додека стотици луѓе се борат за воздух Заев и Филипче пијат убаво вино покрај Радика

Катерина Бојаџиева — Sun, 11 Apr 2021 09:23:34 +0000

За вчерашната мото-турнеја низ Македонија на премиерот Зоран Заев и министерот за здравство Венко Филипче во ек на пандемијата со коронавирусот, се огласи и новинарот Горан Момироски на Фејсбук. -Не можев да поверувам и отидов лично да се уверам. По 22 часот со уредна дозвола за движење во полициски час лично се уверив дека премиерот Заев ноќва е во прекрасен хотел во Јанче. Не ги објавувам снимките затоа што се од неговата соба во хотелот и затоа што имам достоинство. А како може да вози мотори и да оди по хотели додека народот му умира и се мачи да добие за легло во ковид центрите тоа нека си го одговори пред Бога ако утре појде во Св. Јован Бигорски да запали свеќа за здравје. Посебна приказна е колку е лежерен да седи без завеси во собата додека низ светов шетаат 215 криминалци што неговата влада наводно ги пријавила во Интерпол а ДЕА му апси шефови на полиција и возачи на негови најблиски роднини и бизнис партнери. Жалам ако им го расипав прекрасниот викенд на премиерот и неговиот министер за здравство кои вечерва додека стотици луѓе се борат за воздух пијат убаво вино покрај Радика. Не е само Радика таа што нема да им заборави..., напиша Момироски вчера на Фејсбук.

Момироски: Според анкетите и трендовите ВМРО-ДПМНЕ сигурно победува на претстојните избори

Дарко Андоновски — Thu, 31 Oct 2019 18:42:52 +0000

Во емисијата „Само Вистина„ на Канал 5 телевизија новинарот Горан Момироски изјави дека според него нема дилема кој ќе победи на следните парламентарни избори. - За мене нема дилема, победникот е јасен можеби има мала дилема дали ВМРО-ДПМНЕ ќе може да направи влада со оглед на искуствата од претходно кога на Претседателските избори во последен момент сите албански политички партии отидоа заедно и победи Пендаровски. Меѓутоа она што го гледам во анкетите и трендовите мислам дека е јасно дека ВМРО-ДПМНЕ сигурно победува на наредните предвремени парламентарни избори, нагласи Момироски. Според него доколку ВМРО-ДПМНЕ според очекувањата освои 55 пратеници тоа би значело дека СДСМ ќе освои некаде околку 40тина пратеници што според Момироски е огромна разлика и огромен капацитет за било каква соработка со албанските партии. -Да не заборавиме пред некој десеттина дена господинот Села беше кај мене во студио гостин и тој практично најави дека е подготвен да влезе со секоја политичка партија која што ќе ја прифати програмата која што е полна со економски и социјални моменти, граѓаните го разбираат тоа што го зборувам, значи Села нема никаков проблем да влезе во коалиција и со ВМРО-ДПМНЕ, со што е јасно дека тој капацитет за коалицирање е голем. Меѓутоа јас не би се сведувал само на број на пратеници туку повеќе би го следел трендот, додаде Момироски. Момироски во текот на дебатата посочи дека тој би сакал кај ВМРО-ДПМНЕ да види комплетни решенија, нешто кое што според него ВМРО-ДПМНЕ и претходно го имало и имале добри резултати, ветувања и спроведувања на голем дел од проектите. -Јас реков на почетокот дека за мене нема дилима кој ќе победи на овие избори но прашањето е сега како ние ќе ја направиме таа транзиција од оваа власт на другата. Прашањето е како ќе се исправи овој пат по кој што одат сите политички партии во смисла на национално помирување што за мене е многу битен момент,- појасни Момироски.