горан момировски – Kurir.mk

Момировски: Ако е точно тоа што вели директорката, тогаш соучествува веќе година дена бидејќи дава плата на некого што не е тука туку е во Германија, а тоа е кривично дело

Дарко Андоновски — Mon, 10 Jul 2023 17:25:30 +0000

„Оваа победата на Данела Арсовска што ја прогласи утрово, што велат го прогласи за умрено ѓубрето е шега, бидејќи денеска сум цел ден низ Скопје и видов на многу локации дека се уште не е исчистено ѓубрето“, истакна Горан Момировски во гостување во „Само вистина“ на Канал 5 телевизија. Момировски рече дека за него е важно да функционираат претпријатијата, бидејќи за тоа граѓаните секој месец плаќаат. „Јас прашувам кој е тој менаџер кој што година дена не увидел дека вработените му работат во Германија, дека дава плата на некој вработен, а тој не е тука. Таа утре може да се соочи со кривична пријава по член 353 бидејќи таа овозможила на некого противправно да троши пари од Буџетот. Зошто оваа година дена откако е дојдена таа не се направени чекори, кривични пријави, да го повика Обвинителство, да побара помош од МВР“, запраша Момировски. Тој посочи дека ако е точно тоа што директорката тври значи таа соучествува во тоа бидејќи дава плата на некој што не е тука туку е во Германија, тоа е кривично дело. „А, она што го видов денеска по улиците на Скопје , дефинитивно војната не е победена како што вели Арсовска“, нагласи Момировски.

Момировски: Целиот закон со „Бехтел и Енка“ е проблематичен заради поништување на уставна темелна одредба, каде што се прави дискриминација помеѓу работниците, и помеѓу фирмите

Ивона Петрова — Tue, 18 Apr 2023 17:41:36 +0000

Во емисијата „Само Вистина“ на канал 5 ТВ новинарот Горан Момировски истакна дека не може да биде опозицијата виновна затоа што Артан Груби и Ковачевски потпишале катастрофален договор за коридорите 8 и 10 Д, доколку треба да се плаќаат пенали и според него целиот закон со „Бехтел и Енка“ е проблематичен заради поништување на уставна темелна одредба, каде што се прави дискриминација помеѓу едни луѓе и други луѓе, помеѓу едни фирми и други фирми. „Не може да биде некој друг виновен ако Артан Груби направил договор кој што според мене чини 850 милиони евра а треба да плаќаме ние милијарда и 300 милиони евра, нека дојде некој нека ме демантира да седнеме да го гледаме договорот ставка по ставка околу цени, и набавки“, нагласи Моморовски. Новинарот Момировски истакна и дека според него целиот закон со „Бехтел и Енка“ е проблематичен заради поништување на уставна темелна одредба, каде што се прави дискриминација помеѓу едни луѓе и други луѓе, и помеѓу едни фирми и други фирми. „Целиот закон со „Бехтел и Енка“ е проблематичен заради поништување на уставна темелна одредба, каде што се прави дискриминација помеѓу едни луѓе и други луѓе, помеѓу едни фирми и други фирми, за Бехтел и Енка ќе важат законите вака а за македонските фирми „Бетон“, „ Гранит“ и тн ќе важат поинаку, тоа е невозможно според македонскиот устав. Артан Груби и Ковачевски знаат во договорот какви катастрофални решенија има“, истакна Момировски.

Момировски: Толкава моќ не треба да има Артан Груби, граѓаните имаат право да го видат договорот со „Бехтел и Енка“ бидејќи плаќаат данок

Дарко Андоновски — Tue, 18 Apr 2023 17:40:47 +0000

„Артан Груби го навлече гневот заради низа досега ако не се лажам 7-8 скандали поврзани со него. Знаете дека брат му купуваше на улица „Македонија“ локал за 650/700 евра од квадрат, каде што е 3.000 евра квадрат и локалот не е отворен се уште“, рече Горан Момировски во гостување во „Само вистина“ на Канал 5 телевизија. Момировски дури потсети кога братот на Артан Груби исто така земаше пари од државните институции за поддршка на компании. „Финалето на оваа кулминација од незадоволството на граѓаните од Артан Груби е со „Бехтел и Енка“. Тој е сега координатор за сите автопатишта. Толкава акумулирана моќ на еден македонски политичар досега јас не се сеќавам да некој имал освен ако не бил премиер. Овакво нешто, оваква моќ, да водите вие министерство и да раководите со автопатишта, да координирате со милијарда и 300 милиони евра проекти, каде што се крие договорот во кој што гарантирам дека има милиони грешки, јасна е причината зошто луѓето се незадоволни“, појасни Момировски. Тој нагласи дека граѓаните имаат право да знаат сѐ околу договорот со „Бехтел и Енка“ бидејќи тие истите граѓани плаќаат даноци кон државата. „Знаете ли во списанието „Foreign policy“ што пишува за „Бехтел и Енка“ пред осум години? „Бехтел и Енка“ што сите велат дека е реномирана фирма, јас не велам дека не е така, но има низа проблеми, на Косово имате вие таму обвиненија против луѓе кои што потпишувале договор со нив. на крај на краишта не ме интересира ниту „Бехтел и Енка“, ниту Агелер, ниту Америка, ме интересира тоа што јас го плаќам како данок. Зошто да не можам да видам дали битуменот е 10.000 денари, или е 5.500 денари како што е цената во Македонија? Зошто да не можам да видам каде се трошат моите пари“, запраша Момировски. Момировски рече дека тука е проста работата, значи нешто се крие од граѓаните. Автоматски граѓаните претпоставувам чим се крие договорот, значи има нешто криминално. Ако немаше криминал, досега Владата ќе го објавеше договорот.

Момировски: Оставка според мене не е доволна, за ова предавство власта треба да одговара

Ивана Ефремовски — Wed, 13 Jul 2022 18:50:26 +0000

„Ни велат овие од преку пат овде и таму од „Илинденска“ дека било тешко и дека немало алтернатива. Вие знаете дека секогаш има алтернатива. Зарем Питу Гули имал алтернатива во 1903-тата. Зарем Гоце Делчев имал алтернатива? Зарем Михајло Апостолски имал алтернатива кога се борел со бугарските фашистички окупатори овде во Македонија? И точно една работа дека нема подобар предлог од овој што сега ни се нуди, но само додека е оваа Влада на власт, само дотогаш нема подобра алтернатива“, истакна Горан Момировски на денешниот протест насловен „Ултиматум, НЕ благодарам“.

Момировски додаде дека оставка според него не е доволна. Некој за ова предавство мора да одговара.

„Во македонската историја секогаш имало каколо во житото, сме го имале Коте од Руља, да не ги редам тие од постарата генерација, но сега имаме и Љубчо од Делчево, Зоран од Муртино, Стево од Автокоманда, Димитар од Куманово. Секогаш сме ги имале и секогаш сме ги победувале во историјата и сега ќе биде така“, рече Момировски.

Момировски посочи дека предавниците сакаат да ја уништат Македонија со штетни договори.

„Предавниците, тие се тие кои што мораат да одговараат еден ден“, нагласи Момировски.

Тој запраша зошто власта го крие Протоколот од македонската јавност.

„Власта го крие Протоколот затоа што знае дека во него се поништува македонската нација. И од власта знаат дека за тоа нема да им простиме никогаш! За кого се бориме ние овде и сите што се со нас? Не за нас лично, туку за Македонија се бориме“, потенцира Момировски.

Момировски посочи дека денес пратеничката на СДСМ рече дека македонската посебност не е засебна. Дури пратеничката посочи дури дека македонскиот јазик, македонската култура и идентитет не е засебно.

„Пратеничката на СДСМ денес рече дека македонската особеност не е засебна. Па има ли некој да провери дали тие луѓе внатре имаат деловна способност? И никој од власта не се извини да каже извинете грешка направена, гаф направен. Не, затоа што стојат зад тоа, затоа што нивните дела и нивните зборови докажуваат дека нашиот страв и недоверба се оправдани. Го видовме тоа во неколку наврати претходно“, рече Момировски.

Тој нагласи дека поради предавствата на власта граѓаните имаат право да немаат доверба токму во Владата. Од власта немаат никакво чувство на одговорност.

Момировски скандалозно: Спасовски организира специјална оперативна група во МВР да обработува новинари, ќе се врши упад во слободата на информирање

Магдалена Андонова — Mon, 19 Apr 2021 21:06:13 +0000

Во демократска држава нема во моментов специјална оперативна група на МВР под водство на министерот Спасовски да истражува и оперативно да обработува новинари и други луѓе кои што објавувале информации коишто потекнувале од МВР, значи ова што го кажувам сега се информации од свиркачи коишто не информираа дека во моментов Спасовски го прави тоа и планира да направи упад во слободата на информирање во Македонија, рече ексклузивно Горан Момировски новинар од Алфа телевизија на вечерашната негова емисија „Заспиј ако можеш“. Момировски вели дека за истото во моментов се информирани и познати меѓународни институции во земјава, како и дека се работи за оперативна обработка на новинари и медиуми. - Мене за Спасовски ми е јасно дека тера политичка агенда и бара начин да се спаси политички, но овие луѓе кои учествуваат во ваква операција, истите луѓе ни се познати и на крајот од оваа срамна операција сите тие ќе бидат изведени пред лицето на срамот, за правдата ќе видиме, порача Момировски.

Момировски: Власта со договорите со Бугарија и Грција остави отворени прашања, исто како да не постигнала договор

Дарко Андоновски — Tue, 27 Oct 2020 19:30:43 +0000

Горан Момировски, новинар во своето гостување во емисијата „Само Вистина“ зборуваше за Договорот со Бугарија каде посочи дека може да се случи истото со Преспанскиот Договор каде што нема да се знае што е потпишано од страна на власта. - Да потсетам на изјавата на Зоран Заев од пред неколку дена каде што рече дека тоа што се бара од Бугарија е неприфатливо, а не кажа што е тоа се бара и мене ми влева страв. Јас претпоставувам дека се работи за Гоце Делчев дека ќе биде прогласен за бугарски јунак кој таа опција ја спомнаа неколку члена на комисијата. Северна Македонија е нешто друго, но поврзано со тој пакет тоа го кажа и поранешниот бугарски претседател кој рече дека Северна Македонија не е прифатлива за Бугарија. На македонската страна и било кажувано цело време додека се потпишуваше Преспанскиот Договор дека Бугарија има сериозни забелешки за тој проблем. Сега слушаме овде дека со договорот ништо не е решено, не ни е отворен патот кон ЕУ, понижени сме целосно македонски јазик не смее да има во договорот за ФРОНТЕКС, Бугарија блокира договор за ФРОНТЕКС во Брисел на јужната македонска граница за мигрантите, рече Момировски. Тој во своето гостување додаде дека тој од ниту еден државен функционер не слушнал да рече што е тоа не можат да се согласат на тоа што го бара Бугарија и да кажат што точно е тоа. -Од ниту еден од државните функционери не слушнав да рече не може да се согласиме на тоа што го бара Бугарија и да каже што е тоа. Ние не знаеме практично што се случува и се плашам ќе ни случи тоа што се случи со Преспанскиот Договор, ќе биде потпишан, а нема да знаеме што сме потпишале, кажа Момировски.

Момировски: Резултатот од локалните избори во Штип ќе зависи од тоа колку власта ресурсите кои ги има ќе ги потроши на корупција на гласачите

Дарко Андоновски — Tue, 27 Oct 2020 18:48:13 +0000

Горан Момировски, новинар во своето гостување во емисијата „Само Вистина“ зборуваше за престојните локални избори кои треба да се одржат во Штип каде според него резултатот ќе зависи од тоа колку власта ќе инвестира од парите кои што ги зема како кредити односно колку пари од ресурсите кои ги има државата ќе се потрошат на корупција на гласачите во Штип. -Мислам дека пресудно ќе биде нешто друго односно колку власта ќе инсистира да го добие и Штип за да докаже дека има апсолутна контрола на теренот односно колку ќе инвестира од парите кои што ги зема како кредити, колку пари од ресурсите кои ги има државата ќе се потрошат на корупција на гласачите во Штип. Тргнувам од тоа што се случуваше на парламентарните избори каде во моментов имате најмалку 7 до 8 процеси кои се евидентирани од страна на полициските припадници, но кои не се процесираат во рамите на јавното обвинителство или во Антикорупциската комисија. Еве примерот со Филипче за кој Антикорупциската комисија призна дека користел службено возило од друга институција за време на партиски настан. Ова е еден пример како функционира системот. Случајот е евидентиран, антикорупциска потврдила дека е прекршен законот за корупција и Филипче нема никаква казна за сега. Зошто утре јас ако сум партиски активист, на партијата на власт, на СДСМ зошто да не го прекршам законот гледајќи го моделот дека министерот за здравство за вакво нешто не одговарал, додаде Момировски. Тој додава дека: „Може ли да направиме една груба паралела ако се споредат резултатите иако не можат парламентарни со локални, освоените гласови како што и ВМРО-ДПМНЕ на прес конференција велеа дека над 40 општини победиле, може ли да се повтори тој резултат, за очекување ли е?-Одредени општини каде ВМРО-ДПМНЕ победувало со голема разлика секако дека ќе влезат како фаворити Гази Баба, Кисела Вода и очекувам многу тесна битка за локалните избори“.

Брима Галуп воопшто не спровела анкета, “водството“ на СДСМ е измислено!

Ивана Ефремовски — Mon, 06 Jul 2020 21:47:54 +0000

Новинарот Горан Момировски во емисијата „Заспиј ако можеш“ откри скандал од невидени размери споделувајќи со македонската јавност дека Брима Галуп воопшто не спровела никаква анкета во Македонија за предвремените парламентарни избори кои треба да се случат на 15 јули. Вчерашната анкета објавена во сите провладини медиуми беше една од ректите на кои СДСМ е во водство пред ВМРО-ДПМНЕ, но сепак на крајот се испостави дека ваквата анкета никогаш не била спроведена. Момировски стапил во контакт со директорот на Брима Галуп во Македонија кој демантира дека воопшто била спроведена ваква анкета. - Нова ТВ објави анкета на Брима Галуп според која СДСМ и БЕСА се во предност и тоа имаше некоја фантастична бројка од 6,2 проценти. Ако се следи законот според оваа објава на Нова ТВ против нив треба да биде поднесена соодветна пријава бидејќи не го почитуваат членот 73 од изборниот законик. Во оваа анкета нема кој е нарачател, ниту кој ја платил анкетата, ниту има колкав е примерокот, кој ја спровел анкетата, само вели Брима Галуп и другото пропаганда класична дека СДСМ и БЕСА заедно водат со 6,2 проценти. И сега доаѓаме до суштината на скандалот оваа анкета ја објавија вчера 20-тина медиуми, ние во објавата на веб сајтот на Алфа ја објавивме со што се повикавме на првите медиуми кои што ја објавија. Првите медиуми кои ја објавија беа А1 ОН, Локално, Центар, Бриф, еве НОВА ТВ и тоа сите ја објавиле практично во ист момент. Никаде нема детали. Денеска јас разговарав со човеко кој што во Брима Галуп е одговорен за истражувања, господинот Ѓорѓиј Кимов, претходно имав проблем да го најдам, се обидов да ја добијам канцеларијата на Брима Галуп каде никој не се јавуваше. Дури комуницирав со регионалниот директор на Брима Галуп во Софија кој што ми објасни дека се работи за локален проект и таму да ги барам одговорите. За на крајот со господинот Јакимов не можев да го добијам и тој ми напиша на Вибер, да каже дека анкета на Брима Галуп воопшто не била објавено, вели Момировски. - Ги разгледав прашањата и можам да Ви кажам дека БРИМА не објавила анкета. За сите потребни информации Ве молам да се обратите на медиумот кој ги објави резултатите, Со почит, Ѓорги Кимов, цитираше Момироски во “Заспиј ако можеш“ дел од комуникацијата со првиот човек на БРИМА. Еве што објавија вчера медиумите блиски до СДСМ: Анкета објави и агенцијата Брима Галуп според која, владеачката партија СДСМ е во водство. На прашањето „Доколку се одржат праламентарни избори денес, за која политичка партија или коалиција ќе гласате“, 18,7 проценти од граѓаните одговориле дека ќе гласаат за СДСМ, поддршка од 15,1 процент би добила ВМРО-ДПМНЕ, за ДУИ би гласале 8,2 отсто од испитаниците, а Алијанса за албанците би освоила 4,9 проценти од гласовите. 16 проценти од анектираните навеле дека нема да гласаат. На прашањето Во кој политичар имаат најголема доверба, 9,4 проценти од анкетираните го посочиле претседатело на СДСМ Зоран Заев.. Зад него со поддршка од 4,2 отсто е е лидерот на ВМРО-ДПМНЕ, Христијан Мицкоски, по што следуваат Венко Филипче и Стево Пендаровски. Поддршка од 2,9 проценти има Зијадин Села, додека Али Ахмети според анкета ужива доверба од 2,8 отсто.

Момировски: Одлуката на Спасовски за разрешување на Мизрахи е политичко самоубиство

Дарко Андоновски — Wed, 12 Feb 2020 20:17:22 +0000

Според новинарот Горан Момировски, доколку Парламентот одлучи да ја разреши министерката за социјала и труд во техничката влада на Република Македонија - Рашела Мизрахи, или тоа место ќе остане празно, затоа што според Пржинскиот договор тоа место и припаѓа на опозицијата или ВМРО-ДПМНЕ ќе приложи нов кандидат. Но, можеби ВМРО-ДПМНЕ ова ќе го искористи и во други ПР цели што е прашање на партијата, истакна вечерва новинарот Горан Момировски на 24 телевизија. Според Момировски, ова барање на Оливер Спасовски да ја разреши Мизрахи поради тоа што стоела пред табла на Р. Македонија, која пак што таму стои од времето на Мила Царовска, е политичко самоубиство. -Кога анкетите покажуваат дека граѓаните се за ЕУ и НАТО, но се против промената на името, вие да осудувате некого и да го менувате во техничката влада затоа што се залага за република Македонија, ми се чини според мене, е навистина политичко самоубиство. Не знам кој му го сугерирал тоа, дали министерот за надворешни работи под притисок на Грција или е некоја друга тема во прашање, е тотално погрешно. Особено кога имаме парламент кој се занимава со едно друго прашање и не знам како технички би се извело. Да се прекине тема за едно прашање многу битно, а да се почне тема за разрешување на Мизрахи. Тоа за мене е еден вид на авантуризам од непознати причини, дециден е новинарот Момировски.

Власта продолжува со притисок кон новинарите: Во МВР на распит и Горан Момировски

Дарко Андоновски — Wed, 24 Jul 2019 12:52:32 +0000

И долгогодишниот новинар Горан Момировски повикан на распит во МВР затоа што го објави првото продолжение од милионскиот скандал за местење на тендер во М-НАВ од страна на генсекот на владата, Драги Рашковски – дознава Лидер од полициски извори. Како што дознава порталот Момировски во моментов е на распит во СВР Скопје. Утринава на службен разговор беше главниот уредник на Економски Лидер, Љупчо Златев, кој го објави второто продолжение од скандалот. Нивниот уредник изјави дека наместо да го гони криминалот на Рашковски, власта ги гони оние кои што го објавиле.