горан пандев – Kurir.mk

Пандев: Поминуваме низ тежок период, но ќе навивам за Македонија

Ристе Здравков — Fri, 08 Sep 2023 17:15:22 +0000

Легендата на македонскиот фудбал, Горан Пандев даде интервју за „Газета дело Спорт“ пред утрешниот меч со Италија. Пандев признава дека македонскиот фудбал поминува низ тежок период, но сака да направиме уште едно „чудо“ како тоа во Палермо. „Секогаш ќе навивам за Македонија. Сакам уште еднаш да ја изненадиме Италија. Веќе покажавме дека можеме, па не гледам причина зошто и сега не би ја изненадиле. Не знам дали е возможно да се повтори тоа од Палермо, но ќе навивам од срце за такво нешто. Поминуваме низ тежок период, но не се откажуваме“, истакна Пандев. „Нашиот тим поминува низ деликатен период, особено тежок беше поразот од Англија, но мислам дека можеме да го пребродиме сето тоа и да го преточиме во позитивна енергија. Ќе биде тешко, го немаме капитенот Ристовки, а и теренот во Скопје не е баш идеален“, додаде Пандев.

Пандев: Чест ми е да го прославам роденденот со децата од академијата

Бошко Тасиќ — Thu, 27 Jul 2023 16:00:49 +0000

Поранешниот македонски фудбалер Горан Пандев го прослави својот 40. роденден во друштво на децата од академијата на Брера Струмица. Пандев кажа дека е изненаден од пречекот и се надева дека организацијата ќе помогне за развивање на нови таленти. „Чест ми е да го прославам роденденот меѓу многу деца. Навистина големо изненадување за мене. Ова е проект кој треба да развива млади таленти, се надевам на успех и титули. Овој проект е нов во Македонија и се надевам дека многу деца ќе дојдат во нашата академија“, кажа Пандев.

Горан Пандев продаде 90% од акциите на ФК Академија Пандев

Ивона Петрова — Fri, 05 May 2023 20:34:04 +0000

Блок трансакција вчера помина на Македонската берза со акциите на Фудбалскиот клуб Академија Пандев од Струмица, во сопственост на нашиот поранешен репрезентативец Горан Пандев, објавува „Фактор.мк“. Податоците од Берзата велат дека беа продадени 2.250 акции на ФК Академија Пандев, по цена по акција од 16.480 денари, или во вкупен износ од нешто над 37 милиони денари, рамно на 603.000 илјади евра. Доколку се погледнат податоците на Берзата за овој фудбалски клуб, Академија Пандев има вкупно издание 2.500 акции, што значи дека преку берзанската блок трансакција вчера беше продаден најголемиот дел од акциите, односно 2.250, а останаа само 250 акции. Изразено во проценти, продадени се 90 отсто од ФК Академија Пандев за сума од 603.000 илјади евра. Нема официјална информација за тоа кој го купи доминантниот и мнозински дел од акциите на прволигашкиот фудбалски клуб.

ВИДЕО: „Џузепе Меаца“ еруптираше кога на теренот се појави Горан Пандев

Ристе Здравков — Sun, 30 Apr 2023 15:07:19 +0000

Македонската фудбалска легенда Горан Пандев едни од најдобрите денови во кариерата ги помина во дресот на Интер со кој ја освои тројната круна, а денеска пред дербито со Лацио си доби дрес од поранешниот италијански шампион. Пандев доби дрес и овации од навивачите на „Џузепе Меаца“, по што даде изјава и кажа дека Интер заслужува оваа година да игра во финалето на Лигата на шампиони (ЛШ). „Враќањето во Милано ми разбуди многу емоции, стадионот е прекрасен и да се заигра на него е остварување на сонот. Среќен сум што се вратив тука и се надевам на добар меч за Интер. Што мислам за дербито во Лига на шампиони? Тоа ќе биде убав натпревар, ќе биде поразличен од тој во лигата и се надевам дека Интер со два добри настапи ќе обезбеди финале. Исто така, морам да кажам дека Симеоне Инѕаги е многу добар тренер“, кажа Пандев. Поранешниот македонски фудбалер одигра 69 натпревари за „нераѕурите“ и освои вкупно шест титули.

LEGEND: Goran Pandev 🇲🇰#InterLazio @Inter_en pic.twitter.com/ocbcRQGwru
— Lega Serie A (@SerieA_EN) April 30, 2023

ФОТО: Пандев со уште две легенди на Интер го прославија пласманот во полуфиналето во ЛШ

Ристе Здравков — Thu, 20 Apr 2023 07:29:06 +0000

Екипата на Интер по пауза од тринаесет години одново ќе игра во полуфиналето на Лигата на шампионите. Момците на Симоне Инзаги го добија четвртфиналниот двомеч со Бенфика и така остануваат во игра за најпрестижниот трофеј, кој Интер го освои токму во сезоната 2009/10. На трибините на „Џузепе Меаца“ синоќа беше лудо, фановите ги бодреа своите миленици, а во ложата присуствуаа три легенди на клубот, меѓу кои и нашиот Горан Пандев. Освојувачот на Лигата на шампионите заедно со Милито и Паласио го следеа реванш дуелот со Бенфика и на крај го прославија пласманот во полуфиналето. Таму, Интер го чека двомеч со градскиот ривал Милан, кој исто така повеќе од една деценија не знаеше за пласман меѓу најдобрите четири во ЛШ.

Пандев го замолчи Милевски по изгубениот меч против Бугарија – еве што му порача преку директна порака на Инстаграм (ФОТО

Дарко Андоновски — Tue, 27 Sep 2022 07:31:43 +0000

Доскорешниот капитен на македонската фудбалска репрезентација, Горан Пандев преку социјалните својот Инстаграм му испрати порака на селекторот Благоја Милевски во врска со синоќешниот пораз од Бугарија (0:1). Во објавениот пост Пандев стави три емотикони кои означуваат „замолчи“. Не е јасно дали пораката на Пандев е несогласување со изјавата на Милевски дека македонската репрезентација играше добро во ова издание на Лигата на нации, или можеби е „погоден“ од зборовите на селекторот искажани синоќа на прес-конференцијата дека „црвено-жолтите“ пласманот на претходното Европско првенство го изборија со полесни ривали во Д-сегменот, а не низ евро-квалификациите. Македонската репрезентација Лигата на нации 2022 ја заврши на третото место во четвртата група со биланс од две победи, три пораза и еден нерешен резултат.

Горан Пандев објави крај на кариерата

Ивона Петрова — Thu, 22 Sep 2022 06:22:09 +0000

Горан Пандев во интервјуто за „Газета“ изјави дека ја завршува кариерата како професионален фудбалер на 39 години. Последен клуб на поранешниот македонски репрезентативец беше Парма во италијанската Серија Б. Најголем дел од својата клупска кариера ја помина во Италија, беше еден од клучните играчи на Интер предводен од Жозе Мурињо кога во 2010 година се закити со титулата во Лигата на шампионите. Пандев се потсети на неговото доаѓање во милански Интер. Пандев им се приклучи на „нераѕурите“ на средината на сезоната откако го раскина договорот со Лацио. Македонецот не постигна договор со Лацио и го одвоија од тимот. Шест месеци без тренинг или играње. Спорот беше изведен пред суд кој пресуди во корист на Пандев. Напаѓачот ја објасни ситуацијата: „Фудбалот е чуден: за една година почнуваш лошо, не играш, си надвор од тимот и не знаеш што се случува. И на крајот од првенството ја освојувате тројната круна“. Беше на првото место на листата најдобри стрелци во Купот на Италија во сезоните 2008/2009 со шест голови и четири погодоци во 2016/2017. Беше прогласен за играч на годината во Македонија во 2004, 2006, 2007, 2008 и 2010. Професионалната кариера ја започна во Беласица, потоа се пресели во Интер, следуваа позајмица во Специја и Анкона, пет години во Лацио, по три во Интер и Наполи, една сезона во Галатасарај, вкупно седум години во Џенова и изминатата сезона во Парма. Севкупно 549 настапи и 112 голови. За најдобрата македонска репрезентација лани играше на Европското првенство и го постигна првиот историски гол за А селекцијата на континенталните собири запиша 122 настапи и 38 голови како прв стрелец на вечната листа на најдобрата македонска репрезентација. Во неговите идни планови фудбалот се очекува и натаму да биде е присутен. Признава дека тоа е „единственото нешто што знае да го направи“. – Себеси повеќе се гледам како директор или спортски агент. Сакам да работам со млади луѓе и да им помагам, да разговарам, да ги гледам игрите – вели Пандев.

Goran Pandev anuncia su retirada a los 39 años. https://t.co/FtCYhRUFne
— AS Fútbol (@AS_Futbol) September 21, 2022

Mozzart ја продолжи соработката со ФК Академија Пандев

Super Admin — Mon, 15 Aug 2022 08:47:25 +0000

Mozzart и оваа сезона ја продолжува успешната соработка со фудбалскиот прволигаш ФК Академија Пандев! Ланскиот вицешампион со нови засилувања и победничка стратегија ја започнува новата 2022/2023 сезона, со амбиции за прво место на ПМФЛ табелата. Логото на компанијата Mozzart и оваа година ќе се најде на дресовите на ФК Академија Пандев, тим во сопственост на македонската фудбалска легенда Горан Пандев. Mozzart во изминатиот период активно го поддржува домашниот спорт преку спонзорство на различни спортски колективи.

„Благодарност до компанијата Mozzart која продолжува да ја поддржува Академија Пандев во развојот и амбициите на клубот. Успешната соработка минатата сезона решивме да ја продолжиме на уште две години и во нашиот ексклузивен бетинг партнер гледаме искрен поддржувач на спортот во нашата држава.“ – изјави Сашко Пандев, член на Управниот одбор и играч во тимот.

ФК Академија Пандев во своето постоење повеќе од една деценија, најпрво како фудбалска академија, а подоцна и со свој сениорски тим, успеа да постигне доста значајни резултати и на многу млади таленти да им даде можност да спортуваат, другаруваат и од најмала возраст да се научат на здрави навики за здрав живот. Куп шампиони на Македонија во сениори, првенствени и куп шампиони во млади категории, безброј освоени младински турнири во државата и надвор од неа, сениорски репрезентативци, младински репрезентативци во сите категории, домашни и меѓународни трансфери на фудбалери од сопствената академија, се само дел од досегашните успеси на ФК Академија Пандев во досегашното постоење. Од Mozzart изјавија дека се горди што и во новата сезона продолжуваат со поддршка на овој фудбалски прволигаш ФК Академија Пандев и се надеваат на нови успеси за клубот и во наредниот период. Инаку, компанија MOZZART долги години наназад е голем помагател на спортот во повеќе држави во регионот, а меѓу нив се многубројни фудбалски, кошаркарски, ракометни и одбојкарски клубови, како и репрезентации од повеќе различни спортови.

Денес е голем ден за Пандев – ниту Италија не го заборави, особено Интер и Серија А (ФОТО)

Дарко Андоновски — Wed, 27 Jul 2022 09:52:34 +0000

Горан Пандев денеска слави 39 години, а неговиот роденден, очигледно, им значи на сите за кои направил нешто големо. Серија му посвети честитка на својот официјален профил на Фејсбук, а следеше и фотографија на Инстаграм страницата на Интер, од времето кога играше за миланските сино-црни. Горан Пандев е величина и за италијанскиот фудбал, очигледно, прашање е само уште колку значи за нашиот, ако се прашаат луѓето кои го водат. Можеби кога ќе ги видат овие честитки ќе го следат нивниот пример и тие ќе објават нешто.

Пандев ќе игра уште една сезона?

Бошко Тасиќ — Thu, 12 May 2022 15:18:39 +0000

Македонската фудбалска легенда Горан Пандев најави дека ова за него ќе биде последната сезона по што ќе објави крај на кариерата, но сега се вели дека постои можност да се предомисли. Пандев во јануари пристигна во Парма и потпиша договор до крајот на оваа сезона. Тој поради повреди настапи само на 11 меча, имаше еден гол и една асистенција. Тој сака да замине во пензија со подобар учинок и размислува да игра уште една сезона во дресот на Парма. А кога се знае дека во тимот е Џиџи Буфон кој е значително постар од Пандев, голема е веројатноста Македонецот да ја пролонгира пензијата за уште една сезона. Се очекува до крајот на овој месец да се знае конечната одлука на Пандев.