горан попов – Kurir.mk

Шевченко прашал за Македонија по мечот со Грузија!

Дарко Андоновски — Fri, 20 Nov 2020 08:05:21 +0000

Македонскиот поранешен репрезентативец Горан Попов денес беше гостин во забавната емсија на „Сител“ телевизија „Магазин“. Попов во емисијата со водителката Јана Серафимова разговараше на различни теми, а една од нив беше и пласманот на Македонија на Европското првенство. Поранешниот македонски репрезентативец имаше голема кариера во која се запозна со бројни големи фудбалски имиња, а откри дека се уште е во контакт со легендарниот Андреј Шевченко. Шевченко е селектор на Украина и разговарал со Попов по нашиот меч со Грузија со оглед дека на ЕП во група ќе играме со оваа репрезентација. „По мечот со Грузија му се јавив на Шевченко. Со нив ќе играме во група на Европско, ме праша некои работи за Македонија“, одговори Горан Попов.

ФОТО: Горан Попов со дресот од ВБА прави ајвар во Ново Село

Ристе Здравков — Thu, 03 Sep 2020 14:04:50 +0000

Поранешниот репрезентативец на Македонија, Горан Попов се пофали социјалните мрежи дека ревносно си ги извршува обврските поврзани со обезбедувањето на зимница, конкретно правењето ајвар. Попов сега работи како фудбалски агент а во минатото играше за повеќе клубови во Европа, се прослави во Динамо Киев а беше дел и од англиската Премиер лигата во дресот на Вест Бромвич Албион.

Попов пред дербито со Шкендија: Ако први постигнеме гол, тешко ќе не победат

Дарко Андоновски — Fri, 10 Aug 2018 11:30:43 +0000

Капитенот на ФК Вардар, Горан Попов ги истакна своите очекувања од утрешниот прв натпревар во рамките новиот шампионат 2018/2019 во ПМФЛ, во кој „црвено-црните“ гостуваат на шампионот Шкендија во Тетово. Најтрофејниот македонски клуб стартува со истиот противник на истиот терен, како и лани. - Шкендија го има нашиот респект, затоа што во квалификациите во Лигата на шампионите покажаа дека дека имаат квалитет. Меѓутоа со Вардар, Шкендија секогаш имала проблем во минатото особено на домашен терен. Ако први постигнеме гол во Тетово, ќе биде тешко да не победат. Одиме подготвени во Тетово да се надигруваме. Јас ќе бидам реален и ќе кажам дека на хартија Шкендија во моментов има поквалитетна екипа од Вардар, меѓутоа добро е познато дека на вакви натпревари одлучуваат инспирација, желба, мотив..., изјави Попов. Според него, Вардар оваа година има млада екипа и неколку засилувања на кои што им треба време да се адаптираат во новата средина. - Не сме запознаени меѓу себе. Затоа и се случи тоа што се случи во Европа, додаде капитенот.