горан рафајловски – Kurir.mk

Рафајловски: Ги теравме луѓето да купуваат инвертори, а сега струја нема или е скапа

Катерина Бојаџиева — Mon, 08 Nov 2021 10:36:46 +0000

Имаме еден огромен проблем, државата и раководството во државата ни спие за енергетската криза. На пример во месец мај Италија ги обезбеди сите потребни количини струја што може да ги произведе Босна и Херцеговина. Не сакам да верувам дека имаме толку неподготвени институции, вели за Утрински брифинг финансискиот консултант и аналитичар, Горан Рафајловски. -Утре е нов ден беше главната флоскула на оваа влада, а се однесувавме купи ден помини. Косово, да бидеме начисто нема да ни даде јаглен, а реално ние не извршивме ни редовно одржување на РЕК Битола. За ваквата ситуација оставката е најмалку што може да си поднесат тие луѓе кои стоеа зад оваа стратегија, вели Рафајловски. Рафајловски вели дека компаниите кои добавуваат струја беа убедени дека ќе обезбедат ниска цена на струјата. Тој вели дека одлуките сега треба да бидат многу рационални, а дека струјата сигурно ќе поскапи, па државата ќе мора да интервенира со високи суми од буџетот. -Ние под итно треба да тргнеме со гасификација, не да спиеме. Тековната криза можеме да ја надминеме со набавка на скапа струја од Норвешка која единствено е достапна на пазарот, а понатаму ќе работиме да го поправиме РЕК да купиме нов багер, конечно да ги изградиме Чебрен и Галиште и на крајот потребни се храбри одлуки а нив може да ги донесат само луѓе што знаат, вели за УБ, Рафајловски.

Рафајловски: Сет мерките се мали и минорни, македонската економија е во слободен пад

Магдалена Андонова — Tue, 23 Mar 2021 19:34:41 +0000

-Дефинитивно го повикувам претседателот на Собранието Талат Џафери, да не заборави дека шест месеци читаше поезија на собраниска седница, да седне и да разговара со сите пратеници и под итно да се доведе експертска влада. Влада која ќе биде одобрена од сите политички партии. Да и се даде еден разумен рок за да може да ги спроведе сите политики и да не бидат попречувани. И ќе го сопреме овој театар, истакна стопанственикот Горан Рафајловски во “Топ тема” на Телма телевизија. Според него, ова е многу тешко време. Ова е пандемија. Сега треба да се покаже државотворност, а државотворноста исклучиво произлегува од владејачкото мнозинство во Собранието и во Владата. Но, државотворноста одамна ја нема. -Тогаш кога стопанството молеше за средства, во почетокот на оваа криза, да се дадат на стопанството некои кредити со помали камати со грејс период, Владата тогаш понуди евтин пакет на мерки за задржувања на вработувањата, кои што мината година не го исполнија во целост и како оправдување беа изборите. И сега без никакво оправдување законите ги држат во Собрание и не гледам ни можност истите да бидат изгласани се додека не успеат да се соберат владејачкото мнозинство, посочи Рафајловски. Тој смета дека генерално самите мерки се толку мали и толку минорни, и се само сламка во илјадници делови или парчиња што би значело во целост економија. Економијата во Македонија е во слободен пад. -Никој од нас не гледа светлина на крајот на тунелот, бидејќи немаме никаква можност да го поправиме стопанството. Не видовме ниту една мерка која ќе овозможи после пандемијата ние да излеземе спремни за пазарот во и надвор од Македонија. Па и оние ситни мерки не се во можност да ги исполнат, истакна Рафајловски.

Рафајловски: Собранието личи на театар и не функционира, да се направи експертска влада одобрена од сите политички партии

Катерина Бојаџиева — Tue, 16 Mar 2021 19:23:11 +0000

Бизнисменот Горан Рафајловски во своето гостување во Дневникот на Сител изјави дека Собранието не е функционално, дека личи на театар и доколку не може вака да функционира да се направи експертска влада одобрена од сите политички партии во Македонија. „Значи перспективата со ова Собрание тотално нефункционално во време на пандемија е никаква. Од проста причина што ова Собрание не е способно да се собере и да направи доволен број на пратеници за да започне седница на која што ќе се изгласаат законите. Тврдоглаво одиме, не дискутираме едни меѓу други, носиме закони и воопшто не ги консиултираме другите и ако ги консултираме ќе правиме проблем, ама тогаш кога гледаме дека имаме вакво не сериозно, нека ми се лутат ама на граница на театар Собрание, јас не гледам воопшто иднина да се донесе било каков закон на било која седница“ нагласи Рафајловски. Тој додаде дека доколку Собранието не може вака да функционира, треба да се направи експертска влада одобрена од сите политички партии. „Една од ретките седници која ја имавме се искористи за доверба на влада каде што веројатно во редот можеа да поминат 30-40 закони но поважно беше да се изгласа доверба на влада отколку да поминат законите и за помош и за се на стопанството. И ако сите како граѓани се чуствуваме дека сме во слободен пад се чувствуваме дека сме во долг тунел заради чии кривини не можеме да ја видиме светлината на крајот на тунелот значи тогаш го молам политичкото раководство и структури на Македонија да се соземе и ако не е способно вака да продолжи да направи експертска влада која ќе биде одобрена од политичките партии“, нагласи Рафајловски.

Рафајловски: Немањето вакцини е сериозен проблем и оправдувањата што ги слушаме постојано се веќе несериозни, исплашен сум од неодговорноста за соспствената популација

Катерина Бојаџиева — Tue, 16 Mar 2021 19:07:12 +0000

Бизнисменот Горан Рафајловски во своето гостување во Дневникот на Сител изјави дека не носењето на вакцини е сериозен проблем и дека е исплашен од невниманието и неодговорноста за соспствената популација. -Искрено не сакам ниту да помислам дека нема да се донесат вакцини и дека нема да се извакцинира најголемиот дел од населението до крајот на месец јуни или на почетокот на јули. Бидејќи ние сме мала земја можеме да се организираме нашиот здравствен систем дозволува да го направиме тоа што е можно побрзо за сите, нагласи Рафајловски и додаде: „Неносењето на вакцини е сериозен проблем и оправдувањата што ги слушаме постојано се веќе несериозни. Јас искрено кажано дури не знам ниту од каде да почнам ниту од кои најави имавме најава за во јануари за во февруари па во март до крај на март месец, а вакцини немаме во Македонија. Освен што сосседите ни дадоја некоја ситна димензија за 3 000 луѓе вакцинација. Значи ако оправдување е за претседателот на државата дека во декември кога се јавиле во Фајзер, за мене е страшен гаф што не се јавиле во септември туку се јавиле во декмври и Фајзер им кажал дека сме премали за да не стави на карта сериозна за да може да ни даде вакцини. Зошто истите тие таму луѓе некој не го советувал дека требало да го сврти телефонот на еден претседател на Србија на еден претседател на Албанија на Црна Гора на БиХ па и на Косово и да кажат ние сме заеднички пазар од 20 милиона луѓе ве молиме како такви да не третирате и вакцинацијата да оди. Уплашен сум од невнимавањето за сопствената популација“.

Рафајловски: Програмата на ВМРО-ДПМНЕ е стабилна, а СДСМ нуди нешто што не може да исполни

Ивона Петрова — Thu, 25 Jun 2020 08:14:05 +0000

„Оној пораз кој што треба да го доживееме во наредните години не можат да се остварат поголем дел од мерките што се замислени. И тоа таа разлика е драматична за жал поголема во СДСМ и нивната програма, во ВМРО таму е постабилна, морам да кажам, нека се лутат кој како сакаат, не зафаќам страна“, нагласи Горан Рафајловски утринава во една од утринските програми. Рафајловски додаде дека програмата на ВМРО-ДПМНЕ е многу постабилна во делот на желбите и можностите, дури предвидувањата дека оваа година ќе се оди со -5% БДП, а ќе порасне помеѓу 4% и 5% БДП за еден мандат што звучи реално. Од друга страна СДСМ има ветувања доколку се погледне растот на Буџетот и останатите параметри не можат да се исполнат. СДСМ не може да зголеми пензија до толку или пак плата кога се знае колкав буџет има Македонија и со каква криза се соочува.

Рафајловски: Се надевам дека овој економски тим на владата ќе си оди

Катерина Бојаџиева — Thu, 30 May 2019 18:24:49 +0000

Бизнисменот Горан Рафајловски кој гостуваше во емисијата „Отворено“ на Алфа телевизија, вечерва истакна дека премиерот треба да направи потполно иста чистка во владата како во партијата, за да ја мрдне економијата напред. -Премиерот треба да продолжи со професионалци, затоа што ако продолжи со партиски кадар ќе биде крајот на надежта дека ќе се поправат состојбите, вели Рафајловски и додава: „Се надевам дека овој економски тим на владата ќе си оди, основна улога на една влада ако сакате да градите економија во една земја е инфраструктура, под тоа спаѓаат патиштата, аеродорми, железница и енергетика. Владата може да изгради бесплатни станови за да ги задржи младите луѓе. Да, нам 3 проценти ни е намалена невработеноста, но 3 проценти ни се намалени бројот на работни места, луѓето со цели семејства отидоа во Европа“. Тој посочи дека ако застанат некои процеси на евазија, а имаме шанси и ако ги вратиме луѓето кои се надвор, треба реформи кои ќе болат, но на долг рок таа каса и тој буџет ќе бидат реални. -Нема ништо пострашно од живеењето под заем, треба да се направи реформа да видиме во кои сегменти ги пропуштаме парите. Ние сме земја која што овде на Балканот може да продуцира профит, но треба да се направат сериозни професионални мерки за развој. Нам ни треба долгорочна стратегија и програма врз основа на која ќе се развива Македонија во сите сегменти, вели бизнисменот.

Рафајловски: Сé што вети оваа влада е многу далеку од остварување

Ивана Ефремовски — Mon, 25 Mar 2019 21:31:39 +0000

Во денешната емисија на ТВ 24 Вести, гостуваше Горан Рафајловски кој посочи дека оваа влада досега има само лоша економска политика. -Сé што вети оваа влада е многу далеку од остварување, реално е многу далеку, истакна Рафајловски. Рафајловски појасни дека за да можете да го оптеретите бизнисот и да побарате да се издаде по 500 евра плата, што е изводлива можеше да се направи тоа на поинаков начин. -Првиот начин е ако веќе го притискате да даде поголеми плати тогаш немојте да го притискате на темата на даноци и да ги зголемувате даноците. Значи не може од двете страни да го притискате. И тоа се случи со 18% персонален, се случи со зголемување општо на даноци кои не се така мали. Економија не познава социјални партии, економија познава добра или лоша економија. И во оваа ситуација имаме лоша економска политика од почетокот до сега, посочи Рафајловски.

Рафајловски: Да предвидите 400 милиони евра инвестиции, а да реализирате само 112 тогаш тоа е сериозно промашување на владата на СДСМ

Предраг Кукиќ — Mon, 04 Feb 2019 21:52:17 +0000

Познатиот економист и консултант Горан Рафајловски во вечерашното гостување на Топ тема на телевизија Телма истакна дека 2018 година е најлоша година за македонската економија. Според него македонската економија во 2018 година, шест месеци била во минус, потенцирајќи дека кога владата на СДСМ вели дека е нула, тогаш тоа всушност значи дека македонската економија е во минус. За македонската економија минатата година беше катастрофална. Ние минатата година 6 месеци бевме во минус, не во раст, не во нула, туку во минус. Кога вели владата нула, тогаш знаете дека сте во минус, вели тој. Имено, Рафајловски смета има сериозно промашување на економијата од страна на владата на СДСМ која предвидела 400 милиони евра за инвестиции од државата, а реализирала само 112милиони, што претставува сериозно промашување. Вие ако предвидете 400 милиона инвестиции од страна на државата а остварите 112 или 117 значи дека сте ја промашиле годината многу сериозно, објаснува Рафајловски. Тој смета дека под итно треба да се направи ребаланс на буџетот соодветен на македонската економијата, истакнувајќи дека изборното ветување на премиерот Зоран Заев за 500 евра мора најпрво фирмите да остварат приход за да можат да дадат 500 евра плата на работниците. Вие не можете да постигнете плата од 500 евра само затоа што имате добра волја или само ќе притискате некој да ја даде платат. Тој мора да оствари за да ја даде. На крај ако не може да ја даде ќе мора да ја затвори компанијата, смета Рафајловски.

Рафајловски: Нема ништо од отпишување на долговите за струја на граѓаните, тоа е само политички маркетинг

Предраг Кукиќ — Mon, 04 Feb 2019 20:24:11 +0000

Горан Рафајловски, познат економист и консултант во вечерашното гостување на Топ Тема на Ваша страна, смета дека изјавата на премиерот Зоран Заев каде што вели дека ќе се отпишуваат долговите за струја на 200.000 граѓани е само така дадена, односно како што изјави тој тоа е повеќе политички маркетинг отколку реална работа. Само долговите до 2005? Тогаш е тоа само така. Повеќе е политички маркетинг него било каква реална работа, ниту плаќаат, ниту ќе плаќаат, објасни тој.

Рафајловски: Економските министри ја отспаа оваа година

Катерина Бојаџиева — Fri, 21 Dec 2018 12:23:05 +0000

Кога минатата Нова Година ме прашаа што посакувам, посакав да се пробудат економските министри и да помислат малку на стопанството во Република Македонија. А, не се разбудија оваа година, ја отспаа. Значи ако премиерот имал задача во надворешната политика, на економските министри не им беше задача надворешната политика, посочи Горан Рафајловски, познатиот економист и консултант. Рафајловски појасни дека не може да каже дека нешто сјајно сработиле или дека нешто е сработено. -А, и гледајќи го новиот буџет морам да ви кажам дека сум преплашен од проста причина што кога фирма е во криза, ако сакате да ја зачувате фирмата треба да направите сериозни инвестициски подигнувања на фирмата. И не е важно колку ќе се задолжите. Јас сум секогаш на таа страна не е задолжен се додека може да го врати долгот.