горан симов – Kurir.mk

Симов: Топлото време можеби ќе биде проблем, но нив ќе им биде уште потешко

Ристе Здравков — Wed, 12 Jul 2023 09:48:24 +0000

Утре во терминот од 17:30 часот на тренинг центарот „Петар Милошевски“ на комплексот на ФФМ, Македонија Ѓорче Петров ќе го игра натпреварот од првото квалификациско коло за Конференциската лига против РФС Рига од Летонија. Денес шефот на стручниот штаб на „лавовите“, Горан Симов ја одржа официјалната прес-конференција пред натпреварот и порача дека неговиот тим е подготвен да го даде максимумот. „Сакам прво да им посакам среќа на сите македонски претставници во Европа летово. Противникот добро го анализиравме и ќе се обидеме да ги искористиме нивните слабости во наша полза. Нивната дисциплина е на навистина високо ниво и индивидуално се добри. Свесни сме дека немаат пораз и мора да бидеме сконцентрирани. Топлото време ќе ни прави проблеми, но нив ќе им биде уште потешко“. Поволен резултат од првиот натпревар би донел полесна задача пред реваншот.

НЕЈЗИНИОТ ТАТКО Е ТРЕНЕР НА ПОЗНАТ СКОПСКИ ФУДБАЛСКИ КЛУБ – никогаш нема да претпоставите чија ќерка е Тара Симов, голманот ќе стане дедо следната недела!

Дарко Андоновски — Tue, 27 Jun 2023 12:42:12 +0000

Тара Симов за помалку од недела дека ќе стане мајка, а покрај избраникот нејзина најголема поддршка во животот и е и нејзиниот татко. Малкумина знаат дека нејзиниот татко е многу познат и во Србија и во Македонија каде во моментов живее и е тренер на Македонија Ѓорче Петров.

View this post on Instagram

A post shared by Goran Simov (@goransimov)

Станува збор за голманот Горан Симов кој кариерата ја започна во 1995-та година играјќи во Ниш, Белград и во нашата Македонија.

View this post on Instagram

A post shared by Tara Simov (@tarasimov)

Тара во една прилика открила дека на нејзината мајка бракот со Горан и бил втор и покрај тоа што се развеле таа го задржала неговото презиме. На сите исто така им е познато дека Тара имала турбулентен живот во минатото раскажувајќи го во реалното шоу „Задруга“.

View this post on Instagram

A post shared by Goran Simov (@goransimov)

-Знам дека е силна и паметна, од мене никогаш немала никакви кочници, а така и ќе остане во иднина. Никој не е совршен па и таа, се она што ми пречи секако ќе и го кажам на неа, не јавно. Мене ми е најважно таа да е жива и здрава, изјавил во една прилика Горан. Тој тогаш открил и дека не гледал „Задруга“ додека ќерка му била таму и се што дознавал било од нејзините фанови и пријатели.

View this post on Instagram

A post shared by Goran Simov (@goransimov)

Инаку на Тара закажан и е царски рез на 3 јули кога на свет ќе го донесе своето прво дете.

View this post on Instagram

A post shared by Tara Simov (@tarasimov)

Симов нов тренер на Македонија ЃП

Ивана Ефремовски — Mon, 13 Mar 2023 15:49:05 +0000

Скопскиот фудбалски прволигаш Македонија Ѓорче Петров го назначи денеска Горан Симов (47) за нов тренер на местото на Муарем Бајрами, кој во петокот поднесе оставка на должноста. Симов се враќа во клубот во кој од 2005 до 2008 настапуваше на голманската позиција и со тимот од Ѓорче Петров го освои трофејот во македонскиот Куп во 2006. Симов има уште еден куп трофеј како на тренер на Силекс, а во кариерата го предводеше и скопски Вардар. Македонија ЃП е седмопласирана на табелата во Првата македонска фудбалска лига со 26 бодови пред следниот натпревар, в сабота, против Тиквеш на гостински терен.

Симов по 15 години се врати во Ѓорче, сега како тренер на Македонија ЃП!

Ристе Здравков — Mon, 13 Mar 2023 12:08:22 +0000

Поранешниот голман на Македонија ЃП, Горан Симов после 15 години се враќа во Ѓорче Петров и тоа сега како тренер, наследувајќи го Муарем Бајрами, кој пред три дена спогодбено се раздели со „лавовите“. Симов беше голман на Македонија ЃП три години во периодот од 2005 до 2008 година кога дојде од Обилиќ, а беше дел од првиот куп што „лавовите“ го освоија во 2006 година. Сега доаѓа на клупата на Македонија ЃП, која е негов трет клуб во тренерската кариера. По завршувањето на фудбалската кариера во која беше член уште на Силекс, Вардар и албански Билис, Симов кариерата како тренер ја започна во Силекс со кој освои Куп во 2021 година, а потоа седна на кормилото на Вардар во Втората лига, но не издржа ни цела сезона, откако црвено-црните сериозно заостанаа во минатата сезона во битката за враќање во Првата лига. Симов ја презема Македонија ЃП на седмото место со 26 бода, но и со место во полуфиналето во Купот и во битка ѓорчепетровци да го одбранат трофејот кој лани го освоија со Бајрами.

Симов доби отказ од Вардар

Магдалена Андонова — Mon, 20 Sep 2021 14:46:04 +0000

Најтрофејниот македонски фудбалски клуб „Вардар“, кој сезонава за прв пат во својата историја игра во второлигашка конкуренција, денеска му врачи отказ на тренерот Горан Симов по серијата лоши резултати, која кулминираше со саботниот пораз на гостувањето кај Велешта од 2:1. „Вардар“ под очекувањата ја почна сезоната во која единствена цел на клубот е враќање во Првата македонската фудбалска лига, и по четири кола е седмопласиран во Втората лига – Запад со само една победа, едно реми и два порази. – Клубот му се заблагодарува на Симов за досегашната соработка, на резултатите кои ги оствари како тренер на „Вардар“ и му посакува среќа во понатамошниот тек на кариерата, се наведува во клупското соопштение. Функцијата в.д шеф на стручниот штаб на Вардар ќе ја извршува неговиот досегашен помошник Никола Глигоров, кој ќе дебитира во новата улога в сабота на натпреварот против „Беса“ на домашен терен. (МИА)