горан степановски – Kurir.mk

Степановски од Охрид: Советниците и локалните совети ги поддржуваат проектите кои ние како УМС на ВМРО-ДПМНЕ ги предлагаме

Катерина Бојаџиева — Wed, 19 Jul 2023 20:10:36 +0000

-Почитувани, во рамки на караванот во организација на Унијата на млади сили „Иднина за сите во Македонија“ денес сме во Охрид, на средба со советниците и младите од овој регион. Низ општините разговараме за проектите поддржани од градоначалниците од редовите на ВМРО-ДПМНЕ, на иницијативи од младинскиот совет и советниците на Унијата на млади сили, изјави Горан Степановски, потпретседателот на УМС при средбата во Охрид. Степановски посочи дека советниците и локалните совети секогаш се пристапни за младите. -Советниците и локалните совети секогаш се пристапни за младите, идеите кои тие ги даваат, рече тој. Степановски потсети дека викендот во Македоснката опера и балет сите идеи од овие теренски активности ќе бидат претставени се со цел да се изработи програмата за младите. -Караванот завршува утре во Скопје на тема животна средина, а викендот кој предстои, сабота и недела сите тие идеи ќе бидат предложени во Македонската опера и балет, заедно да ја изработиме програмата за млади, додаде тој.

Степановски: Дали зад не потпишувањето на договорот во РК Пелистер се крие голем криминален скандал?

Дарко Андоновски — Thu, 21 Nov 2019 17:37:21 +0000

Горан Степановски од ВМРО-ДПМНЕ денеска преку својот Фејсбук профил сподели статус и видео во кое прашува дали зад не потпишувањето на договорот во РК Пелистер се крие голем криминален скандал? -ДАЛИ ЗАД НЕПОТПИШУВАЊЕТО НА ДОГОВОРОТ СЕ КРИЕ ГОЛЕМ КРИМИНАЛЕН СКАНДАЛ ВО РК ПЕЛИСТЕР ЗА КОЈ СЕ ЗАИНТЕРЕСИРАНИ И ОРГАНИТЕ НА ПРОГОНОТ? Фарсата Европски Пелистер продолжува, а што се случува секако најповикана е да одговори градоначалничката. Што има во ревизорскиот извештај јавноста заслужува да знае. На 46 седница на Советот на Општина Битола предложив точка на дневен ред: - Разгледување на ревизорскиот извештај на РК Пелистер. Неколку месеци Општина Битола и Наташа Петровска успешно го кријат извештајот. Затоа ја прашуваме градоначалничката Наташа Петровска, која е причината и што се крие во овој ревизорски извештај? Дали негативното ревизорско мислење, дали се точни информациите дека заради овој негативен извештај е отворен предмет во Министерството за внатрешни работи? И на крај веќе е време Петровска да се појави на седница на Совет на Општина Битола да го приложи тој извештај, затоа што таа и го побара тој извештај, а и на граѓаните им должи објаснување, стои во неговиот пост на Фејсбук.

Степановски: Неспособноста за практикување на власта на локално ниво во Битола се повеќе излегува на дело- оставка од директорот на ЈП Комуналец

Катерина Бојаџиева — Thu, 08 Aug 2019 18:08:05 +0000

Неспособноста за практикување на власта на локално ниво во Општина Битола се повеќе излегува на дело. Типичен пример за тоа е моменталната состојба во ЈП Комуналец каде што од ден во ден состојбата на претпријатието се влошува, а неуспесите се редат и сите граѓани тоа го чуствуваат, Горан Степановски од ВМРО-ДПМНЕ Битола. -На почеток на Мандатот на директорот имаше обид за засадување на 3000 дрвја од кои најголемиот дел беа неуспешни и буквално се исушија. Потоа продолжи со лагата дека ке има нови садници кои еве година и половина сеуште ги нема. Исто така Јавното претпријатие Комуналец не е во состојба да ја извршува својата основна денојст ( собирањето на отпадот низ градот.) Се повеке расте незадоволството на граѓаните од ненавремено исчистените контејнери, а градот тоне во ѓубре. Осветлувањето на градот и во руралните средини во Општина Битола кое го превзеде ЈП Комуланец исто така доживеа колапс - градот е во темница, рече Степановски и додаде: „За на крај да се прелие чашата беше направена кражба во Спортската Сала во Битола каде што беа украдени грејни тела и дел од котелот кои беа купени со пари од проектот БИО ФОС во вредност од 135 000 евра. Почитуван директор НА ЈП КОМУНАЛЕЦ дали не мислите дека после сите овие неуспеси во период од само две години ке повторам ДВЕ години е време некој да ја превземе одговорноста, а тоа сте вие и Градоначаникот на општина Битола Наташа Петровска. Заради Сите овие случувања ние како ВМРО ДПМНЕ ОК БИТОЛА и Советничка група на ВМРО ДПМНЕ И Коалицијата Бараме ОСТАВКА ОД ДИРЕКТОРОТ НА ЈП КОМУНАЛЕЦ“.

ВМРО-ДПМНЕ ОК Битола: Партиските вработувања и неработењето постануваат единствената одлика на локалната власт во Битола

Дарко Андоновски — Thu, 06 Sep 2018 16:48:23 +0000

Партиските вработувања и неработењето постануваат единствената одлика на локалната власт во Битола предводена од СДСМ, ова денеска на прес конференција го истакна Горан Степановски од ВМРО-ДПМНЕ ОК Битола. -СДСМ уште еднаш покажаа неумешност при вработување на партиските кадри, доскорешниот вршител на должност на јавното претпријатие водовод, Козаров по завршувањето на првиот мандат на 19 јуни, беше назначен по втор пат за веде директор, за по неполн месец да биде разрешен и на неговото место да биде поставен нов веде директор. Веднаш по поставувањето на функцијата новиот В.Д директор распишува оглас за вработување на раководно лице оперативен менаџер на кој со согласност од Наташа Петровска како единствен кандидат се вработува Козаров, вели Степановски. Од ВМРО-ДПМНЕ ОК Битола ја прашуваат градоначалничката која била причината за разрешување на В.Д директорот по неполн месец од неговото назначување? -Дали можеби поскапувањето на водата или причината е да биде вработен и згрижен, а со тоа и да се зголеми бројот на општинско или по ново на партиско претпријатие водовод. И на крај зошто во повеќето општински претпријатија се уште се В.Д директори или таму не можете да најдете соодветни решенија?, прашува Степановски.

Степановски: Расипништвото кое го манифестира власта турка кон дното, парите на граѓаните се трошат без никаква одговорност

Ивона Петрова — Mon, 19 Feb 2018 14:11:28 +0000

Законот за јавни набавки вели - „Ако избраниот понудувач се откаже од склучување или извршување на договорот, договорниот орган може да го склучи со следниот рангиран понудувач или да ја поништи постапката“. Дали новото раководство на РЕК Битола постапило по законот и се обидело да склучи договор со второ рангираниот економски оператор? Кој бил второ рангиран и колкава е неговата понуда?, прашува Горан Степановски од ВМРО-ДПМНЕ. -Дали и колку таа понуда се разликува од понудата што е прифатена при договорот во четири очи. Дали се вистинити наводите во медиумите дека цената која ќе ја плати РЕК Битола за гигаџул ископан јаглен ќе биде двојно поголема од цената за која досега бил вршен ископот? Граѓаните се загрижени и се прашуваат каде ќе заврши разликата во цените? Кој ќе профитира од скапите бизнис зделки на власта? Државата и граѓаните сигурно не, вели тој. Степановски посочува дека ваквите бизнис зделки се на директен товар на граѓаните. Цената за поскапиот ископ не го плаќа СДСМ, го плаќаат граѓаните на Република Македонија. -Неодговорноста на власта е очевидна. Од трите милиони евра кои се одвојуваат за ископот на јаглен, со добро менацирање на средствата и почитување на законските процедури можеше да се останат пари и за некој нов инфраструктурен проект. Нема инвестиции во образованието, здравството, инфраструктурата, нема повисоки плати, пензии и социјална помош. Нема пари за младите и претприемачите. Парите на граѓаните се трошат на скапи јавни набавки склучени во четири очи. На виделина излегува која беше вистинската намера на власта со укинувањето на Советот за јавни набавки. Без Советот нема критериуми. Без Советот критериумите се местат по желба на власта, нагласува Степановски. Тој посочува дека СДСМ го укина Советот за јавни набавки и со тоа го укина единствениот контролен механизам. Советот кој беше заштита од секакви малверзации очигледно му пречеше некому од врвот на власта. Според Степановски расипништвото кое го манифестира власта не турка кон дното. Парите на граѓаните се трошат без никаква одговорност. Ветуваа живот донесоа беда.