горан сугарески – Kurir.mk

По поразот во Прилеп, Сугарески поднесе оставка во СДСМ

Катерина Бојаџиева — Fri, 05 Nov 2021 08:36:06 +0000

Поранешниот пратеник и министер за транспорт и врски, Горан Сугарески, објави дека поднесува оставка од функцијата претседател и член на Надзорниот одбор на СДСМ, по поразот во првиот круг од локалните избори како кандидат за градоначалник на Прилеп. Сугарески најавува и дека нема да се врати на позицијата директор на Царинската управа, од каде што си поднесе оставка како морален чин за растоварен да влезе во градоначалничката трка. -Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ. Извршувањето високи партиски и државни функции, покрај другото подразбира и одговорност кон граѓаните и членовите на нашата партија. Во таа насока, оставката претставува мој придонес за што побрза консолидација на партијата и што поскоро враќање на победничките патеки. Упатувам благодарност на актуелното партиско раководство, како и на сите членови на партијата за укажаната можност да извршувам високи партиски функции, меѓу кои и последната, претседател и член на Надзорниот одбор. Јас сум социјалдемократ, секогаш тоа и ќе бидам. Останувам верен на партијата и се ставам на располагање за било каков понатамошен ангажман, објави Сугарески.

Сугарески му честиташе на Јовчески за победата

Тале Кристо — Mon, 18 Oct 2021 11:06:45 +0000

-На крајот на изборниот процес, би сакал да ви се заблагодарам на вашата поддршка искажана за време на изборната кампања за локалните избори за градоначалник и членови на општинскиот Совет. Мнозинството граѓани од нашата општина се изјасни за промени и му ја даде довербата на кандидатот на ВМРО-ДПМНЕ. На новиот градоначалник Борче Јовчески, му ја честитам победата. Му посакувам да ги реализира планираните проекти, кои ќе придонесат за понатамошен развој на градот и подобар живот на граѓаните на општина Прилеп – напиша Сугарески на Фејсбук.

Голема победа на ВМРО-ДПМНЕ во Прилеп со убедлива разлика во гласовите

Ивона Петрова — Mon, 18 Oct 2021 07:47:58 +0000

Борче Јовчески од ВМРО-ДПМНЕ е новиот градоначалник на Општина Прилеп. Кандидатот на ВМРО-ДПМНЕ има убедлива победа пред кандидатот на СДСМ, Горан Сугарески со 7.540 гласови. Ова се податоци од Државната изборна комисија каде се преброени 99,30% проценти од гласовите. Недостасуваат информации за само едно избирачко место. За промени и нова иднина во Прилеп гласале 22.163 гласачи, додека за СДСМ гласале 14.623 гласачи.

Ристески: Дали Сугарески ги продолжува политиките на Јованоски на бесправното градење на објекти од страна на блиски роднини ?

Магдалена Андонова — Wed, 13 Oct 2021 10:42:47 +0000

Во текот на изборната кампања, се изнаслушaвме и изначитавме како Горан Сугарески сето свое знаење, вештини и искуство ќе ги ставел во функција на Прилеп и прилепчани.Навистина покажа ,,знаење и искуство" со тоа што го направи најголемото зло на Прилеп и Пелагонија со раскинувањето на договорот за патот Прилеп-Градско и прекинување на неговата изградба во интерес на мафијата, проект кој беше започнат, се градеше и сега ќе беше готов истиот тој Сугарески да не го прекинеше, изјави на денешната прес конференција, пратеникот од редовите на ВМРО-ДПМНЕ, Петар Ристески. Тој посочи дека Сугарески на прилепчани и на сите граѓани во Македонија должи одговор за планскиот документ кој носи назив „Државна урбанистичка планска документација за прифатен центар за странци на КП 35, КО Бардовци, Општина Карпош”, во кој документ јасно стои дека орган надлежен за донесување на планскиот документ е Министерство за транспорт, а на самиот крај од документот може да се прочита името и презимето на Горан Сугарески во својство на министер. - Овој документ е поврзан со изградбата на прифатен центар за странци. Во самиот документ е напишано дека изградбата на прифатниот центар за странци во Општина Карпош се очекува да предизвика долгорочни негативни влијанија од социоекономски аспект, односно интеграција на прифатените странски државјани во социјалните текови на заедницата, потреба од отворање на нови работни места, сместување, комуникација со локалното население, ризици по здравјето и безбедноста на заедницата, а особено врз жените и децата. Дали знаењето и вештините на Горан Согарески можеби ќе донесат нов прифатен центар за бегалци во Прилеп? Исто така Сугарески нека одговори дали во неговото знаење, искуство и вештини влегува склучување на Договор за купопродажба на државно земјиште со извесен инвеститор во 2018 година, за вкупна површина од 9048 м2, за цена од само околу 300 евра по м2 на атрактивна локација на паркингот кај Холидеј Ин? Што ли се крие зад една ваква фамозна зделка? Ги повикуваме надлежните органи да истражат, истакна Ристески. Пратеникот праша дали можеби знаењето, вештините и искуството на Сугарески вклучуваат продолжување на политиките на Илија Јованоски за легализација на дивоградби, летни тераси сред центарот на градот и урбанистички хаос на чело со урбаната и градежната мафија? - Постојано во своите настапи потенцира дека ќе ги продолжи политиките на Јованоски. Дали во тие политики спаѓа и бесправното градење на објекти од страна на блиски роднини на Јованоски? Дали тука спаѓа и изградената зграда со сомнителна документација кај Медицинското училиште и дали Сугарески ќе продолжи со вакви проекти ? Вакво знаење и искуство на прилепчани не им требаат! Д-р Борче Јовчески, после на 17 октомври, заедно со советот предводен од ВМРО-ДПМНЕ,Дејан Проданоски и тимот професионалци ќе ја преземи работата во свои раце. Затоа масовно да излеземе на 17-ти Октомври и да гласаме за број 7, број 7 за нови луѓе, број 7 за проекти и подобар Прилеп, повика Ристески.

Мицкоски: Сугарески е изборот на СДСМ за Прилеп затоа што само преку него можат да продолжат: рекетот кон бизнисмени, продажбата на дрога

Ивана Ефремовски — Mon, 11 Oct 2021 19:31:41 +0000

Сугарески е изборот на СДСМ за Прилеп затоа што само преку него можат да продолжат рекетот кон бизнисмени, продажбата на дрога, изјави претседателот на ВМРО-ДПМНЕ, Христијан Мицкоски на вечерашниот митинг во Прилеп потенцирајќи дека тоа што Заев го планира овој пат нема да помине, бидејќи на 17 октомври прилепчани ќе му ја завршат кариерата на Сугарески. - Кандидат на СДСМ во Прилеп е најверното Зоранче, Сугарески. 5 години ветуваат експресен пат за Прилеп, кој не го чепнаа, а го наследија од претходната влада, и поради празните ветувања прилепчани недопрениот пат го нарекоа „Горан Сугарески“. И токму заради неговата неспособност, еден искусен новинар ми рече: „Најлесно ми е да пишувам прилог овие 20 години за Прилеп бидејќи се е исто, кога треба да одговорам на прашањата КОГА,КАДЕ,КОЈ,ШТО И ЗОШТО, Одговорите се секогаш се фикс: Само што не почнал патот да се гради, одговорен за тоа е Сугарeски, истиот тој кој десетици години е на функција советник, пратеник, министер, директор, Уште градоначалник не е станат, па сака да се испроба и во тоа. Но овој пат нема да успее и тука завршува криминалната кариера на Сугарески, вели Мицкоски. Сугарески е изборот на СДСМ за Прилеп затоа што само преку него можат да продолжат: рекетот кон фамилии и бизнисмени, продажбата на дрога како мастики за џвакање на секој ќош во Прилеп, заканите и само оваа власт може повторно да назначи командир што ќе пренесува дрога по експресниот пат „Горан Сугарески". - Еве зошто во недела на 17-ти прилепчани ќе му ја завршат кариерата на Сугарески. Прилеп е град кој најмногу назадувал последните 4 години. Град кој не се гради, нема инвестиции.Прилеп е синоним за рекет од лице кои важи за блиско на Сугарески, а кое е невработено и има возен парк од 400.000 евра. Само во Прилеп министерот за транспорт градеше дивоградби низ градската чаршија и тој денес е понудата за градоначалник, изјави Мицкоски.

Сугарески разрешен од директорската позиција во Царина

Ивона Петрова — Sat, 31 Jul 2021 08:21:24 +0000

Владата на последната седница ја усвоила одлуката за разрешување на директорот на Царина, Горан Сугарески. -На оваа седница Владата ја прифати одлуката на Комисијата за именување, Горан Сугарески да го разреши од должноста в.д. директор на Царинска управа, информираат од Владата. На оваа позиција Владата ја именува Славица Котиров, досегашен заменик-директор.

СДСМ Прилеп врие: Сугарески вратен во Прилеп, на големо почнува битка против актуелниот градоначалник Јовановски?!

Катерина Бојаџиева — Tue, 13 Jul 2021 15:11:37 +0000

Горан Сугарески, кој вчера си замина од директорското место во Царинската управа, веќе сабајле се појавил на старото работно место во општина Прилеп како комунален инспектор. Сугарески веќе создава тензија и група против актуелниот градоначалник на Прилеп – Јовановски, со зборовите го напуштив најубавото место од работа - директор на Царина за да прифатам ваков предизвик и нема жива сила да ме спречи, со што ги собира вработени околу него во групација против актуелниот градоначалник, кој исто така има амбиција за уште еден мандат. Но каде е виситната во заминувањето на Сугарески од Царина? Мандатот, кој му е ВД му истекол, а Заев не сакал да му го продолжи од две причини: - Тотална неспособност; - Не е е негов човек од доверба за глатко да ги тераат активностите од потреби на Заеви. За да не му ги соопшти ниту една од двете работи, Заев му упатил ултиматум на Сугарески дека ако сака продолжување во политиката ќе мора да замине од Царина и да оди за градоначалник на Прилеп, или да остане без директорското место и да не добие ништо. Кој е Сугарески? Човек кој ги сврте сите функции, од министер во транспорт и врски, преку директор на Царинската управа, па сега до кандидат на Заев за градоначалник. Некој ќе речат тој така сакал, но реалноста е дека полека го симнуваат надоле, го дистанцираат од таканаречената прв лига во политиката. Што прави Сугарески во Прилеп? Екс шефот на Царина, а сега претендент за кандидат за градоначалник од СДСМ, Сугарески, отворено зборува за криминалот што го прави актуелниот градоначалник и неговата неспособност без реализација на нити еден капитален проект, освен криминално изградено мостче од 750.000 евра кое и ден денес е распаднато и го реконструираат по кој знае кој пат, а беше отворено пред пет месеци. Сугарески гласно зборува и за криминално купените 4 автобуси за еден милион евра кои постојано се расипани и полнат мазут секој ден во Битола за да возат, но и за промашениот булевар кој го стеснија, ги уништија паркинзите и чаршијата. На ова не останува должен ниту Јовановски, кој во последно време се охрабрува и гласно зборува за големите рекети кои ги правел Сугарески низ Прилеп, но и тендерите кои оделе преку него. Раздвојување во очи на избори Се поизвесно е раздвојување во огранокот на СДСМ во Прилеп. Јовановски веќе на неколку свои поблиски луѓе им најавил дека не трчаат за Сугарески, затоа што не се дел од тој тим и нема да добијат ништо за возврат. Се подготвува тивко минирање на Сугарески и негово пуштање низ вода.

Сугарески заминува од Царина, влегува во трка за градоначалник на Прилеп

Ивана Ефремовски — Mon, 12 Jul 2021 14:08:47 +0000

„Ми беше чест и задоволство да бидам директор на една ваква институција како што е Царинската управа“, напиша Горан Сугарески од СДСМ на својот Фејсбук профил. Денес беше неговиот последен работен ден како директор на Царинската управа, откако во меѓувреме беше донесена одлука тој да се кандидира за градоначалник на Прилеп на локалните избори. -Почитувани колеги, Искрено Ви посакувам успешна работа во периодот кој следи. Знам дека сите заедно како тим ќе успеете во унапредувањето на институцијата и Царинската управа ќе остане да важи за водечка царина во регионот, целосно усогласена со стандардите на Европската Унија. Ви благодарам на сите за коректната меѓусебна соработка која ја имавме изминатиов период, напиша Сугарески.

Министерот Сугарески демантира дека му изгорело кафулето

Ивана Ефремовски — Fri, 06 Mar 2020 17:57:50 +0000

Попладнево се запали угостителски објект во Прилеп. Станува збор кафулето „Табу“ на министерот за транспорт и врски Горан Сугарески, објави Република, пренесе Курир. Министерот демантира дека гори кафулето иако порталот објави фотографии од настанот. „Лажна вест е. Какви пожари, какви локали“, истакна министерот.

ФОТО: Гори кафулето на министерот Сугарески во Прилеп

Ивана Ефремовски — Fri, 06 Mar 2020 16:43:31 +0000

Попладнево се запали угостителски објект во Прилеп. Станува збор кафулето „Табу“ на министерот за транспорт и врски Горан Сугарески. Кафулето се наоѓа во старата прилепска чаршија во центарот на градот и досега честопатие пишувано за објектот. Пред неколку години беше запалено кафулето конкуренција на „Табу“, а министерот го обвинуваа за градење на нелегална летна тераса. Извор: РЕПУБЛИКА