горан тодоров – Kurir.mk

Јанчев и Тодоров испија кафе, староновиот градоначалник најави обединување за посилно Кавадарци

Ристе Здравков — Wed, 20 Oct 2021 11:35:06 +0000

Против кандидатот Горан Тодоров и најголем дел од носителите на советничките листи денеска се сретнаа со старо-новиот градоначалник Митко Јанчев. Тие на покана на Јанчев го испија утринското кафе и разговараа за иднината на општина Кавадарци. Митко Јанчев победи во првиот круг од локалните избори, а воедно ја оствари и најголемата разлика во гласови на територија на Македонија, а таа изнесуваше над 10.500 гласови.

Во Кавадарци работата е јасна: Митко Јанчев на чекор до нов градоначалнички мандат

Ристе Здравков — Mon, 27 Sep 2021 19:21:07 +0000

Тв дуелот помеѓу кандидатите за градоначалници на општина Кавадарци на ВМРО-ДПМНЕ и СДСМ, Митко Јанчев и Горан Тодоров по се изгледа веќе го одлучи победникот на овие локални избори. Имено доколку треба да се пресуди, Митко Јанчев е апсолутен победник на овој дуел. Јасно и прецизно одговараше на прашањата на водителот, реализирани проекти и проекти кои планира да ги оствари во идниот мандат, наспроти неговиот противкандидат од СДСМ, Горан Тодоров, кој по одговорите кои ги даваше, планира да се кандидира за пратеник на следните парламентарни избори. Тодоров непознаваќи ја работата на локалната самоуправа упати серија обвинувања кон Јанчев, на што доби конкретни одговори, но со неговите обвинувања докажа дека не ја познава доволно работата на локалната самоуправа. Во текот на целата емисија Тодоров упатуваше обвинувања кон Јанчев, без притоа да наброи проекти кои ќе ја направат општина Кавадарци подобро место за живеење. Горан Тодоров од СДСМ, во ТВ дуелот на МТВ покажа колку неговата партија е немоќна во Кавадарци, а Митко Јанчев уште еднаш покажа зошто на анкетите ја има најголемата доверба кај граѓаните, но и е најдобриот градоначалник во изминатиов период.

Кандидатот на СДСМ за градоначалник во Кавадарци изгубен во времето, нема проекти, нема визија

Ристе Здравков — Mon, 27 Sep 2021 18:35:52 +0000

Прв ден од изборната кампања, прв ден Тв дуел на националниот сервис. Кандидатите на ВМРО-ДПМНЕ, Митко Јанчев и на СДСМ, Горан Тодоров, ги вкрстија копјата на МТВ. Имено Митко Јанчев од ВМРО-ДПМНЕ со јасни одговори на прашањата околу проектите кој ги реализирал и кои планира да ги реализира доколку ја добие повторно довербата од кавадарчани, а кандидатото на СДСМ, Горан Тодоров со неосновани напади кон Јанчев но и со пофални зборови кон Зоран Заев. На прашањето на водителот околу проектите на Тодоров за Кавадарци, тој не одговори конкретно, односно одгвори со веќе остварени проекти од страна на Митко Јанчев.

Кандидатот на СДСМ за градоначалник на Кавадарци наместо со својата програма се пофали со програмата на Митко Јанчев

Ристе Здравков — Mon, 27 Sep 2021 16:36:23 +0000

Во изминативе четири и пол години наместо во барок и споменици, инвестиравме во инфраструктура. Изградивме нови улици и патишта, водоводи, канализации, градинки, училишта, спортски сали. Резултатот е видлив. За четири години и пол години Владата предводена од СДСМ реализираше голем број на инфраструктурни проекти, од витално значење за граѓаните на Кавадарци, се вели во соопштението на Горан Тодоров, кандидат за градоначалник на општина Кавадарци од СДСМ. -Направивме рехабилитација на регионален пат Кавадарци – Росоман. Извршивме изградба на пат Мушов гроб – Мрежичко. Направивме рехабилитација на патот Возарци - Раец – Фариш. Изградивме велосипедска патека од мостот во с.Ваташа до Моклишка воденица. Направивме реконструкција на водоводни линии и атмосферска канализација на улици во с.Сопот. Извршивме реконструкција на коловоз на улици и булевари, два влеза на Кавадарци, како и рехабилитација на локални улиици Илинденска, Браќа Џунови, Дисанска, Блажо Алексов, Пионерска. Изградивме нов мост во с.Ваташа. Направивме реконструкција на водоснабдителен систем, атмосферска канализација и асфалт на улица Клинска и на дел од ул. Методија Џунков Џикот. Извршиме реконструкција на тревна подлога и систем за наводнување на градски стадион Кавадарци. При крај е изградбата и опремувањето на целосно нова детска градинка. Исто така при крај е изградба на спортската сала во ООУ Страшо Пинџур. Направивме изградба на водоводна мрежа за населба Брушани. Доградување и опрема на 2 објекти во детска градинка во с. Марена и Сопот. Извршивме рехабилитација на патен правец Горна Бошава-Долна Бошава, како и рехабилитација на патен правец Кавадарци-Дреново, се вели во соопштението испратено до медиумите. Со заложба моја како претседател на О.О СДСМ Кавадарци, како и на сите партиски и јавни функционери со помош на Владата на СДСМ, ги реализиравме сите витални проекти за Кавадарци, кои се во вкупна вредност од околу 11 милиони евра. Сите овие проекти ги реализиравме на барање на вас граѓаните, истакнува Тодоров. На овие локални избори ви го нудиме најдобриот концепт за градот. Најдоброто за Кавадарци, е концепт од граѓаните за граѓаните. Стратегија за развој на нашата општина, која ја базираме на потребите на граѓаните, на нивните идеи и размислувања за сето она што e најдобро за градот и населените места. Во таа насока, приоритетните проекти од мојата изборна програма се: Поврзување со гас на сите семејства и компании во Кавадарци; Изградба на прeчистителна станица; Изградба на бизнис старт ап центар; Проект “Зелено Кавадарци”, со цел здрава и чиста животна средина; Изградба на регионален откупен центар, за конечно решавање на проблемот со откупот на грозје и ниските откупни цени. СДСМ ја има најдобрата понуда за вас граѓание, вели Тодоров. Имаме јасна идеја, план за развојот за општина Кавадарци, додаде тој.