горан тозија – Kurir.mk

Комисијата за култура на ВМРО-ДПМНЕ смета дека целосно е погрешна одлуката на ДФРМ да ја додели „Големата ѕвезда на македонскиот филм” токму на оној кој беше на чело на овие разорни процеси

Дарко Андоновски — Thu, 18 Aug 2022 13:46:05 +0000

Комисијата за култура на ВМРО-ДПМНЕ смета дека целосно е погрешна одлуката на ДФРМ да ја додели „Големата ѕвезда на македонскиот филм" токму на оној кој беше на чело на овие разорни процеси. Тие по тој повод објавија и статус на Фејсбук: -Горјан Тозија беше филмски работник кој рушеше сѐ, само за да биде видлив. Беше видлив кога го уништи Вардар филм. Беше видлив кога го рушеше законот за филмска дејност, беше видлив и кога најавуваше бројач пред порта Македонија. Филмот и културата жестоко се цензурираат во континуитет и се урива дигнитетот на филмската дејност. Затоа, Комисијата за култура на ВМРО-ДПМНЕ смета дека целосно е погрешна одлуката на ДФРМ да ја додели „Големата ѕвезда на македонскиот филм" токму на оној кој беше на чело на овие разорни процеси. Наместо „Големата ѕвезда на македонскиот филм"да се даде на вистинските филмски творци и еминентни професионалци во македонската кинематографија, Здружението во чија надлежност е доделувањето на ова признание, одлучи тоа да се додели на оној кој ги урна сите надежи на филмската дејност во Македонија. ДФРМ го одбра кафанскиот човек кој само умееше да плете површни кафански приказни, користеше уцени, закани задкулисни мрачни методи. Дали тој заслужува да го добие аплаузот од ИФКК Браќа Манаки? Македонија стана пазар, па и македонскиот филм стана заробеник на политички исфрустрираните луѓе кои генерациски владеат со фелата. Да живее Интернационалниот фестивал на филмската камера „Браќа Манаки“! Да живее Битола! Да живее филмот! Но, животот што го ветуваа не доаѓа со вакви нејасни потези, одлуки и пазари. Не доаѓа за сите!!!, стои во нивниот статус до јавноста.

Почина Горјан Тозија

Дарко Андоновски — Thu, 13 Jan 2022 08:09:31 +0000

Почина Горјан Тозија – Медо, поранешен директор на Агенцијата за филм. Тој на 68-годишна возраст починал од пневмонија. Тозија беше филмски продуцент, поранешен државен секретар во министерството за култура и советник во Kабинетот на претседателот Бранко Црвенковски. Беше претседател на Друштвото на филмски работници (ДФРМ), а во 1993 стана директор и на државниот продуцент „Вардар филм“.Во тој период „Вардар филм“ ги сними филмовите „Пред дождот“, „Ангели на отпад“, „Преку езерото“, „Џипси меџик“, и учествува во реализацијата на два холивудски филма кои се снимаа во Македонија, „Миротворец“ и „Добредојде во Сараево“.

Директорот Тозија создава непријател од Хрватска, Владата молчи

Дарко Андоновски — Wed, 03 Jun 2020 18:10:24 +0000

Владата молчи за ставовите на Горјан Тозија, директорот на Агенцијата за филм кој на социјалните мрежи пред неколку дена премиерот на Хрватската влада Андреј Пленковиќ, како и владејачката ХДЗ, ги нарече фашисти и членови на криминален клуб. Оваа информација предизвика бурни реакции и беше пренесена од хрватските и македонските медиуми и окарактеризирана како меѓународен дипломатски скандал. Владата до овој момент не одговори на нашите прашања, дали се согласува со ваквите ставови и изјави на Горјан Тозија, ако не се согласува дали ќе се огради и ако се огради дали ќе го разреши директорот Тозија кој е именуван владин функционер. Досега од македонската Влада нема ниту извинување до Република Хрватска, но и дo Словенија и Унгарија , затоа што во своите коментари Тозија ги навреди и овие две земји. Одговор нема ниту од МНР, ниту од Кабинетот на претседателот Стево Пендаровски, по што логично се поставува прашањето дали Владата отвара нов фронт за непријателство со Хрватска, земја која во моментот го има претседателството со ЕУ и ја подржува Македонија во патот кон зачленување во Европската Унија. По ваквите скандалозни написи на Тозија, реакции стигнаа од сите страни. Здружението на загребските доброволци „Бранители на Вуковар“ побара од премиерот Андреј Пленковиќ да реагира на написите на македонскиот државен службеник Горјан Тозија, а реакција од Пленковиќ за навредните од Тозија, побара и еден од основачите на ХДЗ. Реагираше и македонската дијаспора во Хрватска која побара одговорност од директорот Тозија. Хрватските медиуми на големо пишуваа дали ставовите на Тозија се и ставови на македонската Влада. И Здружението на Хрватите во Македонија побараа Владата да го разреши Тозија и да се извини Директорот на владината агенција за филм не само што не негираше и не се извини за тоа што со месеци ја навредуваше Владата на Република Хрватска и нејзиниот претседател во кој ги нарекува фашистите и член на криминален клуб, туку напротив, тој истото го потврди и напиша дека има право да го стори тоа, што преставува невидена дрскост и говор на омраза Ова не е само тежок меѓународен скандал, туку и невиден случај во светот каде една влада толерира мешање во работите на друга држава – најсериозните вулгарни навреди и говор на омраза. Покрај тоа, тоа го прави и на земјата и нејзиното раководство, кое го има претседателството со ЕУ и ја поддржува Македонија во патот кон ЕУ толку силно, потенцираат од Здружението. Во меѓувреме скандалот со Горјан Тозија се шири. Реакциите не стивнуваат, а последни во низата, овој пат беа словенечките медиуми По квалификациите кои директорот на македонската Агенцијата за филм Горјан Тозија ги прошири преку социјалните мрежи за тоа дека Пленковиќ, Јанша, Орбан, Груевски се дел од една криминална банда., словенечки медиум реагира дека ова е политичко, морално дно и привитимизам и дека државни службеници на пријателска земја Македонија, словенечките водачи ги нарекуваат криминалци. Инаку неофицијално замолено било Тозија да си поднесе оставка за да се стиша целата работа.

Основач на ХДЗ бара од премиерот Пленковиќ веднаш да реагира на навредите од претставник на македонската Влада

Ивана Ефремовски — Tue, 26 May 2020 08:12:06 +0000

Хрватскиот политичар и уметник Иван Кујунџиќ ја повика Владата да реагира на скандалозните пишувања на Горјан Тозија, директорот на македонската Агенција за филм, кој во низа коментари на социјалните мрежи ги нарече Хрватска и владејачката партија ХДЗ – фашисти и криминалци. „Имајќи ја предвид нашата долга и пријателска историја со Македонија, и добрите политички односи, нивната држава и Министерството за култура треба да ја објаснат ситуацијата – дали се работи за политички земјотрес или пуштање чад. Меѓу нас се уште има блиски односи и љубов, но треба да има објаснување во следните денови“, пишува Кујунџиќ, кој е академски скулптор и еден од основачите на партијата ХДЗ, која Тозија грубо ја навреди. Македонија мораше да се извинува за објавувањето на поштенска марка на која Хрватска беше прикажана во границите на „Голема Хрватска“, инцидент кој беше објаснет како ненамерна грешка. Но, откако повеќе хрватски медиуми пишуваа за оваа состојба, Тозија почна да одговара со крајно навредливи коментари за државата, обвинувајќи го премиерот Андреј Пленковиќ дека е фашист и криминалец, а целата негова партија за „усташтво“. „Сведоци сме на куп лажно анти-фашистички, диво антифа настроени навреди и политички коментари од држава на која многу сме и помагале во минатото. Како уметник и човек кој се грижи за угледот на државата Хрватска сметам дека морам да реагирам против овие длабоко анти-хрватски навреди. Државен функционер на македонската Влада, директорот на македонската Агенција за Филм, не нарекува фашисти и криминалци. Тозија потврдува дека ги напишал овие пораки и вели дека имал право да критикува други држави. Овој озлогласен функционер вели дека Владата на Републка Хрватска е фашистичка. Ова е крајно неприфатливо и за ова мора да се повика македонскиот амбасадор и да му се врачи протестна нота, а нашата амбасада во Македонија исто така мора да вложи протест“, пишува во пораката на Кујунџуќ до премиерот Пленковиќ, на кого му се обраќа како долгогодишен пријател, но и како основач на партијата ХДЗ.

„Функционер на македонската влада води антихрватска кампања“ – хрватски медиум обелоденува меѓународен скандал и срам

Ивана Ефремовски — Fri, 22 May 2020 07:39:31 +0000

Хрватските медиуми откриваат скандал. Откако низа Македонци кои живеат во Хрватска алармирале за потезите на функционер на македонската Влада, медиумите истражуваат: Во последните неколку дена нѐ контактираа неколку Македонци кои живеат во Хрватска, згрозени од антихрватската кампања која по социјалните мрежи и во медиумите ја води некој Македонец Горјан Тозија. Тој со месеци пишува по социјалните мрежи дека „Хрватска ја водат фашисти“, дека „ХДЗ е фашистичка партија“, дека „хрватската влада е фашистичка“, дека „Пленковиќ е во пакт со Орбан и заедно ја задушуваат слободата во Европа, па затоа ЕУ ги удри по носот“. Она што е неверојатно е дека оваа контроверзна активност всушност ја спроведува државен службеник на Владата на Република Северна Македонија, директор на Агенцијата за филм. А токму Хрватска и нејзината сегашна Влада е таа која несебично помага и лобира Македонија да стане членка на ЕУ, пишува хрватскиот портал ХРсвијет.нет (Hrsvijet.net). „Споменатиот официјален претставник на македонската влада шири антихрватска хистерија на социјалните мрежи, ги изедначува Павелиќ и Пленковиќ, пишува за ХДЗ дека е фашистичка партија, го навредува градоначалникот на Загреб, ХРТ и Република Хрватска и со тоа отворено се меша во исходот на идниот изборен процес“, пишува овој портал кој е главно ориентиран кон хрватската дијаспора. Порталот истражувал малку за Тозија и неговото присуство во Хрватска веќе подолго време каде што бил „мрежно поврзан особено во филмските кругови со некои т.н. 'филмски и културни фигури', па со нив очигледно има одредени мотиви за пресметка со ХДЗ и Пленковиќ, кои отворено ги нарекува фашисти“. Според порталот, Македонците од Хрватска се изненадени од тоа како македонската влада (по толку многу помош од хрватска страна) толерира вакво однесување на нејзин службеник. Затоа, „Горјан Тозија најверојатно ќе стане предмет на интерес не само на медиумите, туку и на државните институции. Според неофицијални информации, група Македонци кои живеат во Хрватска веќе ги известиле официјалните органи и на Македонија и на Хрватска и побарале санкции за Горјан Тозија и за оние што го штитат затоа што не сакаат тие и Македонија да бидат идентификувани со Тозија и неговите операции“. Во написот на ХРсвијет пишува дека на овие активности на Тозија веќе реагирале хрватски претставници, вклучително и хрватската амбасада во Скопје, а овие информации дошле и до поранешниот премиер на Македонија, Зоран Заев. „Она што го прави Тозија е невиден меѓудржавен скандал и срам за сите Македонци во Хрватска. Но, ова е особено срамно и за македонската vлада, која мора да го разреши ваквиот нелојален службеник кој ја навредува хрватската влада и нејзиниот претседател и долго vreme води грда антихрватска кампања“, вели еден од неговите сонародници со кои разговаравме, пренесува порталот и прашува - кои се неговите заштитници, кои се тие што го држат и покриваат Тозија и чии интереси стојат зад ова? Зошто македонската влада ова го толерира? Дали ова што го прави Тозија е политика на некои кругови во Македонија? Очекуваме одговори и промени, пишува во еден од коментарите на постовите на Тозија по социјалните мрежи. ИЗВОР: HRsvijet