Горан Василевски – Kurir.mk

Еве кој е шеф на военото разузнавање и кој ја брани Шекеринска од бламот што НАТО ни го врати претставникот од Брисел поради соработка со странски служби

Ивана Ефремовски — Wed, 20 Jan 2021 12:04:55 +0000

Кој е шеф на военото разузнавање и кој ја брани Шекеринска од бламот што НАТО ни го врати претставникот од Брисел поради соработка со странски служби? Станува збор за лицето Горан Василевски. Тој е шеф на военото разузнавање кој повеќе делува како гласноговорник на СДСМ отколку како професионалец на функцијата која ја обавува. Беше член на Шарената револуција во моментите кога се палеа македонските институции.Тој има одземен сертификат од судот, а сега е главен извршител на Радмила Шекеринска, во функција на бранител на нејзините лаги по срамот кој го доживеавме. Документите кои со негов потпис се праќаат во НАТО, истите се враќани назад. Дека Шекеринска се крие зад лица на кои судот им го одземал сертификатот и ја загрозува нашата и безбедноста на НАТО, вчера обвинија и од ВМРО-ДПМНЕ. Беа обелоденети и документите кои се доказ за сите тврдења. Шекеринска повторно се крие зад соопштенија и портпароли, наместо да излезе и да каже зошто Македонија 2 ипол години нема највисок воен претставник во НАТО, реагираат од ВМРО-ДПМНЕ. -Шекеринска не одговори ниту зошто и ги враќаат луѓето кои ги праќа во НАТО. Во паника и нервоза, кршејќи го законот за класифицирани информации, офицерот од МО изнесе класифицирана информација во партиска функција. И покрај тоа што Ковачки не спомна идентитет на лица, се истрча да каже дека Ковачки е потпишан на некој сертификат на едно од лицата. Очигледно е дека се нема доволно познавање од законската регулатива според која, единствено Директорот на Дирекцијата за безбедност на класифицирани информации издава безбедносен сертификат (член 49), велат од партијата. -Тоа што Шекеринска преку нејзиниот портпарол го кажа во никој случај не е за политички прес и во најмала рака требаше да пушти друго лице да зборува на темата. Имено, тоа лице кое Шекеринска го пуштила да зборува за безбедносни сертификати, во 2012 година од Суд е одбиено за сертификат. Шекеринска од час во час ја загрозува АРМ и НАТО. Оставка, порачаа од ВМРО-ДПМНЕ.

Се вплеткува ли МО во сопствените лаги во врска со началникот Василевски?

Ивона Петрова — Wed, 07 Feb 2018 13:46:51 +0000

Зошто УБК вршела проверки на воено лице кога тоа се коси со Законот за класифицирани информации и дали станува збор да се изигра законот како би се покрило спорно поставување на овластено лице во тајните служби, се прашањата кои се обиде да ги наметне емисијата „Несомнено“ во врска со назначувањето на полковникот Горан Василевски како прв човек на военото разузнавање. Во членот 50 од Законот за класифицирани информации е точно наведено кој ги врши овие проверки. Таму пишува дека МВР ги врши безбедносните проверки а таму се исклучени службите на Министерството за одбрана. Овие проверки ги врши исклучиво Воената служба за безбедност и разузнавање а како потврда ова го пишува и на официјалната страница на дирекцијата за безбедност на класифицирани информации. Раководителот на военото разузнавање потпишува барање со кое на дирекцијата бара да се издаде сертификат, а во овој случај полковникот Василевски си има потпишано барање за кое на самиот себе од дирекцијата за класифицирани информации бара да му се издаде безбедносен сертификат, вели „Несомнено“. Процедурата налага Василевски да поднесе барање до Военото разузнавање во кое треба да се направат сите проверки па со ново барање до Дирекцијата за класифицирани информации каде ќе му биде одобрен тој безбедносен сертификат. Оттука нејасно е како министерката за одбрана иако спротивно на сите процедури го назначува Василевски на таа позиција иако тој нема поминато безбедносна проверка од военото разузнавање. УБК во ниту еден случај не може да врши безбедноста проверка на воени лица зошто таа е исклучителна надлежна само за цивилните лица, па дури и да го направила тоа не е јасно според кој закон и кој против УБК ги направила овие проверки. Ваквите информации до кои дојде „Несомнено“ се јасен доказ дека процедурата за назначување на Василевски е грубо прекршена. Одговорност треба да преземе и министерката Шекеринска поради ваквото назначување надвор од сите законски норми и правила.

Првиот воен разузнавач Василевски, партиски активист на СДСМ

Ивона Петрова — Wed, 31 Jan 2018 20:01:30 +0000

Не запира скандалот што го објави телевизијата Алфа во емисијата “Несомнено“ во врска со министерката за одбрана Радмила Шекеринска за назначувањето на прв човек на военото разузнавање за кое има сомнеж дека не поседува безбедносен сертифакат. Покрај тоа што е крајно сомнително како полковниот Горан Василевски е назначен на оваа функција уште посомнително покажува како стигнал воопшто до таму. Имено се поставува прашањето дали Василевски функцијата ја има добиено строго по партиска директива. Од Фејсбук профилот на Василевски може да се забележи дека тој воопшто не ја крие својата партиска припадност. Исто така е фотографиран и на протестите на Шарената револуција што се одржуваа пред Владата на Република Македонија. Ваквото партиско назначување воопшто не е непознато за СДСМ. Јавната и државната администрација буквално се преполнува со партиски кадри на СДСМ. Тука не се исклучени и безбедносните агенции за кои безбедноста на граѓаните треба да биде приоритет, а не партиската припадност. Шекеринска и МО им должат објаснување на граѓаните, како Василевски е назначен и дали се испочитувани сите услови при негово назначување? Дали партиската припадност била клучот за брзото добивање на сертификатот и назначување, дали се направени законски прекршување и уште многу други прашања треба да бидат одговорени.