горазд росоклија – Kurir.mk

Росоклија за СДСМ: Интелектуална и морална дегенерација

Предраг Кукиќ — Mon, 06 Jan 2020 15:13:49 +0000

„Национално предавство, нацистичка форма на антисемитизам, вулгарно манифестирана хомофобија и партиско раководство заглибено во криминал, е сликата на моралната и интелектуална дегенерација на партиската врхушка на СДСМ“, напиша на фејсбук професорот на Универзитетот „Колумбија“ во Њујорк, Горазд Росоклија. Тој преку објавата на фејсбук реагира на вчерашните напади на функционери на СДСМ кон министерката во МТСП Рашела Мизрахи, на верска и национална основа, затоа што е Еврејка.

Росоклија: Кога маже расмислува за мажи, спортски гиганти

Предраг Кукиќ — Tue, 15 Jan 2019 16:46:48 +0000

Професорот Горазд Росоклија има свој став за сите оние кои предлагаат суспензија за ракометарите кои по победите на СП во соблекувалната ја пееле песната „Бисер Балкански“. КОГА МАЖЕ РАЗМИСЛУВА ЗА МАЖИ СПОРТСКИ ГИГАНТИ Само суспензија за такво недело? Мал престап ли е што победиле бранејќи ги националните бои на нација која треба да не постои, а тие се осмелиле и да пеат. И не ја пееле Лили Марлен, не ги пееле грчките фашистички песни, не пееле дека на Македонците ќе им ги вадат очите (сами си ги вадат), ја пееле ,,Бисер балкански“! Каде се оние златни времиња кога за многу помалку Тито и титовите ги праќаа луѓето во темнина од која никогаш не се враќаа? Ниту екстремната глупавост која овој карактер безброј пати ја покажал, не може да го објасни ,,предлогов“? Јас предлагам целиот тим, за секоја победа да биде казнет па да видиме дали ќе победуваат и дали ќе пеат. Зол маж! Патетичен општествен отпадок! Има ли нешто полошо и поодвратно? Нема!!!, напиша професорот Росоклија на својот профил на Фејсбук.

Росоклија: Јане Ченто со својот дух ги инспирира Македонците и ја плаши власта, затоа го држат во затвор

Ивана Ефремовски — Wed, 05 Dec 2018 15:27:46 +0000

Зошто го држат во затвор Јане Ченто?-прашува професор Горазд Росоклија и самиот одговара: Затоа што не успеваат да го скршат! „Со својот дух ги инспирира Македонците и ја плаши власта. Крвта вода не е, и вода не станува. Синовите и внуците на татковците и дедовците кои му слугуваа на Белград, денес слугуваат буквално секому, секому што не е Македонец. Најстрашниот затвор не е тој во кој те става власта, туку стравот кој власта сака да го разбуди кај луѓето. Стравот ја одзема способноста за разумно размислување и го става човекот во затвор без решетки и стражари. Го замолчува и од него прави жив мртовец. Човечко битие со загубено самочувство и без самореспект-крпа! Менторите, странски, на инсталацијава која се однесува како власт, крволочна болшевичка власт, знаат дека било какви одлуки да донесе собранието, нема да опстојат ако не го скршат духот на Македонецот“-пишува Росоклија на својот Фејсбук профил.

Росоклија: Оваа багра ниту Господ не може да ја спаси од нејзиниот народ!

Ивана Ефремовски — Sun, 18 Nov 2018 16:53:27 +0000

„ОВАА БАГРА НИТУ ГОСПОД НЕ МОЖЕ ДА ЈА СПАСИ ОД НЕЈЗИНИОТ НАРОД“-со овие зборови, Горазд Росоклија го почнува својот пост на Фејсбук каде ја критикува власта и нејзините постапки за да се спречи денешниот протест. -Власт која од сопствениот народ се обидува да се спаси со блокада на патишта, не сфатила дека идејата, достоинството и слободниот човек не можат да бидат запрени или уништени со физички бариери. Ништо и никој не може да ги спаси!, пишува Росоклија.

Росоклија: Неделна ноќ посветла од ден, браво Македонијо!

Предраг Кукиќ — Sun, 30 Sep 2018 21:32:37 +0000

Професорот на Универзитетот Колумбија, Горазд Росоклија преку својот Фејсбук профил се произнесе за денешниот референдум. За него Македонија и Македонците ја пишуваат историјата на Европа. Во продолжение Фејсбук статусот на Горазд Росоклија: НЕДЕЛНА НОЌ ПОСВЕТЛА ОД ДЕН Денес, Македонија и Македонците ја пишуваат историјата на Европа, а можеби и првата страница од еулогијата на ЕУ. Македонија е земја на велик народ и мали луѓе во улога на лидери кои судбината на земјата и народот ги жртвуваат за своите приземни интереси. Луѓе кои во САД не би излегле од затвор заради криминал, поддржани се од САД и ЕУ како политички лидери за да го спроведат македонскиот холокауст на 21 век. И не само овие, и тие пред нив, како и ,,столбовите” во националните институции кои секоја година ги гледаме во ред за лигавење. Националното самоубиство кое ни го нудат не е и не може да биде лек за проблемите на Македонија. За нас Македонците поразот во оваа борба не постои како опција. Националниот идентитет се гради со генерации и се брани со генерации. Браво Македонијо!

Росоклија: Ќе спиеме со главите закопани во песок или ќе се разбудиме и сопствената судбина ќе ја земеме во свои раце?

Катерина Бојаџиева — Wed, 13 Jun 2018 08:51:53 +0000

Професорот Горазд Росоклија на својот Фејсбук профил објави „Кратка историја на македонското време“. Ќе спиеме со главите закопани во песок или ќе се разбудиме и сопствената судбина ќе ја земеме во свои раце?, прашува тој. -КРАТКА ИСТОРИЈА НА МАКЕДОНСКОТО ВРЕМЕ (потсетување на пред две години напишаното) Историското ВМРО е интелеклтуалната елита на Македонија. Историската КПМ, до 1945 година е интелектуалната елита на Македонија во која влезе и најголемиот дел на некогашната ВМРО елита. Примитивците, сељаците, провинцијалците (сите три обележја како културни категории, не како професионални или географски одредници) ги елиминираа паметните и чесните, ја киднапираа револуцијата и ја проституираа во сопствена полза. Прво влегуваа во домовите на луѓето и грабаа сѐ што им се допаѓа, а потоа мораа украденото некаде да го сместат па ги изградија вилите на Водно. Македонскиот Версај! Претпоставувам, мирисот на тревата ги потсетуваше дека се овци во трлото на маршалот. Според личниот (не)морал ги воспитуваа и своите наследници. И токму тие нивни наследници останаа во Македонија прилагодувајќи се на мултипартиската ДИКТАТУРА подобро од било кој. Едуцирани колку што можеа да бидат во системот на образование, доедуцирани (индоктринирани) на курсевите организирани од разните НГО-а (сите исти), како што нивните претходници беа индоктринирани во Кумровец. Интересот, а не идеологијата која ја немаа и ја немаат, ги зачлени во партиите, правилно распоредени во сите македонски партии без исклучок! Некои се зачленуваа во една, други во неколку, сѐ според „идеологијата“, која партија што нуди во дадениот момент. Ние ги гласавме и се каравме меѓу себе, се каравме за шљам од кој нормалните луѓе се срамат. Во Македонија продолжија да се раѓаат и паметни, и воспитани на чесност, на морал, на етичност, цветот на македонскиот интелект и вредности. Тој цвет ако успееше да излезе надвор од земјата, остана таму. Тие што останаа во Македонија, ничиите деца, ничии партиски, деца на родители кои не испокрале за да имаат „статус” во општеството, венееја и венеат сѐ до денес. Без светлина за да прогледаат, без кислород за да дишат, загушени и тие и македонската држава од ,,децата на државата“, или од биолошките деца на лоповската багра, или од партиски деца.... Како логичен резултат на ваквиот „историски развој“ имаме исчезнување на македонската држава и еден парадокс? Луѓе кои со своите способности си ја отвориле вратата на светот и на кои оваа партија, онаа партија, топтан сите партии немаат ама баш ништо да им дадат, се залагаат за зачувување на македонската држава. Луѓе кои на крајот на 2018 ќе бидат на бугарска социјална помош со ЕУ пари, се залагаат за што побрзо исчезнување на македонската држава и попатно ги плукаат првиве кои утре ќе ги молат да ги вработат како прислужници за да преживуваат. Што ќе прават? Кај ќе одат? Од што ќе живеат? Како ќе живеат? УКИМ, МАНУ кои ќе бидат утре? Стануваме територијално осакатена западно балканска провинција на најсиромашната балканска држава? Ќе спиеме со главите закопани во песок или ќе се разбудиме и сопствената судбина ќе ја земеме во свои раце?, пишува Росоклија.

Росоклија: Ние Македонците ја губиме македонската држава – ќе не избришат од списокот на нации во светот

Ивона Петрова — Sat, 26 May 2018 15:42:43 +0000

Ние Македонците ја губиме македонската држава и после завршување на ,,преговорите“ во Њујорк, кои за безкарактерниов карактер што глуми преговарач и политичар, ,,ќе бидат многу напорни, но тој за нас ќе го извлече најдоброто можно“, ќе не избришат од списокот на нации во светот, пишува Горазд Росоклија на својот Фејсбук профил. -А ние? Ние ќе продолжиме да молчиме и да се надеваме дека нема да ни се случи тоа што ни се случува. На фотографијата е Охрид денес, можеби не за долго наш, пишува Росоклија на Фејсбук.

Росоклија: Државата не постои, нацијата ја бришат

Ивана Ефремовски — Mon, 07 May 2018 09:08:10 +0000

Државата не постои, нацијата ја бришат, пишува професорот Горазд Росоклија на својот Фејсбук профил. Тој анализира дека Заев и тие околу него купуваат време (месеци), давајќи им на сите (коалициони партнери и соседни држави) сè што ќе побараат. -ДУИ се позиционира за поделба на територијата и за (одработен) статус на неговото лидерство во Голема Албанија. МПЦ е веќе етаблирана како БПЦ и свештенството ќе ги задржи своите позиции во делот што ќе се припои кон Бугарија. Амбасадорите под чии диктат се случува сево ова, ќе се пензионираат како милионери. Историјата што во последните 100-тина години ја создававме како Македонци ќе стане фуснота во бугарската и албанската историја. Нè носат на кланица, а ние (мнозинството) очекуваме подобар живот, пишува професорот Росоклија.

Росоклија: Случајот „Монструм“ е национална трагедија, само гадови може да прикриваат гадови

Ивана Ефремовски — Wed, 18 Apr 2018 14:52:49 +0000

Смилковско езеро е национална трагедија и национална срамота. Само луѓе гадови, можат да штитат и прикриваат гадови, пишува Горазд Росоклија како коментар на веста за изјавата на родителите на едно од убиените момчиња. -Како човек чувствувам гадење кон сите што ја опструираат правдата, особено кон судиите и судството. Како родител на 4 деца не можам ниту да замислам како би реагирал да сум еден од родителите на убиените деца. Пишувам и ми врие во градите. Кога станува збор за Заев, тој е најмалку виновен за тоа што го прави, како го прави и за тоа што не го прави. Беше потребна само едната мозочна хемисвера за да се види кој е, што е, какви капацитети има, во чии канџи е. После апсењето, борбата за неговиот гол живот, ја пренесе врз земјата и врз македонската нација. Сите, со сесрдна помош на претпоставената интелектуална елита, не бутна во амбис, во септичка јама. За него знаеме дека ќе се удави, за нас не знаеме кога ќе испливаме, пишува професорот во друг коментар.

Росоклија: Оваа власт ги помина сите црвени линии во владеењето со Македонците

Курир — Mon, 22 Jan 2018 08:53:18 +0000

Членот на МАНУ надвор од работниот состав и професор на Универзитет „Колумбија“ во Њујорк, Горазд Росоклија, со жесток коментар на „Фејсбук“ за начинот на владеење на сегашната власт во Македонија, со акцент на немањето црвени линии за идентитетските прашања. „Инсталацијава што има статус на власт нема црвена линија кога е во прашање националниот интерес. Тоа ми е разбирливо затоа што е составена од луѓе кои не вградиле ништо во вредностите на нацијата, а од Ништо лесно е да се откажеш. Но, оваа власт ги помина сите црвени линии во владеењето со Македонците, по што ним, на властодршците, не им останува простор за живеење по владеењето. Држењето во притвор на интелелктуалната, уметничката и културната елита на земјата и преплавување на македонските градови со ослободени криминалци и убијци е само врвот на пирамидата на злото која ја изградија. Дали размислиле што по јуни? Што по влегувањето во НАТО? Дали размислиле за судбините на категоријата безначајни политичари ситни криминалци како нив во минатото? Дали знаат што се случи со Санадер? Ќе доаѓаше во Њујорк, му ја поништија визата, го уапсија во ЕУ и им го дадоа на Хрватите да го стават во затвор. Дали знаат за судбините на крупните државници и криминалци како Пахлави, Маркос, Нориега? Никој никаде не им даваше азил, Америка им ги затвори вратите и ги завршија животите во затвор или во избеглиштво, кај што им беше земено сѐ што украдоа, бидејќи тие што ги прибраа беа од истиот криминален ков како нив. Каде ќе побегнат ‘нашиве’ од следната власт и, уште поважно, од сопствениот народ? ‘Џентлменскиот’ договор ‘ќе крадеме и нема да се апсиме едни со други’ меѓу ДПМНЕ и СДСМ нема повеќе да функционира, бидејќи некои други и различни ќе ја имаат власта. — со Иванчо Попов и Тони Наумовски“, напиша Росоклија во статусот насловен „Инсталација“, покрај фотографијата од протестот во Њујорк.