гордан калајџиев – Kurir.mk

Професор Калајџиев за случајот на Јанакиески: Нема пречка притворите на осудениот да му се засметаат во правосилна казна

Ивана Ефремовски — Thu, 06 Jul 2023 20:49:39 +0000

Нема вистинска пречка притворите од различни постапки на осудениот да му се засметаат во правосилна казна; повеќето (ограничени) правници ќе тврдат дека тоа не е предвидено во закон, вели професорот по кривично право Гордан Калајџиев. „Законите се пишуваат по претпоставка еден обвинет една постапка. Ако случајот е комплексен (inter alia еден обвинет 10 постапки, решенијата ги бараме во правните принципи (R. Dworkin). Принципот на правичност бара фер компензација (restitutio in integrum)“ - пишува тој на својот фексбук профил.

Професорот Калајџиев удри по градоначалниците Арсовска и Герасимовски

Тале Кристо — Wed, 12 Oct 2022 19:44:16 +0000

-Држава што има повеќе пајак возила од противпожарни е полициска!!, коментира на социјалната мрежа на Феејсбук универзитетскиот професор Гордан Калајџиев.

Калајџиев: Системот пука по сите шавови, тој процес почна пред две години со непочитување на одлуките на Врховен

Ивона Петрова — Thu, 18 Aug 2022 12:41:24 +0000

Професорот Гордан Калајџиев во вчерашното гостување во Телма телевизија вели дека уште пред две години укажувал дека правниот систем во земјата пука. За почеток на ваквиот процес, Калајџиев го смета непочитување на донесените одлуки од страна на Врховниот суд. -Гледаме дека системот пука по сите шавови, не е тоа ни најново. Јас укажував уште пред две години дека кога настана тој расцеп помеѓу Врховниот суд од една страна и Обвинителството, а на страната на Обвинителството застанаа Кривичниот суд и Министерството за правда, а наспроти Врховен со негова дисквалификација и непочитување на неговите одлуки. Тоа значеше распад на системот и очигледно продолжува да се распукува. За жал никогаш нема да дознаеме кои биле проблемите за кои постојат сомненија внатре во Финансиската полиција, за што има разни сериозни говорења, вели професорот Калајџиев. За потсетување, Врховниот суд во 2019 година по поднесени иницијативи утврди начелно правно мислење дека СЈО по истекот на рокот од 18 месеци, не е овластен тужител за преземање на јавнообвинителски работи на предистражни и истражни дејствија предвидени со Законот за кривичната постапка. Ваквата одлука на Врховиот суд не беше испочитувана од Обвинителството кое беше поддржано од Кривичниот суд и Министерството за правда во водењето нa противзаконски судски случаи.

Калајџиев: Недемократска е заканата на Џафери преку органи на прогон да повикува да се решава политичка битка

Ивона Петрова — Fri, 28 Jan 2022 10:27:20 +0000

Несоодветна и недемократска е заканата на претседателот на Собранието Талат Џафери преку органи на прогон да повикува да се решава политичка битка и функционирање на Собранието, смета Гордан Калајџиев, проферсор-кривичар на Правен факултет „Јустинијан Први“, откако Џафери во интервју на Сител повика институциите да го штитат Уставот за да може Собранието непречено да работи, алудирајќи на одбивањето на пратеникот Антонијо Милошоски да ја свика комисијата за надворешни работи за избор на амбасадори, пишува „Слободен печат“. -Несооодветна е заканата на претседателот на Собранието. Ова е повеќе политичка борба и несоодветно е да се решава со органи на прогон како МВР или обвинителство. Интервенција на органи на принуда за функционирање на Собрането е недемократски чин. Ултимативно дејствување во Собранието ни како закана не е прифатливо. Не ценам дали дејствувањето на претседателот на комисијата е оправдано или не, но решенијата треба да се бараат во парламентот, а не преку органите на прогон, вели Калајџиев.

Калајџиев: Маричиќ да објасни како тоа ќе има меѓународни истраги за пресудени предмети

Ивона Петрова — Sun, 05 Dec 2021 13:37:56 +0000

Зоран Заев и Африм Гаши денеска ставија потпис на договорот за коалиција, а меѓу позначајните барања кои се одобрени од СДСМ и ДУИ е меѓународна истрага за судски процеси кои се воделе во Македонија, а биле оценети како политички инструирани. Оттука стручната фела почна да се огласува по социјалните мрежи и да го прашува министерот за правда, Бојан Маричиќ како може да пресудени предмети да се води меѓународна истрага. -Се моли министерот за правда да објасни како тоа ќе има меѓународни истраги за пресудени предмети?, прашува професорот Гордан Калајџиев. -Владата ќе побара екипа од независни експерти да направат меѓународна истрага за Монструм, Алмир Алиу и така натака. Владата ќе донесе закон за меѓународен развој за развој на липковскиот регион. Владата ќе развие и ќе спроведе политики за правата на сите заедници во државата, а особено ќе ги поддржи тие за семејството. Ќе ги поддржи политиките за борбата против криминалот и корупцијата. Владата ќе го ревидира законот за извршување кој треба да е во интерес на граѓаните, а потоа на институциите. Владата ќе направи стратегија за развој и квалитет на образованието. Владата ќе работи за спроведување на проектите на сите нивоа, преку зголемување на одговорноста кај функционерите“, кажа Гаши додавајќи дека ова е дел од новата владина програма.

Калајџиев за изјавата на Пендаровски: Ако сметал дека имало неправда во судењата за 27-ми април, има уставно право да ги помилува

Ивана Ефремовски — Tue, 04 May 2021 20:18:00 +0000

Професорот по кривично право Гордан Калајџиев, вечерва во „Неделен брифинг со Сотир Костов“ во врска со изјавата на претседателот Пендаровски за 27-ми април, рече дека истата изјава била чудна затоа што доколку смета дека судењето е неправедно тој има уставна алатка за помилување за тие лица. -Ја слушав изјавата на претседателот Пендаровски и морам да признаам дека му беше чудна изјавата за 27-ми април, па тој сам изјавува како не е среќен и како има тука некоја неправда, ама поради тоа што бил легалист ќе оставел тоа да го бараат други, да бараат повторување на постапката, а законот и Уставот му даваат на него право кога ќе почувствува дека низ судењата или другите механизми правдата потфрлила, да го користи помилувањето, така да тоа може да го користи, истакна Калајџиев.

Калајџиев за 27-ми април: Ова дело не е класичен тероризам, а казните за истото се драконски

Ивана Ефремовски — Tue, 04 May 2021 18:53:55 +0000

Поранешниот професор по кривично право Гордан Калајџиев вечерва во „Неделен брифинг со Сотир Костов“ на Инфомакс.мк во врска со судењата за случајот за 27-ми април истакна дека тоа дело не е класичен тероризам, како и дека казните кои се изречени за истото се драконски. -Ова дело не е класичен тероризам, ние класичен тероризам го имаме како дела против државата, но е многу блиску до тие дела затоа што за нив се бара намера за внесување на страв несигурност, тероризмот е начин на сеење на страв со опасни дејствија. Во овој случај имаме различни групи и индивидуи чии намери се различни, а намерата е многу деликатна за да се одреди, ако го земеме во предвид едно друг случај како што е „Монструм“, од субјективната страна за тоа која е намерата може да биде тероризам, може да биде и дел од омраза, јас сум убеден и мислам дека подобра квалификација за тоа дело би било дела од омраза, рече тој. Калајџиев објасни дека делото тероризам многу често оди со организирана група, многу ретко има или би било тешко да се конструира од еден настан или настан со реакција да се квалификува заради насилството како тероризам или дека е директно е насочен кон уставниот поредок. -Нема логика казната вооружен бунт којшто би значел група луѓе организирани против државата со оружје, каде се предвидува казна затвор од најмалку пет години, од пет до 20 години, а за ова дело има дури и потешки казни, по мене не се суштински исполнети обележјата на делото, очигледно дека тука намерата не е трајна и издржана намера која е јасно изразена, па тука не можеме да кажеме за најголем дел од луѓето е тешко да се конструира намера за вршење на преврат на власт без да се има поголемата слика, појасни Калајџиев. Калајџиев вели дека во принцип секое насилство раѓа страв, но тука е битна намерата или умислата со која се врши делото.

Калајџиев: Обвинителството злоупотребува одредени постапки со замрзнување имоти, притворања, рекетирања и постои политичка и правна злоупотреба

Катерина Бојаџиева — Wed, 07 Apr 2021 18:46:14 +0000

Универзитетскиот професор по право Гордан Калајџиев вечерва во Топ тема на Телма телевизија истакна дека во одредени случаи Обвинителството ја злоупотребува постапката со замрзнување имоти, притворања, рекетирања и постои политичка и правна злоупотреба, која се докажа во случајот со Катица Јанева. -Ќе решиме многу проблеми за Обвинителството ако одлучиме да го напуштиме политизираниот избор на првиот човек, бидејќи за џабе имаме избори од независно тело како Судскиот совет кое има проблем со својата независност, ако таму првиот човек е поставен од Владата, мислам дека е време серизоно да се размисли за ова прашање, вели професорот. Калајџиев го коментираше извештајот на Стејт департментот во делот на судството и обвинителството, па вели дека дел од забелешките се и во делот на долгите истраги особено оние кои биле водени од СЈО, како случајот Империја. -Злоупотребата на постапката во тој случај, заедно со новото водење на постапката укажува на тоа дека на некој начин Обвинителството ја злоупотребува постапката и не е логично луѓе да бидат под притисокот со замрзнати имоти, со притворања, особено не со рекетирање подолго време за случаи кои се предмет на политички и правни злоупотреби, од кои видовте дека се докажа и во случајот каде одговараше и обвинителката Катица Јанева, истакна Калајџиев.

Калајџиев: Освен реторика нема поместување со борбата со корупцијата, СДСМ ја прокоцка шансата која и беше дадена

Ивона Петрова — Fri, 05 Feb 2021 11:14:56 +0000

Универзитетскиот професор Гордан Калајџиев во Утрински брифинг вели дека со измислување на нови позиции како вицепремиер за борба против корупцијата нема никакво поместување во борбата со корупцијата. -Она што најмногу ја интересира јавноста е високата корупција врзана со поврзана со полиичката елита па се надоле до администрацијата и таа има свој корен во тоа на кон начин функционира системот заробен од политичките партии. Освен реторика и некакви лажни борби од типот на измислени функции како вицепремиер за борба против корупција, такви измислени позиции кои што се противречни сами на себе бидејќи имаат судир на интереси, нема вистинско поместување, вели Калајџиев. Според него, со изборот на Народниот правобранител практично е згазен Уставот посочувајќи дека со самото тоа дека се договара дали местото ќе припадне на македонскиот или албанскиот блок од таму започнува пазарот, додавајќи дека на ваква позиција во нормална држава се поставува човек кој ужива висок интегритет и углед и кој е борец за човековите права. -Еве гледате имаме Народен правобранител, практично е згазен Уставот со поставување на партиска личност Народен правобранител. Прво е договорено или продадено да не речам дали ќе биде македонско или албанско местото, тука почнува пазарот, е после откако е поделено македонско или албанско местото се дели меѓу коалицијата, меѓу партиите и едноставно тоа е понижување на Уставот. Во нормална држава на тие позиции Омбудсманот ако нема силни правни алатки, ако нема интегритет кај личноста значи тоа мора да е личност што во јавноста ужива огромен углед, како борец за закони, човекови права и слично. Чим имате вие партиски човек кој што го доби ова поткусурување на нивните амбиции истиот да биде премиер, нема систем, рече Калајџиев. Професорот смета дека власта обидувајќи се да најде решени на проблемите измислува работи како ветингот, нагласувајќи дека всушност ветингот сам по себе е фаќање на сламка од страна на власта. -Власта притисната од реалните проблеми и обидувајќи се да најде некакви решенија на дневна база измислува вакви работи на пример како ветинг. Ветингот сам по себе е фаќање на сламка, ние имаме солиден систем кој кога би функционирал би ги разрешувал сите судии кај кои што има пропусти во работењето и тука по мене не би требало да се меша Антикорупциска комисија, рече професорот Калајџиев. На прашањето, дали би имал мотив да влезе во граѓанска иницијативност против оваа влада како што не декларира Економист хибриден режим, Калајџиев истакна: Морам да признаам дека СДСМ ја прокоцка таа шанса која што и беше дадена а која што ја поддржавме и невладините организации и други универзитетите, меѓународната јавност, и малку и се заборави дека тоа не е нивна победа или може мислеше дека еве вака ќе врати некој од учесниците на шарената револуција на позиции и со тоа ќе има вратите на луѓето. Не можете едноставно по ваков дебакл што се случи со немање на нула резултати со враќање на правна држава во едно па би рекол догледно време, е убиена надежта и тоа го гледате вие во секојдневниот живот. Вие веќе немате вистински реални протести иако имате огромно незадоволство.

Професор Калајџиев: Немаме капацитет за правна држава и независно судство – разочаран сум поради изневерените очекувања

Дарко Андоновски — Fri, 05 Feb 2021 10:47:29 +0000

Корупцијата има различни појавни облици. Она што најмногу ја интересира јавноста е високата корупција врзана со поврзана со полиичката елита па се надоле до администрацијата и таа има свој корен во тоа на кон начин функционира системот заробен од политичките партии. Освен реторика и некакви лажни борби од типот на измислени функции како вицепремиер за борба против корупција, нема вистинско поместување, вели проф. Гордан Калајџиев за Слободен печат и додава дека партиите кога ќе додјат на власт сметаат дека им е природно да земаат од колачот. -Се сеќавате дека јавно со години, со насмевка тоа го зборуваше и Љубчо Георгиевски. Мислам дека доаѓаат на власт со желба да делат првилегии и така го делат колачот. Кога имате цела администрација политички поставена луѓето мислат дека со тоа што работеле за партијата, од лепење пплакати па нагоре, дека кога ќе дојдат на власт имаат право на дел од колачот, вели Калајџиев. Тој додава дека она што најмногу ја интересира јавноста и добива внимание е дали е санкционирана елитната корупција. Имавме една реторика, луѓето беа занесени со шарена револуција дека ќе дојде време на независни судски институции, но тоа не се случи, местата се далат од етнички па партиски. Успеваат некако да наметнат моќ. -Обичнит есудии патат од доза на традиционална сервилност што е културен и психолошки феномен. Исто како и обинителството. Јас бев автор на овој закон кој што е сега на сила. Направивме силен концепт Обвинителството да стане ултра моќна институција која ќе има сопствена полиција, сопствени истражители. Тоа по сила на прилика се оствари кај СЈО, во другиот дел не профункционира што е одговорност на првиот човек на обвинителството. Ние и денес имаме обвинителство слично како и во време на Груевски. Поставување со согласност на владејаката политичка партија. Ова е проблем со кој се соочуваме уште од почетокот. Никогаш не се изгради култура на поделба на власта. Институции кои ќе ги водат лица со интегритет. Имаме газење на Уставот со поставување на партиска личност народен правобранител. Прво е договорено дали ќе биде „македонско“ или „албанско“ местото, па после се оди надоле и тоа е понижување на Уставот, вели Калајџиев. Целиот текст прочитајтето го ТУКА.