гордана димитриеска- кочоска – Kurir.mk

Димитриеска Кочоска: Владата нема ниту една капитална инвестиција, инвестиција се гледа со голо око, а ние не можеме да видиме ништо

Ивана Ефремовски — Fri, 03 Nov 2023 09:55:55 +0000

ВМРО-ДПМНЕ ќе се бори против корупција и криминал од една страна затоа што оваа структура на луѓе сака да ги задржи младите во државава, но и поради уште една работа. Ние мора да се бориме против корупција, криминал, сива економија, немаме простор, Буџетот веќе не остава простор. Во седум години владеење на СДСМ јавниот долг во државата е зголемен за 3,6 милијарди евра, рече Гордана Димитриеска Кочоска, потпретседател на ВМРО-ДПМНЕ на гостување во емисијата „За или против“ што се емитува на телевизија Алфа. Димитриеска Кочоска се осврна на разликата на јавниот долг сега и претходно. „За разлика од тоа за 10 години владеење на ВМРО-ДПМНЕ имаме зголемување на јавниот долг за 2,8 милијарди евра. Значи од 2,8 за 10 години на 3,6 за 7 години. Патишта видовме да изградат, во некое друго време патишта се изградија, зборуваат глупости и не знам како не се срамат. Дали нешто се направи за образование, дали се направи нов клинички центар, кратат пари за доедуцирање на лекари, инвестиции во култура има, нема и слично“, кажа Димитриеска Кочоска. Оваа Влада лаже, лажат сите од власта, вели Димитриеска Кочоска говорејќи за постапките на претставниците на власта. „Еден вицепремиер како Фатмир Битиќи треба да знае за секоја една инвестиција бидејќи е платена од Буџетот, треба да знае колку точно е платено и уште колку треба да се плати. Колку инвестиции има државава во нивно време, ама не зборат затоа што не им одговара. Знаете зошто? Затоа што сега ако ги погледнеме капиталните расходи ќе видиме дека таму има комплетно неправилно евидентирање на трошоците или расходите. Тоа значи дека Влада носи одлука за над 300 милион евра, еве 230 милиони евра во 2022 година пари кои ќе се префрлат на ЕСМ притоа 97 милиони од тие пари се префрлаат како капитални инвестиции и со таква трансакција се евидентираат, а ЕЛЕМ ги користи за оперативни расходи. Е сега ако вицепремиерот тргне да образложува инвестиција треба да го каже ова, а тоа не му одговара“, изјави Димитриеска Кочоска. Оттука, ако се има во предвид погоре кажаното, додаде Димитриеска Кочоска станува збор за тоа дека станува збор за лажирање на финансиски извештаи. Таа посочи дека сето ова треба да се провери затоа што ако е вака е кривично дело и за тоа се одговара. „Сето ова ќе се испита, како се носеле одлуки, како се евидентирало. Ние не знаеме за колку вакви случаи станува збор, ако ние не гледаме со голо око инвестиција тогаш значи парите одат за нешто друго“, кажа Димитриеска Кочоска. Димитриеска Кочоска се осврна и на фактот дека во последните три години има голем буџетски дефицит. „Што значи тоа? Тоа значи дека трошиме многу повеќе од тоа што прибираме. Три години по ред имаме 500 милиони евра дефицит. И во континуитет има задолжување. Во исто време не се борат со сива економија и што гледаме? Зголемување плати, легитимно е народот си бара и треба да бара зошто трошоците се многу зголемени, парно поскапи, се поскапува. Притоа не се способни ветерниот парк втора фаза да го завршат им го оставивме готов и понатаму нема ништо. Една работа не можат да ја завршат. Махери се само да упропастат се“, рече Димитриеска Кочоска. Димтриеска Кочоска посочи дека новата влада ќе тргне од многу длабоки минуси и ќе биде тешко, ама се се средува и за сите ќе важи истото правило.

Димитриеска Кочоска: Раст на економија не може да оствари оваа власт која гледа како да украде, а не да создаде, немаме капитални инвестиции, најлоши сме на Балканот

Катерина Бојаџиева — Tue, 31 Oct 2023 19:20:48 +0000

Седум проценти раст на БДП може да оствари некоја друга економија, но не македонската. За да може да има таква стапка на раст на БДП треба да има инвестиции, а ако ги погледнеме бројките на инвестиции, тие се вознемирувачки, компаниите многу малку реинвестираат, изјави потпретседателката на ВМРО-ДПМНЕ, Гордана Димитриеска Кочоска за „Тема на денот“ во Дневникот на Сител. Таа истакна дека тоа значи дека компаниите или не ја гледаат иднината во Македонија или има друг проблем како што е економската нестабилност, но и човечкиот потенцијал, нема работна сила. - Ни треба и поголема продуктивност, опрема, машини, нови технологии, извоз. Тоа е сложен процес и не може да се оствари од оваа влада. Треба да има континуитет, да се работи ден и ноќ посветено да се мисли како да создаде, а не да украде, за да може да има резултати. Не може да зборуваме за некаков економски развој и да зборуваме дека капиталните инвестиции се клучни ако во исто време знаеме дека 230 милиони евра му се дале на ЕСМ, а тие ги користат за оперативни трошоци. Нема инвестиции тоа е најстрашното, потенцираше Димитриеска Кочоска. Таа додаде дека кога ќе се смени власта ќе биде голем предизвик, ќе се направи анализа и да се види кои се капиталните инвестиции што се реализирани затоа што ништо сега не гледаме. Зборуваме за автопатишта но кажете кој автопат е направен? Денес не гледаме ништо. Не може да зборуваме за развој ако капиталните инвестиции се злоупотребуваат. Најлоши сме на Балкан, а порано бевме најдобри, нагласи Димитриеска Кочоска.

„Животниот стандард на граѓаните е нарушен, коруптивната власт зголеми ДДВ на производи кои не се луксузни, ВМРО-ДПМНЕ ќе ја ревидира листата“

Тале Кристо — Tue, 31 Oct 2023 19:12:48 +0000

Ние отсекогаш зборуваме дека инфлацијата кај нас не е само резултат на увезена инфлација, туку има и домашни фактори кои влијаат на зголемување. Кај нас инфлацијата започна порано. Има во континуитет несигурност кај приватниот сектор која постојано се менува. Имаше замрзнување на трговски маржи, па замрзнување на цени, па одмрзнување, па повторно замрзнување, па фокусот беше на производителите, па на трговците. Комплетен хаос, изјави потпретседателката на ВМРО-ДПМНЕ, Гордана Димитриеска Кочоска за „Тема на денот“ во Дневникот на Сител. Таа посочи дека власта при висока инфлација почна да зборува за даночните реформи, го воведоа Законот за данок на солидарност и тоа создава ненормална атмосфера за приватниот сектор кој не знае што го очекува утре и како резултат на тоа ние имаме поголема инфлација. - Во исто време кога имате зголемени плати на функционерите праќате порака на сите останати дека и тие треба да имаат очекувања и револтот почнува. Секој бара повисока плата затоа што животниот стандард е нарушен и ако може функционерите зошто не може другите, додаде Димитриеска Кочоска. Во однос на цените таа додаде дека и хаосот е огромен, само во декември минатата година имаше раст на храна за повеќе од 32-33% во однос на претходната година. - Што значи дека со замрзнувањето на цените прашање е што ќе се случи откако ќе се одмрзнат. Во исто време се товарат истите компании со даноци, а не се сузбива сива економија, се менува начин на работа, зголемени трошоци и сето тоа има влијание и затоа со замрзнувањето се купува месец, два, а после има нагли скокови. Сега зголемија ДДВ на огромен број на производи на кои не би рекла дека се луксузни. Во исто време покажуваат колку се неспособни и колку се коруптивни, потенцираше Димитриеска Кочоска. Димитриеска Кочоска нагласи дека ВМРО-ДПМНЕ кога ќе ја формира владата ќе направи ревидирање на листата затоа што констатирани се производи кои не се луксузни и не може да се даночат со повисока стапка.

Димитриеска Кочоска: Од 2019 година до денес цената на електричната енергија е зголемена за повеќе од 50%, тоа е резултат на тендери во 4 очи и недомаќинско работење

Катерина Бојаџиева — Tue, 31 Oct 2023 18:37:50 +0000

Ова поскапување на парното не е резултат на тоа што има промени во цените на енергенсите, туку исклучиво е резултат на тоа што во еден изминат период компанијата која снабдува со топлинска енергија направи договор компанија која понуди цена на гасот повисока од таа која компанијата ја доби од македонска голема компанија, изјави потпретседателката на ВМРО-ДПМНЕ, Гордана Димитриеска Кочоска за „Тема на денот“ во Дневникот на Сител. Таа истакна дека во тој период се направи тендер во 4 очи врз основа на кој се плаќа повисока цена. - Она што повеќе загрижува, владата имаше субвенционирање, трансфер на дел од средства од буџетот кон ЕСМ топлина која требаше да ги искористи средствата за да ги сервисира обврските, но ако ги погледнете податоците, ќе видите дека оваа компанија е една од најголемите должници, истакна Димитриеска Кочоска. Димитриеска Кочоска посочи дека не може дас е оправда со енергетската криза, затоа што владата склучи таков договор. - Кога станува збор за струјата и таму состојбата е лоша. Позадински зошто растат трошоците е прашање кое треба да го поставиме, тие растат исклучиво како резултат на склучување на договори во 4 очи, особено кај производството на електрична енергија. Затоа имаме огромни трошоци денес. ЕСМ има добиено повеќе од 300 милиони евра последните години, пари од граѓаните од буџетот и со тоа се покриваат дупките во недомаќинското трошење, изјави таа. Димитриеска Кочоска додаде дека прават трошоци, зголемуваат цена на електрична енергија, го вратија ДДВ-то, повторно трансферираат пари, ЕСМ постојано има недостиг на пари. - Од 2019 година до денес цената на електричната енергија е зголемена за повеќе од 50%, граѓаните плаќаат повисока цена. Како расте цената нас не принудија да штедиме и ако ги погледнеме сметките можеби изгледаат малку поголеми но, ако погледнеме колку трошиме како киловати, колку загреваме, ни го нарушија квалитетот на живот, а имаме повисоки сметки за струја заради тоа неодговорно однесување на владата, рече Димитриеска Кочоска.

Димитриеска-Кочоска: Бизнис секторот ништо добро не очекува од Владата, најголемата криза во Македонија е што СДСМ е на власт

Тале Кристо — Sun, 15 Oct 2023 12:42:58 +0000

Најголемата криза во Македонија е што СДСМ е на власт. СДСМ и ДУИ направија во Македонија да има поголема криза отколку што е кризата било каде на друго место во Европа и во светот, рече Гордана Димитриеска - Кочоска, потпретседател на ВМРО-ДПМНЕ на денешната дебата во рамки на кампањата важно! Од Тебе зависат промените што се одржува во Неготино. Власта не знае што прави, оцени потпретседателката и додаде дека немаат идеи и оти ние имаме поголема инфлација од било каде во регионот. Таа објасни како стигнавме до тука. „Постојано зборуваме за инфлацијата , а они многу често ја врзуваат со кризите. Меѓутоа во уште во мај 2021 година кога никој не зборуваше за инфлација јас имав текст во кој кажав дека веќе почнува да расте инфлацијата во Македонија и тоа беше период кога инфлацијата во Македонија беше повисока од онаа во ЕУ и беше знак дека нешто се случува’, кажа Кочоска. Кочоска се осврна прво на законот за минимална плата каде како што рече минималната плата не ја пратеше продуктивноста. „Легитимно е секоја влада да носи мерки, за поздравување е да се зголеми минималната плата, но знаеме дека мора да ја следи продуктивноста. Во 2019 година донесоа еден закон со кој придонесите на приватниот сектор ги субвенционираа нешто што потоа го укинаа и сега наместо паралелно со законот за зголемување на минимална плата требаше да внимаваат на продуктивноста на компаниите или требаше и мерки да му помогнат на секторот да ја зголеми продуктивноста, ама ги немаше. Така овој пораст на плати се прелеа на крајните цени“, кажа Кочоска. Според неа и во земјоделието откако се на власт, субвенционирањето или го намалуваат или е на исто ниво. „И така ќе видите дека помошта што ја добиваат од година во година е помала и од статистика ќе видите дека од година во година увозот на земјоделските производи расте, има се помало производство на млеко, пченица и ако ова не беше знак не знам што повеќе требаше само соодветно да реагираат“, кажа таа. Кочоска укажа и дека зборуваа за прогресивно оданочување, за сузбивање на сива економија па додаде дека донесоа мерка или дефиниција дека не може да има плаќање во готово повеќе од 500 евра. „Па и тоа го сменија и во суштина во континуитет го менуваа начинот на однесување што создаваше една непредвидливост кај приватниот сектор и сето ова ги менуваше очекувањата и тој сектор почна полека да ги зголемува своите цени на финалните производи“, кажа Кочоска. Според неа ова е првата фаза кога влеговме во висока инфлација. Таа укажа дека клучно е и тоа што цената на електричната енергија расте, а расте зошто ЕСМ го проби дното во најмало годишно производство на електрична енергија. „И кога во се се намалува производство почнавме рано да одиме кон растење на инфлација. И потоа се почна со задоцнети мерки, потоа почна војната во Украина“, кажа таа. Вториот момент, додаде Кочоска, кој исто беше задоцнет и непредвидлив е тоа што ја замрзнаа трговската маржа. „А кога ќе ги прашате што значи, никој нема да ви каже, сложена проблематика е. Кога видоа дека тоа не функционира почна да замрзнуваат цени, а кога ќе ги одмрзнат почнуваат многу да растат. И ако ги видиме бројките на инфлација за 2022 јули, август и како растела во однос на просекот во 2021, тој просек ќе ви каже дека јули 2022 сме имале пораст на инфлација или 23,4 проценти, во август 27 проценти. И ова е исклучиво на храна и се гледа дека мерките не дале резултат, ама пак го прават истото замрзнуваат цени“, заклучи таа. Оттука, кажа Кочоска, бизнис секторот ништо добро не очекува од Владата и тоа го вметнува во крајните цени. „Не може секој ден да им менувате мерки, менувате ДДВ, носите прогресивен данок и слично, а од друга страна им растат и каматите на кредитите значи фирмите имаа само непредвидлива околина.. Притоа повеќе од 80 посто од платата граѓаните ја трошат на храна“, кажа Кочоска.

Димитриеска Кочоска: Во војна помеѓу приватен сектор и Влада страдаат граѓаните, а власта не презема ништо за да ги заштити од ценовни шокови

Ивана Ефремовски — Thu, 14 Sep 2023 18:17:43 +0000

Имаме период каде државата треба да троши на капитална инвестиција, а да ги намали останатите трошоци. Ние во капитални инвестиcии во континуитет гледаме пари кои се трансферираат кон одредени институции, а понатаму се трошат за оперативни расходи. Значи само стои под капата капитални, а во суштина не е така. Демографскиот фактор е сериозен проблем и се помалку имаме работна сила и се борите да ги задржите луѓето и имате повисокои трошоци за платите. Значи на некој начин се вртиме во круг, рече Гордана Димитриеска Кочоска, потпретседател на ВМРО-ДПМНЕ на гостување во емисијата Вин вин што се емитува на телевизија Телма, а говорејќи на тема околу актуелните еконосмки прашања во државава. Според неа, Народната банка нема инструменти и ги покачи каматните стапки. „Тоа сега кај фирмите прави дополнителен трошок кој повторно оди кај финалниот производ. И ова сега е во континуитет. Ние се вртиме во еден магичен круг кој нема крај“, вели Кочоска. Кочоска додаде: „Имам впечаток дека Владата не ги истражува вистински кои се факторите зошто кај нас ако пост ковид причината беше понуда и побарувачка за повиски цени, сега инфлационите очекувања се најголем проблем и затоа растат цените, а тоа е најтешкиот облик што може да се искорени, а ние стигнавме до таму“. Кочоска заклучи дека инфлацијата кај нас стана системски проблем. Според неа „во војна помеѓу приватен сектор и Влада страдаат граѓаните тоа се покажа со ова што се случува со цените кај нас“. „Ако имате корупција, криминал, неконтролирано трошење на Буџетот и во исто време носите даночни реформи во кој планирате дополнително да го оптоварите приватниот сектор, нормално е фирмите да менуваат математики, тука требаше државата да ги заштити граѓаните“, вели Кочоска.

Димитриеска Кочоска: Високата инфлација во Македонија е поради тоа што власта во континуитет влече погрешни одлуки

Ивана Ефремовски — Thu, 14 Sep 2023 18:01:27 +0000

„За законот за не фер трговски практики зборувавме на почетокот на годината токму јас и Крешник Бектеши и уште тогаш зборував дека тоа е една од причините поради кои имаме повисока инфлација од таа која можеби би требало да ја имаме меѓутоа во тој период сите го зборуваа истото. Тоа беше почеток на година, сега месец септември сме а многу доцниме со се“, истакна потпретседателката на ВМРО-ДПМНЕ, Гордана Димитриеска Кочоска во вечерашното гостување во емисијата „Вин Вин“ на Телевизија Телма Таа додаде дека тоа веќе во Хрватска е воведено, во Србија исто и тоа не е нешто ново во Европа туку го има од пред неколку години, а ние доцниме. „Еве еден пример како ние доцниме со се, кај нас инфлацијата се случува токму како резултат на тоа што ние во континуитет влечеме проблеми од некои или погрешни одлуки од некој минат период. Кога зборуваме ние за инфлацијата во Македонија, не зборуваме само откако се случи војната во Украина, туку ние за инфлација зборувавме во месец мај 2021 година. Во Македонија веќе првите инфлациски промени се случуваа уште во тој период, односно од покачувањето на струјата 2020-та година негде тоа беше во Август, од Септември, Октомври почнува по малку за да од Мај 2021-ва година и натака веќе да се случува поинтензивно“, истакна Димитриеска Кочоска. Таа посочи дека не е само овој закон причината зошто имаме повисока инфлација, туку има многу причини. „Уште 2019-та година Владата донесе еден закон за минималната плата, ја зголемуваме минималната плата со одлуки на Влада, а продуктивност немаме. Светска банка во своите извештаи во континуитет зборува за продуктивноста, кога вие немате продуктивност, а имате раст на плати тоа мора некаде да се префрли, газдата не може да произведува и да продава помалку, а ваму трошоците да му растат. Ги прелева во финалната цена и ние плаќаме поскапи производи и тоа беше првиот момент“, потенцираше Димитриеска Кочоска.

„Буџетот за 2023 е инфлаторен, планиран на база на инфлација, наплатата се намалува, во делот на приходите ќе недостасуваат 300 милиони евра“

Тале Кристо — Mon, 04 Sep 2023 19:01:25 +0000

„Ако ја погледнете фискалната стратегија, во однос на претходната ќе забележите дека во делот на даночните приходи дури имаме и намалување, за разлика од тоа имаме раст на придонесите во делот на наплата на приходи што повеќе од јасно кажува дека оваа Влада очигледно иднината ја гледа преку раст на плати, а во делот на даночните приходи никакви промени“, истакна потпретседателката на ВМРО-ДМНЕ, Гордана Димитриеска Кочоска во вечерашното гостување во „Интервју 24“ на Телевизија 24. Таа додаде доколку се погледне Буџетот ќе се види дека околу 300 милиони евра ќе фалат во делот на приходите во однос на тоа што беше буџетирано. „Во исто време спомнуваат дека имаат борба со сива економија, ќе воведуваат е фактура што би значело на некој начин намалување на сивата економија. Но ако ги погледнеме бројките и видиме дека даночните приходи малку ги намалуваат во однос на претходно тоа јасно кажува дека тие немаат воопшто никаков концепт за борба со сивата економија“, кажа Димитриеска Кочоска. Таа истакна дека ДДВ-то за 2023-та година е со катастрофална наплата односно во суштина на исто ниво како со 2022-ра година и нема никакви промени. „Проблемот укажува, ние и на почеток зборувавме дека Буџетот е исклучиво за 2023-та година планиран на база на инфлација и е инфлаторен и ништо повеќе од тоа. Во самата фискална стратегија зборуваат дека веќе потрошувачката кај населението се намалува, тоа е како резултат на високите цени и куповната моќ се намалува“, изјави Димитриеска Кочоска. Таа кажа дека доколку се планира поголема наплата на придонесите тогаш значи дека се очекува повисока инфлација па затоа платите да растат или пак е во прашање демографскиот проблем „Ако планирате поголема наплата на придонесите во периодот што следи тоа значи дека или вие очекувате и понатаму висока инфлација па како резултат на тоа платите да растат или пак имаме друг проблем кој е реален проблем во Македонија, а тоа е демографскиот да кажеме се повеќе имаме иселување од Македонија и се помалку деца се раѓаат меѓутоа ако немате политика како да ги задржите младите и да го спречите иселувањето природно доаѓа до притисок и зголемување на платите“, потенцираше Димитриеска Кочоска.

Димитриеска Кочоска: ВМРО-ДПМНЕ уште пред две години алармираше за Онкологија

Тале Кристо — Mon, 04 Sep 2023 18:22:10 +0000

Два дена еве како јавноста е вознемирена од тоа што се случува на Онкологија иако да не заборавиме уште пред две години ВМРО-ДПМНЕ даде некои информации по однос на некои такви случувања на клиниката за онкологија. Уште тогаш институциите требаше да постапат по однос на нашите реакции“, истакна потпретседателката на ВМРО-ДПМНЕ, Гордана Димитриеска Кочоска во вечерашното гостување во „Интервју 24“ на Телевизија 24. Таа додаде дека згрозени се сите, тоа е неспорно и дефинитивно институциите треба да постапат, овде треба сериозна кривична одговорност. „Ова е уште еден доказ дека во државата никога не се реагира на време или да кажеме не до крај се испитуваат работите. Како резултат на тоа е тоа што ние пред две години сме кажале и никој не реагирал, во меѓувреме еден куп смртни случаи и можеби дел од нив ако не можеле да се спасат“, кажа Димитриеска Кочоска. Таа истакна дека станува збор за многу сериозен случај каде институциите не само што треба да постапат туку за многу краток период треба да го решат случајот. „Ние постојано зборуваме за корупција и криминал. Има корупција и криминал од различен тип, но ова е веќе нешто сериозно тука зборуваме за на некој начин убиства на луѓе. Ако не пристапувате или она што е лекарска обврска да ги спасуваат луѓето тука напротив спротивно на тоа работеле за тоа што дале заклетва“, вели Димитриеска Кочоска. Таа потенцираше дека нема полошо нешто од тоа да се прават политички поени или да се кажува дали биле во право или криво кога станува збор за човечки животи. Таа заклучи дека секој еден кој се огрешил пред законот треба да одговара кога станува збор за човечки животи.

Димитриеска Кочоска: ВМРО-ДПМНЕ нема да го поддржи законот за данок на солидарност

Ивона Петрова — Sun, 16 Jul 2023 10:18:41 +0000

Гордана Димитриеска Кочоска, потпретседателка на ВМРО-ДПМНЕ на денешната трибина насловена „Погрешните економски политики-предизвик за преживување на стопанството и граѓаните“ во организација на партијата вели дека само еден ден пред одржување на јавна дебата за законот за данок на солидарност како политичка партија добиле покана од страна на министерот за финансии, укажувајќи дека вакви крупни работи треба да се комуницира со тие кои што ќе го доживеат најголемиот удар од ваквата законска новина, а тоа се коморите и компаниите. Некаде на почетокот на јануари месец, министерот за финансии ни достави покана на која што требаше да присуствуваме на една јавна дебата која што ја организираше Министерството за финансии. Но, не покани еден ден пред да се случи тој настан, а притоа не информира дека ќе воведува нов закон односно нов данок, што беше шокантно за нас како политичка партија, бидејќи нели станува збор за сериозно. Не покани еден ден пред состанокот и немаш време да се подготвиш, односно сметам дека за вакви крупни работи треба да се комуницира со коморите и компаниите, односно тие кои што ќе го доживеат најголемиот удар од ваквата законска новина, рече Димитриеска Кочоска. Димитриеска Кочоска потенцираше дека тие не присуствувале на тој состанок, но испратиле документ во кој јасно дефинираат дека ВМРО-ДПМНЕ е против тој закон. Ние не присуствувавме на тој состанок, но писмено ги информиравме каде што кажавме дека сме против овој закон и денеска исто стоиме на истиот став, изјава таа. Според Димитриеска Кочоска има големи недоречености во законот додавајќи дека владата која е најголем извор на криминал и која што не се откажала од ниту еден трошок измислува закон нови давачки за компаниите. Солидарност значи кога сите заедно солидарно ќе учествуваме во нешто. Е сега владата која што е најголемиот извор на корупција и криминал, која што не се откажа од ниту еден трошок, која што ги полни во континуитет своите џебови сега има празен буџет и притоа измисли еден нов закон за данок на солидарност, објасни Димитриеска Кочоска. Кај нас одиме со закон за солидарност при што не дефинираме за кои дејности ќе биде, туку ставаме една граница и велиме сите компании кои што имаат над 10 милиони евра приходи. Значи влада која што месец дена пред тоа планира скоро 1 милијарда евра на оние разни трансфери, најкоруптивни, најсомнителните каде што нема јасна дефиниција на што ќе се трошат, и во исто време паралелно спрема еден данок врз основа на кој што вели дека ќе обезбеди дополнителни во буџетот 90 милиони евра, истакна таа. Димитриеска Кочоска вели дека владата на СДС врз основа на законот за данок на солидарност и собирање на 90 милиони евра сака да си го покрие неодговорното работење, потенцирајќи дека државата само врз основа на казнени пенали за раскинатите договори за изградба на Клиничките центри во Скопје и Штип, надзорот на коридорите 8 и 10д, како и издавање и повлекување на еврообврзницата ќе плати многу повеќе. Колку се 90 милиони евра? Значи 53 милиони евра плативме само за надзор за изградба на коридорите 8 и 10д. Нешто повеќе од 18 милиони евра ќе платиме поради грешките на министерот за финансии, влада, министерот за правда како и да го дефинираме во оној период која ја издадовме еврообврзницата па се повлековме, па ја ре-издадоа, зошто немаше кој да ја потпише во Министерството за правда. Го раскинавме договорот за изградба на Клинички центар во Скопје каде што исто така имавме казнени пенали повеќе од 20 милиони евра, го раскинаа договорот за Клинички центар во Штип повторно казнени пенали. И вака по принципот на казнени пенали ќе добијам многу повеќе од 90 милиони евра. Значи собираме 90 милиони евра пари со кои што треба да покријат неодговорност на владата, децидна е Димитриеска Кочоска. Димитриеска Кочоска порача дека ВМРО-ДПМНЕ никогаш нема да го прифати и да го гласа овој закон за данок на солидарност, како и дека за сето ова кое што го прави владата на СДС и ДУИ на стопанството и граѓаните ќе одговара. ВМРО-ДПМНЕ никогаш нема да поддржи ваков закон и може да коментираат колку сакаат дека сме блокирале. Да ќе блокираме и секогаш ќе блокираме секогаш кога тие ќе теретат една група на граѓани да плаќаат и нема да биде еднакво за сите. И она кое што е клучно секогаш ќе бидеме против за да се полнат нивните џебови и да можат уште малку да покрадат бидејќи знаат дека следуваат избори и ќе се смени власта, и ќе одговараат за ова што го прават како на стопанството така и на граѓаните, порача Димитриеска Кочоска.