Гордана Димитриевска Кочоска – Kurir.mk

Димитриеска Кочоска: Владата на СДСМ за само 3 години ги задолжи граѓаните за над 2.3 милијарди евра

Дарко Андоновски — Sat, 23 Apr 2022 09:27:08 +0000

Најавите за ново задолжување од владата ќе ја фрли Македонија на колена. За само две години Владата на СДСМ и ДУИ не задолжи со нови 1,6 милијарди евра, а со новото повисоко задолжување оваа година кое го планираат со ребалансот на буџетот, новиот долг за само три години ќе биде 2,3 милијарди евра и ќе достигне историски ВРВ од 7,9 милијарди евра. Со вакво темпо на задолжување, вкупното задолжување коешто го направи оваа влада за период од 6 години го надмина 10 годишното задолжување на претходната влада на ВМРО-ДПМНЕ – само за споредба 3,2 милијарди евра за 6 години, наспроти 2,9 милијарди евра за 10 години, ова денеска преку прес-конференција го истакна Гордана Димитриеска Кочоска од ВМРО-ДПМНЕ. -Но, зошто се задолжија? Во 2020-та година се задолжија за да и помогнат на државата во услови на здравствена и економска криза. Дали успеаја? НЕ. Најлоши сме во поглед на борбата со пандемијата во светски рамки и најлоши сме во остварувањето на економијата. И покрај високото задолжување не успеа да ја стабилизира економијата во 2020-та година при што доживеавме најдлабок пад по оној од осамостојувањето од 6,1%, пад којшто беше двојно повисок од интерниот конфликт во 2001 година и пад којшто беше најдлабок во регионални рамки. Во 2021 година имавме раст на економијата од само 4%, што е најслабо остварување во регионални рамки. Немавме ниту една капитална инвестиција, ниту еден изграден регионален или пак да не зборуваме за автопат, ниту една изградена градинка, спортска сала. Ама затоа имавме скандали со набавки на софтвери, на консултански услуги, на фстаци и бадеми, на златни лажици и вилушки, поткуп со картички пред избори. И сега на повидок е ново задолжување кое го правдаат со енергетската криза и негативните ефекти од војната во Украина. На сите ни е јасно дека повторно оваа Влада не се справува успешно со кризите, како што не се справија ни со кризата предизвикана од пандемијата, вели Димитриеска Кочоска. Таа додава дека и сега, најавија заем од ММФ за предпазливост и ликвидност со кој ги потврдија нашите стравувања во неколку сегменти: 1. Нели буџетот ни беше ликвиден? Според министерот приливите во буџетот се собираа според планот, немаше потреба за брз ребаланс, се беше под контрола. Но, самиот заем од ММФ кажа дека е за буџетско финансирање коешто и оваа година со ребалансот ќе го прошират, зошто повеќе трошат отколку што собираат приходи. А, приходите се собираат заради високата инфлација, а не заради добрите остварувања во економијата. Ако не беше така, ќе имавме уште поголема буџетска дупка. 2. Според министерот за финансии, квалификувањето за овој заем од ММФ не прави посигурни пред инвеститорите на меѓународните финансиски пазари. Ова било потврда дека Владата има здрави економски политики. Значи без потврда на ММФ, инвеститорите немаа доверба во политиките на Владата, и затоа еврообврзница за оваа година се одоговлечува. Веројатно, немаше кој да инвестира во неа, што ќе беше погубно за рејтингот на нашата држава. 3. Пониска каматна стапка од 1% со заемот на ММФ, наспроти очекуваната од 4,5-5% којашто треба да ја платиме ако издадеме еврообрзница. Го прашувам министерот, што се смени за една година кога се фалеше дека заради добрите политики на Владата и добриот кредитен рејтинг ни дадоа историски ниска камата на тогашната еврообврзница од 1,65%? Значи, инвеститорите се уплашиле дека оваа Влада не испорачува добри политики како што ги ветуваа или пак ниската каматна стапка од лани беше рефлексија на условите на пазарите, а не на достигнувањата на оваа Влада ?И едното и другото е точно, со што се демантираше фалењето на Владата од претходната година. 4. Доколку имаме ваква линија за финансирање, тоа ќе значи зајакната контрола на буџетските средства од страна на ММФ. Нема да има раст (или не висок) на платите во јавниот сектор, што ќе биде алиби на Владата дека немаат можност да ги зголемат истите. А, зошто немаше пари за раст на плати во јавниот сектор? Од 2019-2021 година вкупниот број на партиски вработувања во јавниот сектор порасна за околу 30.000 луѓе, што го стесни просторот за раст на плати. Воедно, од непродуктивното трошење на оваа Влада и од никаквите напори за да се оданочи сивата економија, нема простор за раст на платите. 5. Средствата од оваа линија од ММФ се за финасирање на буџетскиот дефицит, но и за предпазливост. Не мора да се искористат во целост според министерот. Ова е само потврда дека покрај заемот од ММФ се спремаат и да издадат и еврообврзница годинава. Задолжувањето нема крај. -На сите ни е јасно дека македонската економија е исправена пред уште еден силен предизвик. Војната во Украина и економските санкции на Западот кон Русија ќе имаат тешки и долгорочни последици врз светската, а со тоа и врз домашната економија. Инфлацијата ја јаде куповната моќ на парите, а платите не растат со темпо на инфлацијата. Фирмите се соочуваат со тешкотии во пласманот на странските и домашниот пазар, со зголемени цени на импутите во производство, со намалени изгледи за раст на бизнисот. Нерамнотежата во платниот биланс во подолг временски период е висока, а населението се плаши за денарските заштеди. Државата исправена пред овие предизвици треба да ја води кредибилна Влада. Влада којашто нема да работи во корист на сопствено збогатување и расипничко трошење. Оваа Влада ги изгуби сите битки со сите кризи. Оваа Влада своите лични интереси ги стави пред државните интереси - како во политиката, така и во економијата. Време е да се смени. Затоа повикуваме на предвремени парламентарни избори, истакна Димитриеска Кочоска.

Димитриеска Кочоска: Власта им го поскапи животот на граѓаните, платите мора да растат за сите согласно растот на минималната плата

Ивона Петрова — Wed, 23 Feb 2022 06:40:47 +0000

Власта им го поскапи на граѓаните животот од секој аспект, зголемена е цената на електрична енергија, поскапо парно, трошоците секојдневно растат, а да не зборуваме за храната, лебот и житата кои во континуитет растат. Нема некој што е против покачување на минимална плата, но треба да има покачување на сите останати плати затоа што трошоците на граѓаните растат, изјави за „Заспиј ако можеш“ на Алфа телевизија Гордана Димитриеска Кочоска, потпретседателка на ВМРО-ДПМНЕ. Сега власта на сите останати на кои не им ги покачи платите бара да се солидализираат. Премиерот има приватна компанија, претходниот премиер исто имаше и тоа повеќе. Зошто тие не се солидализираат добивките и парите да им ги дадат на народот? Ние побаравме прилагодување согласно минималната плата и на останатите плати согласно коефициентите на сложеност на работата и тоа не само за приватен сектор туку и јавен сектор каде е сериозен проблемот, изјави Димитриеска Кочоска. Таа додаде дека власта се фали како да направиле нешто големо, ама нека погледнат што може граѓаните да купат со тие 18.000 денари, додавајќи дека додека СДСМ се фали во Македонија опаѓа продуктивноста. - Продуктивноста е падната за време на СДСМ и тоа го кажуваат и меѓународни институции и постојано не предупредуваат и власта ништо не презема. Продуктивноста како БДП по вработен во денари, во 2016 година била 601.000 денари, за во 2021 да е 575.000 денари. Значи паднала продуктивноста за време на СДСМ и власта не направи анализа која е причината за падот, а фактите се дека нема инвестиции, се вработува само во јавен сектор, има сива економија, нагласи Димитриеска Кочоска. Таа додаде дека и јавниот долг вртоглаво расте во Македонија и тој веќе е стигнат на 7 милијарди и 135 милиони евра, што е огромна бројка и се зголемување за 2,4 милијарди во однос на 2016 година и никој не знае каде се потрошија тие 2,4 милијарди евра изминативе 4-5 години имајќи предвид дека ситуацијата во економијата е катастрофална. Димитриеска Кочоска истакна ниту продуктивност има ниту инвестиции има, власта како да не живее во Македонија, бидејќи капиталните инвестиции не се реализираат, а по странски инвестиции сме најслаби во регионот. - Откако е СДСМ на власт состојбата со капиталните инвестиции е алармантна, воопшто ништо не се реализира или е со послаб интензитет. Капиталните инвестиции се нешто што може да се видат со голо око, ама сега не гледаме ништо. Сега сме и на дното по странски инвестиции. Странски директни инвестиции како процент од БДП во 2019 година се 3,2%, 2020 година 1,9%. Од друга страна Косово во 2019 година имале 3,6%, а 4% во 2020 година. Србија има 7,8%,а во 2020 4,8%, сите се пред нас, рече Димитриеска Кочоска.

Димитриеска-Кочоска: Вистинскиот раст на вредноста на извозот во првиот квартал од 2021 е 18%, а не 29% како што тврди Владата

Катерина Бојаџиева — Thu, 06 May 2021 15:02:52 +0000

Повторнo помпезен ПИАР на Владата. Дали е извозот годишно пораснат за 29% во првиот квартал на 2021 година! Ако ја гледаме вредноста во долари да. Ако ја гледаме вредноста во денари и евра НЕ. Вредноста на извозот во денари (и евра) е порасната за 18% во првиот квартал на 2021 година во однос на истиот период лани. Растот од 29% е врз база на доларската вредност и во себе ја содржи депрецијацијата на американскиот долар од околу 8,5% за една година (или апрецијацијата на еврото и денарот во однос на доларот), пишува Гордана Димитриеска Кочоска од ВМРО-ДПМНЕ. -Плус, ова е номинален раст од 18%, тоа значи во себе содржи и количинска и ценовна промена. Вистинскиот раст на извозот (количински) кој е составен дел и од БДП, дава друга слика. Податоците за март за извезените количини сѐ уште не се објавени, но во периодот јануари-февруари 2021 година во однос на истиот период лани имаме количински пад на извозот од 4,9%, при номинален раст од 9,8%. Ова значи дека не произведуваме и извезуваме повеќе, туку дека растат цените на извезените производи. И уште нешто, Заев и Владата се фалат за растот на извозот којшто во најголем дел е генериран од новите производствени капацитети во слободните индустриски зони. Оние кои ги донесе претходната Влада на ВМРО-ДПМНЕ, а кои беа жестоко критикувани од оваа Влада. Не знам на овие од власта како не им е срам! Или пак, па и нема со што да се пофалат самите, не направија ништо за 4 години владеење! Добро е што претходните политики уште не вадат како држава и во ваква криза!, додава таа на Фејсбук.

Димитриеска Кочоска: Битиќи повторно го демантира Заев, антикризните мерки се 350 милиони евра, а не 1 милијарда евра

Дарко Андоновски — Tue, 16 Mar 2021 12:31:39 +0000

Честито Битиќи! По втор пат со тврдење дека помошта е 350 милиони евра го демантираш Премиерот и многу други официјални и партиски лица за тврдењето дека помошта од пакетите за КОВИД-19 е 1 милијарда евра, ова денеска преку Фејсбук статус го истакна Гордана Димитриеска Кочоска од ВМРО-ДПМНЕ. -И самиот призна дека станува збор за тоа што ние во континуитет го говоревме уште на самиот почеток. Дека дупката во буџетот ќе биде голема зошто реализацијата на приходите беше значајно пониска од она што се планираше во 2020 година. И пак тука се побивте сами. Премиерот и министерот викаа дека буџетот е во добра кондиција! НЕ БЕШЕ и НЕ Е. Но, и покрај тоа, вие најдовте пари за ГАМА, не ги сопревте вработувања во јавна администрација по партиски клуч, не ги сопревте неродуктивните трошења, а не обезбедивте дополнителни пари за здравство? Ни изостана директната помош од ЕУ (без камати), а скокате за заемот од Светска Банка на кој ќе плаќаме камата. И уште скокате и скокате, а јас потпишав речиси 1 милијарда евра задолжување за да можете да трошите за здравство и за економијата. Патем, вашата тогашна министерка можеше и сама да го потпише заемот. Тоа што не направивте вистински приоритети, туку ги реализиравте вашите приоритети е проблем кој како товар ќе го носат сите граѓани долго после кризава, пишува Димитриеска Кочоска. Таа додава дека и доста за разликата во камати. Објаснив како не се мешаат баби и жаби во еден претходен напис (прочитајте и научете). А за тоа на што се потрошило во минатото од задолжувањето сите знаат и гледаат. Не е Скопје 2014 главниот ваш проблем. -Проблем за вас е што немаше само едно училиште (како во ваше време), туку имаше стотици нови изградени и реновирани училишта, градиники, спортски сали, стадиони, локални и регионални патишта, автопати. А ВИЕ со ШТО ќе се пофалите? Не можете ни белите ленти на патиштата да ги обновите. И за тоа дека сме многу успешни во справување со кризава – дека сме една од земјите со најниски стапки на пад на БДП во 2020 година, пак манипулација! Има многу земји од ЕУ што се подобри од нас (вкупно 13). Полоши се оние земји кои имаат голем удел на туризам во БДП и оние кои имаа неколку месечни карантини и затворени економии. А ние? Ни тоа, ни тоа, а пак домашната побарувачка има голема контракција. На помош ни е опоравувањето на извозoт, и тоа од странските капацитети во зоните кои под влијание на побарувачката во Германија/ Кина почнаа да извезуваат. Пак резултат од претходнитe политики на ВМРО-ДПМНЕ, не ваш!!! Пак ве вадиме... И за крај, Битиќи вие како Влада ниту во еден момент не планиравте пад од 10% на БДП за 2020 година, па сега да се фалите дека сте успеале да го намалите?! Напротив. Падот го планиравте да биде 3,4%, па кога видовте дека тешко ви иде во справување со кризава ревидиравте на 4,4%. За разлика на пример од Германија (нели сакаме да играме во лига на шампиони, не во регионална лига), каде падот иницијално беше проектиран на 6,6%, а заврши со 4,9%. Обратно од Македонија! И господо, со вас не сме ни за регионална лига!!!, вели Димитриеска Кочоска во својот пост.

Честито Битиќи! По втор пат со тврдење дека помошта е 350 милиони евра го демантираш Премиерот и многу други официјални... Posted by Гордана Димитриеска-Кочоска on Вторник, 16 март 2021

Димитриевска Кочоска: Растот проектиран од владата од 4,1% за 2021 година нема да се случи и е нереално проектиран

Дарко Андоновски — Sat, 23 Jan 2021 13:47:17 +0000

Членот на извршниот комитет на ВМРО – ДПМНЕ Кочоска истакна дека приходите се нереално проектирани за 2021 година а тие се засноваат на предвидувањата на владата за економски раст од 4,1 %. - По однос на она што се случува за 2021 повторно како резултат на фактот дека имаме помали приходи за 5,2 % во последнот квартал 2020 во однос на истиот период 2019 јасно е дека и 2021 година приходите се нереално проектирани и тоа нема да се случи појасни Димитриевска –Кочоска. Димитриевска – Кочоска неостварувањето на економскиот раст од 4,1 % кој го проектира владата го поткрепува со неколку факти и тоа доцнење на вакцинацијата на населението и создавање на нормали услови за бизнис, голем број на ново невработени лица, намалена потрошувачка, лоша клима за странски инвестиции и воздржување на другите компании од вложување што би значело дека Македонија ја чека уште една тешка година на економски план. - Тоа го поткрепувам со неколку факти. Прво ние немаме почнато со вакцинација, нема почнато со обезбедување на нормализирани услови за стабилизирање на економијата, немаме ефикасен план за набавка на вакцини за ефинаска имунизација на нашето не така бројно да кажам население. Можеби ќе бевме лидери за обезбедување на услови за подигнување на мерките кои го ограничуваат работењето како на услужниот така и на останатите бизниси. Но се касни со вакцината, ќе се касни и со создавање на услови за нормализација на бизнисот. Воедно имаме висок број на нови невработени лица, намалени плати, страв кој што го креира владата така што не очекува тешка година во која што повторно ќе имаме воздржување од потрошувачка и во нареден период. Компаните се исцрпени, климата за инвестиции е неповолна комплетно со ваква влада, така да не очекуваме незнам какви инвестиции во приватниот сектор. За странските инвестиции воопшто не сакам да дискутирам таму наместо прилив имаме одлив. Се стеснува фискалниот простор за подршка на бизнисот и таму состојбата е алармантна – истакна Димитриевска Кочоска.

Димитриевска – Кочоска: 2020 година е една од најтешките економски години поради неснаоѓањето на владата за справување со кризата

Дарко Андоновски — Sat, 23 Jan 2021 11:54:22 +0000

Членот на извршниот комитет на ВМРО- ДПМНЕ Гордана Димитриеска Кочоска во гостување на „Македонско Радио“ кажа дека 2020 година е една од најтешките економски години во историјата на државата како заради падемијата но главно заради неснаоѓањето на владата за поуспешно надминување на истата. - За да може да проектираме што е она што не очекува наредниот период најпрво треба да направиме една кратка анализа за сето она што го оставаме зад нас во 2020 година. И да кажеме можеби една од најтешките години за македонската економија како заради пандемијата така и заради неснаоѓањето на владата за поуспешно намдинување на истата кажа Димитриеска – Кочоска. Димитриеска – Кочоска истакна дека бројките и податоците јасно покажуваат катастрофална реализација на приходите за 2020 споредено со 2019 година ако се земе предвид фактот дека последниот ребаланс беше во средината на октомври, што јасно покажува едно нереално планирање на само 2 месеци пред крајот на годината. - Би започнала со она што го кажа министерто за финансии а воедно и претседателот на владата на заедничката прес конференција каде што кажуваа каква е реализацијата на приходите во текот на 2020 година при што помпезно кажаа дека 99 % од даночните приходи биле собрани. Кога ќе ги погледнеме малку пореално бројките врз база на сето она што тие го кажаа ќе заклучиме дека вкупната реализација на приходите била 96 , 7 % во однос на она што било планирано во вториот ребаланс односно на ниво на година 106 милиони евра имаме помалку остварено во однос на планираното. Или ако го гледаме само последниот квартал затоа што однесувањето во последниот квартал на некој начин покажува покажува како ќе влеземе во 2021 година. Во последниот квартал во средината на месец октомври ние имавме 2 ребеланс на буџетот каде што точно во ребалансот стоеше дека за 6,3 % ќе имаме раст на приходите во последнито квартал во однос на последниот квартал на 2019 година. Но наместо 6, 3 % повисоки приходи во однос на 2019 ние завршивме со 5,2 % помалку приходи помалку од 2019 година што јасно покажува дека имаме катастрофална реализацја односно нереално планирање на само 2 месеци пред крајот на годината потенцираше Димитриевска – Кочоска.

Димитриеска Кочоска: Никој не верува дека ќе има раст на економијата, само Владата на Зоран Заев верува во таквите измислици

Дарко Андоновски — Wed, 20 Jan 2021 11:50:36 +0000

Гордана Димитриеска Кочоска од ВМРО-ДПМНЕ преку статус на Фејсбук пишува дека никој не верува дека ќе има раст на економијата, само Владата на Зоран Заев верува во таквите измислици. -Никој не верува дека ќе има раст на економијата, само Владата на Зоран Заев верува во таквите измислици. Сите кажуваат дека е поскап животот, само Зоран Заев вели дека се зголемува животниот стандард. До кога со лагите и измислиците? Ќе понесе ли некој одговорност?, прашува Димитриеска Кочоска.

Никој не верува дека ќе има раст на економијата, само Владата на Зоран Заев верува во таквите измислици. Сите кажуваат... Posted by Гордана Димитриеска-Кочоска on Среда, 20 јануари 2021

Димитриеска-Кочоска: И штедачите на Еуростандард Банка потврдија дека повеќе од 8 милиони евра завршиле кај само една групација на струмички компании

Ивона Петрова — Tue, 03 Nov 2020 10:04:32 +0000

Постои една народна поговорка "На лагата кратки и се нозете". Па ако ја знаете уште од најрано детство ќе остане за навек врежана во главата, пишува на Фејсбук, Гордана Димитриевска-Кочоска од ВМРО-ДПМНЕ. Дека ништо не останало скриено е исто така реченица со која пораснав. И еве денес повторно таа реченица докажува дека ништо скриено не останало. Во средината на месец август, кога се објави стечајот за Еуростандард банка, ВМРО-ДПМНЕ беше прво кое информирше дека најголемите пари завршувале во струмички компании, а сега гледаме дека и штедачите на банката дојдоја до тие информации и дадоја податок плус дека повеќе од 8 милиони евра завршиле кај само една групација на струмички компании. Уште колку ненаплатливи кредити завршиле по струмички фирми? Дали овие пари се проневерени со цел да се финансира кампањата на владејачката структура оваа а и изминатите години бидејќи овие активности не биле само во тековната година. Дали конечно гувернерката ќе не удостои со коментар плус во однос на овој случај за кој не добивме никакво објаснување. Кога ја споменувам лагата веднаш ме асоцира на уште едно име. Затоа во овој пост ќе те споманам и тебе Венко Филипче, дај си оставка не се брукај. Времето покажува и докажува и за тебе дека си неспособен менаџер кој не гледа ништо подалеку од сопствениот џеб. Греота е да трошиш енергија на нешто за кое и тие твои папагали од видеото знаат дека нема фајде, не е Гордана крива за овој хаос. Овој хаос во здравството има само едно име, а тоа е Венко Филипче. Човекот кој со потпишана 1,1 милјарда евра не успеа да се справи со кризата. Нема друг таков во европа на кој во техничка влада му беа потпишани толку пари за справување со корона. А овој хаос во државата кој произлегува од мафијашки активности, пропаѓање на банка, криминални тендери, поткуп на избори, премногу жртви од корона има исто така едно име, тоа е СДС.

Димитриевска Кочоска: Власта ги излажа граѓаните за мерката „Викенд без ДДВ“

Ивана Ефремовски — Mon, 28 Sep 2020 17:37:34 +0000

Гордана Димитриевска Кочоска, член на ИК на ВМРО-ДПМНЕ во своето гостување во телевизија 24 говореше за мерката викенд без ДДВ која ја промовираше владата каде посочи дека оваа мерка има одредени недостатоци и не е онака како што владата ја најави. -Прво беше кажано дека ќе имаме викенд без ДДВ и беше кажано дека ќе биде септември. Не беше септември, се доцни. Втората работа која што сега ја кажаа е тоа дека секој еден граѓанин кога ќе отиде да пазари прво има лимит од 30.000 денари и второ кога ќе пазари ќе си го плати ДДВ што тоа значи дека ќе ја акредитираш државата со ДДВ додека не го чекаш повратот на ДДВ наназад. Според најавите беше кажано дека повратот на ДДВ ќе биде за 3-4 дена и тоа не е возможно да се оствари заради тоа што има технички проблеми во УЈП и жално е што во изминатиот период УЈП во некога институција што работи работи кои не се својствени за нејзе, истакна таа Таа посочи дека она што е многу битно е дека има граѓани кои што сега се погодени на платите, некои имаат минимални плати, на дел од граѓаните им се намалија, кризата тоа го наметна. -Ако имаме таква ситуација целта беше да имаме викенд без ДДВ, да нема 18%, тоа е како да добиле попуст од 18 проценти кога ќе платат помалку. А, сега им велите не, вие велите платете го ДДВ, па ќе ви го вратиме, што е сосема различно, додаде таа.

Димитриевска Кочоска: Очекувам институциите во иднина да бидат потранспарентни во однос на тоа каква ни е ситуацијата

Ивана Ефремовски — Mon, 28 Sep 2020 16:43:47 +0000

Гордана Димитриевска Кочоска, Член на ИК на ВМРО-ДПМНЕ зборуваше за сетовите на мерки кои вчера ги претстави владата на СДСМ каде истакна дека според Finance Think досега 193 милиони евра се реализирани од трите пакети на мерки , а владата вели дека овие три пакети на мерки тежеле 550 милиони евра. Според неа многу позначајно е транспарентноста на податоците во однос на тоа каква ни е ситуацијата во државата. -Прво морам да споменам, заменик министерот за финансии, Димитар Ковачевски спомена дека 550 милиони евра тежеле трите пакети. Но ние денес еве да не биде дека ние од ВМРО-ДПМНЕ сме пресметале ќе се повикам на Finance Think, институција која работи на анализи и таа вели 193 милиони евра до сега се реализирани од трите пакети на мерки или тоа се некаде 33% реализација. Притоа да не заборавиме последниот пакет на мерки тежеше 355 милиони евра, а од 355 милиони евра некаде околу 47,5 милиони се реализирани односно сега е дискутабилно нели за туризмот дали е комплетна реализацијата, некои велат дека 4 милиони некои велат дека се 12 милиони евра. Морам да напоменам дека ова е многу сериозен проблем од аспект на транспарентноста и очекувам од надлежните институции во иднина малку потранспарентно да ги кажуваат податоците каква ни е ситуацијата. Не го велам ова само на памет , туку Transparensy International во август имаше дадено едно мислење по однос на тоа каде Македонија по однос на транспарентното трошење на парите поготово за ММФ и тоа е баш направено за ММФ каде што е констатирано дека Македонија е едно од 21 земја кој не покажале транспарентно трошење на средствата и тука сме вброени со Албанија, Косово и БИХ. За разлика од тоа Црна Гора е земја која транспарентно покажала како ги трошела парите на ММФ, рече Димитривеска Кочоска Имено, таа додаде дека 150 милиони евра има кредити кои што државата ги планираше да ги пласира преку комерцијалните банки со 10 милиони државна гаранција која што ќе ја дадеше на комерцијалните банки и тој истиот тој предлог го имаме во овој предлог на четвртиот сет на мерки и сега не се 150 милиони евра туку се 65 милиони евра со 10 милиони евра како државна гаранција.